山牛

营业中

休息中

原來慈雲山開咗間平靚正嘅日式燒肉丼飯餐廳🇯🇵🍴！呢度嘅裝修都好有日木嘅風味😚 環境舒服而且服務非常周到，好推薦🥳🥳我哋堂食咗兩個套餐，包括🐮炭火烤牛扒燒肉丼🐮炭火燒山牛燒肉丼 - 牛腰肉&牛小排呢間日本過江龍主打純正炭火燒肉，燒得好惹味又可以保留肉汁🤤🤤 牛扒較瘦啱晒注重健康嘅我🥩！牛腰肉比較厚肉，三分肥七分瘦，香味十足，好正🌟之後再買多咗個外賣🥡🐮原味牛小排燒肉丼呢個牛小排燒得好惹味，有少少燶邊，牛小排好肥美，油香十足😋😋 牛肉汁配埋珍珠飯食真係冇得彈😍山牛 📍 慈雲山毓華街23號慈雲山中心地下1-3號舖

最近日本嘅松屋新開大排長龍,一於反其道而行介紹下一間都係嚟自日本過江龍嘅牛丼,山牛🐮厚切牛小排燒肉丼😋(中) $45份量好夠,牛小排有炭爐燒出嚟嘅味~住附近嘅話,得閒去食都係個唔錯嘅選擇🥳大份夾抵食🤝🏼牛扒燒肉丼🥩(大) $79價錢俾其他略貴,口感比牛小排韌,但相對食落較為滿足😌如果再食,建議普通燒肉丼🙈

舖頭冷清清，牛小排凍冰冰，白飯微微暖。問店員拎杯水，佢話無提供水喎😅，未聽過香港食肆無水提供比客人，香港待客之道👍🏻👍🏻會再去光顧嗎？三思而後行...

晚上8:30肚餓諗住快食一個餐。想食依一間嘢好耐但去到大門口個阿姐已經西口西面叫我地入去自己搵位坐啦。之後落單嗌咗一個牛扒丼一個牛小排檔丼。牛扒丼有少少溫度，但係乾身嘅…牛小排檔啲肉完全係凍嘅諗住叫佢重做，但都係算啦，叫佢退錢！即走冇下次仲諗住係過江龍有少少期望..點知一言難盡。冇下次冇下次冇下次冇下次冇下次冇下次冇下次冇下次

慈雲山又一好食燒肉店，本身已經唔多野選擇，現在多左生牛，多左個選擇可以食到燒肉又唔算太貴。香港一般既價錢，但有日本既風味。值得一試，雖然加小吃或者飲料可能有d 貴，但肉既味道的確好

唔好嗌呢間餐廳，服務態度真係離譜到一個點，尋晚我嗌咗300 gram嘅牛扒燒肉丼，佢俾咗個100 gram嘅我，跟住我打去餐廳冇人聽打咗幾次都冇人聽，申請退款，跟住今日收到嘅結果得四隻字：已經出餐，即係我一定要嗌300 gram 跟住收100 gram ？我嗌咗咁多次300gram，我尋晚一打開又知道出事，少咗幾倍。100 gram同300gram相差成50幾蚊，佢一句已經出餐就搞掂晒成件事？如果尋晚餐廳唔夠肉，可以打電話同我講，但係唔夠肉你做乜嘢餐廳呀？睇錯咗300gram做100gram，咁你貼乜嘢多肉落個蓋度啊，即係知道係300 gram啦，咁淨係比100 gram我係咩意思呀？態度真係差到阿媽都唔認得，四隻字想解決我個50幾蚊，即係我係應該蝕俾佢嘅？

20：28分落單一分鐘都唔洗出餐心諗（真係好，唔洗等咁耐）點知10鐘路程都冇返到屋企，打開發現飯同牛都係凍嘅，真係好失望，之前幾次都OK嘅，宜家越嚟越差，諗住打電話過去反應下，電話都唔接，垃圾

呢間燒肉丼店經常係街邊排出大量濃煙，充滿炭火肉香，令人蠢蠢欲動🤨今日終於第一嚐試，價錢中規中矩🧐✳️麻辣燒肉丼150g套餐：炸雞&可樂（$60+$20) 👍👍燒肉炭火味尚算香口🤤但部分較燶及乾身，牛味不算好突出，燒肉份量較少😢飯底係普通白飯，太普通😳只能說整體尚可接受，但不能吸引回頭再嚐！但炸雞反而有驚喜，外皮微脆，薄身，而內裏卻是嫩滑 juicy 👍小食炸雞卻好食過主食過燒肉丼，略嫌有些喧賓奪主😓😓

