嘗樂 (譽都)

营业中

休息中

搬了屋之後就經常來幫襯。以一般茶餐廳來說，食物種類款式不少，絕大部份侍應也很友善。看到他們同事之間相處也融洽有講有笑，包括水吧廚房，所以這間茶餐廳對我來說是友善，有好感的餐廳。食物不過不失，價格也很友善。我個人喜歡吃煮得彈牙的公仔麵，這間的公仔麵數一數二。

我：熱奶茶想後上。員工答：唔得，因為今日係星期六日。我答：現在咁早，都係早上8點幾， （當時只係坐得1/3客人）員工答：唔得， 大家姐唔準熱飲後上。員工講 ：唔好令佢難做, 佢會比大家姐話（這句話， 我係接受嘅）我答：因為熱奶茶咁早上檯，冷氣吹凍左， 好難飲。員工再答：唔得， 唔鐘意你可以走你係我， 你們會走嗎？錢係用來花， 唔係買難受， 你一日未落單，還有得選擇。 如果果杯唔係熱奶茶， 你們會食溶咗嘅雪糕嗎？溶左嘅雪糕等同唔熱嘅奶茶感覺。

行完山同一班朋友食下午茶，8個人叫咗9個餐，其中一個是單叫一份多士，服務員落單時同我哋講餐都會有嘢飲，所以叫多一杯嘢飲，當埋單時竟收多一個餐飲$19，最後收銀員沒有退回$19，態度還很惡劣。😠

I was having a family dinner here last Sunday and this restaurant was kind of surprised me. Seeing the long queue even until 1930, it did look promising. Dishes were pretty economical and even sets were attempting. Unlike the common dishes you could find anywhere. We requested tofu balls stew, bitter melon stir fry with beef in fermented bean sauce and steamed choisum with fermented vegetables and minced. Today's soup was first served, turnip with corn. Refreshing and sweet. Love the naturalness

疫情後，我就冇再去過嘗樂堂食，因為覺得多人，好迫，試過外賣早餐之後就愛上了！早餐竟然供應到十二點，真係哭左，好感動！而且可以whatsapp下單，職員基本上係一分鐘之內回覆，好勁！而且冇試過落錯單！早餐仿鮑魚火腿通真係好好味！原因係：1- 熱辣辣2- 超大碗，仿鮑魚絲、火腿都好多3- 湯底好味4- 通粉冇發脹呢個通粉真係超正，每隔一排就會突然好想食！腸蛋多士就都係咁，包得好好。最後想講杯熱幻茶，真係好熱，叫少奶又真係比少奶！永遠懷念嘗樂！

放工同媽媽兩個人費事煮飯，就落街食嘗樂。🌟七味豆腐$39 豆腐有很重豆香味，炸得香脆好味🌟鮮果咕嚕肉$68咕嚕肉酸酸甜甜好開胃，加入左蕃茄、菠蘿同蜜桃提升左成碟餸嘅鮮味。份量好大碟，我哋差啲食唔晒。甜品會跟人頭送紅棗雪耳糖水，埋單仲有八八折，好抵食。

放假很自然想懶床，喜歡這裡的早餐，賣到中午十二時，實在太貼心。就算同枱親友想吃其他東西丶午餐也可以一齊去食，各適其適！早餐大致有六款選擇，我最喜歡就是香港茶餐廳常見的傳統早餐A，即是這裡的早餐C，只是$3x，已經吃到飽飽！牛油多士丶香腸丶太陽蛋 - 牛油多士塗滿牛油，但不是很脆那款仿鮑魚火腿絲通粉 - 湯底似是用了某某牌子的罐頭湯，所以覺得特別好味，仿飽絲有少少甜味，質感煙靭。粟米粒及火腿絲，算是很足料即磨咖啡

下午茶時間有D肚餓又唔知食咩好，就決定黎嘗樂少少地食個蝦球湯伊麵，心諗份量應該唔會太大，可以頂到下再去食晚餐。一黎到，就見到三隻大蝦球放左係正中間，之後有Ｄ菇係上面，旁邊就係幾條菜心，咁望落都唔錯既，唔係好hea咁剩係得蝦球同伊麵。食入口之後發現味道唔係咁濃，清清地，但係就覺得油比較多左少少，如果可以少Ｄ油應該會好Ｄ。好彩我跟餐叫左杯凍檸茶中和番。份量方面就真係一個正常下午茶既size，唔會太大唔會太細，對我黎講岩岩好。環境方面，依到樓底好高，感覺空間感好足夠，加上間餐廳本身都幾大，所以坐落都好舒服。

