山見台式火鍋 (屯門市廣場1期)

营业中

休息中

火鍋湯底只有兩款唔使加錢，其他都要加錢有啲令人失望😪 網上點餐有限數量 ，唔可以一次過點太多，要分開嚟點， 牛肉質素冇令人失望， 脆肉鯇片好彈牙👍😋 鍾意食脆肉鯇嘅一定要試👍👍 惡魔豬扒熱辣辣好正👍😋 自助吧嘅款式多， 有蟲草花都忘記攞🥲 雪糕只得2種味，一個冬瓜茶，一個話梅， 味道怪怪哋，唔識欣賞😪 雪糕有啲令人失望😪😪 講真90分鐘真係唔夠時間食😪 甜品芋圓唔錯👍😋 夠鐘職員鐘提醒你， 職員企喺度等你走😮‍💨 太催趕

今日好餓，所以搵一間餐廳食個自助任食午餐，揀左台式2人打鞭爐任食午餐。湯底加錢叫左美人鍋，有花膠的。手機落單，叫左幾份牛同豬腩肉，個份4片，切得好薄，好快熟，唔易老，食落去都好滑好林口，牛好正。豬腩就有小小肥，但爽口，都好正。除左點餐，仲有自助區，有飲品、熟食可以攞。炸蕃薯條、炸芋泥波都好正。即食熱盤仲有牛筋腩，又林又重口味，好正，我食左2碗。其次係豬大腸，夠入味，有台灣風味，好正，必食之選。手機點餐仲有甜品：仙草芋圓，細細杯，可以無限叫，唔錯。加錢可獎叫珍珠奶茶… 我唔想太飽，就去雪櫃揀左茉莉茶，有點甘口。仲有其他台灣飲品揀，都可以試試。午餐來講，價錢合理，服務好好，坐得又好舒服，空間好大，又唔駛等位，一定會再來食。

第二次幫襯，有讚有彈，今次食麻辣湯 可惜沒有麻的感覺，牛肉就普普通通，醉雞翼和陳皮鯪魚滑味道比起之前好食左！自助區有很多款式選擇 可惜滷肉真的全是肥膏，這點要改善一下了！上菜速度正常 是小食比較等得耐。服務也不錯👍🏻希望品質保持穩定

我同朋友一齊去食268啲套餐，我哋選了一個麻辣鍋同埋沙茶鍋。然後落座去選調料和小食，滷肉飯全是肥肉，食一口就唔想食第二口，過於油膩。食過滷肉飯後，菜上來了。沒想到分量好細，而且上的數量不齊，牛肉的質素也不是很好。小吃的燒仙草不錯。山見自己出品的冰淇淋味道非常奇怪，不知道為什麼要開發木瓜味道的和話梅味道。其他飲品除了可樂和茶一刻，其他還有一些不知名的牌子。上菜速度也很慢。如果是想吃台灣小吃不如去台灣店里吃，這裡火鍋品質不高。

食$328套餐。雖然食物選擇多，但大多都係平價食物。性價比極低。可以話好食嘅只有封門柳同蝦。$328和牛套餐嘅和牛一啲都唔好食，連$268套餐嘅封門柳都好食過和牛。建議如果唔係特別想食海鮮嘅人，食$268就ok。如果只係睇食物同價錢嘅話，$328嘅性價比極低。$268性價比只係勉強可以。但本人都唔會再食，最大原因係屯門店嘅某啲員工服務員態度極差。進餐時間夠鐘要客人離開其實唔係問題，不過態度可以唔洗咁差。講完又唔洗企係張枱隔離望到客人走為止。

新開左間打邊爐嘅舖頭，一直都未試過，主要佢係台灣嘢為主其實就咁睇個餐牌，佢嘅選擇唔太多所以決定叫最基本嗰個有牛有豬試吓兩個人大概五百幾蚊 湯底比想像中好味牛肉同埋豬肉都可以出邊仲有自助區域可以拎菜同埋甜品

呢間bookmark左好耐，早排終於約左朋友一齊黎試。餐廳入面好大，自助區超闊落！仲有打卡位😂。座位都坐得好舒服，不過因為坐一人一鍋既位，個鍋擺喺右邊，成日夾野都驚掂到個鍋辣親🙈。個人建議應該放左邊會好啲。揀左極品吃到飽，每人$268(未加一)，可以食晒各種台式小食😋。🔅肉類牛肉就普普通通，反而黑毛豬唔錯，好爽口唔鞋唔韌👍🏻。🔅自助區自助區有勁多野食拎😍，菜幾新鮮，另外有麻吉燒、奶油空心餅幾特別，最推薦冰心蕃薯，勁甜勁綿🤤。🔅台式小食炸物有好多選擇，有惡魔雞排、鹽酥雞、地瓜條、蔥油餅等等都唔錯。黃金炸魚皮既鹹蛋黃唔算多🤣。🔅甜品叫左幾款都唔錯，芋圓有咬口，唔會太甜，細細兜都好滿足😋。💬整體雖然牛肉一般，但勝在環境唔錯，食物款色夠多，台式小食都ok，可以一試。

