居食屋「和民」 (宇晴匯)

营业中

休息中

「和民」是一家以居酒屋形式規劃的日式料理店, 由細食到大，絕對有保證, 簡直係兒時回憶😋。我仲意佢坐位舒服寬闊, 食物都好正~~😍 專誠去食…………….牛肉火鍋❤️牛肉份量蠻多,好重牛肉鮮味 一d都唔會靭 👍每次黎都會叫呢個鍋 😎好好好好吸引！中意個牛肉湯, 百喝不厭大阪燒大大份，又熱辣辣的，幾好味。廣島風鐵板炒麵 上檯時熱辣辣，仲有鐵板嘅咋咋聲!!!  份量比想像中細配料有肉絲及魷魚, 撈埋流心玉子一齊食, 好味!!原隻蒜味雞腿燒🍗好鍾意食啲蒜味嘅野, 而呢個……..好食!!!首先雞腿去左骨，食落好方便。雞炸得香脆可口!好味🍗蒲燒鳗鱼牛肉飯鰻魚飯以一個潻器皿盛裝, 味道尚可，燒汁可以再多啲!><服務方面都好好，d待應好有禮貌好nice ~

今次試咗呢個和民二人套餐好抵食！前菜有野菜沙律、意式三文魚、牛蒡蘿蔔香菇漬物。主角有一品料理、主菜同鍋物，仲包埋兩杯嘢飲！👍🏻😊😋椰菜沙律色彩繽紛，蔬菜爽脆juice ！意式三文魚好特別，加咗啲黑胡椒同橄欖油，上面仲鋪咗啲洋蔥，味道豐富！至於漬物食落好味又健康，有帶子、牛蒡，紅蘿蔔、香菇等！一品料理揀咗海老牛油果pizza，e個係溥批，食落唔會話太熱氣，口感軟熟。主菜三文魚牛油果卷，呢個味道非常好，三文魚同牛油果味道非常夾，卷物入邊仲加咗啲脆口青瓜，成個擺落口索索聲，好味！最後鍋物加咗$20轉左海鮮鍋，材料非常豐富，有蠔、蜆、魷魚、蟹柳、野菜等等！而且湯底都好濃海鮮味，味道鮮甜，呢個都推介大家食！😋👍🏻最後我同朋友帶咗兩杯嘢飲，其實兩杯好似！🤣一杯係柚子蜜梳打，另一杯係青柑桔柚子蜜梳打。結局係初頭朋友見唔到有得揀青擰呢杯，好搞笑！

和民開業多年，其實在中學時期已經開始食，近年佢不斷推出唔同嘅新menu，今次仲有農場系列。叫咗濃湯海鮮鍋（細），分量都幾多，有蜆、蠔、蟹柳、帶子、豆腐、金菇、菜、魚蛋，非常豐富，仲熱辣辣。今期仲有櫻海老pizza，價錢都幾抵食，所以就叫左一個。pizza係薄批，香脆嗰種，面上鋪滿咗好多櫻花蝦，而且好多芝士，味道唔錯。見到隔離枱叫咗天婦羅盒仔飯，好似好吸引咁，我哋又叫左一個。黎到真係裝滿咗，成個盒仔好似爆滿咁。有天婦羅蝦、薯仔、南瓜、菜及魚。最好食係天婦羅蝦，夠大隻，另外魚都有驚喜，炸魚好厚肉，非常大條。天婦羅做得好出色，飯都有一啲甜甜地嘅燒汁，夾埋一齊食唔會太乾。另外再叫咗軟殼蟹壽司卷，大大舊，卷物偏大件，軟殼蟹配牛油果感覺冇咁熱氣，兩個人食到飽飽。

Watami Japanese Dining is a place I used to go a lot when I’m in high school. Today, I’m back for there special - seafood hotpot dinner set!This particular Watami Japanese Dining restaurant is located at Lai Chi Kok. The overall dining place is spacious and comfortable. Sashimi combo - the sashimi served here is pretty good. The portion is large and the salmon is thick cut, just the way I liked it. Salad - raw egg on top of the huge bowl of salad. Mixing everything together satisfied my crave. A

