峰壽司魚屋

营业中

休息中

之前去皇室堡睇戲🎬，睇完就開始肚餓，於是近近哋去咗呢間日式連鎖店醫下肚仔😆～.🔸 [壽司盛(特上) - 二人前] (HK$240)係店舖嘅「壽司盛合」🍣，其實原本想試，但怕得三文魚會寡得濟😝，所以最後點咗呢個 [壽司盛(特上)] 🤤，咁就唔同壽司都可以食得到，包括：、、、、、、、、刺身]。味道唔錯😋，好新鮮，份量都足夠，而且賣相吸引，用以打下卡📸～.🔸 (HK$48)係店舖嘅「三點盛」，即係一碟會有三款唔同口味嘅壽司🍣。我點嘅係 ，當中嘅口味分別係：、、。三款口味都好足料，鋪滿壽司上面😍，而且幾新鮮，味道唔錯。.✨妹豬仔👧🏻💬: 連鎖店嚟講，佢啲壽司同刺身算高質，整體水準唔錯，價錢算合理。

自從吾再幫襯某連鎖壽司店 但又想食啲高級小小的壽司 又排吾到壽司郎 就終於試下呢間☺️ 仲要系銅鑼灣 真系好方便😀 兩個人叫左一個set 再加幾舊火炙同葱呑拿魚小卷🤤 整體全部都好新鮮 魚生的大小同飯的比例亦好合理😆 仲會有小小厚度👍🏻 全部都鮮甜的 特別三文魚籽真係堆滿 好足料！帆立貝就好大粒！😍但我覺得呢間的重點會系火炙壽司到 因為佢地全部燒得好香 好似鰻魚咁 系有焦香味😋 全部都燒得好夠！而成間鋪都充滿住呢陣燒味 好香😂 但我覺得咁多舊最驚喜的系燒明太子三文魚🥳 真系食完有感動的感覺 吾誇張😚 因爲佢三文魚好肥 好香油脂又大塊 再加上面鋪滿明太子 多左一種鹹香🤩 燒埋就更香 所以成舊系完美😭 因爲佢 我同個frd都話一定要再來！❤️

朋友推薦這壽司店, 魚生帶子新鮮, 峰字 蛋壽司 上枱熱騰騰好味, 芝士薯波很鬆化, 火炙壽司系列則一般. 食物質素可以,  但服務有待改善, 話說拎完籌後, 等左差不多半個鐘, 但冇叫過號, 見裏面有六七張吉枱, 外面亦有兩三個人等位, 所以大家繼續等, 後來有人直接行入去就安排位置, 大家才知道原來不用拎籌, 其實店唔係唔夠人手, 只係職員圍住傾計, 沒留意店外情況. 這點令人失望, 如果再好食, 但服務不變, 好難留住客人.

一直都鍾意食日本野峰壽司係比較喜歡既連鎖店高質素之餘價錢合理今次黎到銅鑼灣皇室堡店比較夜，夜晚8點半，少有地唔洗點等位一坐低即刻嗌既係餐牌上無既：「沙律醬玉子火焰壽司」其實峰壽司周不時都有火焰三文魚啊，火焰蟹柳之類，但未必有甜蛋但係試過幾次照寫落單個師傅都會幫手整哈哈大大塊玉子上面加沙律醬再燒，真係超好食! 鍾意食玉子既朋友一定要試下另外仲叫左人氣盛（三文魚，帶子，蝦）高質，好味，夠凍夠新鮮我都好鍾意食帶子所以另外再叫左2件，好好食啊!（打緊食評呢一刻諗起都想食...）除左一開頭嗌既火焰沙律醬玉子都有嗌火焰沙律醬蟹棒，同樣夠大條好味其他三文魚系列既壽司都唔錯海膽壽司都夠份量同新鮮三文魚頭湯同三文魚面豉湯飲落分別唔係太大，除非你特別鍾意三文魚頭啥哈，ok好飲埋單$306兩個人，價錢算中規中矩，食物就非常滿意!

