山見台式火鍋 (屯門市廣場1期)

营业中

休息中

帶位員/服務員有禮收拾碗碟有效率豬牛肉類厚薄適中,份量適中唔浪費雞肉比較冇咁好台式熟食款式多（有滷肉飯）飲品多款式（有啤酒/熱茶啡/汽水/冷泡茶）火鍋湯底足料火鍋配料吸引火鍋醬料多

今日和朋友一行四人去咗屯門市中心訂咗山見台式火煱，去到人山人海好彩一早訂咗桌，不用排隊直入，頭一轉食物買相非常靚仔，後加食物買相非常差，台式小食如鹵水豆腐，旦，七里香真係一啲都唔香，朱扒炸粉太厚，湯底還算唔錯希望下次再去有改善。

去到攞位，侍應問我哋想坐卡位定二人枱.卡位嘅話就係用一個大鍋，二人枱嘅話，就係一人一鍋。見到二人枱原來都好闊落，就決定二人枱啦。可以一人一鍋，咁就唔使爭用咩湯底。叫咗個酸菜白肉同埋豚骨湯。酸菜白肉味道比較濃，咩食物都變晒酸菜白肉味。除咗指定嘅牛肉，仲有好多小食。覺得惡魔雞扒同豬扒可以唔使叫。因為雞扒同豬扒好大份，炸粉又比較厚。可以唔使嗌，留返啲位食其他嘢。出面自助吧仲有得攞大腸麵線同埋滷肉飯。自助吧好整齊乾淨。可能因為疫情嘅關係，人流唔多。好舒服。侍應服務態度亦都好好。用QR code落單，冇留單。上菜速度好快。鍾意食佢哋嘅鹽酥雞。佢哋嘅滷水都好味。$300樓下一個人，有咁嘅質素覺得好OK。

5分滿分環境4分 好多打卡位可以影下相，地方寬敞二人枱比其他同類例如牛一牛氣闊落呢個抵贊。好啦差評開始食物2分 先講醬油調味料，d豉油鹹到痴媽根，係死鹹果種，溝左半碗湯底都搞唔掂，最後係攞筷子蜻蜓點水咁沾落d肉度。然後到湯底談而無味無香可以講同清水冇咩分別，再到肉類得牛胸爽係較為霖身，其他都係一個字（鞋）封門柳就簡直係敗筆，都唔知邊鬼個切出來，切到又厚又大舊，我仲以為自己去左隔離食燒肉，大佬打邊爐來架，失望透頂。黃金炸魚皮又甜又硬。。。係咪玩野鹹蛋黃都可以整到咁甜，滷水牛展咪咪咪咪滷水，全部都係冇味道，係少少鹹味都冇。。。。我都唔知自己食緊咩，炸雞扒OK 都算嫩滑多汁，但塊炸豬扒就韌過豬肉乾，墨魚仔等等等等我都冇力呻啦，完全食到冇心機，可見廚房部做野求求期期，自助巴選擇又極少，當天墨魚滑油炸鬼都冇供應，午市收費咁貴連粒牛丸都冇🤦🏻 2個人食殿堂248一位加埋1差唔多成6舊水完全唔知自己食左d咩，性價比極低，食物我都費事影相了，最後冇咩心情甜品都冇食就走人。

今日第一次食,11:30準時到達,入內見環境清潔、舒適,非常多大玻璃窗,採光很好。和朋友點了$178精品餐,限時90分鐘。自助吧除火鍋料外,還有鹵肉飯、大腸麵線、炆排等熱食,肉類、小食是用手機落單,上菜速度很快,鹵肉飯很美味,一定要試,火鍋肉類肉味不錯,要留肚食埋台式甜品,我點了愛玉粉圓非常好食👍,服務非常有禮貌,會有下次😋

新開見門口餐牌介紹吸引，又掛住台灣味所以一試。午市90分鐘都夠時間歎，入去一路有侍應介紹又有打咭位，環境闊大光猛，食物擺放整理再加上用QR code落單，安心又方便。鴛鴦鍋叫麻辣+雜菌鍋~味濃足料，肉類亦優質~而熟食中滷水及鹽酥雞最好味，最重要係臨尾嘅必食甜品~仙草芋圓like~

因晚上禁堂食關係，大約四點與這個較不起眼的地方相偶。這間店不太起眼，一來不在大路，二來太入，但這裡絕對值得大家一試。這間店與旺角的台式火鍋質素可算不相伯仲，而且湯底還有很多選擇。但在屯門不用出九龍，簡直是個寶藏。這裡服務態度一流，肉類質素絕不馬虎，絕對物有所值，再加上有多款台式小食任叫，更厲害的就是有多款台式甜品在放題列內份量適中，可以多嘗幾款，還有很多台式冷茶選擇，要是喜歡滷肉飯那裡還有供應。更厲害的，那裏還有模仿台灣小店的打卡位讓大家「打卡」。大門還有一個十份郵箱，以供客人郵寄「優惠」，你試過便知道！總括而言，值得一來再來！期待下一次⋯

