岱民中環店

营业中

休息中

中環黎講，無乜邊間兩餸飯性價比高過佢。味道比同類兩餸黎講屬一般正常。而揀餸中午時段盡量避開那個無企佢隔離果個咁後生,不高而無戴眼鏡既阿姐,不然酸菜魚只見酸菜,薯仔雞只見薯仔。反而戴眼鏡既阿姐較有禮貌及正常份量。當中薯仔雞,豬肉片及魚香茄較好食。酸菜魚,滑雞及煎肉餅(放太耐)較伏。

兩餸飯嚟講，尼間都算難食每日最新鮮只係豬耳豬手，其他食物變難既基會極高，豆腐夏天變壞我可以理解（其實都唔太接受到，大佬😂做食店點可以咁樣），蓮藕、茄子、鳳爪食落酸既，兩餸飯既慘係都拎左返屋企，又無得換、又無得退。雖然他們的服務態度好好，好有禮貌但這件事還是徹底打擊了我對尼間兩餸的印象，作為一家連鎖既店鋪，居然會出現這種基本的食品衛生問題,實在讓人難以接受。希望可以嚴格檢查食材新鮮度,並加強後廚的監管

作為一個中環返工嘅打工仔，食飯嘅選擇十分之咁多，但抵食夾大件嘅真係少之又少，所以有兩餸飯呢個選擇真係好緊要，廿幾三十蚊就有十幾個餸揀，份量仲唔少。味道方面就唔可以十分之出色，但都拍得住好多普通茶餐廳碟頭飯嘅級數，大部份餸食落會較油，菜類味道較淡，之前試過肉餅就都幾好。今次揀嘅瓜同雞肉都算唔錯，白飯夠大碟。位置係中環街市對面嘅小卷，斜路上少少就到，兩餸都係$28。……………………岱民中環店中環嘉咸街9號。

岱民喺港九新界已經開咗好多間分店，主力買兩餸飯，廿幾三十蚊嘅價錢係中環來講，有時只係夠比貼士😂😂.佢哋嘅餸菜選擇都唔錯，每一日都會有十幾款選擇，有菜又有肉，對白領嚟講完全已經夠飽。女仔嘅話可以叫剩餸，食少啲澱粉質之餘又可以揀多少少菜，買單都只不過係三十幾蚊🤤.唯一有少少挑剔嘅地方係，佢哋嘅餸菜都係偏油，但係口味十分之似家常菜。另外佢哋嘅位置係一條類似街市嘅大街中間，環境會冇咁乾淨，但為咗依個性價比，絕對值得！

兩餸飯1)餸菜完全唔熱，肉類欠款式。2)有4隻炸雞翼，但可能是雪雞翼，越整越辣，又凍冰冰，加入红辣椒碎，但也蓋不過肉霉味。3)牛腩好硬，咬唔開。4)1點行過去，已經見到盤內食物得好少，無咩選擇。

個服務員工、頭髮扎起既女人，真係有問題，我點完餸她放玻璃台，轉頭包起另一盒同我fd點既裝埋一起，我話囉錯，她話無，話我個盒已經同fd裝左，呢盒係其他人既～無言！！翻屋企，我點既餸一個都無，完全搞錯嗮！！給錯飯盒！！！變成兩餸，返工發咩鬼夢啊，淨係識整下頭髮，都唔知諗咩野！！叫人點食啊～～～～！！我都話弄錯了死口話無，真係未試過咁激氣！垃圾服務

中環有$25嘅兩餸飯，簡直就係不可思議。佢都幾多選擇，性價比超高，而且好有人情味。會經常光顧。係有條隊，但其實好快，成個買飯嘅過程都只係大約5分鐘。誠意推介比中環上班族

一去到問有冇蒸魚。不停話無😡😡😡最後逼我選左兩餸飯 $25 🙁🙁🙁去到最埋單時先同我講有蒸魚！我就同佢講。我其實只係想要兩餸飯。 一個餸係魚。另一個就菜。 我只係要俾35$ 而家佢計我兩餸飯$25 另外又計多條魚$30去到最後話番我轉頭。話咁佢地嗰時真係無蒸魚呀嘛！ 魚喺你後面呀！😡😡😡😡😡😡真心嬲。成間野都望住我。之前都去過唔同分店 都唔會咁。呢間之前食過勁多鱗既三文魚。喺度post 篇文唔見左！ 😡😡😡

位於中環嘉咸街嘅岱民兩餸飯店，呢間嘢真係唔講得笑，先講地點～岱民中環店喺嘉咸街一個隱蔽嘅位置入面，店舖附近有好多賣生果同雜貨嘅檔位。講一講我個人對呢間店舖嘅觀感，感覺店內非常光猛，而且店內製作食物嘅工場真係非常之衛生，所有食物都冇放喺地下，而係放喺鐵車仔嘅架上。食物方面～小菜嘅款式都真係幾多，我目測所見，應該都有接近20款小菜左右，而且大部份嘅小菜都真係非常香口惹味，更有尖椒炒牛肉呢款屬於川菜嘅菜式，認真唔話得。小菜款式～我當日下午去到岱民中環店，睇到有好多小菜款式，包括～黑椒牛仔骨(必食)、尖椒炒牛肉(必食)，但我唔肯定係咪每日都會有呢兩款小菜，如果真係日日都有就發達囉🤣。除咗以上呢兩款非常香口惹味嘅白飯良伴之外，仲有脆炸雞鎚、蜜椒炸雞中翼、炸薯角、紅燒豆腐、魚香茄子、欖菜肉鬆四季豆、椒鹽豬扒、滷水肥大雞肶、椒鹽油爆蝦、甜酸咕嚕肉、麻婆豆腐、南乳炆豬手、咸蛋蒸肉餅、炆豬腩肉、炒青菜、翠肉瓜炒牛肉、炆蓮藕、炒西蘭花、粟米斑塊、蜜汁一字骨、仲有炒雜菜等，係非常之多嘅小菜款式。店內有凍櫃擺放各式罐裝嘅汽水供顧客自取，非常貼心。岱民全線所有分店賣嘅兩餸飯，劃一價$25蚊，3餸飯$30蚊，註：

為什麼不可思議？當然是在中環區竟然有二十五元飯，簡直是平民的天堂，高檔食店的敵人！位置：在中環中心上面的一條小巷，當你走入其中，發現有一條長龍就對了。環境：四周都是小檔賣菜和水果，中間是一個大玻璃櫃，擺放當日的餸菜，可惜不寫出來，唯有即時點菜，真是好像玩急口令，眼要又快口講要準，否則被嬸嬸催！服務：只提供外賣，沒有堂食。午市：兩餸飯 $25炸豬扒🥩和椰菜花🥦，菜又大棵又爽口，豬排份量不少，雖然炸粉軟化了，但味道是很出色，以這前所未有的超貼地價錢，有這樣的質素，是很滿意！