7點前攞飛, 等咗陣有位~但係被安排坐高枱, 又迫又窄✖軟殼蟹卷 / 3件 ($32)3件軟殼蟹都係室溫, 已經覺得伏, 唔知咋咗幾耐✔沙律 ($32)比想像中大碗, 有爭取返少少分數. 生菜好新鮮, 配蝦+脆脆+醋, 口感唔錯. 值得食

朋友説好恨食壽司，但又不想一個人去食，所以今天我特意去銅鑼灣陪她食一趟。這兒是有午市套餐的，價錢是由$69 - $129，但那些組合都不合我們倆人的胃口，所以選擇散叫。終於決定要了一些壽司、手卷、天婦羅和薯餅一起分享。峰玉子（$7）玉子（$6）北寄貝（$9）火炙蟹柳（$9）軟殼蟹手卷（$32）蝦天婦羅（$48）流心芝士薯餅（$48）整體水準可以，價格親民，唯一是峰玉子一點也不滑，令人失望！

每次一諗到想食壽司嘅時候呢，就係諗住食峰壽司㗎啦，就係貪佢水準穩定得來次次都有小驚喜，仲有得大大啖三文魚咁食落去！今次同兩個女仔朋友一齊帶佢地嚟食我嘅心頭好😍😍☺️叫嘅嘢食就唔可以話好多嘅，但係就有例牌嘅春之三文魚盛，鮮味嘅三文魚加上季節當做嘅食材，真係十級爆正呀值得一提系風壽司個玉子壽司，呢樣野係我覺得風壽司水準最唔穩定嘅嘢，有時候個蛋好鬆軟好香甜好美味，有時候就係又凍又硬唔知咩事咁，好彩今次係唔差嘅，但係每次都好似玩俄羅斯輪盤咁令我覺得好有趣🤣🤣🤣🤣朋友都係第一次食佢哋都稱讚得唔停口啊我覺得佢真係香港水準最穩定最好嘅壽司🍣我嘅白月光

好耐都冇喺銅鑼灣食嘢，今日係港島行完街，去銅鑼灣食晚飯。去到皇室堡，醒起樓上有間『峰壽司』即刻衝上去😂等左10分鐘左右就有位喇～我哋坐咗吧枱，望住啲師傅喺前面搓壽司，感覺都唔錯，不過油煙大左啲😅我哋見到牆上面啲特色餐牌有個幾得意嘅產品：卜卜多春軍艦$12就有兩舊，好似幾抵，開頭以為係多春魚😂後尾嚟到係有少少Wasabi味嘅魚子方塊，估計應該係希靈魚既魚春做嘅～食落真係卜卜脆，口感同味道都好好👍🏼值得一試！『峰壽司』質素不嬲都唔錯，好多款壽司都會食到好滿足❤️今次試咗夏季限定嘅炸蝦餅，加少少檸檬汁可以中和返炸蝦餅嘅油膩感，蝦餅都算彈牙，配埋千島醬同椰菜絲一齊食，味道好豐富！不過記得趁熱食啊，攤凍左感覺差好遠😅

在銅鑼灣要食到大眾價錢日本午餐唔多，在這裡有幾款午餐選擇比客人，食物份量同質素都可以，價錢又夠大眾化。8點左海鮮井午餐，包括有沙律，細烏冬個飯材料十足有帶子，三文魚，吞拿魚，油甘魚同玉子，魚刺生新鮮，帶子都幾鮮味，碗烏冬個湯底用左麵豉湯底加上少許秀珍菇沙律有粟米粒，棷菜絲加蕃茄。這個套裝在飲食圴衡都做得到，有纖維，殿粉質同蛋白質，我作為男士都夠晒飽。還有三個唔同份量比的司壽餐比OL 選擇，配合番她們輕食秀身計畫。

今日經過皇室堡唔知食乜好，見到峰壽司不用排隊，所以一致決定選擇了它，睇餐牌D賣相都幾吸引，我們叫咗壽司同豆腐沙律...........豆腐沙律份量都ok，但唔夠凍鰻魚壽司好食，但飯不凍扣了分炸蝦卷不過不失全部壽司飯都唔夠凍，大拖羅同餐牌賣相不一樣，唔靚而且有根，十分失望

之前去皇室堡食晚飯時經過呢間，睇到價錢比起一般日本餐廳算平，諗住之後要試試。今日適逢母親節，又出開銅鑼灣附近，就決定去呢間試下。價錢的確係抵，味道ok，唔算突出，但又不至於難食，不過對於呢個價錢都唔好抱太大期望豆腐沙律 - 略嫌唔夠凍，配上木魚碎感覺好特別，我本人好少喺出面食呢種配搭既沙律吞拿魚腩壽司 - 入口即溶但有筋峰鰻魚壽司 - 鰻魚好厚身，好味，可以一試炸蝦壽司 - d飯一咬就散哂總體黎講都ok~可以接受