一直都幾中意和民 唔單止係食物方面 入到去坐 裝修方面都比我感覺好舒服 本身幾中意日本文化 店舖仲播緊日文歌 而且食日木野黎講唔算太貴 不論食物嘅賣相同埋質素都係不錯 見佢岀左新menu好似幾正所以就入左去試一試 上菜嘅速度都算快 特別係個餃子同埋個焗帆立貝 上嘅時候係連鐵板上 仲熱辣辣 其他食物嘅温度都係好夠熱 雖然個海鮮鍋係黎得有少許遲 但係佢上嘅時候我同我個fd都讚嘆 然後先知點解禁遲先上 係因為佢擺得同menu張圖一樣 睇得岀師傅係即叫即整 唔係求其就咁拎岀黎比客食 野飲方面有落足料 而唔係瘋狂加冰 最值得一讚嘅係服務員好有禮貌 岀得黎食野最想對住一啲有好態度嘅服務員

呢間嘢都頂癮，早餐要在門口買左飛先，但個收銀永遠無人守住，入面員工顧住送餐都唔理,有個員工出嚟送餐，我就順便問佢你地賣唔賣嘢㗎，佢大聲話叫我等等，之後番去好遠嘅廚房繼續處理佢嘅送餐，最搞笑餐廳裏面都無乜客，仲乜要我等，人人朝早食完早餐趕住返工，見你地無乜人諗住應該會快，但點知偏偏要等，其他附近餐廳人多反而唔駛等，食物ok啦，最好味係明太子牛角包，食過一次，因為次次都無人收錢，每次唔知等幾耐，好難幫襯，但服務真係失敗。

和民，街知巷聞的名字！連鎖式經營，多年穩如泰山，一定有其道理。今次它新開於荔角的新店，一貫和民特色風格，大瀛和風萬歲！精緻、和親、真緻及飽滿正是我對它的心之聯想！新餐牌琳琅滿目，色彩斑斕，盡入眼廉。員工服務非常好，招呼細心週到，落力介紹菜式，如黃鳥哼歌，繞樑三日！鳗魚芝士卷好味，外脆內有芝士及厚鳗魚，外有魚子，口感好，正！超正！和風牛小排鉄板燒香滑牛小排配上南瓜及小菌不錯，燒汁两种可選，燒汁如淡点便更好！濃湯盛滿海鲜窩(大窩)伴炉上，此豐盛海鲜一端業滿滿的，及內元貝海鲜也份外新鲜，後再加上烏冬及雞蛋於湯內，更配合，十分Yummy ，幸福感滿瀉！抹茶小白玉至餐尾，再來一個很好的甜品，內有抹茶雪糕及底有香脆粟片，外內都是美的甜品，甜品控不能錯過！

今日約了朋友嚟到宇晴軒和民居食屋食飯， 估唔到平日晚飯時間都人頭湧湧,可能同他們最近推出的兩個熱門鍋物有關， 分別係豪快海鮮鍋和特大牛鍋， 兩個鍋都係四至五人份量，價錢分別是HK$238和HK$198,非常低食！見附近枱咁多人都食鍋，我哋冇理由不叫這個大盛鍋- 豪快海鮮鍋,好大鎬好足料，海鮮有三文魚、蜆、 魷魚筒和帆立貝，令湯底鮮味十足。而蔬菜也有清甜的旺菜、皇帝菜和紅蘿蔔片，配上豆腐、 京蔥和菇類，令味道更香濃。唔夠食可追加配料，我就點了碟豚肉片，肉質爽，肉味濃，加上少少辣湯底的味，好食！還點了碟豪華串燒盛，98元有7款， 分別是香脆味濃的雞翼、爽彈的雞腿、結盛味重的雞胸、 熱辣辣的冬菇、原條 免治豬肉、 惹味的牛柳和汁香的青蔥牛肉捲， 款款式各具特色，燒得啱啱好，食完大滿足。最後點了個特別批薩， 照燒雞肉批薩， 薄薄地食落非常香脆， 加上當中嘅沙律醬、芝士、紫菜條和惹味嘅雞扒粒，味道果然夠特別，HK$48一個，味道佳，值得食。這裏的飲品平均HK$26-HK$28,大大杯又多選擇，好抵飲。

