屯門咖喱屋

营业中

休息中

「香港篇 - 屯門」“屯門咖喱屋 🥘” 🌟🌟🌟🌟/5屯門🐮一講起想食咖哩 一定會諗起依間😉好耐冇食 近排去食番 發覺有進步👍🏻🔸$295 3人餐🔸🔻前菜：炸雞塊 🍗 (free)食落有少少似麥樂雞 但冇麥樂雞外皮咁硬🤔比較軟身d☺️有埋個似係香草醬同甜酸醬點😚最重要係唔理你點咩餐都計番人頭比足你🤩🔻雞湯🥣(free)🌟🌟🌟🌟超好飲雞湯🤤係有dd似清雞湯mix忌廉湯😙🔻咖喱牛脷🐮牛脷好大舊 好軟稔😋佢以前d咖喱好辣 果日食發覺少辣左好多😳但一樣咁好味😋😋🔻咖喱雞 🐥雞都好嫩滑入味😋🥔都好淋吸哂汁🤤🔻咖喱魚 🐟 🌟🌟🌟炸過既魚柳 唔鞋 三款咖喱中最好食🤤🔻烤雞件用香料醃過之後再烤 再吱d🍋汁 都幾fresh🌿以前食落超鞋 果日食又冇咁鞋😀🔻蒜茸炒雜菜 🥬 🌟🌟🌟🌟唔知點解又炒得好好食🤤好夠鑊氣🔥🔻白飯或烤餅 🌮 🌟🌟🌟🌟烤餅煙煙韌韌🥰唔會太油🥳🔻拉茶 ☕️ (單點$20) 🌟🌟🌟🌟必點🤩🤩師傅會即場拉 好似睇表演咁🥳拉茶表面好多泡好fluffy☁️唔太甜 好多香料🤤好似chai tea latte咁🤔💁🏻‍♀️5個女仔叫3人餐食到反艇🤰🏻先係每人～$60 性價比超高🤩🤩🤩

食左屯門咖哩屋好幾年，終於的起心肝黎寫食評店永遠都係咁多人幫襯，不過就算要等位都好快到。雖然店員全都是印度人，但同佢地講英文又得，講廣東話都得，佢地都聽得明，所以溝通無難度！**餐牌**套餐價係$45，食左幾年都無加過價，我諗應該係自己舖先可以咁平。入面包括：湯，蔬菜 (紅蘿蔔+粟米+青豆)，薯條，飯，烤餅(Naan)，飲品。雞，牛脷，蔬菜，蛋都係$45。牛，魚要加$8。羊就要加$10。如果唔想要Naan，亦可以加$7轉Roti。**隨餐附送的雞湯** (3.5/5分)有啲似金寶既忌廉雞湯，好飲。**咖哩雞 ($45) + Roti ($7)** (4.5/5分)咖哩少少辣，食得出係香料調出黎，而唔係現盛調味包。雞肉軟滑，Roti點咖哩汁食簡直一流。**咖哩羊 ($55) ** (5/5分)我自己本身中意食羊，所以點左咖哩羊。呢個咖哩汁又唔同咖哩雞嗰個，呢個比較濃同辣，可能因為咁先可以蓋過羊原有既膻味。但其實羊肉唔膻，肉唔會好實，用叉就可以分開啲肉，方便易食。Naan同Roti分別在於前者似麵包，可以吸收更多醬汁。後者則係酥餅，口感比較香脆。得閒會再去光顧，因為真係好好味總括:1) 食

