屯の大阪章魚燒

营业中

休息中

 咁呢日就同左朋友去左葵廣掃街，黎到呢間章魚燒店食章魚燒。等左20分鐘左右就食到。我朋友叫左個超濃香黑松露味章魚燒 8粒 ($40)一打開個盒就已經聞到好香既黑松露味。我自己就試食左一粒，食落口會有少少黑松露味，但吾會好明顯，口感軟綿綿。而我就叫左個和風蜜糖芥末味章魚燒 8粒 ($37)🍯打開個盒都聞到個蜜糖芥末味。食落口吾算脆皮，但口感都係軟綿綿。而且入面粒章魚都幾大粒。🐙不過我食到最後一粒既時候，會覺得個口酸酸地。但整體黎講係幾好食。😋我自己就響日本食過日本既章魚燒，佢地既章魚燒係真係整到外脆內軟。而呢間店都做到章魚燒內軟既感覺。總而言之，係會再幫襯既小店。🙈

章魚燒這日本小吃已傳到香港有20多年，款式亦由原味不停演變出不同味道來迎合香港人。其中有些本地化味道，類如在麵糊裡加入粟米確實會有有點兒那個。這間由屯の大阪章魚燒，在屯門發跡，2017年結業後2020年再到葵廣從新出發。過往累積的人氣，在新舖延續下去，是葵廣眾多食店中，長年排隊的店舖之一。章魚燒是日本大阪名物，店取名“大阪”，未吃已給人有傳統味道的吸引。吃過三款味道，可惜每次都買不到咸蛋味，基本上所有章魚燒除了醬汁外，餡都是相同的，一盒章魚燒8粒排列得很工整，章魚燒上邊有些醬汁，餘下的空間就放滿了木魚絲，很美觀。因為是即叫即做，每一盒最少要等15~20分鐘，等候的時間換來新鮮熱辣的章魚燒，吃每都會熱得燙口，口感偏流心，章魚不算多。一盒8粒平均大約37~38，性價比一般，不過連醬汁一起吃蠻膩的。

行開葵廣點少得掃街啊😜 行過見到哩間章魚燒🐙冇之前排得咁誇張就一於買來食啦 由於有選擇困難症猶豫緊黑松露定明太子 why not both 一於揀雙拼啦 買完行去買杯嘢飲返來攞就啱啱好啦🥳✿ 黑松露拼明太子章魚燒 ✿［$42］黑松露醬同木魚絲都俾得好足😋 唔會有食到中間冇醬嘅煩惱 由於係即叫即整 所以好熱辣辣🔥 心急嘅👧🏻食到辣熟左牙肉🥲 大家記得等凍啲先食啦🤣 真係做到外脆內軟 入面有爆漿嘅感覺 明太子嘅份量都好足 味都好夠 不過啲醬略嫌鹹左少少🤏­­★好食指數★：8/10★CP值★：7/10★免加一★

Intro: 葵廣真係好多野食，最適合黎呢到掃街，而三樓有一間賣章魚燒長期都排滿人，8粒章魚燒嘅價錢大約係40蚊左右，其實係值得一試架～___________________🍽 芝士章魚燒💰 39/8粒 ⭐️7.5/10✍🏻 做到脆皮效果，而內心好熱✍🏻 芝士味唔算突出，但食到章魚燒嘅原味道✍🏻 感覺芝士章魚燒同木魚唔多夾嘅效果✍🏻 夠大粒、肉厚，內裡章魚比例偏多___________________🏠 屯の大阪章魚燒TM Takoyaki📍 葵芳葵富路7號葵涌廣場3樓摩登世界1號舖⭐️ 8/10 （章魚燒）___________________

屯の大阪章魚燒元祖大阪章魚燒8粒 $34（9/10）呢間暫時我覺得係全港最好味嘅章魚燒，最似日本嘅章魚燒。佢哋係即叫即整，大約等15分鐘就拎得，皮薄又脆入面又嫩，每粒章魚燒都會有勁大粒章魚粒，非常好味！地址：葵芳葵富路7號葵涌廣場3樓摩登世界1號舖#葵芳美食 #章魚燒 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

