峰壽司魚屋

营业中

休息中

中午同同事係附近工作完畢，順便吃個好點的午餐呢度lunch set 都有好幾款，有壽司set 都有 丼飯選擇 ！跟set 有跟湯同沙律 我叫左丼飯！ 好多刺身係上面呀！仲件件都好大件😂😂真係不得了仲可以加➕錢要個湯烏冬 tim 好適合唔夠食嘅朋友！

今日收工難得想食日本嘢，喺冇book嘅情況下walk in左呢間食日本菜嘅餐廳，叫左4款嘢食～龍之卷 $38/ 3件大大件好抵食～飯同鰻魚嘅比例都幾好！壽司盛（上） 二人前 $168三文魚同吞拿魚油脂分布都幾好，食落都有輕微入口即溶嘅感覺！甜蝦都好鮮甜！其他款式就正正常常，海鰻魚都唔會點有腥味。叫呢個set 2個人完全夠食！海膽軍艦海膽軍艦呢一個質素都對得住個價錢，對比其他款不過不失！蔥粒吞拿魚腩軍艦個人最鍾意呢款！首先紫菜好爽口！絕對係即叫即整，二來佢嘅吞拿魚腩蓉好綿密好好食！下次再嚟絕對會encore呢款！埋單平均150一位，以食日本菜嚟講性價比算高～

叫左個蟹肉烏冬，一上菜嘅時候已經見到個鍋好細，烏冬嘅份量好小，應該半個烏冬都無，但價錢竟然要79蚊，食完同無食過野冇分別，根本就係迷你版烏冬，完全唔可以當正餐咁食，就算係小朋友都唔會食得飽。

服務❤️❤️❤️❤️❤️品質❤️❤️❤️❤️❤️環境❤️❤️❤️❤️❤️2人同行👭快閃壽司1) 炸蝦卷2) 玉子壽司3) 三文魚卷4) 帶子壽司5)火炙白腩6) 鵝肝壽司7) 三文魚刺身食材新鮮，滿有驚喜，十分滿足🤩🤩🤩

位於皇室堡樓上的日式料理，經常都需要排先入到啊 所以建議大家係非繁忙時間去啦，或者用"The Gulu"手機app拎定電子飛就更方便鐘意佢地多食物款式及種類可以揀，而且都會成日有期間限定，因應返唔同季節而有特別menu推出個人覺得佢地嘅軍艦做得都幾出色，大大件用料十足，款式又多，一定又一款岩自己食 私心推介北寄貝沙律同蟹膏軍艦刺身方面亦都不錯，食落唔會有大家好怕嘅腥味，而且都幾多唔同組合可以試再點左個凍豆腐，醬汁係平時大阪燒嘅味道，甜甜嘅味道小朋友應該都幾鍾意食

網民鐘意性價比高嘅餐廳，所以小編同朋友揀咗嚟呢間峰壽司魚屋😆食lunch。留意喔～唔係間間峰壽司都一樣好，就好似唔係間間壽司郎嘅質素都一樣。小編對比左🆚深水埗同埋銅鑼灣哩兩間分店嘅資料同埋食評，深水埗果間嘅set lunch多咗個小食，但品質受到質疑，而銅鑼灣哩間嘅質素最近呢幾年都係好評😆👍🏻，所以小編最後揀咗呢間。🏷 B Set壽司🍣盛（$79）套餐包含：三文魚🍣海螺🐚北寄貝峰蝦🦐海鰻魚柚子味帶子美國🇺🇸卷（3款x2)配麵鼓湯+沙律🥗同張Menu有少少🤏出入🤣（原來Menu寫住”因季節變換關係 壽司款式或有更改”），無咗個三文魚腩，但係有多件柚子味帶子。整體嚟講啲壽司新鮮，無腥味，同食壽司郎一樣甘開心🥳。雖然無咗件三文魚腩，但係我覺得果件柚子味帶子好特別，帶子上面帶有清新柚子味💛。🏷 D Set 滑蛋鰻魚丼（$99）配迷你烏冬+沙律🥗鰻魚厚身，帶微量小骨（可以食落肚果種size) ，燒汁如果可以加多啲會更加好😆。滑蛋煮得厚身，唔算膩口。*午餐*另收加一服務費

今日放工想食日本嘢，就嚟到銅鑼灣呢間峰壽司。今日排嚟排隊嘅人唔算太多，我係冇訂位嘅底下等咗大概15分鐘到就入座，入邊嘅環境乾淨企理，令人回想起去日本食壽司嘅感覺。我點樣呢度嘅招牌玉子燒，火炙壽司盛，腐皮、熟蝦、蟹柳同埋赤身壽司，食材大部份都新鮮，入口即溶。壽司飯嘅質感都唔錯，整體對比其他壽司店質素屬於中上。店員服務態度非常之唔錯，上菜速度快，大概10分鐘到啲壽司就嚟齊，價錢方面都合理，所以依間餐廳會再嚟多次試埋其他種類嘅壽司。