一向都好喜歡去和民開餐, 除左食物質素有一定肯定外, 環境好坐乾淨, 價位大眾化等等, 都是令我一再幫襯又幫襯的原因~ 這天試試長沙灣宇晴軒的和民, 因為朋友住在這個屋宇, 見好耐都沒有和她見面晚飯了,而這間和民位置比較僻靜, 客人變相不太多, 所以都坐得好舒服, 食物質素都比較好~ 食物選擇方面一向都唔少, 壽司、刺身、熟食、拉面、甜品, 好多好選擇!不過我知最近和民推出了兩款特式大燒鍋, 包括豪快海鮮窩和特大牛肉壽喜燒鍋,兩款都好似幾唔錯咁,朋友想食牛肉多點, 所以我地都係揀左特大牛肉壽喜燒鍋~ 太肚餓既闗係, 和朋友點左二杯珍珠奶茶~ 呢度既珍珠奶茶水準唔錯, 茶都幾香幾香滑, 咁當然唔係港式絲襪奶茶咁濃味啦~ 珍珠都煙煙韌韌好有口感, 而且價錢唔貴, 都係二十幾蚊杯, 都係唔錯既選擇~ 和民健康照燒雞肉沙律 (半份) - 清新之選! 用料豐富, 包括有燒雞肉、紅椒青椒、牛油菓、雞疍、沙律菜等等, 主角燒雞肉肉質嫩滑, 而且燒到幾脆幾香口, 好有咬口~ 沙律菜脆綠爽口, 整體感覺好Fresh 好清新, 好開胃! 豚骨醬油拉麵 - 湯底超級濃郁, 每口都有豚骨香味,

實在令人失望😞石鍋黑椒牛無味道，一杯不知所謂嘅凍柚子蜜又係啖而無味😔上餐擺個盆有半個盆係枱出面放低就走左去，我唔一心拉住就會即跌落地😡以後唔會再黎！超唔好食！

好耐冇食過和民但依家大部份都好似裝修過二人都有卡位座～ 坐得好闊落🥰🥰好耐冇食過嘅關係所以原來Menu都已經唔同咗啦依家會幫你設計定啲set Menu我就揀咗個二人餐試吓先來就會俾個前菜你溫泉旦芝士沙律餐飲可以喺12款飲品入邊揀一個係生薑梳打一個係茉莉花茶有三款刺身都新鮮好味然後就有個牛油焗帆立貝豚肉湯擔擔鍋辣醬可以分上滑旦豬扒盒子飯旦又香又滑豬扒又夠口感仲有原隻蒜味雞腿燒份量十足雞肉嫩𠿭仲有埋甜品呀

今日做司機管接管送，中間有兩三個鐘，所以就約朋友去食飯。原來和民都幾抵食，一個pizza 只是需要$48！我們吃了一份和風煙肉及雜菌批薩。Pizza 煙肉的味道不重，而菇菌則是滿滿的！加一點點辣椒仔，味道更豐富，更美味！另外一個抵食之選是和民自慢鐵板餃子。五件餃子只係需要$28。雖然平價，但係餐廳毫不馬虎！除了有配菜，餐廳還會送上餃子汁及兩款調味料。職員幫我地將餃子汁淋上鐵板，然後仲特登幫我地拎多一碟餃子汁備用。可見，餐廳服務誠意十足，而且對自家出品有要求！我另外仲點左原隻雞腿，因為餐廳幫我地切好左，所以食得好方便。雞肉質都好滑，仲好大隻，幾抵食！