呢間章魚燒之前網上見到好多人推介，一場黎到就試吓啦！葵廣真係好多人，呢間店都排好長隊，就試下佢係咪真係甘好食！店舖有好多款既章魚燒，全部都幾特別，出名都無見過，而且甘多人落單一直keep住整，你拎到手既都係新鮮熱辣！叫咗超正啖啖明太子章魚燒，外賣41蚊有8粒；本身想叫多個小食，可惜當日暫不供應。可能因為周未，落完單要等半個鐘先可以拎！返到屋企食個明太子章魚燒仲係暖暖地既，都有好多明太子係面頭，每一啖都食到。章魚燒入面有粉漿包住粒章魚，唔會燒到乾爭爭。不過，有得揀一定要係現場食熱辣辣，外賣拎返去溫度降左啲同埋有啲倒汗水，個皮無甘脆，所以現場即食應該係最好既味道！上面真係鋪滿明太子，你睇下幾多，完全唔會就住就住，撈埋啲沙律醬都幾夾！

有日嚟到葵涌廣場，想買嘢食，特登嚟買平時食開嘅章魚x雙，點知去到偏偏今日冇開門，好失望，然後行過見到呢間屯之大阪章魚燒，勁多人排隊喎，即刻去試吓。啲口味選擇同另一間章魚x雙好相似，價錢都差唔多。買咗盒試吓，竟然話要等40分鐘。。。本身已經冇嘢好行，準備買完就走。唔緊要啦唯有行下等下。終於買到原味同蜜糖芥末味章魚燒，熱辣辣好香呀。個皮唔會太淋，不過都唔會係x船嗰種經典章魚燒嘅皮咁脆卜卜嫁啦。入面章魚好大粒呀，好有口感，有啲仲好似食到有兩粒章魚。個醬都好好味好香

我晨早流流衝去葵廣整電話，等緊嗰陣冇野做，又冇電話玩，咪想搵食野囉。9月1號12點，學生都就快放lunch啦，竟然成個商場都冇開幾間小店，咁都唯有搵下是但搵間食啦。d 蟹籽flooding咁多，非常良心呀，可惜我電話壞左冇影相。味道正常，價錢呢個商場都咁上下啦。因為真係啱啱開鋪，佢地同事都好清晰話俾買嘅人聽要等一段時間，唔駛企喺度呆等，而我返返上去嘅時候又真係啱啱好整好，所以我對佢服務都滿意，keep it up.

章魚燒嚟講呢間做得幾唔錯，上菜速度快。可惜道路人較多，等嘅時候可能會唔小心俾人撞到。仲有，記得章魚燒要襯熱食，凍同熱真係差好遠。價錢合理，幾多料，味道足夠。👍🏻

//再訪葵廣人氣足料章魚燒🐙必試💛〰️〰️〰️〰️〰️👅 #yumyumfood葵芳✨第二次黎呢間舖❤️‍🔥依然係好受歡迎👍🏻佢地有好多款口味 今次就簡左蜜糖芥末😋粒粒都脹卜卜🤩側邊仲有一堆木魚 食落唔會好厚粉 軟糯口感 入面仲有大大粒章魚🐙配埋滿滿既醬汁真係好惹味😋仲可以加$𝟸 轉雙併試晒兩款味✌🏻絕對值得一試💛💪🏻🍴和風蜜糖芥末 <八粒> $𝟹𝟼📍 屯の大阪章魚燒🔍 葵芳葵富路7號葵涌廣場3樓摩登世界1號舖

葵芳超多人排隊章魚燒 呢日去葵廣掃街 平時食開章魚無雙 今次試試第二間 見到佢大排長龍 點知一試中伏.叫咗兩隻味 8粒章魚燒雙拼$43⭐️啖啖明太子味 ⭐️超爆多蟹籽味等咗大概半個鐘 終於拎到 賣相吸引表面有大量蟹籽 明太子醬 沙律醬底👍🏻特別一讚明太子醬 重明太子味 唔腥咬開係爆漿偏軟身大阪風格章魚燒感覺‼️最伏嘅重點黎啦 每粒章魚燒入邊 得一粒仔章魚only🤦🏻‍♀️8粒入邊 有一粒 仲要完全冇章魚🤦🏻‍♀️雖然好食 但完全唔合格 同埋唔抵食.平時食開葵廣第二間 入邊有原隻章魚仔就算其他連鎖店 平過佢 大粒過佢都最起碼平均有兩粒仔章魚冇對比冇傷害 sad.總結表面多料 入面冇料 唔建議.#屯の大阪章魚燒 (葵芳)地址：葵芳葵富路7號葵涌廣場3樓摩登世界1號舖.⭐️評分：味道：3/5 唔合格嘅章魚燒 但好食嘅環境：-/5服務：-/5抵食：2/5 表面多料 入面冇料 唔建議

