山田海韓國料理

营业中

休息中

今晚又在觀塘搵食朋友想食韓國搵到呢間韓餐看似不錯呀就黎左了點左~大醬湯原來佢跟埋飯架個湯好濃味用黎送飯食好正裡面仲有大量菜感覺健康左DD~石頭窩飯我地唔知湯有飯跟所以食埋呢個飯已經好好好飽呀STAFF會幫手撈云D醬石頭飯又係好足料又好熱辣辣又有少少飯焦我就好鍾意呀

🔻醬油蟹 $420夏天熱到無胃口 冰凍嘅醬油蟹真係救星🌟雖然隻蟹唔算大隻 但都肥美鮮甜😋醬油唔會過鹹 配紫菜撈飯食一流-🔻炆牛肋骨 $178牛肋骨份量唔少 肉質軟腍入味湯汁偏甜 又係一道米飯殺手菜式🤣-🔻前菜落單後立即奉上份量多到淨係食前菜都夠飽🤣味道亦很好 最愛魚糕 泡菜 甜薯仔😋——————————————————by C (8/10)#sissyfoodie …………………………………………………..

早於數年前就已經跟韓國朋友來這邊吃過一餐正宗的韓國晚餐🤴當時就著白切肉、海鮮煎餅和大醬湯等配上燒酒，過了一個盡興的晚上，以前名聲不顯，不算多人。今日假期午膳來一趟已經有過半數入席，以位於工廠區的餐廳而言算相當厲害👍 做好防疫措施後進入餐廳，地道韓國餐廳的氛圍隨佈置和餐桌慢慢透出🛖牆身上都貼著推薦食物的圖片和價錢，餐桌上藏有兩個鐵盒子存放餐具，連裝著茶水的器皿也是喝韓國米酒時常見的銅製水煲⚗ 🍱前菜六小碟還在研究菜單時就已經先上前菜，服務很好。有白菜泡菜、蘿蔔泡菜、薯仔、煎餅、西蘭花和青菜豆芽菜，最好味的是泡，酸辣甜味足以令人胃口大開，煎餅和菜類放久了就一般般。 🥓白切豬肉包心菜 $278 9/10屬於單點菜單上的重點推介，需要30分鐘時間準備上菜，最後等不到20分鐘就上菜了，整盤端上來時霸佔了3分1的檯面。主角的白切豬肉排列整齊🐷帶皮五花肉的層次分明，先嘗一口肉，鮮味無窮帶有微鹹😋 菜包肉的做法最重要是去除腥味🙊將辛香味材料(米酒、薑、韓式大醬、蒜、洋蔥、大蔥、月桂葉、即溶咖啡粉和黑胡椒粒)滾煮，燒開水後再將肉放入，煮20~30分鐘後就已經去腥入味，入口不膩。烹煮時還會準備好包肉的配菜

疫情後第一次食，隔了差不多一年沒有來，味道比之前更好味😋，欣賞這𥚃夠正宗，每次來也會見到一班韓國人開餐，味道跟在韓國吃的一樣。 前菜可以refill , 跟在韓國一樣，泡菜真的好好味，有比較辣的，也有比較甜的😋😋今次點了豬手，份量應該夠四個人吃，包生菜大蒜和泡菜一口咬落去，勁正！ 另外，點了泡菜餅，這個比之前進步了，餡料豐富，味道剛剛好加埋正宗的汁，真係忍唔到口，連吃三塊，我們還點了大醬湯，牛肉好入味，個湯撈飯一流，雖然好好味，但三個人真的食唔曬，最後打包食消夜😋😋😋

觀塘區越來越多好食嘅餐廳，不過好多都係工廠大廈入面，一定要識搵黎食😆今次啲間都係位於工廠大廈入面，唔知的話一定會錯過😌落單個陣，話可以送野飲😄仲要係韓式汽水，未食已經好正。點知一黎上咗好多小菜，真係好似韓國🇰🇷啲餐廳🍴個韓式煎蛋🍳卷同日式唔同，口味遍鹹。泡菜係我鐘意嘅味道，唔會太酸，遍辣👍🏻薯仔🥔好入味，之前只有係韓國🇰🇷食過，係香港都係第一次。叫左個牛肋條，韓式燒肉當然係主角😋肉質好，超好食😋