呢排疫情嚴重，個個都留喺屋企 返工，又唔使返學😒想去做運動你健身房都唔開🙄唯有出去行下跑下步 🏃就畀我哋發現有呢間屯門咖哩屋!!!間間餐廳都冇人，但係呢間食飯時間就全院滿坐好奇心驅使之下今晚一於去試下1） 咖哩角：其實我從來都未食過,今次係第一次。裏面主要係薯仔同埋豆+咖哩味,剛剛炸起非常香口2） 咖哩羊：來到時候非常細兜，收80蚊即刻個心唔高興😑不過食咗一啖之後就覺得好值得！真係幾好食,一啲都唔騷。裏面大概有十粒八粒羊粒3)咖哩牛脷： 當你以為咖哩牛脷同咖哩羊是同一種咖哩味，你錯了！顏色都有點不同,咖哩牛脷比較辣,牛脷非常厚，呢個好好食4）Tandoori chicken : 又鹹又乾！如果我下次去會食chicken masala5）Roti : 用好多牛油整嘅，點咖哩相當好食，呢度做得唔錯。6) Garlic naan: 一盒有四片，做得唔錯又係點咖哩一流7） 蒜蓉炒椰菜：正常水準，撈飯好食啲8) Saffron rice 印度飯： 見到saffron呢隻字就好想試，因為係好珍貴嘅香料。來到之後同預期有少少出入，印度米長而且一粒粒乾身，撈飯都可以接受。

作為屯門牛，基本上都一定聽過屯門咖哩屋，個個食過都話好食，今日終於有機會試下。8點左右嚟到，可能地點唔算就腳，所以人數唔多，都有一兩張吉枱。第一次嚟食，梗係想盡量試多d野食，咁啱佢哋有個精選晚餐，乜都有，有小食、烤雞、咖哩、烤餅、飯，仲有野飲，胃口細d一定食唔晒。小食係一落order就有，係炸薯仔球，點d辣醬食幾開胃。之後係烤雞，鐵板熱住上，少少香料味，係略嫌乾左d 。跟住係咖哩牛腩，超林超入味，咖哩入面放左番茄，少少酸辣，勁好味，果然係調教過，啱香港人口味！最後係印度烤餅，好香ge油騷味，點咖哩食一流！依間餐廳仲有拉茶出名，不過因為套餐太大份，食完都已經飽到上心口，所以冇試到，下次一定要試埋。

今日天朗氣清我又入左新界踏青😂😂男朋友話有間印度餐廳非常正宗抵食！一於去試下！！果然！真！係！好！正！一坐低就有侍應俾menu個價錢好抵只係$45！！加手抓餅（薄餅）都係$7拉茶加$10學生仲只需要$3～食正餐前有碗例湯真味好似中湯但我覺得有d咸😂小辣咖喱牛利（$45）佢地ge咖喱可以叫5同辣度～非常豐富！除左飯仲有跟餐係lee d硬薄餅！牛利好淋好入味！d咖喱好香5算太辣～好濃香草味！好好味配飯食！小辣咖喱羊加配手抓餅（薄餅）（$52）羊完全5「so」正爆！手抓餅有d焦邊脆口又5乾！雖然份量好多但我食唒所有嘢😂除左d豆其實勁多澱粉質但d汁實在太好撈飯食啦！🤯另外我地仲加配拉茶（$10）佢係有師父即場係你面前拉成個過程好似出show咁！佢會特登係你頭頂啊咁～$10！夫復何求啊～😵😵😵但我覺得拉茶有d甜！不過值得一試！！屯門咖喱屋抵食又有得等拉茶show！！十級推！！！！！

I went there for chicken and lamb curry on almost every Saturday from 2015 to 2019. Since Naan for lunch set is not my favorite, I ask for extra rice. Try lamb curry. It is heavenly. I also went there for dinner with friends and even ordered a set for 10 people when there are only 8. The food is amazing. If I were still in Tuen Mun, my streak would continue.