本來想食既居酒屋關左門臨急臨忙黎左呢度雖然唔算多人等可能PEAK HOUR 啦都等左半個鐘呀點左~三文魚刺身好想食呀尚算新鮮既都滿意呀~幾款壽司全部都覺得OK既較深刻既係北寄貝沙律壽司唔係好多地方有本人又好鍾意呀~紫薯餅即炸既唔算好甜又幾香口呀~炸蝦迷你烏冬呢個好讚好鍾意佢有迷你版成日都想食D熱湯烏冬細細碗可以滿足到又唔會食唔落其他野烏冬又幾滑~牛油果吞拿魚沙律呢個反而一般般呀牛油果質感同平時好唔同唔知係咪熟得滯總括黎講都滿意呀下次再黎過呀

Good Place and clean with fast service and nice food, I love taste of food in here. And is priceless too ☺️☺️

峰壽司已經開左好多年，壽司價錢唔算好貴，平日仲有午市套餐食，質素都唔錯。另外每季都會有啲季節限定既壽司或者卷物，keep住帶到新鮮感比顧客😌對於我呢啲鍾意試新野既就最啱了。宜家已經係用QR Code落單，方便易用。1⃣️極上三點盛（$59）有厚切吞拿魚壽司、厚切鰤魚壽司、柚子帶子軍艦，每件上面仲有蟹肉同埋海膽。  2⃣️招福海鮮卷（$109）有兩款卷物，材料可以話係極之豐富🤩一款係有吞拿魚中腩、蔥粒吞拿魚腩、蟹碎、海膽、三文魚、蟹柳、天婦羅碎、飛魚子，口感極豐富。另一款就有帶子、三文魚子、蝦天婦羅同埋蟹柳。魚生好新鮮，食落極滿足🤤  3⃣️幸福海鮮卷（$79）前排見到有youtuber教整惠方卷，今日黎到見到有得食，就諗住試下。惠方卷可以揀原條上或者一開四，為左方便同朋友share食，就揀左一開四。呢個海鮮卷好大件，想像唔到係咪真係有人可以一啖食到曬🙈入面既材料有十款，包括三文魚、油甘魚、吞拿魚、鰻魚、北寄貝、醋鯖魚、墨魚、蟹柳、蔥粒吞拿魚腩、飛魚子。食完一件都已經有啲飽飽地😂  4⃣️火炙子持帆立貝三文魚卷（$22）有啲似變奏版既花之戀。用火炙三文魚包住中間既飯，面頭再有啲細細粒既帆立貝。冇落啲咩特

多人排隊，七點鐘禁飛，大約55分鐘後有位。本人好中意食三文魚，所以同兩個朋友一齊叫左依個三文魚set二人份($19x)，再另外散叫左一啲壽司。壽司賣相精美，質素不錯，三文魚set中的魚都是厚切的，口感好肉質滑，性價比算不錯。即叫即整壽司下單一件起，餐廳內環境也很適合三兩朋友相聚。我們都吃得滿足! 會想再來!

真心覺得價錢同埋食物質素都成正比！👍😎我相信其實好多香港人都鍾意食壽司🍣掛念家鄉的味道🙊🙊🙈 依間壽司屬於中等價錢，覺得整體來講都OK！環境同座位都尚算舒適，不過每次去到都要排隊排好耐，因為都好多人食所以如果想食嘅只會預返時間排隊啦！😬今日去咗銅鑼灣依間分店食，可能因為平日，等咗大概半個鐘左右就有位👍 我覺得佢個三文魚幾好食，佢個軟蟹殼卷好好食😋，仲有個炸蝦卷都唔差！整體來說所有壽司都ok!

因為見唔同分店嘅Menu都會有少少唔一樣，所以今次就揀咗銅鑼灣嘅黎試。個人覺得同壽司郎價錢差唔多但就唔使排咁耐隊，峰壽司都未嘗唔係一個好選擇～今次食咗人均價錢接近$300左右，實在食到非常飽🤣搞到已經食唔落其他野！個人最鍾意嘅係三文魚盛，三人前份量都非常夠，價錢來講都性價比相當之高。唯一有啲唔滿足嘅係同將軍澳店相比嘢飲選擇比較少，今次啱啱好都撞正甜品好多賣晒，所以冇機會試到，希望下次可以再試埋甜品。

所有嘢都ok嘅唔係非常新鮮但係係入到口嗰隻個秋刀魚沙律勁多骨秋刀魚麻麻地新鮮價錢唔算貴但係服務真係好差懶到嘔食完啲碟搭到勁高都冇人收唔會再有下次呢啲價錢寧願去板X雖然款式多啲

今日去皇室堡玩具反斗城，順便搵吓新嘢食。估唔到皇室堡4樓原來有咁多日本食店，今日我地就揀咗峰壽司。今次揀峰壽司嘅原因，就係見到價錢好平民，Menu又好多選擇，最重要當然佢係日本過江龍，信心已經有一定保證。因為第一次嚟，乜嘢都想食，結果眼闊肚窄，點咗好多嘢食。海鮮飯同炸豬扒飯都有大大碗麵豉湯同沙律跟餐。另外，壽司刺身好新鮮，我最驚喜係新鮮飯上面嘅帶子，係彈牙爽口，三文魚子味道係鮮甜，配上壽司飯簡直停唔到口。炸豬扒飯又係好好味，炸豬扒啲肉好嫩滑，再配合滑蛋同醬汁，我屋企人話唔捨得食剩。另外，我最驚喜係天婦羅，炸得好靚，一啲都唔覺得油膩，天婦羅真係必試。食咗咁多嘢，最後埋單二個人都只係$347。咁經濟，下次去皇室堡一定會再試👍🏻