假日想食得豐富Ｄ，去左和民食午餐。假日的午餐餐牌是跟平日的不同，沒有一人餐。可能沒有一人餐，所以午餐時段都不是很多人。二人/四人餐分三款。我和朋友點了最平的二人歡樂餐 ($278)。這個餐有三款前菜，三款主菜和飲品。前菜蟹籽沙津- 職員說這是蟹籽沙律， 裏面有薯仔， 但我覺得味道不似蟹籽， 反而像明太子， 食落去帶一點微辣。 雖然不是職員說的孩子沙律，但味道不錯。極味意式薄切鮭魚極美應該是指放在三文魚旁的洋蔥。 三文魚刺身都算幾新鮮， 加上洋蔥辣辣地，感覺清新但刺激。健康野菜沙津蔬菜新鮮爽脆， 那裏有脆煙肉和麵包粒。主菜海老牛油果pizza呢個係全個餐最差的主菜， 因為油太多。 pizza邊是脆， 但中間批底比油浸住， 好難食！ 雖然是橄欖油，但感覺都好油膩， 好唔健康。鮭魚牛油果卷正常的壽司卷， 沒有什麼特別。牛肉壽喜燒壽喜燒有菜， 一件豆腐， 一隻加兩條菇， 幾塊牛肉。這個牛肉鍋覺得以前湯底好食啲。總結，食物尚算可以， 環境舒適，但以這個質素，份量又不多，午餐好似貴左d。

情人節前夕，我們來了一次四人約會。友人是牛魔王，所以我們一起品嚐了一頓全牛大餐！我們點了特大牛肉壽喜燒及一款壽司卷。特大壽喜燒分量非同凡響，雖然餐牌上寫着是四至五人份量，但是我覺得肉的份量足夠六個人分享！牛肉肥肉的部份看起來比較多，不過，煮熟後品嚐根本不會覺得肥膩，而且火鍋配肥牛不是最經典的美味嗎？卷物是燒牛肉卷。半熟的牛肉並不是十分鬆軟的，肉類纖維感比較重，但它的肉味特別的濃郁。壽司卷裏層有青瓜，爽口清新。其實當日我希望品嚐甜點，可是因為火鍋分量十足，我的胃口又有限，所以唯有待下一次才品嚐！

老婆生日晚餐，撞正星期三要返工，全日返工忙到飛起，好彩晚黑準時收工，就在工作附近四小龍宇晴軒之和民居食屋嘆返個晚餐, 對於和民這品牌，於十多年前曾經有一段時間經常幫襯， 全因當時沒有這麼多咁抵食嘅日式居酒屋， 加上食物種類又多， 三五知己聚餐的好地方。現在的和民更經常推出一些特色menu， 就好似這個大盛鍋之豪輝海鮮鍋，4-5人份量都係HK$238,按人數計抵食過大XX集團,加上可追加火鍋配料，絶對超值之選。這大盛鍋仲係期間限定 註定今日我同老婆有食神。這個豪快海鮮鍋配搭特色， 主要由色彩鮮豔嘅三文魚為主角，其他海鮮則有帆立貝、魷魚和蜆，一行行砌得非常工整， 賣相討好， 未食已心情愉快。 而其他蔬菜配料也有多款, 分別有豆腐、紅蘿蔔、針菇類、大葱、 旺菜和皇帝菜， 加上多片牛油，令這鍋生色不少。而湯底有微微辣的， 追加烏冬和蛋， 爽滑嘅烏冬質感，配上鮮味帶有辣味的湯底，味道奇佳。我們兩個人食咁大鍋鍋物， 雖然好飽,但也忍住食這碟鮭魚牛油果卷，HK$68元有多件，又香又美味，食牛油果一定要咁食才品嚐到當中嘅香滑味, 滿足呀！飲品叫了珍珠奶茶HK$26和 芒。果汁.益力多HK$28,大大