山田海韓國料理

营业中

休息中

一直都知道駱駝漆大廈是臥虎藏龍的美食之地，但好少到東九龍搵食, 所以都要靠朋友介紹, 今次朋友就帶我去食由韓國人主理的韓國餐廳,果然無介紹錯, 好味又性價比高! 餐廳門口已經貼滿韓國老闆與客人的合照, 內埋裝修樸實簡單, 牆上貼滿餐廳的菜式, 四周的電視上一直播放韓國MV,超有韓國local餐廳feel🏠餐廳由韓國人主理, 老闆仲好熱情,一直滿場飛同客人寒暄, 超熱鬧的~餐廳提供多款韓國料理，由醬油蟹、石鍋飯、部隊鍋、烤肉、到炸雞都有, 款式種類多, 啱晒多心的香港人🥳點菜後先上前菜, 8款前菜包括新鮮辣泡菜、魚糕、薯仔沙律、菠菜、荳芽等, 全部可以無限量追加🤩而佢地嘅新鮮辣泡菜仲係每日早上新鮮製作, 唔會太辣, 但保證爽脆鮮甜! 一心想食烤肉的我們就點咗2個套餐, 已包括湯、2碗白飯及2罐飲品🌟S3:鰻魚套餐($498)韓式烤鰻魚|芝士蒸雞蛋|海鮮嫩豆腐湯 鰻魚由韓國引入, 肉質厚實彈牙,店員會幫忙烹調, 以確保鰻魚燒得剛剛好,烤過的鰻魚皮好香脆, 魚肉厚實嫩滑,醀燒烤醬同吃超夾😋🔸石鍋韓式芝士蒸雞蛋, 蒸得漲卜卜, 口感柔嫩軟綿, 有蛋香之餘亦帶微焦氣味, 是傳統韓式蒸蛋的味道,

呢晚同友人過咗嚟食韓國菜，我哋嗌咗兩份signature套餐，有韓燒鰻魚同埋牛肉，真係令人心心眼😍 前菜一坐低店員就俾咗八份前菜我哋，全部都係任食㗎，特別鍾意佢嘅自家製泡菜，保留娃娃菜嘅口感🤣牛肉套餐可以喺三款牛肉入面揀一款，店員同我哋推介呢份牛肋骨，已經用上秘製醬汁醃過，味道略帶點甜味，烤完真係超級香呀😙 肉質又夠晒軟腍🥩鰻魚套餐♦️韓式烤鰻魚成條鰻魚唔使驚處理唔到呀，店員幫手燒，輕鬆食到即燒又肥美嘅鰻魚🐟 烤到啱啱好，夠乾身，入面仲保留有肉汁🥰♦️芝士蒸雞蛋呢個菜式幾特別，用上石鍋，有超強拉絲嘅芝士，配搭人人都鍾意嘅嫩滑雞蛋🍳湯品♦️泡菜豬肉湯入面勁足料，真係有大量泡菜配豬肉，味道帶點微辣，唔會太嗆口，喺入口舒服嗰種辣🌶️♦️海鮮嫩豆腐湯海鮮方面有海蝦、青口、蜆肉、魷魚，仲有好多豆腐😍 都幾足料。飲品可以喺五款汽水入面選擇，飲汽水嘆燒肉嘅配搭唔錯😌呢間韓國菜都有唔少名人嚟過幫襯，質素果然係幾唔錯👍🏻 最令我回味就係烤鰻魚，下次要再嚟食過先得 。

來到觀塘梗係要搵美食啦～今次嚟到觀塘駱駝漆工業大廈就搵到一間隱世韓國美食店。呢間韓國餐廳係由韓國人主理，所以入面嘅裝修都有韓國嘅色彩，而食物更加是充滿韓國特色。首先，就有八碟韓國小菜先上檯，其中我最鍾意食就係自家醃製嘅泡菜，呢隻泡菜微辣之餘仲好爽口，聽老闆講原來係每日新鮮製造。唔怪得知食入口咁爽脆。所有前菜都可以無限追加，可以怒食。今次我哋就嗌咗S5嘅牛肉套餐，呢個套餐有好多嘢食，我哋就嗌咗牛肋骨同牛板腱肉。原來呢度嘅牛肋肉係用咗自家醃料醃製，喺餐廳最受歡迎嘅菜式之一。入口牛肋骨好軟熟之餘仲帶有一點甜味，燒完之後特別好食。另外，仲有泡菜豬肉湯，呢個湯微辣仲有少少微酸，非常之開胃而且入面仲有大量嘅泡菜同埋豬肉，真材實料。芝士蒸雞蛋，呢個蒸雞蛋我都係第一次食，一上枱見到用石鍋裝住已經覺得好特別，熱辣辣嘅芝士配上蒸雞蛋真係好夾，蒸雞蛋食入口口感好綿密，用來送飯真的一流。最後，仲有一份煎餃子，呢個煎餃子入面係有韓式粉絲，所以食入口嘅時候好滑身，配上煎到好香脆嘅外皮，真係越食越好食。估唔到今次搵到呢間韓式隱世餐廳，食物質素好之餘，環境都非常舒服，性價比非常之高。見到隔籬枱有人生日，原來仲有生日驚