非常高質量既日式料理，呢度既魚生十分新鮮，同朋友黎食過幾次都覺得好好味。我地每次黎都係叫套餐，我覺得咁樣抵食D，但大家叫果時一定要注意份量，因為佢呢度份量好足，叫太多好容易食唔哂。上次叫左一個三文魚壽司拼盤，覺得非常好味，三文魚非常新鮮，而且師傅用左好多唔同配料同整法黎令到你覺得舊舊都非常唔同，其中最深刻既係有一舊用左沙律醬同木魚，令到佢好似一舊章魚燒咁，影相靚得黎又好味。總體而言，呢間餐廳既食物十分高質，而且有心思，絕對值得去試試。

第一次嚟食呢間係皇室堡嘅銅鑼灣日式餐廳。今晚竟然唔使排隊，所以就同左啲朋友入嚟。🥗豆腐沙律（$38）成晚最鍾意嘅就係呢碟沙律😂朋友真係冇介紹錯，碟沙律好大碟，好多豆腐同埋俾咗好多麻醬好好味🤤啲菜好新鮮👍🏻抵食。呢個係跟三文魚飯嘅沙律同埋麵豉湯。🥗沙律幾新鮮，有好多粟米🌽，我個人覺得個湯鹹咗少少。🐟三文魚飯（$78）三文魚嘅份量一啲都唔小，幾新鮮👍🏻，飯就適量。🍣吞拿魚壽司 四件（$72）吞拿魚好螢光透明嘅紅色🤣個人覺得貴左少少，但係算係咁。壽司飯唔會好多，所以睇落去刺身多過飯🤣。木魚絲凍豆腐（$18）呢碟就淨係一舊豆腐加啲麻醬同埋木魚絲，覺得貴左少少，但係都幾好味，啲豆腐唔會散晒👍🏻🐟三文魚子軍艦（$18）幾多嘅三文魚子👌🏻🐙八爪魚芥辣軍艦（$9）唔會好辣同埋八爪魚都腍👍🏻海膽軍艦（$22）海膽都唔錯，如果腍啲就好啲👌🏻🥒青瓜細卷（$14）反而比普通餐廳大呢個就抵食同埋會有啲芝麻好好味👍🏻😯🍣壽司盛上 一人（$85）壽司咁樣的價錢有八件算唔錯，都唔細件。食落去都係啖啖肉。賣相可以整得更細緻。侍應服務態度都唔錯，但係唔會好周到。喺銅鑼灣來講食物嘅價錢都唔算貴。食物質素可以更好💪🏻

約咗朋友仔係銅鑼灣拎野，因為好耐無見關係話不如坐低食飯傾下計啦！咁就等係係附近做野既朋友仔帶路喇。佢問我食唔食日本野話有間中午有定食都幾抵既唔貴，好一於試下啦！見到餐牌真的唔貴喎仲有好多款式揀，最後我哋兩個都叫咗壽司定食。前菜沙律同麵豉湯B set 壽司盛 $68 (有六件壽司 + 沙律 同大烏冬)這碗烏冬材料好豐富，烏冬幼滑彈牙湯底香甜，食完六件壽司再加埋碗烏冬真的飽飽了。D set 壽司盛 $88這款有九件壽司而件件都好鮮甜好新鮮。正係港島區搵到平靚正既日式定食餐廳，已經賣少見少喇。

年青時光顧了好多年的壽司店，今次應該係隔左半年再黎食過，之前有試過去尖沙咀新港果間分店食過一次但唔會再有下一次，今次試返銅鑼灣分店呢間以前好多人等位，今次6點左右去排隊等左20分鐘左右，但整體上都比以前質素下降左，中toro壽司接受到水平但味道不出，海膽壽司唔敢係呢間叫上次中過伏，另外峰鰻魚比較好味、軟殼蟹卷比以前差左，三色蝦沒光澤不太新鮮其他壽司都保持比以前差一半水平，值得點讚的係墨魚咀揚物配合檸檬酸好配合。埋單2個人食左$380左右，食物價錢提高左性價比差左。今次之後應該又會一段時間先會再會呢間了。