山城小麵 (德福廣場2期)

营业中

休息中

已經好耐冇寫食評，嬲到唔上嚟寫對唔住自己，喺呢間山城小面嗌咗碟蒜泥白肉加個傷心酸辣粉，酸辣粉正正常常冇乜特別，但係個蒜泥白肉我真係好耐未食過咁垃圾，蒜泥同白肉完全冇混合，一啲味道都冇，剩係得紅辣椒絲，咁樣去做生意，真係聽執。

本人12/02號16:00左右去買酸辣粉外賣，阿姐坐咗喺度食飯，一開始就語氣很差地講“你講吖我要咩”，因為過年我都算，之後打咗下午茶加嘢飲，但係無比單我，我喺pos見到，之後比個粉我就算，我話唔係下午茶有嘢咩，我見到你入咗，佢勁惡話你話唔要下午茶嘅，請問下午茶47,單點51，既然你入咗下午茶就應該比客人有嘅嘢。啲嘢都算，態度語氣十分惡劣先過份。

每次去德福商場二期行逛，都好少上到muji以上層數，今次無意中發現樓上竟然有個food count, 亦竟然有我想食既麻辣粉麵，於是坐定定，試一試佢既一人餐。72蚊有一碗麵，一個小食及一杯飲品，叫了招牌牛肉麵及口水雞翼。牛肉切到細細粒，大概有6至7粒，唔算特別出色。麵叫了粗麵，比較掛湯。這個麵主要是吃他的麻辣粉及辣椒油。口水雞灑滿口水汁，一客有三隻，一樣是雪藏雞翼，同樣呢個餐既價值係食佢既調味汁。豆腐加2蚊，係放lunch時想要點刺激，這個是慳錢的一人選擇。

星期五，Lunch hour黎到德福二期既山城小麵🍜呢到最出名擔擔麵同酸辣粉，所有麵類可以揀辣或者唔辣🌶🌶🍜擔擔麵既湯底濃郁，肉碎都好足料，米線質感適中，唔會淋或太硬！👍🏻🍜酸辣粉揀左小辣，但係=譚仔既10小辣，所以如果你食到再辣啲，建議叫中辣🌶🌶，薯粉同酸辣汁係絕配，味道好夾🤤🤤二人餐包左兩碗麵，2個小食（大推手撕雞，須另加10元，雞唔會鞋同老，唔算太辣又惹味），2碗紅糖冰粉，2盒紙包飲品🍹🍹，共$148。總括性價比高，值得再去！

食物質素ok，如果叫下午茶餐嘅話，都算抵麵嘅份量算多，軟硬都適中，食完都夠飽雞絲同青瓜嘅份量較少，但下午茶餐平平哋都明睇落好似好辣，但食落去完全唔係中辣冰粉偏甜，份量較少開頭冇人收銀，叫左好耐先有員工出嚟新嘅員工好似冇培訓到咁，出到嚟唔識收銀，棟咗喺度，唔識叫人幫手，等左好耐先點完上一個客之後轉頭做自己嘢，唔識講等一陣或者其他，完全唔知可唔可以點餐整完餐唔識叫飛，就咁用眼喺food court揾上一個客，個客唔嚟就棟喺度，唔收銀，唔做其他嘢另一位員工出嚟幫手，語氣勁差，勁冇禮貌下次唔會再去食

原來德福廣場有food court, 仲要有咁多不同種類的食店。咁多選擇，就試二人餐，可以有啲規範去選。二人餐各選兩款粉，種類多，有辣有唔辣，我哋揀了牛肉紅薯粉同肥腸米線（小辣）。牛肉味道不錯，軟硬適中，不覺得鞋。湯清而甜，幾口都感到滿意。肥腸份量足，有肥脂也有薄的。小辣卻是十分多辣的調味料，所以一早就攞走先。小食揀了蒜泥白肉同麻辣手撕雞，其實調味料是一樣，所以味道一樣～正常，小食份量來說，算多。起初見到個餐以為不多，還想加其他店的炸雞，但怕眼濶肚窄，暫緩行動。二人餐有兩碗送的甜品，唔知點形容，不是負面。食完辣野，飲埋呢碗甜品，很滿足。口感像豆腐花/啫喱，面頭有提子乾及山揸乾。一百三十多元，很抵👍🏻