每個放假日都係覓食的時間。今日行完駱駝漆大廈，經過很多食店，發覺呢間特別多人，抱著人多有好野的心態入座。 餐廳環境幾有韓國地道feel，即時上網search資料，原來老闆係韓國人，怪不得。醬油蟹係呢度特色美食，可惜本人對生醃的甲殼類海產沒有興趣，哈哈。打開餐牌，食物種類不算多，叫了個燒肉拼盤，一份生菜盤，兩罐韓國飲料。贈送的前菜份量意外地十分之多，當中令人難忘的係店舖新鮮醃製泡菜(大碟的那份)，香辣而不太咸，有股鮮甜味。烤肉拼盤內容有牛肋骨肉，雞肉，五花腩豬肉，都是用香料醃製過的，味道不錯。最後要讚賞的是店舖的排氣系統，現場環境不見有煙霧彌漫，空氣算清新。我個人對烤肉店環境十分重視，尤其是空氣。其他方面，職員態度友善，會同你講解食物，亦有提醒手袋的位置遠離烤爐，十分細心，值得一讚。當日有食客生日，老闆立即播放韓式生日歌，與全場食客一起熱烈祝福，場面熱鬧溫馨。

本身因為朋友生日 又想食醬油蟹搵到呢間餐廳就諗住試下一去到 比咗好多碟小菜而且好好食（特別係茄子）最後我地叫咗泡菜炒飯 炸雞 海鮮湯同其他野每一樣份量都好足 而且好好食炸雞熱辣辣 加埋個醬油好香另外醬油蟹都幾鮮甜 送飯一流老闆係地道韓國人見我地係慶祝生日仲安排咗好多野生日既人仲有小禮物收老闆真係超好人 超有心思 本身見餐牌望落價錢偏貴 諗住埋單應該都唔平點知埋單係比預計平好多同埋大家都食得好飽有機會一定會encore

其實成日食架啦，不過次次一黎都即刻食，唔記得影相😂因為真係太好味啦。所以今次又係食到一半先記得影🥲i am sorry.。前菜 6-8碟，正宗韓國味道，泡菜都有兩款，發酵左同未發酵晒嘅都有，我最愛食薯仔/芽菜都好正宗味道。次次一黎我就食晒，食完前菜，剛好就到正餐啦出現係枱面啦😍。。燒肉啲肉好味，我就唔多講啦。但燒豬皮，燒豬腸一定要介紹。燒豬皮好彈牙，骨膠原嘅感覺呀😂。燒豬腸辣嘅，個隻辣味同豬腸二合為一，真係必食之選。。石頭鍋飯，推介！泡菜煎餅，推介！。價錢合理，服務好，同朋友聚會都成日去食☺️。

山田海已經食咗好幾年其實都已經係熟客仔 最鍾意呢度嘅新鮮泡菜 呢度既新鮮泡菜係我食過最好食既 其他前菜都好好食勁多款 任食之餘仲會好大方咁加比你 有時食前菜都會食到飽飽地今日朋友話要食韓燒就叫咗燒五花腩 牛脷 仲有醃左既腩肉 熟食有辣豆腐海鮮湯同炸雞 呢度食韓燒真係好夠正宗韓國風味 肉既部位好好 肉醃得好好食 😋 辣豆腐海鮮湯好足料 同韓國果d一樣 炸雞好驚喜 我都係第一次食 超鬆脆嫩滑好juice由於呢度個老闆真係韓國人嚟 成日都好好客咁走埋嚟問吓d野食得唔得 係咁多謝你 真係好搞笑辣豆腐海鮮湯

同細佬2個人去呢間所謂正宗韓國野食lunch, 叫左豬腸湯，炒年糕配飯卷，涼拌牛肉麵，7個配菜。配菜完全係我食過最hea既配菜。豬腸湯啲豬腸未洗乾淨，仲有豬耳豬脷，我幾時叫左豬什湯？炒年糕無料，淨係年糕同醬，飯卷無味。牛肉麵算正常，但完全唔覺韓國人口味。食完已經有啲肚痾，第二日肚瀉又嘔，我細佬又痾又嘔又發燒。食完忍真心想問候佢祖宗！餐廳地方算大，根本唔需要訂位，服務阿姐ok但食物勁垃圾！我一定會報食環署！

