山田海韓國料理

营业中

休息中

今晚係我20幾歲人 食過最差嘅一餐飯兩個人去食晚餐 諗住話試吓呢間韓國嘢見到個牛腸set 價錢$680 張圖份量睇落都幾夠 價錢同圖都算合理之後真係叫咗個牛腸set $680 + 牛肉冷麵 $110落單侍應問需要生菜包？ 朋友快口答左要咁唔緊要啦🫢👌一個冷麵 2人份量都夠嘅哇！個牛腸一到，我以為自己叫咗$128果份兩人平均唔夠10舊，圖中間果圈牛腸變咗堆芽菜之後老闆過嚟烤，連個老闆都可以烤燶晒🙃🤯我真係呆咗。。。可能睇到呢度，你會話邊度仲有人睇圖叫嘢食咁我只能夠話，可能依間餐廳唔岩我口味啦希望企喺門口嘅你見到呢個食評，入去之前諗清楚！我埋單食咗$930😀

駱駝漆隱藏住好多美食，相信係觀塘打工仔嘅飯堂！🙌🏻曾經係觀塘打工仔嘅小編就發掘左一間韓國人主理嘅韓國餐廳，簡樸風木系裝潢、一整桌嘅前菜、熱情又搞野嘅韓國人老闆，真係好似去左韓國咁🇰🇷野食方面，價錢唔算平，不過好大份夾好食😚一group人去嘅話會幾抵食🍻ꞋꞌꞋꞌꞋꞌଘ 前菜堂食付八樣前菜 超有誠意！有泡菜 魚糕 茄子 薯仔等等多到懷疑食前菜就夠飽其中幾鐘意佢地嘅泡菜好鮮甜爽脆😍而且份量仲好慷慨ଘ 辣醬炒八爪魚 $168 ▸ 7.5/10三款入面最推薦呢款睇落唔係超大碟但原來入面勁多八爪魚🥢好似食極都食唔曬 夾極都仲有咁（最後又真係覺得好食但都食唔曬..全部大大舊 啖啖肉 又爽嫩🤩醬汁甜甜辣辣配埋青瓜好開胃ଘ 烤豬腸頭 (有醃) $148 ▸ 7.5/10軟糯肥美 好入味👍🏻啱曬鐘意醬汁多嘅人鐘意食鹽燒/原汁原味嘅亦有冇醃嘅version可以選擇ଘ 牛肉冷湯麵 $110 ▸ 6.5/10燒肉必嗌一碗冷麵解下膩💦同樣係超大碗～味道ok 稍偏淡 我鐘意再酸啲𝘙𝘦𝘷𝘪𝘴𝘪𝘵: 𝘮𝘢𝘺𝘣𝘦𝘙𝘦𝘴𝘦𝘳𝘷𝘢𝘵𝘪𝘰𝘯: 𝘰𝘱𝘵𝘪𝘰𝘯𝘢𝘭🏘: 觀塘開源道60號駱駝漆大廈第3座3樓U室🕘: 星期一至日 12

今日嚟到田海韓國料理 (觀塘) 食韓燒，家庭式經營，老闆會跟客人一起喝酒，好有親切感，老闆仲特別送左韓式蒸雞蛋。佢哋嘅韓式蒸雞蛋，好滑好嫩，值得一試。烤肉雜錦拼盤(牛肉/豬肉/雞肉) ，份量十足，肉質鮮美，好鐘意佢哋既醃製，非常好味。辣豆腐海鮮湯 ，湯底鮮甜，豆腐滑嫩，海鮮新鮮，非常好味。辣泡菜豬肉煲 ，豬肉煲燉得好入味，辣泡菜少少酸味好開胃。•韓式蒸雞蛋 $88•烤肉雜錦拼盤(牛肉/豬肉/雞肉)$579•辣豆腐海鮮湯$118•辣泡菜豬肉煲$108山田海韓國料理 (觀塘)觀塘開源道60號駱駝漆大廈第三座3樓U室