講起咖喱, 會諗起印度.講起屯門食咖喱 就一定會諗起置樂呢邊既屯門咖喱屋!😁記得我同男朋友既第一餐飯, 就係黎到呢一間餐廳.入門口有位印度人用流利既廣東話問你幾位再送上餐牌.周圍望, 全部都係印度人!😛😛有時會見到師傅由廚師行出黎為客人拉茶, 未叫野食就已經聞到好香!男朋友見呢度既人都係印度人, 以為要用英文落ORDER, 其實人地既廣東話好好架!我地都係叫左咖哩雞, 我唔食豆, 轉左薯條☺仲有其中一份我地轉左煎餅!份量其實真係好多 ,飯又好多, 煎餅又好多, 又薯條又薯仔咁樣, 係好豐富既澱粉質大餐😂😂佢個咖喱汁真係好好食, 撈餅同埋飯食真係可以完全食曬!而且真係唔貴, 如果我地仲係學生既話仲平D添!

唔係得重慶先有咖哩食架! 識去一定去屯門咖哩屋唔知大家有冇聽過屯門咖哩屋呢間都薄有名氣架佢係由印度人開而家都係佢地自己主理我知道有唔少人會特登去食架當日我地一行四人於是就叫左4人餐都係$350咋 好抵食呀首先每人一個湯然後有薯波做前菜跟住係雞同魚串燒 4人餐可以揀3款咖哩我地揀左咖哩牛 咖哩魚同咖哩蛋唔洗驚好熱氣個餐有蒜茸炒椰菜印度黃飯 白飯 蒜茸烤餅 普通烤餅呢啲全部唔少得啦食物都冇乜好講啦我都唔知點形容唔同嘅咖哩味但係我想講個烤餅真係堅好味仲有佢個拉茶超推薦佢係即場喺你隔離拉俾你不過我咁啱今次冇叫到影唔到俾大家睇但係一定要試呀

今晚又來到屯門搵食，男朋友話帶我去屯門咖喱屋，個名好搞笑好直接，我本身仲以為係日本咖喱點知係印度咖喱，由市中心行過去都要10幾分鐘，肚餓嘅我實在係等唔切啦見到有套餐，我哋就唔睇啦直接叫咗一個二人套餐，咖哩方面我哋揀咗咖喱牛同埋咖喱羊。呢個套餐都好抵食兩個人嚟食絕對會食得好飽。首先嚟咗個湯，好有趣佢係中式嘅粟米湯，不過不失啦。之後就嚟咗一個印度炸雞件，調味好濃郁，點埋佢啲醬汁好有印度風味。然後就上主菜咖喱牛同埋咖喱羊，份量都幾多，有四五舊肉同埋幾粒薯仔，牛腩好入味，亦都唔會好難咬。平時我唔會食羊因為怕有蘇味，而今次我就試咗一舊，都可以接受。整體來講咖喱好味份量又多係幾抵食嘅睇吓佢啲飯同薄餅幾大兜，但我哋食飯食到最尾的時候見到啲飯底有一條小菜蟲，小小美中不足，但唯有同自己講，又從即係冇落農藥啦😂😂

第一次黎轉彎位已經聞到濃濃的咖哩味！門口好大 唔算難搵唔知係咪lunch關係，餐牌只有咖哩牛羊雞揀今次我就試咗個咖哩雞再加拉茶。咖哩真的非常地道！有好濃厚嘅香料味，辣道適中因為本身我幾食得辣，所以覺得不算太辣。而且四十幾蚊有咁多野食真係好抵前菜，薯條，飯，仲有薄餅添！飲品本新包埋，但我加咗10蚊試拉茶拉茶好正 侍應會即時喺你面前拉之後就會有好多泡泡味道有點像泰式奶茶，不過奶味較重。總括來講 呢間好特別！下次試埋佢個波菜咖哩先！

呢間係屯門人必食既咖哩店！雖然餐廳既位置比較偏離市中心，但性價比高， 絕對值得行過黎試下👍🏻👍🏻佢有唔同款既咖哩：魚、牛脷、雞等等。我地次次黎都會叫牛脷😻牛脷炔到好淋，配埋咖哩微辣同香料香味，超惹味！

