屋子空間 (已結業)

一日放工，同幾個三五知己一齊食一個lunch，途經大圍想起這間屋子空間，見佢坐得都幾舒服，而且環境都很寫意所以入去幫襯下。其實之前都試過幫襯屋子，感覺到或不錯，而今次嘅感覺其實同上次都差唔多，環境舒適，坐得舒服適合三五知己一齊傾傾計嘅地方。實係邊度食lunch都唔算貴，六十零蚊知八十零蚊都有一個set。如果用一間可以坐得舒服嘅餐廳來講呢個價錢都算係唔太貴。今次我哋就叫咗幾個迷你丼set，呢個set呢就有一個迷你多啦同一個小食嘅咁我哋呢就叫咗飯團，呢個飯團呢我想特別介紹嘅就係佢落咗嗰啲嘅飯素，都幾足料下嘅，而且呢食到粒粒嘅蝦米，係櫻花蝦米呢。至於呢個迷你魚子丼，啲三文魚子都好新鮮，陪埋個醬汁，都好友日式料理嘅feel。所以喺呢度食嘅話係預咗食輕食嘅，唔好預到會食到好飽。總結講呢個都算係一個幾適合食嘢傾計嘅地方。

大圍屋邨地方竟然開左一間文青cafe, 白雪雪一共有三層，其中一層係有得gel甲添! 🤔一於去試下佢地主要賣麵食，甜品同特飲，如果有咖啡就更加好啦😗1️⃣ 山葵麻婆豆腐溫烏龍麵 $69不過不失，冇咩驚喜，只不過係有wasabi味嘅烏冬+豆腐，撈埋溫泉蛋成個口感濕笠笠➖2️⃣ 小倉抹茶小鬆餅 $58同預期有落差，以為好似梳乎里pancake咁，原來係迷你蛋糕仔，不過味道正常***坐位唔係太舒服，價錢又偏貴，食物普通，完。

外觀設計很日式，很文青，適合打咭的地方。點餐後發現有點貴，量不多，男生可能要餓肚子落完單就會俾個野你等...吾想走黎走去的話，就要俾d耐性拎住份餐走樓梯感覺不太好，亦不明白在這環保年代，這餐廳為何全用即棄產品樓層有水供應，若果聊天、溫習的話，這地方蠻適合，由於人多地方少，只可以遠離冷氣，往外面用餐。老實說又熱又窄，若果你想出入必定擾民！溫泉蛋美味，牛肉汁很甜，烏冬Q彈，食物來說還好。但整體而言，我拎願去吉野家這類連鎖店。若果再這樣下去，我真怕好快又不見它了

The coffee shop I wanted to visited was closed, so I had to find an alternative nearby, which is 屋子空間.All the reviews on Openrice are either “Ok” or “Bad”, so I just got a drink but not the food, in which the portion looks small, yet pricey.I ordered this Pineapple Latte to try, and it was just so-so. The only bits that tasted like pineapple were the freeze dried pineapple nibs on top, which didn’t melt until the end of the drink. So this is just more like a rather ordinary latte than the claime

｛屋子空間｝香港｜大圍-可以在室內享受陽光嘛？-屋子系列的Cafe，都是走日和簡約Style，烏溪沙的分店，高樓底＋落地玻璃窗＋塌塌米坐位，真叫人念念不忘🤭。這次帶著烏溪沙店的標準去｛屋子空間｝，其實都挺不一樣。-當學生的時候，老師常說現在的好設計都是在設計經驗，user-centered，大概就是從用家的經驗決定設計取向。-｛屋子空間｝真的如店主所說，可以存在很多的可能性，辦興趣班，分享會都很適合。每一層都可以曬日光，跟戶外的環境接連。但就用餐經驗來說，特別是2樓，就是有改進的空間。-當天正午的時候，32度，可能是因為經常有人進出露台的關係，冷氣不太足，我本身怕冷還可以，但朋友就有點辛苦🥵。-買餐是這樣的，先上二樓找位子，再回去一樓買食物，拿著取餐通知器回二樓，響機再下去，再拿著餐上樓梯用餐😕嗯...-二樓空間少但位子多，人少是沒問題的，但人多就變得很窄，估計大概是200呎左右的空間，坐幾組客人，十幾人，想要聊天的話真的要非常專注，才能聽到朋友說什麼。推薦bar位，走出去雖然熱，但坐在樹旁，反且覺得真的可以放鬆點。-📛山葵麻婆豆腐温烏龍麵｜$69配搭特別，味道ok，但整個麵和配料全都