🍢超正啖啖明太子拼和風蜜糖芥末小丸子💰$42😈今日去左葵廣掃食😍太耐無去葵廣原來好多小店要大大力支持⭐️第一站就去左屯の大阪章魚燒🍡呢一間係好耐之前屯門都有分店不過宜家得返葵廣😢今日排隊見到前面買雙拼我先知🤣我地叫左8粒叫左明太子同蜜糖芥末😝個明太子啖啖都係明太子超濃味🤤而蜜糖芥末我就未試過覺得幾好味😈隔兩日又會有葵廣下一站再推介

2022.7.11 星期一 4:30pm買不到流心玉子，轉了芝士脆脆。超快速度，買了兩分鐘就有，應該是廚房不斷地燒，出來的章魚燒不太熱。••••••••••••••••••••| 火炙熔岩芝士脆脆章魚燒(6粒) $33 |🧀🐙表面很多柴魚片，燒汁也很多，沙律醬適中。入口偏鹹，都吃到有芝士，但溶化的芝士片就反而吃不出來，因為太鹹。皮薄有點脆，有少許空心的感覺，章魚都是小粒的，其中一粒有比較大的章魚。吃到最後一粒，很厚粉，差不多整粒都是粉，章魚粒也小到像米一樣。6粒的質素都不太平均。••••••••••••••••••••這份柴魚片實在太多，而且有需要調整一下味道。如果章魚燒可以即叫即做，可能質素會比較好吧。

一直以嚟都好鍾意食章魚小丸子， 但章魚小丸子嘅質素可以好參差， 食過好多間難食嘅， 終於搵到呢間係爆好食既!!!一睇個menu已經好吸引， 佢同傳統單一嘅章魚小丸子唔同 ， 有好多款式好多醬料任君選擇 ，每一個款式嘅賣相都好誘人，令人想每一款都叫黎食。最終艱難地選擇咗 和風蜜糖芥未 搭 超濃香黑松露 雙拼。 可以選擇六粒或者八粒， 我咁為食當然選擇咗八粒，。由於係即叫即整， 所以非常非常之熱辣辣， 佢嘅醬料同木魚絲都非常之多， 醬料包裹住每一粒嘅小丸子，見到都流曬口水。終於放涼咗少少， 一咬落去，簡直幸福感爆棚， 小丸子外皮焦脆，入面軟糯， 絕對唔係成口麵粉一團漿糊咁， 裏面仲有粒粒嘅章魚，非常足料。和風蜜糖芥末：酸酸甜甜，又帶點芥末既香味，令人一食就停唔到口超濃香黑松露： 黑松露配上蛋黃醬同燒汁， 雖然黑松露味稍微被醬料蓋過， 但仍然係十分美味PS 由於每一份小丸子都係即叫即整， 時間約需十五分鐘， 如果週末繁忙時間多人時， 有時要等更加耐， 建議大家可以先落單， 然後到其他店掃街或買嘢飲，節省時間

每次經過葵廣都大排長龍所以都冇機會食到🧐前幾日經過見得2個人排隊所以終於試到啦！落完order等左20分鐘左右落單時 被店員告知加左$1價（但係電子menu&貼係收錢位嘅menu都冇寫到🫣）希望會改善下⋯味道方面…每粒小丸子都係得一粒仔章魚（大約食指指甲大小） 其餘都係粉漿⋯食落就係面粉漿糊+topping嘅明太子（食落頗鹹）木魚碎都夠嘅講真 真係一啲都唔值得排隊 更加唔值$40 8粒唔知一開業個陣係咪好好食宜家變質 定係我地個口味有問題啦唔會有下次🥹