居食屋「和民」 (已結業)

20051226 3.30pm去完文化博物館, 又返回新城市, 好像一段時間無去和民, 就去幫襯下.和男友2人, 我要了個白桃汁梳打, 男友要了個荔枝乳酸特飲.另外要了每次都必吃的炸雞軟骨和南瓜燒餅, 是冬季限定, 味道OK, 但賣相就頗肉酸.服務也一般, 另一不方便是店內沒有洗手間, 要到商場人逼逼.埋單好像約$140, 都忘了

十年唔入新城市,是日要陪個身懷六甲友人入去買些東西.行到累當然要搵地方落腳,話就話新城市大,但係食店就無邊間似樣.在唔去快餐店之底下,最後去左和民,貪其會坐得比較舒服.事實兩個人都唔算肚餓,旨在想搵d野咬下,打開餐牌,十樣有七樣叫唔落手,剩低三樣就叫左個炸雞軟骨,焗千層麵,同焗三文魚.三樣食完都唔知食過乜,雞軟骨無味,千層麵酸到無朋友,焗三文魚鞋拾拾.真係唔明點解呢間日式大家樂,晚晚排長龍?日本文化,已經完全將新一代年青人洗腦,連帶這些毫無個性的港式居酒屋,一樣照單全收.英國新進Punk rock組合The Dead,60,S首歌"New town Disaster",真係好鬼應棍.

行開沙田搵老公食lunch.以和民既水準黎講有d失望,天婦羅飯唔夠熱.另一個冷麵餐又好遲先黎.同埋冇左$12兩杯雪糕,好失望.唯一可以讚既就係服務.下次都唔會lunch hour去.

差不多每一個禮拜都會去一次沙田和民。和民出品質量穩定兼好味就眾所周知。這一間和民的Service 都很好。漏了野在餐廳第二日的找得返。最喜歡吃味淋魚燒﹐辣辣泡菜炒飯和盛崗冷麵(現為'泡菜冷面')新出了的番茄海鮮Pizza都ok﹐野菜拉麵就晤多得啦。

早排同朋友去呢度食飯，佢新多o左個menu 係專叫蟹食。我o地就叫o左個"蟹后"o既蟹腳o黎食，＄８８有４隻，唔係多，確實貴o左ｄ，但真係幾好食！好多汁！好鮮甜！我o地又叫o左蒜茸蟹子蝦炒飯，好香，好味！個札幌拉麵有少少辣，但佢湯底夠濃，正！o個陣我o地過o左１０點先入座，有得order 果汁酒買一送一，我o地都叫o左巨峰提子酒，＄４８有２ｍｕｄ都抵o丫～但service 就麻麻，都唔知點解佢o地ｄwaiter / waitress 都唔會行入o黎，叫勁耐都冇人應．．．

我食完一次之後覺得十分呃錢, 所以我以後絕對都唔會去,睇張餐單果時,見到就好大碟, 但事實係好細碟,呃人既,我叫左幾樣野食,一句講哂,又貴又少去小金井食仲好,又平又多野食又好食

記得幾年前, 有一晚嚮公司開OT, 當時幾多點我都唔係太記得, 只係記得我同我個同事都認為, 咁夜呢度應該有位吧! 但當我地黎到時, 門口果位姐姐仔話要等四十八張檯, 而表情就好像說你地不如去第二度食啦.講少少題外話, 有些香港人久唔久就"表現"一下佢地的反日情緒, 但係佢地就好鍾意食日本野, 去日本旅行(有D仲年年去!!!), 狂睇日劇, 祟尚日本文化...... 我真係覺得這些香港人真係好矛盾.講返正題, 我一直覺得和民的水準好穩定, 唔差但冇驚喜. 有人話和民開多左幾間分店之後, 水準先至下跌, 以前最早期好好食架. 對於呢一點, 我都唔同意, 早期的和民, 我都係覺得-- 唔差但冇驚喜.已經有一段日子冇黎和民, 日前黎左呢度食lunch, 叫左個雞扒飯, 感覺冇變-- 唔差但冇驚喜.

呢間呢．．唔錯ｌａ～好快就等到位．哈唔洗等～我最鍾意！！食物份量都係太少ｌａ～唔夠我食．．哈至於味道呢～都算係咁ｌａ．平均都係３０－４０蚊一碟！

今人同fd去和民,都幾多人下wor~我地要左個幾樣野食:牛油焗帶子-怪怪地,食個陣最好唔好落檸檬汁千層菠菜-正!!!d肉醬超好味,不過食個陣有d superise, 原來肉醬下面有餃子,都好好食芝士海鮮焗飯-好好味呀!芝士同飯,食左都唔會好(濟)和風pizza-ok好味la黑芝麻雪糕-勁少呀!!!街買個d單球都多過佢\ar!!!but幾濃o既芝麻味整體黎講都叫ok la!but上菜都幾慢.個千層菠菜同黑芝麻雪糕都係一齊叫.but我叫fd連千層菠菜都食完,個黑芝麻雪糕都仲未到.我個fd嗺先到!我好唔明白low,個黑芝麻雪糕又唔係多,why要据咁耐?而且樣樣野o既份量都好少,去tea就差唔多

食物很好, 環境舒服, 招呼有待改善. 一邊傾計, 一邊食. cramel milk tea very very good.pizza very good, 牛油焗帶子very good, 波菜lasagna good,salad 麻麻地,creamcheese 麻麻地.