又到左每個月揀一間新餐廳去試食嘅日子，今次就去山見台式火鍋，喺香港佢一共有三間分店，今次就去咗屯門嗰間，佢可以透過OpenRice book位所以都幾唔錯。因為我其實係唔食牛嘅🤣，所以我哋揀咗極品吃到飽($258/1位)呢個套餐，有少少牛比男朋友揀之餘，我又有其他嘢可以食。男朋友就揀咗豚骨湯底，我就加$18揀咗蕃茄湯。不過我覺得佢最出色嘅係佢有好多前菜、炸物、仲有好多甜品，就算我打邊爐唔係太鍾意嘅話，都可以食到好多台式料理，感覺抵番。我哋個餐唔係包括全部嘅台式料理，不過其中我覺得蚵仔煎同埋鹽酥雞都幾唔錯，而且佢有啲飲品都幾好飲，我就拎咗白桃烏龍，清清地，如果大家有興趣都可以加$12叫佢嘅台式飲品，想飲熱嘢嘅，你仲可以有紅棗茶、薑茶等等嘅選擇，仲有部機可以斟咖啡同埋奶茶添。今次我就冇影相啦，淨係掛住食，成個感覺都幾唔錯，而且地方好乾淨。

啲滷肉飯全部都係肥豬皮，想搵條肉絲都難，食咗一啖，就想嘔出嚟。出面滷水部，好多都無，滷水雞翼有牌，但冇雞翼，滷水牛筋又冇，連午餐肉都無，丸得巿3款，仲要好面粉，個養生花膠雞湯，勁多味精，仲有雞都好難食，全部都加工過，菜就好多，全部平野，為一就係員工服務好🫣🫣🫣🫣兩個人食都$7xx 哩個價錢好多選擇。下次吾會再食。。

今晚再一次來到食晚飯！小食各方面都保持到水準我個人喜歡藥膳雞翼 蚵仔煎及滷水小食 ！打邊爐材料都好好！值得一讃！甜品本人比較喜歡花生芋圓 ！今晚仲試咗一個辣味雪糕 味道都幾好味但係都有少少辣都幾過癮！

難得入到嚟 #屯門，梗係要搵啲好嘢食🤤 呢日我就約埋 #首領 過嚟探班😉 迷宮一樣嘅商場設計，搞到 #小秘書 真係有啲迷😅 左穿右插終於嚟到目的地 山見台式火鍋San-Kinn。嚟遠已經見到 #靚媽媽 拖住阿B👶🏻喺餐廳門口等緊😅 不過👶🏻實在太耐無見我哋，難怪有啲怕羞☺️ 睇嚟 #小秘書 要勤力啲探班先得喇 💪🏻餐廳嘅設以 #台灣 #十份車站 為藍本，地方都幾寬躺。而我最鍾意就係佢哋嘅一人一鍋湯底，衛生之餘又可以就個人口味😝 呢日我就揀咗佢哋嘅 #風味沙茶老鍋 做湯底，濃濃嘅沙茶口味，用嚟配襯肉類尤其出色😉 90分鐘無限量供應嘅 #豬肉 同 #牛肉 品質都算係唔錯，加埋外面各式各樣嘅 #蔬菜、#肉丸 同 #飲品… 餐廳真正可以做到客人「吃個飽」🤤 鍾意烚吓烚吓嘅你哋，可以考慮過嚟試吓呀😉

雖然佢比一般日式火鍋貴啲，但因為佢有埋台式小食、熱炒、甜品，真係多少少錢都值番～煱未滾前食下出面啲小食、涼拌先，飲品和其他放題差不多。叫貴左兩個價位既牛，係靚既仲有個蠔仔煎， 味道很不錯邊邊脆口，只是美中不足不夠熱特別一提是甜品這裡，因為時間不足，肚皮位有限，只叫了兩碗芋圓仙草愛玉，一碗細細咁真心好叫左$298一位90分鐘前已預定埋單， 真係食唔哂咁多款～ 約約再嚟過另外要講講環境（我漏左影），值得一讚係餐廳用原木色系設計做主色，每檯間隔也闊落，由其佢有幾個玻璃窗卡座（我無得坐）， 係度食得好Chill但又想食得多啲而急左… 媽呀～ 好矛盾呀～～ 唯有嚟多幾次啦

山見其實我覺得有啲貴，但係選擇好多好多啲即食嘅小食都好正，鹽酥雞啦、仲有佢哋嘅鬼馬油炸鬼一定要試👍👍有我最愛嘅羊肉片🥰🥰甜品有芋圓😋😋，不過啲雪糕就唔係好吸引服務態度要比個讚佢👍話說埋單時我哋忘記比張$80coupon，比晒錢後先醒起，點知佢哋都幫我哋void單，重新收過👍👍

比預期期望好🫰🏻座位舒適唔逼唔焗 一人一個鍋底 選：美人鍋：豬骨鍋最期待就係個芋圓🫰🏻🫰🏻🫰🏻🫰🏻🫰🏻同埋食物好多款式揀，仲有滷肉飯😍花膠，鴨血，燕餃，花甲，和牛等等另外有好多打卡位😌，快啲去拜訪下嘢

假期walk-in 一家8個人碰下運氣，我哋早到，等咗30分鍾左右有得入，咁啱當日部分肉餐可以免費升級做牡丹美人鍋湯底，正！牡丹美人鍋好香，有少少酒味，如果下次再嚟一定會試醉雞湯！外面飲品好多選擇，好多台灣茶，可以一解思鄉情懷😆我就飲咗幾支白桃烏龍，正！熟食方面好有誠意，有肉燥飯、滷水豆腐蛋、凍醉雞翼、蚵煎、芋圓甜品等等，試晒應該打唔到邊爐至於打邊爐食材方面，都好多蔬菜同埋肉丸可以揀，牛肉同雞件都好好，不過掛住食台灣特色食材今次就無order幾轉😅食飽飽再出去外面影相打下卡，真係有d似去咗台灣玩，好開心，經理好有禮貌，抵讚👍🏻