屯の大阪章魚燒

营业中

休息中

元祖大阪雙拼超濃香黑松露 ($35)Total order左6粒 即叫即製 等待時間大約15分鐘-30分鐘 一拎即刻食係最正 熱辣辣🔥章魚燒好足料 粒粒都有章魚粒係入邊 個人認為黑松露比較吸引 松露味都幾出 醬汁亦有好多

這葵涌廣場掃街日已經是一月尾的事情！這天剪完頭髮已經是晚上六時許，沒有晚市堂食下我倆忽然醒起很久沒到過葵涌廣場掃街，就是這樣便去那兒快走了一轉。吃完辣後便列這間超多人幫襯的屯の大阪章魚燒，點上心水的章魚燒口味後要等15分鐘才有得吃，這時候便跟車爸爸四處逛逛後才回來取貨。15分鐘後回去店子我們選的松葉蟹皇蟹膏章魚燒＄34/6粒已經完成，打開盒子那賣相真的叫人有點兒倒胃！其實那蟹膏醬味道是不差的，但章魚燒已經焗到淋了身吃下口感真有點難受，加上說好了的走紫菜沒實現！最後弄得我一人吃了5粒之多好飽呢！真心覺得老了吃了三間已經飽到上心口！下次要早、午餐都唔食先去掃街先得喇。

疫情玩咗2年幾,就嚟發夢都想去日本🇯🇵今日去葵涌廣場掃街又點少得食日本名物章魚燒丫😎本身叫鹹蛋黃金流沙口味,但賣哂喇😭最後叫咗松葉蟹皇蟹膏🦀落單時職員細心提點20分鐘左右先完成製作👍呢20分鐘我當然走去第度再掃嘢啦😂廿零分鐘返到嚟已經包裝好哂喇👍於事我就拎返出嚟影張相喇😎章魚燒上滿佈蟹膏同柴魚片🤤粒粒圓渾香噴噴🤤經過25分鐘車程返到屋企打開嘅時候,佢都仲微暖🤩每粒章魚燒都沾滿蟹膏👍超正👍內裡章魚都算大粒🦑唯獨美中不足係我太耐先食,面層淋咗唔再脆😭係我衰,下次一上車就要食咗先😂

講到「掃街」，方便易食又飽肚嘅章魚燒絕對佔一席位🐙 今次黎到葵廣3樓嘅「屯の大阪章魚燒」，章魚燒配料款款吸引，價錢大眾化，今次黎到都要吉一吉😋《 松葉蟹皇蟹膏🦀 》$34 / 6粒 4 / 5好幾款都好想試，不過最鍾意都係蟹膏配章魚燒🦀 蟹膏綿滑，份量慷慨，蟹嘅鮮味同章魚好配搭，好鮮甜👍🏻 章魚燒面頭頗焦香，不過裡面嘅章魚粒好細，咬開大部份都係雜菜，勝在夠晒熱辣辣同足料😛《 火焰熔岩芝士脆脆🧀 》$32 / 6粒 3.5 / 5大量嘅木魚令到章魚燒更加香口😋 半溶芝士、沙律醬、海苔粉再加上芝士脆粒，口感特別豐盛😋 係略嫌沙律醬冚左芝士味🤏 整體醬汁不錯，份量多，但反而主角章魚燒未見突出🐙———————————————🏠環境舒適度：外賣自取🥡👅舔脷回頭度：💛💛💛📸打卡able度：💛💛💛———————————————

葵涌廣場出名多野食，眾所周知3樓係一個美食天堂，今日就嚟睇吓有啲咩新嘅美食進駐先，搵到一間專係食章魚燒嘅舖頭，平時喺出邊都少見有專做章魚燒嘅，今次就嚟試吓睇吓佢咩料先😎😎其實佢好多味都係必食，今次我就揀咗其中一款，蜜糖芥末章魚燒，比完錢等咗大概1分鐘就有，好快，之前上網睇過呢間嘅介紹佢哋嘅章魚燒真係好出名好足料整得又靚，不過今次拎上手嘅時候，見到其實都整得幾求其，最緊要快？係等緊嘅時候，其實冇乜人等，尤其係依家疫情嚴重，葵涌廣場呢啲地方好少人去，都可以整到咁？唔講個擺款其實拎上手嘅時候熱辣辣，要等一陣先食到，佢啲醬好多，真係多到你唔想食，食醬多過食章魚丸，不過每粒章魚丸裏面嘅章魚都好大粒，口感唔錯，木魚碎都幾多，但好硬

● 元祖大阪章魚燒 $34見到呢間重開個陣真係勁興奮！係me同黃先生初初拍拖時嘅回憶嚟😗喺屯門紅橋個陣已經成日排晒隊後來執咗就勁耐冇食過🥲隔咗咁耐食返都依然覺得係世一🤪粒粒燒到脹卜卜粉漿溝得滑身 食落口唔會太粉有章魚粒粒 同埋調味唔會太鹹～仲有好多其他味都好正 推！@tmtakoyaki屯の大阪章魚燒葵芳葵富路7號葵涌廣場3樓摩登世界1號舖