喺觀塘發現咗間超正嘅韓國料理「山田海」🇰🇷 一入門口就見到超多明星合照📸✨ 成間店好似韓式大排檔咁熱鬧，雖然係樓上店但晚晚爆場，氣氛滿分💯我哋今日食咗：🐮 牛肋骨（2人份）｜肉質軟淋淋，醬汁甜鹹適中，兩兄弟搶住食到舔舔脷😋🍲 泡菜豬肉湯 ｜ 酸辣開胃，豬肉吸晒泡菜精華，配白飯一流🍚🦐 海鮮嫩豆腐湯 ｜ 豆腐滑嘟嘟，海鮮鮮甜到震，飲完成個人暖笠笠❤️🔥 韓式烤鰻魚（2人份）｜ 店員用火槍燒到外皮香脆肉質彈牙，醬汁惹味到想encore！🧀 芝士蒸雞蛋 ｜ 芝士拉絲超邪惡，雞蛋滑到似布丁🍮🍗 韓式炸雞 ｜ 脆粉唔厚，咬落肉汁爆發，脆脆的原味兩兄弟最愛重點係🇰🇷韓國老闆超用心：✅ 大部分食材韓國直送✅ 泡菜每日清晨新鮮醃製✅ 前菜任添唔手軟（勁多款前菜必食！）仲有韓籍店員姐姐超nice🤗 不停請兩兄弟食雪糕糯米糍，開心到佢哋跳舞仔🍨💃見到兩個仔由頭食到尾笑咪咪，仲學識用韓文講「好好食」😆 呢度絕對係親子友善之選，等位時仲有電視播K-pop MV睇唔悶親～ 一定會再嚟encore！👨‍👩‍👦‍👦💕

觀塘有一間隱世韓國傳統餐廳，近門口嘅牆身貼滿老闆同客人嘅合照，老闆仲會滿場飛，同人客傾計，超級warm🌞餐廳有8款前菜，份量十足，泡菜爽脆香甜、魚糕🍥、爽口芽菜、涼涼嘅菠菜、薯仔🥔等🐠S3鰻魚套餐鰻魚嚟自韓國，店員會親手喺你面前烹調，更會用火槍燒烤，令鰻魚嘅表皮非常香脆，內裏保持嫩滑🐄S2牛肉套餐今次揀咗烤牛肋骨，連骨起肉，切片上枱，燒起嚟好方便😘 肉質鮮嫩，入口即化，點少少醬汁就好好味每個餐附送兩碗飯🍚同兩杯飲料🥤，仲可以挑選一款湯底，我哋揀咗泡菜豬肉湯同韓式豆醬湯🌶️韓式豆醬湯微辣香口，韓式味噌味濃郁，搭配蔬菜、豆腐、肉類，呈現出獨特嘅鹹香風味🫘泡菜豬肉湯結合泡菜嘅酸辣同薄切五花肉嘅鮮味，韓式辣椒醬令湯頭濃郁，滋味十足同老闆傾咗幾句之後，佢又送紫菜，又送芝士蒸雞蛋🥚，好好客😆 第一次食芝士蒸雞蛋，唔止有蒸蛋嘅滑，仲有淡淡芝士嘅香，值得一試

觀塘生態圈越嚟越成熟，餐廳都越嚟越多！約咗幾個附近的朋友仔catch-up，她推介山田海 —— 唔講唔知，由韓國人主理的正宗韓式餐館，位置有少少隱蔽，但附近工作/生活嘅朋友仔都好熟悉，餐廳沒有特別裝修粉飾，相對食物價錢抵，性價比高！首先，一嚟到就上咗8碟免費韓式前菜；我哋三個人決定叫韓牛肉套餐🥩 有三款湯底選一：泡菜豬肉湯、韓式豆醬湯、海鮮嫩豆腐湯。我哋揀咗海鮮豆腐湯，辣辣地好開胃，仲有青口、大蝦，非常豐富！之後五揀三樣牛肉：牛板腱肉、牛肋骨、烤牛肋骨、牛崩沙腩、牛小腸；呢個就會每個人口味都唔一樣，個人鍾意食牛肋骨，醃好咗夠入味，牛崩沙腩好有咬口都唔錯👍🏻 套餐小菜仲包咗芝士蒸雞蛋和煎餃子，我第一次食芝士蒸雞蛋，好有加嘅味道，鹹香軟滑，好味到想喺屋企自己試吓整；餃子就正常發揮。