自從上次星期5 walkin爆晒 敗走之後今次我地醒目啦 預先BOOK定台先過黎2人前既晚餐時間一黎到佢已經上左7碟前菜俾我地食 好正呀  有泡菜，薯仔，菠菜芽菜，蛋，等等我地叫左個泡菜海鮮鍋，有八爪魚，魷魚扇貝，鮑魚，蜆，蝦，帶子，仲有好多蔬菜金菇兩個人食完都飽左一半 ,呢個好正 好有係韓國地道feel ,次次黎都一定叫呢個另外仲叫左個牛肉粉絲湯,不過呢個就有點麻麻地牛肉好普通,不是很滑,湯都有點淡PS.Member一定要帶會員卡 有9折 今次唔記得好大意呀

這間韓國餐廳已是第二次來，想起它的前菜就覺得吸引！每一款前式都不同味道，並且都好味，亦一解去韓國旅行的癮啊這個鐵板辣炒豚肉，本以為是韓國辣醬那款味道，但原來不是，反而是偏甜的，醬汁都不錯，而底面就是洋蔥，整體味道不錯，豚肉份量也多，就是略嫌口感粗糙這個海鮮豆腐湯，與想像中差好遠⋯雞蛋比豆腐多，豆腐煮得爛，看不到一件件⋯全都是豆腐碎💧而海鮮還好，味道都還好，是韓國風味雜錦石鍋飯，不過不失。驟眼見總覺得差一樣材料，就是泡菜了。唯有加上前菜的泡菜拌入去，才感覺好吃點，不然味太淡了💧

又係止旅行癮的POST，韓國老闆主理的韓國餐廳。首先，一入去裝潢同餐具已經好有韓國本土餐廳的感覺，仲不停播住我最愛的BIG BANG 同 G-GRAGON的歌😍😘今次去的時間係中午，菜單如下:八小碟前菜豬肉雜菜石鍋飯:足料，仲有飯焦，熱辣辣，今日咁凍的天氣真係好岩❄️韓式豬腸湯: 話就話係豬腸，但唔知點解一粒豬腸都搵唔到，🧐入面有好多豬肉、五花肉、豬耳同豬頭，豬頭的肥膩。依個湯的飯係另上，所以好岩生酮同低碳的人士，因為可以叫佢唔上飯，或者你唔食，因為個湯都好足料，你唔食飯都好夠飽。當然嚴酮就自己考慮😂

山田海韓國料理 (觀塘)經常黎工業大廈食飯 今次又黎駱駝漆三座食野 有間韓國餐廳好地道 佢地會送好多前菜 例如泡菜 木耳 翠肉瓜等等 前菜唔錯 多種多樣 ▫️鮑魚人參雞湯煲$90天氣好凍，點咗個熱辣辣既人參雞湯， 份量十足，材料有半雞、一隻大鮑魚，不過唔夠諗 湯煲有一陣陣人蔘香味，雞肉肉質如果更加嫩滑就好lu 一啖人蔘湯配一啖白飯，最正宗韓國人食法！▫️牛肉炒粉絲+紫菜卷飯$80上檯時吾係好夠熱，而且份量吾算多，牛肉亦韌 不過咸左少少 🤏🏻 佢既紫菜卷飯直得一讚 有好多舊 食唔曬 餡料足料 味道唔錯 酸酸甜甜 好開胃 人均消費：$94環境衛生：7/10推介指數：6.5/10觀塘開源道60號駱駝漆大廈三座3樓U室

三個人點左海鮮窩同泡菜煎餅，已足夠三個大人吃，海鮮窩鮮味香辣。由韓國人主理，布置同味道都好地道， 餐前小碟泡菜等十分夠份量，完餐時韓國老闆更出來跟人客打招呼，誠意十足的樓上小店。