🍾用餐體驗今日同朋友去葵廣行街，去到葵廣當然要試吓嗰度嘅美食啦，我哋去到三樓就見到好多人喺度覓食，而呢間鋪頭直情有條長長嘅人龍喺度排緊隊，又聞到浸好香嘅章魚燒味，所以唔執輸，一於排隊試吓！主食：🤍火炙熔岩芝士脆脆 $32呢間鋪頭嘅章魚燒有好多唔同嘅口味可以選擇，淨係睇個名都好吸引，好似鹹蛋黃金流沙、3.7牛乳流心玉子，而我哋今次就揀咗火炙芝士脆脆，粒章魚燒熱辣辣，食落去章魚燒嘅軟加埋芝士脆脆嘅脆卜卜，口感好特別，可以一試再試😋😋

今日六點去到已經要排，前面都十幾個我哋叫黑松露同埋芝士脆脆，黑松露嘅味比較濃郁大同章魚燒好夾，芝士腸份芝士味好濃有啲脆嘅嘢喺上面，覺得黑松露味比較好食雙拼就加兩蚊

每次經過都覺得好香噴噴好吸引，今次終於試到，叫左個黑松露味同芝士味，雙拼兩款都勁多汁，食曬啲章魚燒都仲有好多汁淨，可以留返黎撈飯食，入面啲章魚都好大粒，好足料，啲汁都好濃味😋😋

假日去了葵廣行下掃街，友人話有間章魚燒好想試下，去到覺得個名好眼熟，原來係屯の大阪章魚燒!係屯門好出名(可惜屯門對我來講太遠無緣一試就執左)，而重開呢間係由兩位年青熟客接手開嘅，同睇電視見歌手鄭欣宜都幫襯過~一於試下先!多款口味的章魚燒，十分有創意，每款都好想試，揀左和風蜜糖芥末及松葉蟹皇蟹膏。除了章魚燒，仲有其他小食。即叫即製，比錢後等10-15分鐘到先有，呢個moment周圍行下或買野飲先。和風蜜糖芥末，$30，一盒有6粒，熱騰騰大大粒，醬料分量十足，大量木魚及海苔粉，因係即整真係好熱食果陣小心焫嘴，口感外酥內軟嫩，章魚粒彈牙，蜜糖芥末好惹味。松葉蟹皇蟹膏，$34，大量的蟹膏醬，味道鮮味濃郁，口感豐富，唔會好怪，仲要幾好味。份量十足的章魚燒，下次有機試埋其他味。

我對章魚丸嘅喜愛程度，去到熱愛級別，成日行過葵芳都會心思思想食，今次叫咗個鹹蛋黃金流沙章魚燒，一拎上手個鹹蛋黃味超級香，即刻流晒口水，一啖食落口，都幾足料，配埋啲醬超級好味。

黎到葵廣食咩野好！呢期有間好hit既八爪魚丸🤩, 次次見襯佢都排好長龍, 今次早黎等幾個人就有得食喇, 我叫左蟹籽八爪魚丸$34(6粒)$40(8粒), 佢出名多蟹籽所以要試下, 等左8分鐘左右有得食喇, 的確佢既蟹籽係幾多, 木魚夠熱唔錯, 但我覺得個八爪魚粉太多, 整個皮超厚😢😢而且醬味只流於表面, 所以食落去好dry😢😢好在我叫左6粒咋！不過佢用料無可厚非咁講的確係多嘅, 所以我覺得係抵食只不過係個外皮太厚令到整件事口感都好乏味冇乜味道, 希望佢之後有改善啦

元祖大阪口味 $34 八粒即叫即製，俾錢後企埋一邊等叫號碼拎章魚燒，約15至20分鐘。章魚燒，粉漿唔算好厚，外脆內軟糯，內餡有椰菜碎、洋蔥粒、有兩嚿大大粒彈牙有口感嘅章魚粒，醬汁係燒汁+芥末沙律醬，面層仲有大堆木魚乾😋俾Like 評分： 7/10😋再嚟食指數： 7/10___________________屯の大阪章魚燒 (葵芳)葵芳葵富路7號葵涌廣場3樓摩登世界1號舖___________________

據說好味過真章魚就抱住試試心態，我點嘅係啖啖明太子，好鹹 要撥走晒先食得落，如果齋係咁嘅原因都算數，最令人谷氣係竉晒都俾人食，入口有苦味我以為明太子鹹到苦，點知連粒野都係黑色小店我都好想支持 不過真係唔應該整啲窿嘅嘢俾人食

話說早幾日去完太安樓食野之後，抽起左條掃街癮，所以一於決定趁放假黎葵廣呢個掃街天堂再戰😂以前有得去旅行個陣，去親日本都一定要食章魚丸，尤其大阪心齋橋落地庫個間🤤 不過都冇得去旅行就黎2年，唯有係葵廣食下章魚燒當解下思鄉之苦😮‍💨🟡 元祖大阪章魚燒 (6粒) $28章魚丸全部即叫即整，所以等嘅時間都起碼要15至20分鐘，嗌完去行個圈食下其他小食再返黎就啱啱好。章魚燒夠晒大粒，而且熱辣辣，入面粒八瓜魚肉亦都大大粒，冇偷工減料😛 係唯獨覺得啲醬汁唔係好夠，如果多返啲醬就更Perfect