川味坊 (中海日升中心) (已結業)

本來一向支持小店，亦去過很多次，但今天下午約四時去，沒有什麼人，點了一個米線、一個撈米線兩杯飲品。首先其中一杯飲品漏單，要向店員追才補上，這是小問題。到上米線，食落完全沒有麻辣味，原來同店員落單小辣，但他卻入錯小小辣。見係小店，算喇照食，也無謂惹麻煩，只是在埋單時講一聲；但店員連最基本的禮貌都沒有，只是敷衍地答一句：「哦，係咩。」。完全沒有丁點兒覺得有問題！就算支持小店，小店也要有最基本的服務態度。一句講哂，不會再去。

觀塘區CP 值高之選食LUNCH 諗唔到食咩，又鍾意食麻辣可以試試呢間川味坊米線呢度主打麻酸辣豬扒撈米線， 招牌口水雞飯雖然呢度細細間，但都坐到好多人，唔想等位，12半前黎度都可以直入今次食左麻酸辣豬扒撈米線，麻酸辣都剛剛好，好岩我口味，豬扒又入味, 仲有花生係面，酸菜都幾好味，正正正最正係$42 有交易，仲連野飲，呢個cp值禁高的選擇大家又點可以錯過 Yummy朋友試左口水雞，我試左一件，d 雞都幾嫩滑，辣度剛剛好，幾岩我地口味

係觀塘返工既我，lunch成日都會買呢間餐廳既外賣，實在係抵食又好味，值得多次encore! 🍴酸辣豬扒撈米線撈米線唔會好辣，有少少麻，醬汁同豬扒味道好惹味，上面有酸菜、花生、葱同芫荽都令到個米線好香，撈埋一齊食超正，係濃味之選。 🍴蒜香雞扒菜飯雞扒炸得好好阿，雞皮係脆既，雞肉又好嫩唔會乾，就算係炸物都唔會好油膩，菜飯應該用左雞湯煮既，加埋蔬菜清爽得黎又唔會淡茂茂。 餐廳雖然細，但都好乾淨企理，午餐時間好旺架。

口水雞飯$35口水雞既份量都幾大份，汁既話唔算太辣，食落都會有小小麻，但係停留既感覺唔算太耐，基本上飲一飲野都沖走哂😂所以應該就算唔太食得辣既朋友都可以食到😜仲有一大碗飯，一定會飽！唔會驚係下午茶既size會唔夠飽啦～🤣大概5點幾去都會係下午茶，35蚊食到個口水雞飯都算幾抵，加多2蚊有凍飲。最後埋單都係37蚊😜原價係44蚊，下午茶時間抵d🤣

本人唔食得辣，但係鍾意食唔辣既川菜，所以搵一間肯走辣既川菜係好緊要，好可惜依間餐廳座位有限，成間餐廳得20個位左右，次次行到去都好爆，同事話等一陣就有位，不過我冇等過，次次都係外賣Menu有好多選擇，今次外賣叫左我最愛既雞扒拌麵，拌麵本身點都有少少辣，餐廳好好咁幫我落輕手左，最後個麵有味但係唔太辣，比起BB辣仲少辣，雞扒都煎得好香，Lunch食一個岩岩好夠飽下次想試吓挑戰少辣既雞絲湯麵，我見同事食得好滋味，應該個湯底好好味

話說工作到好晏～九點幾已經無乜舖頭做我生意呢間舖頭超好上菜快 十點前當然食完啦😌誤打誤撞黎到呢間～覺得係超明智選擇！叫左個酸辣炸豬扒撈米線，小小辣（可跟餐有餐飲）一試愛上條條米線都好入味！份量又唔細～有不停想食既感覺撈米線夏天食又無咁熱喎，正會encore叫左個蒜泥白肉勁多蒜都幾好味但前提係你真係好中意食蒜先好叫🤣真係成個口好大陣蒜味同埋份量唔細，最好share 黎食啦男朋友就叫左個酸辣湯米線佢都覺得個味好唔錯！辣度適中不過下次再黎我都係會叫返撈米線

呢間小店晚上6點後不做堂食只做外賣，所以就過黎買外賣，到店舖前十分鐘打去落單，去到等5分鐘左右就可以拎，冇食幾個月都仲係果隻味keep到，招牌豬扒撈米線，我叫左多汁就可以撈得哂啲米線，花生夠香口，米線好似轉左幼身款比較易啲夾，口水雞個汁夠味，雞肉滑身，而且佢杯凍奶茶好好味，整體都幾好不過有地方需要改善，企收銀位個妹妹要負責包裝，將食物蓋上蓋再放入膠袋包好，跟住就直接收錢找錢，中途冇換手套冇除手套，雖然我返到屋企會搵濕紙巾抹個外賣，但如果有人唔抹掂到外賣盒上銀紙啲病毒就好危險了，希望呢方面會改善一下