👧🏻😋👅🍽✨駱駝漆氣氛一流韓國菜-🇰🇷 有多款韓食同燒肉套餐，韓國人主理感覺似韓國家庭式小店；生日訂座仲有蛋糕同禮物🎂-▪️ S5牛肉套餐 $958✔️牛肉5選3 ✔️芝士蒸雞蛋 ✔️煎餃子 ✔️韓式豆醬湯 ✔️3碗白飯 ✔️3罐汽水🧑‍🧑‍🧒‍🧒 3-4人份得3碗飯就啱啱好，肉類份量十足，加上韓式前菜無限追加實夠飽，特別一讚泡菜係每日鮮製辣得嚟爽脆香甜、薯仔勁腍好香甜；套餐包好多嘢有埋韓式signature小食同湯品好豐富🥩 牛板腱肉/牛崩沙腩/牛小腸無醃牛肉原汁原味好鮮甜，板腱肉肥美幼滑、崩沙腩肉味濃有咬口、牛腸燒到少少焦香入面爆沙好正🤭🥟 煎餃子8隻包住粉絲餡，餃皮金黃薄脆好好食！

山田海是一間主打日韓風味的餐廳，提供多款以麵食為主的菜式，包括冷湯麵、辣拌麵及各式韓式小菜。無論想吃清淡或重口味都能滿足不同需求。推薦與家人或一群友人前往聚餐。冷湯麵山田海的冷湯麵採用冰鎮後的麵條，口感彈牙爽滑，搭配清爽的韓式風味湯底，常見配料有黃瓜絲、雪梨片、雞蛋絲、水煮蛋、芥末等，吃起來解暑又開胃，是夏日人氣之選。辣拌麵特色辣拌麵以自製辣醬與Ｑ彈麵條混拌，醬汁香辣帶麻。這類麵點融合了日韓及大中華辣味麵食的特色，風味濃郁，辛辣爽口，非常受嗜辣者歡迎。常見配料有黃瓜絲、牛展片、水煮蛋等。韓式小菜韓式小菜（반찬）豐富多樣，常見的有泡菜、韓式辣蘿蔔、醃小黃瓜、涼拌菠菜、自家制泡菜等。這些小菜以醃、拌、燻、滷等多種手法製作，口味包含香辣、酸甜、鹹香，搭配主食可增加口感與層次。

由正宗韓國人老闆坐鎮，入到去一落完單就會送一set八款小食！有泡菜、薯仔、芽菜、菠菜、豆角、海帶、豆干同蘿蔔絲。個人認為薯仔、菠菜同泡菜係比較好食嘅。呢度啲泡菜辣得嚟偏甜，令人食唔停！我哋兩個人嗌咗兩個餸，飽到飛起！辣炒魷魚份量十足，食夠都食唔完咁。魷魚有泡菜嘅甜味配埋好多炒雜菜，成件事好balance。泡菜豆腐煲，送一個白飯。兩個女仔share食啱啱好！同樣都係好足料，個湯係典型白飯小偷。餐廳無提供drink menu，要買嘢飲就要去對面佢哋自家嘅韓式市場，價錢正常餐廳價！有個加分位係老闆好熱情，成個場個vibe好chill，老闆會一齊乾杯，又會教你正宗燒啤點整！

芝士年糕幾好味份量都多炸雞覺得炸得乾左少少海鮮煲份量多，味道不錯，海鮮一般。牛助骨條得好靚，肉味足，不錯牛舌一般，覺得燒肉可以切厚D泡菜海鮮煎餅不過不失炸醬麵個人吾太鍾意，不過同台有人覺得好食，見人見志另有前菜(免費)

今晚係我20幾歲人 食過最差嘅一餐飯兩個人去食晚餐 諗住話試吓呢間韓國嘢見到個牛腸set 價錢$680 張圖份量睇落都幾夠 價錢同圖都算合理之後真係叫咗個牛腸set $680 + 牛肉冷麵 $110落單侍應問需要生菜包？ 朋友快口答左要咁唔緊要啦🫢👌一個冷麵 2人份量都夠嘅哇！個牛腸一到，我以為自己叫咗$128果份兩人平均唔夠10舊，圖中間果圈牛腸變咗堆芽菜之後老闆過嚟烤，連個老闆都可以烤燶晒🙃🤯我真係呆咗。。。可能睇到呢度，你會話邊度仲有人睇圖叫嘢食咁我只能夠話，可能依間餐廳唔岩我口味啦希望企喺門口嘅你見到呢個食評，入去之前諗清楚！我埋單食咗$930😀