多年以黎都喺觀塘一帶打滾，午餐最常就係去駱駝漆度搵食架啦，雖然等Lift時間一直都係比較耐，因為真係太多人要上樓搵食，如果喺附近返開工既應該對呢間傳統韓國野唔陌生，每次去到最開心既就係一坐低就會擺出6小碟前菜，而且咁多年黎都係咁好食，今次就揀咗豆腐海鮮湯，午餐既選擇都算多，由湯飯到麵類到年糕類都有，湯類又有人蔘雞、海帶牛肉、海鮮...等等，咁多款可以揀，海帶牛肉係我一直既大愛，不過都係因為近年都真係盡量少啲食牛，午餐價錢介乎七十幾蚊到九十幾蚊左右，唔算好平，但係喜歡傳統韓國料理既朋友真心唔可以錯過。

好鍾意呢間店好有人情味，一入去已經好有韓國傳統餐廳嘅感，牆上面貼左好多老闆同客人嘅即影即有，超級warm~~食物方面，都有好多選擇，我地叫左燒肉、豆腐湯、生牛肉飯，味道正常，而小菜有驚喜，個人喜歡薯仔、茄子同芽菜，仲可以任添！食食下途中，餐廳老闆走過黎同我地傾計，又請我哋飲酒、食紫菜（好大方！）。老闆仲擔當媒人角色，將單身男女配對，老闆又講真係成功配對到，仲生埋BB，超級可愛🤣🤣🤣同朋友食晚餐傾左5個鐘，超適合吹水嘅地方～～

好友生日，佢愛人想同佢搞個特別派對！🥳唔想去傳統酒樓食，於是決定食韓燒！🍗🥩🍖屋企附近有間食開嘅，於是就同老闆娘商量一下，可否畀一個角落我哋開party？佢一口應承，仲畀地方我哋做簡單佈置！🥰🥰🥳當晚我哋有廿多人，安排菜式好似自助餐咁，廿幾人又飲又食非常盡興！！因為都見過好多次有人嚟開生日party，（當晚計埋我地已經有四枱～）所以知道佢會代訂蛋糕，真係又靚又實惠！老闆娘有時間仲會幫我哋調酒，普通平時飲開嘅「深水炸彈」已經未能滿足我哋…😅🤭佢有獨門秘方：叫做「苦盡甘來」，其實係由人蔘酒、燒酒、啤酒、可樂組合而成～最重要係一個儀式感，沖製過程需時，大家要耐心等待！！講真一句，我個人覺得幾好飲嘅，不過有啲人就覺得人蔘酒嘅味道有啲苦～😅話明苦盡甘來呀嘛……最重要係結果要甜！！當晚mvp係豬腸同豬皮，真係冇得輸！豬腸香辣～煙煙靭靭～口感非常好！！豬皮充滿骨膠原，食完滿咀滿足！食完仲可以繼續飲到盡興～🍻🥂🍾不過啤酒要自備～佢舖頭冇提供！可以響樓下便利店買上去代雪！平時食飯可以walk in，但如果開party就一定要預約啦！

今日同朋友去呢間韓國餐廳慶祝生日 老闆是韓國人非常熱情朋友生日有蛋糕送 仲有禮物收😂前菜都有好多款仲可以任加兩次 我地食咗醬油蟹 $200 一份質素一般 食落有雪味 唔夠新鮮 其他韓國菜 質素都是中上例如炒年糕味道不錯 不過有點辣燒肉方面 推薦大家叫牛肉 肉質鮮嫩 店員亦會幫你燒 服務態度好好👍🏻

前菜會跟隨人數而定（3碟/1人）我哋2人就有6小碟。小菜分量是不錯的，但味道就一般唔建議全戰😂石頭什菜拌飯 上枱個陣石頭鍋熱辣辣咋咋聲係幾吸引，但見到蔬菜就一般，未食過拌生菜😢整體唔用醬係無咩味，要落超多之有味，但味道偏死甜辣所以都一般般，但飯份量好大，再加埋跟碗蘿蔔湯，女仔應該食唔曬，加上湯偏咸所以自行判斷。海鮮豆腐煲湯豆腐很滑同多，海鮮有一隻蝦, 兩隻青口, 一堆硯肉，料就一般，通常食呢個湯就係想食豆腐，而整體味道也不錯，係幾抵而唔錯既選擇---## 評分標準食物:3/5環境:3.5/5服務:3.5/5性比價: 👍🏽pp$50-100回購率:👍🏽地址：觀塘開源道60號駱駝漆大廈第3座3樓U室