首先 一入到去環境非常舒服 因為除左地方大 佢啲枱同枱之間唔會貼得好埋 就算二人枱都有好足夠大既空間，店內亦有好多值得打卡位比大家影相. 服務人員態度非常好同埋貼心. 而食物方面，火鍋湯底 會推介美人鍋 味道十分濃郁 味道以老火花膠雞湯. 火鍋食物雖然未算好多 但有封門柳或者係松板肉同埋牛肩比較特別既肉類 而且好高質一啲都唔Hae 👍🏻👍🏻👍🏻👍🏻😋同埋佢每次上菜既份量係一小碟一小碟咁上 可以按個人食量而落單就唔會造成浪費👍🏻最最最重點 佢有好多台式小食 滷水 炸物 鬼馬油炸鬼必食，好地道台灣味道😍😍最後係甜品 佢地既牛奶磚 好綿滑 奶味香濃👍🏻👍🏻而場內亦設有自助區有熟食/火鍋料/甜品/無糖茶同埋多款飲品 😍呢間絕對值得一試再試。

久違嘅放題都好一段長時間無食放題，於是，就黎左呢間新開嘅台式一人一鍋放題任食，由於，新店開張，每人送一杯珍珠奶茶，可能店舖位置一般，唔洗排隊。湯底，我就要左松露野菌昆布湯，當打開個鍋時，好濃烈嘅松露味慢慢被我吸收晒，好香。之後我先叫左部分小食，夜市鹽酥雞當然走唔甩喇，幾好食，唔錯，放題黎講都出色喇，其次，叫左個柯仔煎，小弟見識仲好少，未食過放題有柯仔煎，都大塊，蠔肉唔差，最少食到蠔肉然後，再叫手工糯米腸，唔太大特別，不過好食嘅。滷水豆腐就好似少左d味。但打邊爐點少得牛，佢仲要有埋羊，d封門柳最好食，細細舊，一啖食落肚，最後就要講講佢嘅甜品，細細杯，啱啱好，而且唔係好甜，值得一食。

今次啲間新開既台式火鍋非介紹不可‼️‼️餐廳是一人一鍋，提供了4款90分鐘吃到飽套餐、8款火鍋湯底之外，仲有多不勝數的熟食（滷水、熟食：蔥油餅、手工糯米腸、柯仔煎、鹽酥雞、甜品：牛奶磚、芋圓等等），還有自助吧放題的。。。新開張期間凡惠顧殿堂 • 吃到飽 / 饌 • 和牛 • 吃到飽套餐，每人可獲波霸珍珠奶茶一杯🧋。(小編怕會太飽，所以最後沒有問店員了😅⋯⋯）🍲 殿堂 • 吃到飽套餐：$258（成人）打邊爐前，先可以喝口湯喔～🍲 酸菜白肉湯：酸菜魚就食得多，所以一定要點鯇魚片🐟就Perfect 啦!🍲 牡丹美人鍋湯：（+$18）店員說這是由三黄雞、花雕、豬骨、雞殼、金華火腿等等熬的湯，補充骨膠原的不二之選！喝一口雞湯真的幾清甜鮮香！🍲松露野菌昆布湯：（+$18）湯內還含有鴻喜菇。當湯滾時散發陣陣松露香味，所有肉都變成松露肉🤤很香非常好吃😋👍🏻十分推介！🐮「月見封門柳」和「卡樂BEEF（牛五花）」：肉質非常軟嫩，是這個套餐必點的肉‼️‼️🥢鬼馬油炸鬼：內有像蝦多士的餡料，脆卜卜，既可沾上沙律醬吃，也可在火鍋烚幾秒（好似食響鈴咁）。🥢松露墨魚滑：超香松露味，很好吃，再放在松露湯中話，松露味doub

今日見新店試食一下，點了2個便當餐（雞排及豬排各一）追加一項蚵仔麵線。飲品點了波霸奶茶，檸檬愛玉及一罐冬瓜茶。在霸王雞排的肉薄如絲，味道主要來自七味粉及表面的炸粉。豬排厚度正常，一樣的炸粉包裹，味道一般。正體肉燥飯味道是可以的，但是沒有肉的肉燥，全是肥膏，可能某地方的做法吧，但與我常去常吃到的都不同，常常在台灣吃到鐵路便當都不同，只可以說太肥膩了，不建議吃下去，汁是可以的。份量也是少得可憐，女生吃的量還可以，男生要吃2個。追加的麵線更是不好，麵不是用台式麵線，味道不好，配料不足都是致命傷。整體比我感覺有如把不要的都放給吃外送的，外賣的便當CP價不高，不建議點。如吃室內的火鍋應該還好吧，拎外賣時看到裝修得有點氣氛。

好興奮屯門新開左台式火鍋呀，裡面裝修勁靚，環境好似去了台灣老街甘，周圍都可打卡，仲有個大型郵箱比人寄信。一入到去就有大型飲品櫃比我選，有冷泡茶、罐裝汽水/ 茶及熱咖啡，旁邊就有滷肉飯，台灣米線，台灣腸及蔬菜吧任攞講返主角火鍋先，叫青花椒麻辣湯及饟.和牛。湯底已有厚厚的鴨血辣度有料又和牛又卡樂beef又羊肉又黑毛豬又魚滑又醉雞，款式多到呢，真到食得好滿足。仲有其他熟食- 台式滷水，蔥油餅。買單都係3百頭一位，望住綠油油的山景，食住台式火鍋，真的幸福爽YY