原來德福的food court咁多野食，見到呢間特別長龍，所以一於試下。叫左個二人餐，包兩個麵、兩個小食、兩個甜品同兩包飲品。唔洗$160有咁多野食，真係好抵。[]個名相當激動，但其實係肉燥麵，唔食得辣的我叫左走辣，味道可能冇咁豐富，但調味係足夠的，肉燥偏瘦，刀削麵唔夠有咬勁。[] 個樣好辣，但其實一啲都唔辣，只係油比較多，都香口的。[]同樣係油多但唔辣。兩個小食相比，豬耳比較惹味。

今次到山城小麵晚餐🥢，位於九龍灣偉業街33號德福廣場二期5樓Foodeli S10號舖。 餐廳主打川菜，見到有二人套餐好抵食，山城二人餐$138 (山城牛肉麵轉刀削麵$3、 紅燒肥腸米線、 涼拌滷豬耳$10、 尖椒皮蛋、 紅糖冰粉、黑糖薑母茶、 凍豆漿$2) 。 🔸尖椒皮蛋 ～ 涼拌前菜，但味道唔夠濃。 🔸涼拌滷豬耳 ～ 脆脆的口感， 好惹味。 🔸山城牛肉刀削麵 ～ 加$3可以轉刀削麵，口感Q彈有嚼勁， 牛肉軟腍， 點了微辣， 麻的感覺偏重， 有提味的作用，越食越開胃。 🔸紅燒肥腸米線 ～ 湯頭味道又香又麻， 辣度剛剛好， 肥腸好入味。 🔸紅糖冰粉 ～ 食完辣嘢， 嘆番碗紅糖冰粉， 清甜爽滑的口感，完美的消暑甜品。 🔸黑糖薑母茶 ～ 薑味唔夠， 我喜歡重薑。 🔸凍豆漿 ～ 豆漿味道濃郁， 幾好飲。 二人套餐價錢相宜， 整體味道亦不錯😊。🏷️溫馨提示～ 整個用餐體驗均屬個人分享意見， 只作參考😊。

今日黎九龍灣德福行街，去左foodeli食lunch，foodeli係一間food court，入面有唔同食店，環境唔錯，地方幾乾淨，坐位擺得幾梳，冷氣夠涼。但係食物方面，今次食呢間山城小麵就唔多掂，今次叫了秘製排骨麵轉薯粉套餐套餐跟一個小食，揀了蒜泥白肉，跟一包飲品維他檸檬茶。秘製排骨麵薯粉我揀了中辣，成碗佈滿紅油，睇落就重口味，但係食落只有嗆喉，不辣不麻不香，湯底淡如水無咸味，因為多辣椒碎，一淡湯飲落又成口辣椒碎，辣椒碎仲要有d苦味，薯粉又係無味同滾水淥完就入口無分別，排骨味道一般同平時食果啲滷排骨差不多，不過呢度四件排骨，四件都係中間一大條骨，骨多肉少，如果無加多個蒜泥白肉，根本唔夠飽。蒜泥白肉因為個底有少少醬油，所以好過個麵，都仲有少少咸味，不過同樣地，辣椒油不香不麻不辣，同其他地方比呢度的蒜泥白肉算差。性價比低成個餐69蚊，雖然預左商場舖係貴啲，但單就食物份量同味道同其他街舖米線比較，呢間性價比算低，味道亦差。

☑️在九龍灣德福廣場逛了許久，然後無意中搜索到這家山城手小面。真的是太吸引了，一個人的套餐才79，然後配上小菜，我們是加了錢配了手撕雞，配上一大碗牛肉刀削面，再配上一碗涼粉，實在是太劃算了。先說一說刀削面的味道，覺得湯底非常的好喝，牛肉也。牛肉也做的非常的入味，非常有嚼勁，反正整個體驗是很棒的。然後麻辣手撕雞配上辣醬，實在是好吃到絕了。值得一提的是，手撕雞的分量真的比我想象中大很多，手撕雞再配上黃瓜條，實在是太美味了。再來說說涼粉，這個冰粉實在是太好吃了，有紅棗橘子的味道。

成碗嘢冇乜味，只係得面嗰層辣油有辣味。但佢得個辣字，完全冇香味可言，仲油膩到爆，好似飲緊油落肚咁。奉勸各位睇緊呢個food court有咩食嘅睇到呢到可以揀過另一間，唔好嘥時間嘥錢。