工廈食堂基本沒什麼裝修，午市以韓式快餐為主。前菜有6小碟，都是一些比較廉宜的食品，分量是不錯的，但味道參差，有一碟像是黑豆的東西，賣相、味道及口感都不達標。牛肋骨湯內有2大件牛肋條及1隻韌而無味的鮑魚，食材份量算是對得起價錢，可惜湯頭就是味精水。賣相不錯可惜湯底味道一般，或許是辣味蓋過了其他食材的味道，以韓國麫而言，煮得實在過淋，海鮮有蝦、青口及蜆，但味道不鮮。午市套餐包韓國飲品一罐，選了原味檸檬，但還是比較喜歡淡淡的熱茶。

觀塘食肆其實真係臥虎藏龍😎呢間位於駱駝漆嘅韓式餐廳12點過後幾乎一位難求！重點係真係好好好好食！我可以連續三日Lunch都過嚟食阿😋👍🏻先講佢嘅Kimchi 就算兩位佢都有六碟唔同嘅是日精選Kimchi俾你 我最鍾意佢個泡菜 鹹 辣 酸 醬汁比例真係拿捏得非常好🤤如果唔夠食可以再fill多一兩碟都得嫁🤫餐牌上其實都試咗超過十款而我最鍾意嘅就係佢嘅生牛肉什錦伴飯佢嘅生牛肉份量超級多 性價比係超級高阿！$95係$95蚊炸！伴飯加上韓式辣醬撈勻嚟食 ！真係正宗地道嘅韓國嘢海鮮湯、米腸湯、牛肉湯、大醬湯呢D都唔錯鐵板烤肉都試勻 我都係鐘情生牛肉伴飯如果夜晚仲有好多烤肉選擇 醬油蝦、醬油蟹、烤豬皮、牛腸呢D都係必食推介阿

#20230715 🤍📍 山田海韓國料理 觀塘開源道60號駱駝漆大廈第3座3樓U室➖➖➖➖➖➖➖➖➖➖➖➖➖➖➖➖➖➖#前菜 💭 一叫完野食就會上前菜先🤩會因應人數而調整個碟數，當日🐷一行兩個人，所以獲得6碟😂有茄子🍆魚板、菠菜，正常之上，完全可以當餸咁食，蜜糖薯仔🥔同花生🥜係🐷最鐘意，兩碟都甜甜地，特別鐘意花生隻口感，煙煙韌韌咁食唔停口，最後一碟當然唔少得泡菜啦，就咁食無想像中咁咸，不過都係撈飯食好味啲😅.#石頭什菜拌飯 #牛 $75💭 一上枱熱辣辣咋咋聲♨️啲牛仲生生地，靠啲熱力整熟佢就唔會太韌，除左仲有好多唔同既蔬菜🥬不過就咁食係無咩味，要靠佢比果啲醬先有味，🐷總共落左兩大羹，碗飯份量好大，女仔真係未必食得晒呀～會跟碗蘿蔔湯，食果陣唔使咁dry，不過偏咸，飲完又要飲返茶🍵.#辣牛肉粉絲湯 $80💭 會跟一碗白飯🍚所以份量都多，仲要個湯入面仲會有啲韓國粉絲，真係飽到上心口😂啲粉絲略嫌太淋身，如果煙韌返少少就好🤏🏼雖然叫辣牛肉，不過唔多辣，反而偏重大醬味，可能要就返香港人既口味😎啲牛肉都唔係平時打邊爐啲肥牛，而係用牛肋骨，仲要去晒骨超級加分💯肉質彈牙又大大份無得彈啦.#韓國葡萄汁 +$