放假就梗係想hea下抖下啦不過香港度度都咁多人去餐廳坐下又話要限你個半鐘我都係想搵個地方同朋友吹下水啫於是就醒起大圍有屋子咖啡去過一次野食唔錯但係鋪頭好細驚冇位又唔坐得耐 就轉戰新開嘅屋子空間佢好明顯就sell環境多過野食啦所以我對食物冇抱太大期望只係希望有個位俾我hea一個下晝一幢四層高嘅白色屋子走日本簡約風喺地下買完野食就可以上二樓或者四樓坐啦我咁鍾意大自然就梗係揀坐露台望住啲樹啦簡直心曠神怡呀 不過怕熱就諗清楚啦我叫左抹茶小鬆餅同鳳梨拿鐵加奶蓋果然食物真係唔係屋子空間嘅賣點不過其實都幾唔錯嘅 但就唔係要為食物而去囉同埋如果佢唔用即棄餐具會加好多分

今天太趕沒有時間吃午飯，四點多去光顧的時候，也不算太多人，吃了一個山葵豆腐肉碎烏冬，味道OK，菠蘿梳打還可以啦，$109 算是有點貴，有$20應該是環境費吧！全部餐飲也用一次性餐具，太不環保了！

🏡🏘🏠遠處就見到一幢白色屋子原來係新開的屋子生活繼屋子咖啡的另一種享受一共有4層高係自助模式係低層買完野食可以上第二層食用🍲山葵麻婆豆腐烏冬原來山葵係類飲平時壽司的山葵放上上面調味麻婆豆腐似平似住家飯肉碎豆腐味道不算辣☕️作為一間cafe有舒適環境 光線充足有柔和音樂 是談天休閒好地方🎼🎧🍱作為一間for lunch 不太推薦 份量不足味道正常 不太特別會再來 但只會係傾計的好地方☕️🍵🥤🥛

明太子冷烏龍麵 coe roe udon ($69)山葵麻婆豆腐冷烏龍麵 wasabi tofu & minced pork udon ($69)木槺焙茶小鬆餅 houjicha hibiscus porfertjes ($58)鳳梨拿鐵 pineapple latte ($42).成日經過呢間”四層白色屋子”，今日終於去左食啦😂 所謂4層，其實堂食座位只有一層半，大概20個位，採快餐外賣形式，即係去counter order完，攞完餐，再上樓上揾位坐。.食物選擇唔算多，主食嘅話有唔同口味嘅udon，甜品就又唔同配搭嘅小鬆餅，另外都有一系列嘅飲品選擇。.小編點左明太子冷烏龍麵，烏龍麵即係udon，(可惜唔係小編中意果隻稻庭烏冬😭)，特別係過完冷河偏硬身，好有嚼勁，不過如果多點彈性就好，明太子份量也是相當慷慨，唔想太咸記緊要撈勻先食，小編都試左朋友嘅麻婆豆腐味一啖，都算幾香口！.相比主食，小編覺得甜品更值得試😛 小鬆餅味道同形象都好似雞蛋仔，但佢係偏蛋糕嗰種fluffy嘅質感，蛋香十足，大概有十舊，上面有原味忌廉同紅茶雪糕! 小編唔知本身有雪糕，所以另外再加左球抹茶雪糕 (+$15)🙃

其實在開業的初期已經特地到訪 因為怕人多的關係 12pm已經到論環境真係算唔錯 好簡約的設計 同埋有唔同的的空間可以坐下 無咩人的時候 飲杯野打下卡都係唔錯 至於食物同飲品要在樓下買 買完再拎上樓上食不過一拎到時大打折扣 全部都係用外賣紙杯碟我諗我可能係牌照的問題 山葵麻婆豆腐烏龍麵 $69熱食的烏龍麵 但個麵覺得煮過頭 因為有湯汁的關係 好淋身山葵麻婆豆腐亦食唔到有辣的味道 只係有調味過咸咸地肉碎撈豆腐唔大推介呢款 明太子烏龍麵 $69呢個係凍烏龍麵 相對會比較好食 明太子其實都好百搭 肉桂蘋果小鬆餅$58小鬆餅係其他分店都無呢個真係算係唯一一款覺得好食的食物小鬆餅的份量都唔少 再配肉桂蘋果同雪糕 真係唔會差得去邊 草莓拿鐵 $39面的草莓碎好甜 但仍然都蓋唔住咖啡的苦澀味食過屋子三間不同的分店 都發現佢地的飲品好麻麻可能試下佢地的水果茶會更好 總括食物水準一般 屬於家庭式的味道 起碼無咩味精但你問值唔值呢個價 同特地來 就真係見仁見智