4人行去沙田和民食飯~ 少不免都要等位，不過又比預期中快有位~ 入到去，發現沙田店環境只係麻麻，一o黎比較嘈，二o黎比較焗，仲有d位比起尖咀、葵芳店都窄少少~我o地都要左幾多野食，包括六色刺身、海老蛋沙律、牛油焗帶子、千層菠菜、炸雞翼、和風pizza、鐵板奄列飯同新出o既煙鮭魚卷~ 除左最後一樣，其他食物都唔錯~ 食到最後都好飽，但都有叫甜品：紅豆雪糕＆一口藍莓芝士~ 後者味道怪怪地，唔太好食~其實今餐都係幾抵食o既一餐，只係環境扣左分~

「今晚阿sir請食飯！大家隨便揀！」既然老細請食飯，於是同事就建議去和民，一來近，二來話食物不錯。老實講，唔駛我小黃俾錢，就乜都話好啦！由於沒有訂位服務，所以6點幾便要去霸位，去到時己有不少人在等候，再望望餐牌，老實講，平日我真的不會去試。好不容易終於有位坐，我們十幾人幾乎叫齊了餐牌上所有食物，包括火窩、薄餅、刺身、飯及冷麵等。基本上碟碟都「很大碟」及「精美」。幸好身邊的同事不是暴龍一族。否則真難想像怎樣才會飽。個人感覺非必要不要叫刺身，因為小及貴。用料也不見得高級。相反，個人覺得最抵食及可接受反而係飯後甜品，朱古力軟蛋糕。一舊軟雪糕放在熱熱的軟蛋糕，果種忽冷忽熱的感覺真係冇得頂。可惜朱古力蛋糕太甜，否則會更好。

一班同事食團年飯,有人想食和民,話幾好味,所以就去左!一早派同事去拎位,聽佢講唔係好耐就有位,真係算我地好彩;坐位方面幾寬敞,但可能我好怕黑媽媽,所以覺得如果d光線多番少少會好d...我地12人,共叫左12樣野食,包括...1. 燒雞軟骨(中間舊骨實左dd)2. 炒雜菜(都係一碟炒菜)3. 一口芝士(幾有特式,但芝士味唔重)4. 6色刺身(食落都算幾新鮮)5. 和風pizza (好野味,因為好似有d沙律醬既汁,但佢本身係薄身,所以咬感差D)6. 牛油焗帶子(與同事一致認為食唔到牛油味)7. 豬扒鍋x2 (要加雞蛋食,有特式,d汁夠濃,夾埋落d豬扒好fit)8. 廣島燒餅(其實幾好咬口,但咬落去真係唔知入面既係咩)9. 炒烏冬(亦係普通一個既炒烏冬)10. 札幌拉麵(麵質彈牙)11. 和民沙律(特別要提佢個汁,好似d烤肉汁咁,夾埋落d菜到竟然好正)12. 芝士咖哩肉丸子(有肉味,但咖哩味不算特出)整體黎講,都係滿意既,所有食物都有和民自己既特式,唔係話到到都見到;服務方面,上菜速度都幾快,呢頭叫完個頭都上,服務員亦會識定時加茶;價錢方面,都幾經濟,成日都覺得和民會好貴,但我地尋日不停咁叫

第一次去沙田呢間食,叫左幾碟小食加多一個類似鍋既物體,其實我覺得o係呢d餐廳食日本菜唔係咁抵...因為味道同份量都係麻麻...

到過這間和民兩次, 兩次也不用自己付款, 真好.兩次來到也不用等位, 坐下看餐牌………Z_Z 很大張呢, 因為太多未吃過的東西, 故和友人們隨意點了數客小食和焗飯炸雞軟骨..味道不錯, 可以更咸一點牛油焗帶子: 必要之選, 牛油味濃厚, 與帶子十分配合。乜乜冷麵: 由於本人對冷麵要求甚高, 故只評此平平淡淡的冷麵一般分數。P.S.第一次來和民. 落單時, 侍應會蹲下來, 嚇了一跳呢! 但欣賞他們這熱誠的態度。環境一流, 是個適合談天說地的地方。