未試過堂食夜晚9點鬆黎到，見門口寫9:30截單咪入去食，諗住堂食質數會好啲叫咗兩個牛肉飯，一個加套餐好快就攞得餐平時買外賣都會去旁邊個櫃度自己落啲醬汁今日攞餐嘅時候就發覺啲汁收埋晒跟住走去問收銀姐姐（指住醬汁個位「想問下係咪有啲醬汁可以落？」個姐姐就答我「冇架喇，收哂架喇，冇得落架喇」即時心諗下，你未夠鐘截單就收哂啲野咁唔緊要照食，點知 個小食炸雞凍既，牛肉凍既，飯凍既無汁既最後覺得都係買反屋企叮黎食好過

聽講慈雲山開咗一間過江龍燒牛肉飯，於是就決定今晚試一試去，睇返早排係排晒長隊，今晚去決定買個外賣試吓，入到舖頭好大浸燒牛肉嘅香味！仲係炭火燒！睇到店內嘅廣告都知喺日本都幾出名嘅，去到慈雲山中心搵到間譚仔就搵到佢，如果唔係住附近都要問吓路先知🤣🤣叫咗兩個唔同份量嘅炭火牛肉飯，食落又唔錯👍🏼夠香濃！而且都夠多份量，同埋都好重牛肉味！白飯方面都份量夠多！而且仲有一啲前菜，令到我可以更加開胃！唯一美中不足嘅就係外賣可能凍咗啦！個飯凍凍地唔係太吸引！下次搵日要去試吓堂食先😋😋😋

平時好少食牛..之前聽朋友講過慈雲山新開左，領次路過黎試下真係耳目一新，牛肉薄薄片量好足，肉多過飯，，少食牛嘅我唔識品嘗啲牛靚唔靚，但係食開唔係全熟嘅人可能會覺得韌，不過我就覺得有咬口，食落輕微炭燒味又啖啖肉好好味。現場冇乜人，除左加錢買嘢飲就冇其他，冷氣又爭啲。53蚊味道黎講好過食吉吉家

上次食咗個小牛排餐幾好食、咁今次就得過106蚊牛舌餐。唔知係咩原因，係咪啲員工唔中意我、成碗牛舌得一舊、係得一舊！其他係普通小牛排肉咬唔開。換之前我唔記得影低相、不過有兩舊檸檬證明我換過、佢一碗飯只係配一舊檸檬，之後換咗碗先叫係牛舌餐大佬啊比成舊水食你牛舌餐、唔係得一舊牛舌咁開心吓、之後我最後食淨啲飯、大家睇吓ok唔ok。最厚同最薄可以睇相、係得一舊最大個舊係淋、其他都好難咬。食完、之後睇吓人哋碗牛舌餐又正常大大舊嫁哦、可能我換完廚房先做嘢、下次可能唔去食

呢間日本過江龍燒肉丼主力用純正炭火燒烤牛肉，而且價錢都幾抵食😋💪🏻 炭火燒牛小排燒肉丼 + 炸雞、飲品 ($48+$18)燒牛小排炭火味非常香口🤤，有少少燶邊，唔似平時啲燒肉飯但其實冇燒過！牛小排夠肥美，所以燒完之後油香十足！牛味唔算好突出，而燒肉汁嘅味道就偏咸，比較重口味。但整體燒牛肉飯嘅味道都係不俗！炸雞反而幾驚喜，外皮炸微脆，唔會太厚，而內裏保留到肉汁，好juicy😛 雞肉亦都好滑！味道：7.5/10性價比：9/10食住瘦指數：💪🏻/5

小牛排味道偏濃，肥牛厚度不及當初試業個陣厚，愈食愈薄😮‍💨牛舌都多肥膏位（第一次食牛舌有肥膏），愈咬得耐愈頭痛🤦爽口牛舌唔多。等外賣/堂食預左要成25分鐘。都已經開業左一排，仲要等咁耐。

5月28日早上，收到細仔仔急Call訊息，今晚帶揾食肥華及靚媽，到雲山中心，一間以快餐店形式經營餐廳，食日式燒牛肉飯，今餐細仔仔買咗3款，此店燒牛肉飯套餐給大家品嚐，而呢三款燒牛肉飯和個兩碗跟餐，日式湯味道都OK，返而其中一個餐，嗰支豆䊢就考起，我哋三個人，因完全冇平時飲開嘅豆䊢味，靚媽話喺奶茶味，肥華就話似淡奶水味，細仔仔仲誇張，話唔知乜味，而此店又冇茶水供應，再加上，啲燒牛肉上枱後就變凍食，所以此店唔不獲，肥華好評！