白切豬肉包心菜 $278豬肉同脂肪層次分明，食落口感清爽，非常唔錯。用生菜包住豬肉、泡菜、蒜頭同醬汁會減低咗個肥膩感，非常推薦！辣醬炒魷魚 $168食落魷魚清爽，辣醬唔會太過辣到食唔到亦唔會太濃味，但係就保留到魷魚嘅鮮味，小編就幾鍾意呢個餸，要嚟送啤酒真係好正。海鮮炒年糕 $118海鮮炒年糕用咗韓式長條年糕，煙韌度適中，炒年糕嘅醬汁非常杰身，陣陣辣味掛住喺年糕上面！而且海鮮嘅份量都非常之多，有青口、魷魚、蜆同蝦， 呢個價錢都幾抵食。豬皮燒豬皮小編亦係係極度推介！快燒完嘅豬皮好彈牙， 食完真係覺得啲骨膠原翻曬嚟呀！牛肋骨(有醃）$278牛肋骨嘅醃料帶有少少甜味， 本身佢都醃得幾入味，燒完之后就更加惹味！海鮮煎餅 $118海鮮煎餅主要係用魷魚做材料，味道都幾好。小編略嫌覺得餡料可以再多翻少少。但係不得不提既係佢個醬汁，小編覺得煎餅配左佢個醬汁一齊食係提升左成個煎餅味道嘅層次，極度好食。牛肉冷湯麵 $110呢個都值得提一提既，係因為咁多個餸小編覺得比較唔OK嘅就係呢一個啦，因為個麵好淋，而且牛肉嘅份量唔係好多。小編下次會試其他嘢囉。

老闆係韓國人，所以菜式味道係真‧韓味。夏天㷫烚烚☀️🔥，最好食D涼拌野，一坐下來就先上六碟前菜，泡菜、花生、薯仔、沙律、西蘭花和青菜豆芽菜，當中薯仔最好食最入味，其次是泡菜，甜酸辣味集一身，令人好開胃😌。試左個泡菜炒飯，份量十足，炒飯入面混入左唔少泡菜，泡菜食落幾新鮮爽口，炒飯完全融入了泡菜味，又唔油膩，再加隻太陽蛋，食到飽😋，仲要食唔晒，最後要打包添。成餐好抵食，又食又拎，仲有咁多款菜未試，一定會再黎過❤️‍

本身家住觀塘，呢間韓燒就係響駱駝漆大廈三樓，咁方便，點會唔嚟食呢？！😜🤭雖然唔算好平，但都算價錢合理，個老闆係正宗韓國人，娶咗個香港老婆，佢又係住響觀塘，即係街坊啦！！🤣🤣🤭👍🏻當然要支持支持！個人覺得必食係豬皮、牛腸（雖然朋友話燒腸嘅時候好大陣味🫣😓，但係至愛就係至愛😌😌😚😘冇得講～點都要食…sorly🤷🙇🏻‍♀️）同朋友嚟食晚飯通常都會嗌海鮮鍋，貪佢一煲過～有魷魚、蝦、蟹、蜆～搞掂曬！所以間中都會嚟食下～🥰獨家：：老闆娘私人傳～“受苦盡甘來”，玩過你就知！😜🤭🫣店內沒有賣酒，要到旁邊韓式超市自購🍻🥂🍾🫗

今日收工去觀塘探一個好耐冇見嘅朋友，朋友問我想食咩，見耐無食韓國野就去openrice search駱駝漆有咩韓國野食食見第三座有間叫山田海韓國料理食物相片唔錯就去左呢間叫左個炸醬面＆辣炒年糕拉麵外賣返去朋友工作室食，唔知係咪外賣關係炸醬面個醬與面好難拌勻，另一個情況一樣，但味道唔差，辣炒年糕夠辣，年糕都算煙韌軟糯，搵日要再去多次堂食先得，順便叫下烤肉食😁另外估唔到呢間餐廳外賣都會送左份前菜（芽菜，蛋，泡菜，魚糕）以為堂食先有