觀塘工業區有好多唔同類型嘅餐廳，今次去試吓呢間食川味菜既餐廳 - 川味坊秘製豬扒米線 (豬骨上湯)有好多湯底揀，酸辣都分左雲南、重慶、川味，仲可以揀辣度，但今日唔想食辣，所以揀左豬骨湯，湯底都幾濃。主菜方面，豬扒有一大塊，切開左4舊，醃得好入味，仲好juicy另外仲有d配菜: 酸菜、韮菜、芽菜、葱花，酸菜好味，配湯食正！此外，抵讚位係佢嘅米線係分湯，唔怕焗到冧哂，就算拎到返公司食都唔會影響口感！份量十足，CP值高，會再encore

今日去完觀塘買野後就順便買外賣返去食，大約5分鐘左右可以拎，口水雞係脾位好多肉，撈豬扒米線依然係咁好味，第一次飲佢嘅奶茶都唔錯呀，雖然走青走得唔徹底仲有少少芫荽扣左分，不過都期望下次再食過呀

之前食過這裏的湯米線，不過不失，也沒什麼特別，所以印象不太深刻。再次到訪，看見全場有一半人都是在吃豬扒撈米線，賣相吸引，所以這天都叫了這個餐，$42連飲品算是很實惠。豬扒半煎炸得很香口，上菜時白雪雪的米線以為很乾身，但撈起來醬汁調校得剛剛好，不會像有些餐廳弄得太濕，想不到也別有一番風味。加上花生、芫荽，沒有多餘的配料卻令味道更昇華。雖說是酸辣豬扒撈米線，但其實我覺得丁點辣味都沒有，反而配上大量酸菜所以酸味很突出。難怪這個米線特別受歡迎。店舖不大，午飯時間也要搭枱，但仍會想再次幫襯。

為抗疫情呢幾個月都係叫外賣返屋企食，以前成日食呢間店嘅，不過冇嚮呢頭做野就冇食了，今日家人收工特登過黎買返去，未夠6點半打去叫外賣，但點漏野又打過去，前後打左3次，我都唔好意思呀，不過老闆好好人完全冇炸型，等左5分鐘就拎得，返到屋企都仲熱架豬扒撈米線：我每次都係食呢個嘅，想試其他都試唔到，因為太鍾意食啦，豬扒入味，炸菜夠多，花生又香口，仲有個汁辣辣地，因為要再搭車返屋企，所以叫左老闆比多啲汁，唔係返到去就冇汁撈啦～口水雞飯：比左雞脾，份量唔算少，家人話好滑，我都係第一次食，個汁好夠味又多汁，性價比高~叫左走青不過走得唔多徹底，兩個餐都食到芫茜味，呢到要扣少少分，不過唔會影響我下次再黎食呀～

🍑酸辣豬排撈米線辣度:微辣醬汁: 幾好食 麻麻辣辣咁 又5會話好鹹 但係覺得醬有啲少 所以我都無撈暈晒嚟食 如果唔係應該會唔夠味 不過可以自己加辣油整體幾好 係個豬排柴同乾左啲 不過$42一個餐 係咁㗎啦份量都多 作為一個都幾大食的女仔竟然食唔晒🍑防疫措施: 一入去就會量體溫 同要求你用店舖提供的酒精搓手液 餐具都乾淨 味道😋😋😋😋/5份量👍👍👍👍👍/5價錢:💖💖💖💖💖/5

平時叫開外賣的，今晚叫外賣叫咗個蒜泥白肉，發現係無蒜泥既，就打電話去問，點知聼電話既啊姐，佢一口咬定係有加蒜泥，話係我地既問題！我地無啦啦有蒜泥去屈你地無蒜泥咩？請問有蒜泥嗎？？以後唔會再黎食！

今日掛住處理自己的手作事，當處理完畢後，望望手錶原來已經到下午茶時間。我走到中心地下找了一間小店吃，指定下午茶餐全是$35配熱飲。由於我太耐冇食酸辣野，所以點左酸辣豬扒撈米線配熱奶茶。佢哋個撈汁原來唔止有酸辣，仲有麻的感覺，又唔會好辣，味道岩岩好。豬扒唔油膩之餘，仲一啲都唔硬身，調味亦很足夠。酸菜是甜的，花生如果可以炸香口一啲更好，對於一個女仔黎仔，米線份量很多，因為不想浪費依碟美味撈米缐，最後都全部食哂。😅35蚊連熱飲真係好抵食，可惜我太遲知道啦！😕

因為要到觀塘開會，所以留肚去搵好嘢食。好耐無到過觀塘，經過見到有座新大廈連商場，走入去逛逛，有間食四川菜，店舖細細，但很企理。下午茶$35，一個餸跟白飯再跟飲品，點了口水雞，味道不太辣，又不咸，用來送飯剛剛好。雞很滑，雖然是下午茶，份量亦很足夠。食完成個人感到很滿足啊！因為好味，所以再到觀塘又再幫襯，今次點酸辣豬扒撈米線，酸辣汁份量足夠撈暈全部米線，每條米線都掛上酸辣汁，酸辣度恰到好處，薄豬朳是軟軟的，有肉汁。好好味，但覺得還是口水雞最好食。