山崎麵飽

营业中

休息中

偶然會到山崎買蛋撻，覺得她有設計、較'靚仔'。她的麵包比起其他幾家連鎖店都要貴些，但也特別些。這天我帶著大包小包的趕來，不巧店裡卻只剩些麵包頭、蛋糕尾，心儀的；傳說中的，一件不見…無奈只好買些麻糬波波和芝士軟包，希望能吃出點新意思。發現灣的驚人報告－1)麻糬波波（＄9.5/3件）－兩種口味：芝麻和紅莓。沒有驚為天人的好味；麻糬過硬有嚼頭，要有強而有力的牙齒的人，才較適合。紅莓味有些似咳藥水，芝麻味則覺得普通。2)芝士軟包（＄9.5/2件）－很美味！包有空氣感，芝士味道似卡夫，份量夠。3)蛋撻－太遲去，所以…連屍骸都不見。失落！因為是4時多的時候去幫襯，很多麵包都被攪得失去原有的樣子，下次改個時間去，好嘗試其他口味。當然，也買些蛋撻。

麻糬波波球令我一試愛上味道出色，作為零食嘅選擇都幾好 ·芝士麻糬波波 ,濃郁的芝士味真係好正呀!呢個朱古力麻糬波波係我最喜歡嘅麻糬波波球外面非常鬆軟，餡料係朱古力製作而成味道一流！🤤 一咬落去，d餡料就湧晒出嚟，超級滿足！

作為一間chain store形式既bakery 再考慮埋價錢, 麵包既質素唔太差.唔會好似某D連鎖bakery 既空氣包咁(麵包量不足, limited amount of dough is used). 呢間既包口感比較實在, 麵團份量OK.袋裝包黎講, 牛奶棒係唔錯, 味道清淡, 唔會太甜, 但牛奶味唔太夠.趕時間買早餐返工可以試下.

尋晚買兩個麵包俾自己今朝做早餐; 七點幾去買麵包，當然所剩無幾是常識吧。今次食的意式香草芝士磨姑包， 外表就好似出而意大利香草包;香草碎都頗多，咬左兩啖，中間放焰的洞越嚟越大; 味道有好重芝士味，而且有洋葱粒同磨姑，但份唔多:食到芝士的甘香。磨姑無咩味，洋葱索唔到芝士的味道。

我喜歡「山崎」的麵飽，一直都好喜歡。不論是甜的，鹹的，我都喜歡。但是，這個「蜜瓜飽」真的不得不令我對「山崎」改觀。因為實在太！難！食！當天一走入店內，立即被這個綠色的麵飽吸引住。以前常看到的日本電視節目，都有提到日本的蜜瓜飽如何好味好味，我一見到，就立即買了一個回家。開開心心的以為會好好味，但原來中伏了。首先我覺得外觀上是有點失色，但不是大問題。而蜜瓜味，都幾香。但是咬下去，真的是太難食了。第一面層的蜜瓜漿好黏牙，又好甜。第二，飽入面有層夾心，又是蜜瓜味甜醬，兩樣加起上來，就是甜甜甜。最重要是口感，竟然有種令人噁心的感覺。因為蜜瓜味的面層會黏住上鄂，感覺好怪….這個蜜瓜飽簡直是史上最難食的麵飽。

今天的早餐到了山崎麵包店買我最喜愛吃的芝士波波和朱古力波波我很喜歡它的口感，有咬口。味道更是我喜歡的芝士和朱古力味，正！為一不足的地方就是價錢尚貴，但是一分錢一分貨．．．都可以理解的！

在家附近的這家麵包店，一直也沒有機會吃過，因為家人習慣也是買美心的，是日買了白麵包點家，用來弄三文治作明天的早餐，另也口痕的買了一個蛋白鮮奶撻，試試又如何。蛋白鮮奶撻買回來的時候是凍冰冰的，如那時吃當然不好吃，但隔天再用焗爐焗一焗，外層的曲奇皮立時熱騰騰的，但吃起來牛油香不顯，而且也太過乾身，蛋白鮮奶餡太嚡又不滑，吃起來兩者的味道都不夠香，吃不出應有的味道。吃了一個撻後，都說回話來，此處的麵包全都是即時焗製，店後就是工場，比大集團的出品更有誠意，所以也不知是否因為這個原因，連白麵包也比美心的貴，但一口咬下來就知分別，麵包包身比美心的軟熟有包香，而其皮更有香濃的麵包焦香，這個味道是在從前的生命麵包常吃得到的，怪不得比人家貴了，原來真的是一分錢一分貨。值不值得付多一點吃白麵包，這個真的見仁見智，也沒有一個標準的答案，今次這個笑臉，是俾白麵包的，不計及那蛋白鮮奶撻。

今次試過佢的豆沙餅，　＄５．５，　比美心的黎波里６．５平dd．山崎的豆沙比美心的好食，　而且用料較天然，　因為看美心的豆沙餡成份，　其實加了其他添加劑．但我覺得美心日式燒餅個兩片餅做得比較好味，　旦味都重d， 香d．

這個幾好食. 雖然個名叫danish, 但其實裡面個質地都近似面包, 所以唔怕食完好似無食咁.裡面混雜左萍果粒, 增添幾分清甜. 包上面有幾片杏仁片作點綴, 而且還掃上蜜糖.

之前勁讚山崎的方包系列: 超芳醇, 特級方包.今次試埋全麥方包, 嘩, 味道都特別, 我食到有黑糖味, 而且一如以往的是好軟熟, 唔使搽任何醬都已經好好吃.

雖然見左好耐, 但今次都係第一次試這個合桃旦糕. 圓形的合桃旦糕, size比一般餅店的cup cake形合桃旦糕大, 夾的時候已經feel到好聚手. 上面的合桃粒都算多.整體都唔錯, 旦糕唔鞋.(因為通常合桃旦糕的質地都會較實和鞋, 如嘉頓和美心的合桃旦糕.但山崎這個唔鞋, 而且都軟熟, 而且味道都較好, 旦香味較牛油味重.大大個, 可以同人share, or 切開幾份分開食, 不然, 一次過食晒會好滯.

剛剛又儲夠印仔, 用左來換$8的長腸包.條腸夠長, 所以視覺上覺得這個包好巨型條長腸好味, 唔會好鹹, 又唔會好似紐倫堡腸咁多肥肉, 而且都好脆. 愛吃ketchup 的我, 仲沿著條腸唧滿KETCHUP, 仲好味.不過, 食完整個包其實都唔飽的!繼續努力儲印仔.(雖然明知其實唔係好優惠!)

家住香港仔的面包精, 平時最常去的bakery shop是凱施和山崎.最近物價暴漲, 山崎都先後加了兩次價.最常吃的有"藍苺旦糕忌廉包", 這個亦係"店長推介的包"之一. 其實, 早在三越還在的時候, 我都經常去basement的山崎買這個包, 以前的 size 大好多, 現在就縮了一個碼, 感覺唔係好抵. 現價$7.5. 而且, 我覺得這個包改錯名, 裡面的餡唔係忌廉, 其實是吉士, 所以應該叫"藍苺旦糕吉士包".另外, 都鐘意"朱古力紐紋". 不過, 這個吃的時候味道會苦苦地, 所以我鐘意叮熱佢之後切開幾份再搽花生醬. 現價$6.5.耐不耐就會推出的"菠蘿Camembert", 現價$7.5, 咸咸香香, 我鐘意在裡面搽藍苺醬.最近5月限定的"香橙忌廉芝士包"和"紅苺忌廉芝士包"都唔錯, 雖然細細個都賣$7, 但勝在裡面的cream cheese真係好多.