山城小麵之前試過外賣撈麻醬涼麵 還ok可以接受 但是一次堂食就叫左次渝港擔擔麵套餐 其中麵底我選擇米線 應該好過擔擔麵 畢竟我個人對擔擔麵感觀一般般 首先米線偏霖 唔爽口 微辣對於我黎講好辣 食完立即喉嚨痛 份量算多 但係湯太多 令色相唔美觀 湯會令你有錯覺好清淡 但係食落我就覺得真是人不可貌相 但係肉粒醬你就知道真心辣🤯🤯唔係吹水。 你試試落就覺得真係重口味 果然都係試返之前食過麻醬涼麵同涼拌青瓜穩陣d🫣😹😂🫠 附送圖片 有圖真相

平日係九龍灣返工，想食麻辣野係一件好難既事，所以見到呢間鋪頭專係食川菜都非常有期望。款式種類都好多，唔少得酸辣粉、擔擔面、牛肉麵、紅油抄手等。見到張相碗酸辣粉好似好吸引，即管嗌咗一碗嚟試吓。單人套餐連小食$69，小食就嗌咗蒜泥白肉。▪️酸辣粉呢間鋪頭嘅酸辣粉湯頭好鹹，一味死辣，仲要係用乾辣椒碎（從來未試過食酸辣粉係會落乾辣椒碎），成碗薯粉油到不得了，薯粉吸哂啲油，每食一啖都係油！食咗幾啖完全冇再食，實在太難食了！▪️蒜泥白肉蒜泥白肉面頭一樣落左呢種乾辣椒碎（唔明點解蒜泥白肉都會落），乾辣椒碎破壞晒蒜泥白肉嘅味道同口感，又係食咗兩啖冇食！成餐飯冇食過啲乜，完全係覺得中伏！希望見到呢篇食評嘅你，唔好好似我咁中伏😢📍山城小麵九龍灣偉業街33號德福廣場二期5樓Foodeli S10號舖

去德福附近，好多餐廳選擇，上OpenRice見這家幾多讚，決定試吓。.🎈餐牌有一人套餐及二人餐.🎈食物.我叫了一人餐，擔擔麵，湯要了中辣，轉薯粉，小食方面，要了麻辣手撕雞 (另加$10), 加飲品或紅糖冰粉，全餐共$79。..擔擔麵，中辣湯，轉薯粉 ⭐️⭐️⭐️💫(3.5分)擔擔麵的湯底有好幾大種，香港餐廳很多是那種芝蔴醬式的較多，這碗則不是，是辣油較多，以港人口味來說是頗油膩的，明顯有一層油。.我要的是中辣，湯雖然紅，其實油多過辣，喜歡辣的朋友可能要試下大辣。肉粒不算多，有點肥。.我轉了薯粉，彈牙煙韌，可以。.麻辣手撕雞 ⭐️⭐️⭐️💫(3.5分)好處是碟底不是墊滿青瓜，是真的大部分是手撕雞，無骨容易食。同樣地不覺得辣，亦沒有覺得麻辣獨特的香味，只屬十分一般。.紅糖冰粉 ⭐️⭐️⭐️💫(3.5分)這個紅糖冰粉我是第一次吃，那些小粒是山楂粒，酸酸甜甜頗醒胃，冰粉有點像涼粉和啫喱的混合體，對我來說挺新鮮得來不算特別到留下深刻印象，甜度可以和適中。總體而言中規中矩，辣度不算高，較油膩。收銀員態度好。

🌸正宗酸辣粉 ，正宗手工酸辣粉，夠酸，夠辣，夠勁，帶給你記憶中的味道，加入肉碎，花生、蔥等佐料，味道超級好吃，越食越想食！🌸擔擔麵，滑嘟嘟麵條在惹味麻辣湯料中，伴著豬肉碎和蔥花，每食一啖，都叫味蕾跳躍起來。🌸皮蛋，川味嘅配搭，真係無得頂。🌸蒜泥白肉，一股醬油、辣椒油和大蒜組合的香味直撲鼻端，使人食慾大振。 蒜味濃厚，肥而不膩。山城小麵 (德福廣場) (九龍灣)九龍灣偉業街33號德福廣場二期5樓Foodeli S10號舖