平時都唔會特別出現喺東鐵線嘅地方見到呢間野好有文清氣息，就同朋友出去睇下咩環境餐牌上面所有嘢食都算係普通嘅但係價錢我覺得有啲貴，好普通嘅個烏冬都要60元，份量係多嘅。但味道七仔嘅便利店都比佢好吃然後再叫過嘢飲，10分普通嘅一杯梳打$40有時出嚟食嘢都唔會特別睇價錢但用一舊水唔應該食呢一種質素嘅食物唯一讚賞嘅就係佢我個提拉米蘇甜品呢個就真係好食，不過女仔好難覺得唔好食環境係講，成間餐廳都10分狹窄要搵個座位都唔係容易，就算有2樓一半嘅人都係叫杯嘢飲然後坐半日真係用先或者進餐嘅的確很少打卡來講，影相來講，就要睇下你身邊嘅人功力，唔覺得會影到啲咩靚相雖然設計到好似韓國啲Cafe咁雷聲大雨點少的感覺冇咩特別。。。。。

由屋子空間的裝修開始就一直留意著，位於大圍內街有四層，接近落地玻璃的外場，得吸睛的。一直有到屋子咖啡☕️，屋子空間也有同樣感覺。大概是簡約，提供一個地方給繁忙都市人，靜下來，好好細味下生活點滴。兩家店都以木製品位主，舒適！屋子空間主要提供輕食。主食選擇只有冷和溫烏冬，可額外加炸雞，天婦羅等，另外提供鬆餅甜品。飲品是最多元化的。我們二人點了兩個烏冬，另加兩款炸物和一杯飲品。單單看食物來，也許是偏貴的。入到屋子空間，就是讓大家可以感受空間，聽著輕快音樂，靜靜坐下休息，這是我的個人感覺。山葵麻婆荳腐溫烏冬烏冬配上一個半熟蛋初看，看不見烏冬，真以為是一個丼這種種配上飯很合適味道不俗配飯更合適湯很少和風牛肉溫烏冬也配上半熟蛋牛肉ok整體像吉野家朋友全吃掉了炸雞件炸粉厚，雞一般天婦羅蝦天婦羅脆粉厚，硬硬的不是鬆化的天婦羅炸粉奶蓋土耳其蘋果茶👍🏻👍🏻好飲少少咸的奶香環境：舒適，吹水一流，有室外和室內飲食：咖啡店的供應，少少量的主食，味道一般服務：落單後，食物飲品也是自取的環保：不環保♻️除了食物托盤外，全部是即棄餐具，紙碗，紙杯，膠杯。餐具是木製品，是較膠餐具好一點，但也是即棄呀！

見到網上面咁多宣傳，所以同朋友一齊去食個lunch。可能佢唔係主打熟食，餐牌上大部分都係甜品同飲品，主食嘅話都淨係得暖/冷烏冬同埋一啲小食。咁我同朋友都每人一碗烏冬，仲有炸雞塊。先講個冷烏冬，我叫咗個明太子冷烏冬，等嘅時間都算長，但我一咬落去個烏冬竟然係硬嘅！係毫無彈性！然後佢個冷烏冬個底仲係有一啲水，就好似未將個烏冬瀝乾水就放入個碗到咁，問返其他朋友，原來佢地碗碗都係咁。咁我地試下個炸雞啦，佢係肉同外面層炸咗嘅皮中間都仲係有啲黏牙嘅炸漿，真係唔太好食。網上講到佢係for打卡咁，但佢啲餐具呀碗呀仲有個盤都搞到我好似去咗葵廣西九食野咁。佢個碗係啲普通紙碗，餐具又係啲好脆弱嘅即棄叉、筷子咁，我用嗰隻叉仲要係無啦啦中間裂開咗。甜品呀飲品嗰啲我無試，但價錢都真係偏貴。所以真係奉勸各位，如果想食lunch，千祈千祈唔好去，但你話甜品呀飲下野嗰啲，你可以試下嘅