駱駝漆隱藏住好多美食，相信係觀塘打工仔嘅飯堂！🙌🏻曾經係觀塘打工仔嘅小編就發掘左一間韓國人主理嘅韓國餐廳，簡樸風木系裝潢、一整桌嘅前菜、熱情又搞野嘅韓國人老闆，真係好似去左韓國咁🇰🇷野食方面，價錢唔算平，不過好大份夾好食😚一group人去嘅話會幾抵食🍻ꞋꞌꞋꞌꞋꞌଘ 前菜堂食付八樣前菜 超有誠意！有泡菜 魚糕 茄子 薯仔等等多到懷疑食前菜就夠飽其中幾鐘意佢地嘅泡菜好鮮甜爽脆😍而且份量仲好慷慨ଘ 辣醬炒八爪魚 $168 ▸ 7.5/10三款入面最推薦呢款睇落唔係超大碟但原來入面勁多八爪魚🥢好似食極都食唔曬 夾極都仲有咁（最後又真係覺得好食但都食唔曬..全部大大舊 啖啖肉 又爽嫩🤩醬汁甜甜辣辣配埋青瓜好開胃ଘ 烤豬腸頭 (有醃) $148 ▸ 7.5/10軟糯肥美 好入味👍🏻啱曬鐘意醬汁多嘅人鐘意食鹽燒/原汁原味嘅亦有冇醃嘅version可以選擇ଘ 牛肉冷湯麵 $110 ▸ 6.5/10燒肉必嗌一碗冷麵解下膩💦同樣係超大碗～味道ok 稍偏淡 我鐘意再酸啲𝘙𝘦𝘷𝘪𝘴𝘪𝘵: 𝘮𝘢𝘺𝘣𝘦𝘙𝘦𝘴𝘦𝘳𝘷𝘢𝘵𝘪𝘰𝘯: 𝘰𝘱𝘵𝘪𝘰𝘯𝘢𝘭🏘: 觀塘開源道60號駱駝漆大廈第3座3樓U室🕘: 星期一至日 12

今日嚟到田海韓國料理 (觀塘) 食韓燒，家庭式經營，老闆會跟客人一起喝酒，好有親切感，老闆仲特別送左韓式蒸雞蛋。佢哋嘅韓式蒸雞蛋，好滑好嫩，值得一試。烤肉雜錦拼盤(牛肉/豬肉/雞肉) ，份量十足，肉質鮮美，好鐘意佢哋既醃製，非常好味。辣豆腐海鮮湯 ，湯底鮮甜，豆腐滑嫩，海鮮新鮮，非常好味。辣泡菜豬肉煲 ，豬肉煲燉得好入味，辣泡菜少少酸味好開胃。•韓式蒸雞蛋 $88•烤肉雜錦拼盤(牛肉/豬肉/雞肉)$579•辣豆腐海鮮湯$118•辣泡菜豬肉煲$108山田海韓國料理 (觀塘)觀塘開源道60號駱駝漆大廈第三座3樓U室

多年以黎都喺觀塘一帶打滾，午餐最常就係去駱駝漆度搵食架啦，雖然等Lift時間一直都係比較耐，因為真係太多人要上樓搵食，如果喺附近返開工既應該對呢間傳統韓國野唔陌生，每次去到最開心既就係一坐低就會擺出6小碟前菜，而且咁多年黎都係咁好食，今次就揀咗豆腐海鮮湯，午餐既選擇都算多，由湯飯到麵類到年糕類都有，湯類又有人蔘雞、海帶牛肉、海鮮...等等，咁多款可以揀，海帶牛肉係我一直既大愛，不過都係因為近年都真係盡量少啲食牛，午餐價錢介乎七十幾蚊到九十幾蚊左右，唔算好平，但係喜歡傳統韓國料理既朋友真心唔可以錯過。

好鍾意呢間店好有人情味，一入去已經好有韓國傳統餐廳嘅感，牆上面貼左好多老闆同客人嘅即影即有，超級warm~~食物方面，都有好多選擇，我地叫左燒肉、豆腐湯、生牛肉飯，味道正常，而小菜有驚喜，個人喜歡薯仔、茄子同芽菜，仲可以任添！食食下途中，餐廳老闆走過黎同我地傾計，又請我哋飲酒、食紫菜（好大方！）。老闆仲擔當媒人角色，將單身男女配對，老闆又講真係成功配對到，仲生埋BB，超級可愛🤣🤣🤣同朋友食晚餐傾左5個鐘，超適合吹水嘅地方～～