星期六帶小朋友去石澳沙灘放電，雖然都成四點先去到，只係玩咗兩個鐘，玩完後都好肚餓。搭巴士到筲箕灣食埋晚飯先返屋企，唔熟路嘅我哋揀咗呢間餐廳食小菜。大概7:15分，入面嘅食客續漸埋單走，我哋坐低後睇餐牌，原來7:30前離座或9:30後入座有88折。我哋三個大人兩個小朋友揀咗四個小菜，小味道可以，價錢公道。小朋友食咗幾啖後都就話要食粉麵都無點食，返到去又要煮嘢比小朋友食。全部都揀晒呢張細餐牌嘅小菜。惠顧小菜+$8不含味精老火湯，是日老火湯係節瓜章魚豬骨湯，好味。深海龍躉兩味：蒜蓉粉絲蒸龍躉頭腩，肉質新鮮，如果有果皮可能更好。翡翠炒龍躉球，甜豆爽口，肉質有少少老。風沙雞，有啲位太乾身，普通。脆薯牛柳粒，薯仔外脆，啲啲辣，幾香。

今天一早出門口想吃一頓豐盛的早餐，要知道現時在外面吃早餐價錢都不是太便宜的，但係原來屋企附近可以搵到一間價錢平得來質素亦有返咁上下的餐廳，就是說這一間嘗樂。今次叫了公仔麵配雞翼炒蛋。價錢10分便宜都是30多元，你知道外面吃出前一丁公仔麵的話要另外加錢，這裏不用。10分抵食。

筲箕灣電車路食店多，整條街有二三十種選擇，這一間內裡比較多位選擇也較多。選了豬扒漢堡扒飯，看似平平無奇，但豬扒軟漢堡扒重味，再加試蒜蓉汁配飯，食得好滋味！最適合鐘意平靚正既我。本來只有25分鐘午飯時間的我，食完還有15分鐘，慢慢散步。

嘗樂晚上小菜不錯，如果七點半前埋單，還有折。😊😊剛好這天下午路過，決定試下下午茶。下午茶餐有12款，三文治、西多士、雞肶等，另每個月有不同下午餐特餐$41，通常是炒粉麵等較飽肚的碟頭。餐飲可加$6要鮮奶，可凍可熱。嘗樂的食物選擇也算多。餐牌尤其是午餐、下午茶餐、晚餐都定期換款。蝦球湯伊麵下午茶餐 $37 😊伊麵通常會貴啲，而這碗又有蝦球，而且有三隻頗大又算質素不錯，只需$37，另一個細細份的芝士雞蛋三文治都要$30，我覺得衡量所有下午茶餐選擇，我推介CP值性價比最高者非此味蝦球湯伊麵莫屬了。雙拼三文治下午茶餐 $30芝士雞蛋三文治 ($30) 感覺單薄，好似無乜料，比起$37的蝦球湯伊麵，這個便得更無吸引力。服務方面，侍應有幾個是醒字派，同時亦有好幾個在態度、速度等有比較大的改善空間，這個下午茶的食評只屬一般。嘗樂晚餐我覺得比下午茶好，小菜其實我覺得不錯，比下午茶好。晚餐有壺茶，可選普洱、香片等，有一小碗免費糖水，通常不太甜，不錯的。下午茶則推介蝦球湯伊麵。

我唔係太喜歡食午餐，午餐太多肉，嘗樂茶餐廳早餐去到12點，於是我間中都會黎一黎。火腿通，唔好以為好大碗，其實湯多過通粉份量，同埋下次腸仔都係轉埋太陽蛋，腸太鹹凍咖啡，好多冰，令到以為奶既份量多左，實際係變淡左

今日第二次黎呢間野，首先，服務態度進步左好多好多，三個月前黎，服務差到想講粗口，相反，今次既服務值得比小費講完服務，講下d餐具先同上次一樣，髒到你想直接走唔好意思都要講句，大佬你收緊80up一個晚餐仲烏joe過茶*真係黎幾次都頂唔順好心個老闆搵到錢就換晒d杯杯碗碗啦第三，食物上次叫左兩味送一味係雞煲雞唔熟，仲凍晒2係茄子煲，半個煲係油今次食既係咕嚕肉難得既係今次無乜問題硬係要搵問題講既，就係咕嚕肉太硬(可能粉太多)汁水色水超暗超淡，可能放太耐但講真，80蚊算係咁上下今次食評講住咁多先希望下次黎，d杯杯碗碗可以乾淨dps用茶拎手刷左3分鐘

今朝起身已經12點啦！原本諗住落樓下食個麥當勞，點知已經過左鐘啦！最後落咗樓下食嘗樂，因為佢仲可以叫常餐而我女朋友就選擇左食午餐，最特別嘅係佢個午餐竟然有牛肉腸，當然要試下啦！最後特別想提下鋪頭嘅職員真係好有禮貌。