心血來潮一班朋友想食咖哩，即刻諗起依間屯門咖哩屋。位置係置樂過少少，係屯市行過黎要10分鐘到，但食完你就會明係值得嘅！一坐低未落單已經送左個小食，食落香口加埋紅色嘅酸辣汁，好開胃。一行四人叫左個三人餐，以四個女仔黎講都夠食。首先講下個湯，食落有少少粟米同肉，其實個味係似中湯加左啲胡椒。雞件醃到好入味，焗到岩岩好。我地揀左咖哩雞，咖喱魚同咖哩牛脷。其實三款個味都大同小異，食得岀好濃郁嘅香料味，送烤餅送飯一流。烤餅厚度適中，食得岀麵粉香，加埋咖哩汁簡直停唔到！蒜蓉炒雜菜超有穫氣，不過稍嫌過油。總括嚟講，4個人食左唔洗$300真係超抵，強烈推薦！

聽聞左有間由印度人開既咖哩屋，所以黎試一試一推開門，見到店員都係印度人，他們啲廣東話都好正餐牌都係清一式咖哩先黎一碗熱湯，食到有雞粒同粟米粒，有小小類似胡椒（又唔完全係胡椒）既味，好好飲喎我地都係叫左咖哩牛脷飯 （$45）有飯 + 粗薯條 + 薄餅 + 雜豆 + 牛脷 ，好豐富！個牛脷好淋真係堅好味，個咖哩小小辣又帶小小酸甜，我從來未食過依隻味既咖啡👍🏻 讚讚讚！個薄餅甜甜地，點咖哩汁，perfect ! 仲order 左1杯熱咖啡 ，啲奶都坐熱左，好飲！一杯凍咖啡，比較甜咁多味只係45 蚊，真係真心極力推薦👍🏻

是日午餐，去食中學時代的味道，屯門咖啡屋。數下手指十幾年前，一個餐$22，依家$45，一個double. 但份量冇double 到，係通脹嘅威力。物是價非叫左個牛舌咖哩餐，全餅走飯(我今日先知可以咁叫)。牛舌有3-4舊，點解用舊依個量詞而吾係用塊？因為佢個厚度，吾係一塊塊咁單薄咬落好多油脂同肉汁，好香牛味，我已經連續2次都叫牛舌餐，吾知下次會吾會忍吾住再叫呢三色蔬菜：粟米，青豆，紅 蘿蔔:好普通烤餅：煙韌有咬口，但冇脆皮口感的炸薯條：都係普通味道餐湯好飲，係雞湯，吾知有冇味精，食吾出餐包一杯飲料：冷熱同價，特飲加錢，我見旁邊的人叫拉茶，係即場俾你睇的幾特別。個人對奶茶麻麻地，所以冇試。總括而言，係有80分的。

位置方面:屯門置樂, 由v city/屯市行過去都有啲距離等待時間方面:12點幾到, 都仲有位, 即刻入得, 但去到1點幾開始多人.食物方面:今次嗌左2個餐.咖哩牛(腩) $53: 硬度岩岩好, 而且咖哩汁入晒味, 好好食.咖啡哩牛脷 $45: 煮得好淋, 好好食, 口感好好, 同樣地, 啲汁入晒味, 每咬一啖都有咖哩汁咖哩: 好好味, 同平時食到既咖哩唔同味, 好易送到飯, 同埋好多汁, 可以用黎點烤餅, 好好食.粟米雞湯 (包埋): 好想知佢係點煲, 因為真係好好飲環境方面:內外部裝修都幾特別, 地方唔算係好大, 但係舒適.員工方面:全部都係印度人, 佢地識識地中文, 仲會同啲客傾計, 有時會問好唔好食, 好nice!總結:果然, 係屯門最好食既餐廳之一!!! 價錢唔係貴!!!! 碟上既有牛﹑好多飯﹑薯條﹑雜菜﹑烤餅, 另上既有碗粟米雞湯, 仲包野飲! 60蚊有找! 好抵食!!! 食完所有食物真係好飽好飽好飽. 呢間屯門咖哩屋真係好好食好好食好好食XD 要講3次XD