川味坊 (中海日升中心) (已結業)

點左口水雞飯及酸辣豬扒米線。口水雞好惹味，酸辣又有點麻，冇雪味。豬扒ok淋，值得一讚是酸菜，酸中帶甜，非常開胃，但米線略為煮淋左一點。整體質素不錯，性價比很高，會再幫襯

今晚食飯係apm揾唔到位就過左黎工業區揾下有咩好食見到呢間食川菜既就即刻吸引左我呢個愛辣人士既眼球呢度唔算多人 算係小店 坐得都舒服口水雞賣相吸引 辣度適中豬軟骨米線叫了小辣 則有點過太淡價格合理👍🏻

之前朋友介紹黎呢間到食午餐，因為係小店，大約得28個位，所以午餐真係會等得耐少少，上次食完覺得幾好味，一於七夕同家人食多次，因為收工時間去食就完全唔洗等位，推介左家人食酸辣撈豬扒米線，見到有湯米線就試下啦，叫左個麻辣豬軟骨米線中辣走青，豬軟骨好軟身，有兩舊，個湯底都算清而且冇乜油，辣味都夠嘅，不過就好似普通左少少，唔能夠令我一試難忘。豬扒撈米線就好好味，個汁嚮底要撈勻先好味，酸菜夠多(lunch冇咁多架)，花生夠香口，豬扒夠入味，唯一不足係份量少，不論豬扒定米線，女士食就剛剛好，男士就會唔夠飽，希望可以增加返個份量啦～

閒日自己一個人食lunch 可能因為好熱，冇乜胃口，又唔知食乜好...經過見到呢間野，都幾多選擇，而且價錢大眾化E~ 有湯飯wo~ 所以就坐低左, 試一試😁😁😁叫咗佢哋嘅蠔仔鮮牛🐮湯飯即叫即整，所以都等左接近10分鐘為咗冇咁腥廚師落咗好多姜片....食到我個人㷫烚烚😆😆😆蠔仔份量唔算多，好似都係得五六粒....至於鮮牛肉，都有六至八片，好好食，起碼有牛肉味先啦～成碗湯飯嘅份量都OK，食完好飽$46 都唔算貴

是日與姐姐去開駿業里睇醫生。睇完啱啱肚餓就來食下這間川菜美食！次次去都好多人，地方不大坐位較迫！十一點半入去，這時間入去人唔算多！一眼看下去大多都是上班族！呢間店入邊嘅套餐我全部都食過！午市菜單價格非常的優惠啊！每款都是$44！今天食口水雞飯同肉燥雞扒飯⋯⋯好快手落左單，等左一陣就有得食！先來講下個肉燥雞扒飯！雞扒煎得非常香口，肉質唔會鞋！塗上照燒汁增添風味！肉燥啲芡咸左啲，但是真係好惹味！撈飯的確一流！口水雞份量足，雞有啲肉地又幾滑！而辣係慢慢滲出黎！但是唔會辣到食唔到啲食材既味！啲汁用黎撈飯都好正喔！兩人埋單共九十元！服務態度也好，應該會再光顧！

早10到15分鐘前叫外賣自取20分鐘先落去都未有得攞Lunch 時間一個鐘如果真係做唔到就唔好做外賣次次都係咁你間嘢浪費時間學人做米線 譚仔10分鐘前落左 5分鐘過去都攞得啦 重要聽到個啊姐同個人講 唔洗同客講唔好意思 佢地唔得就會走

剛剛發現手機有些相片！在十二月上旬日子！今天補番個食評！同姊妹剛剛在麥記吃了雪榚！好似飽又唔飽之下....路過此店....四川口水雞...應該可以填補肚子的空虛..店內一般茶廳格局, 都幾簡漯底潔.同舒服雖然地方唔大，可能九點多（因為唔係好多人) 唔滿座還有大量位因為大家都食了雪糕, 兩個人只叫了一個套餐！四川麻辣口水雞套餐放上枱看着都流口水！味道很香口, 有真的麻辣香味！這個辣度是有層次的！不只是一般的花椒油隨便便算吧! 膠質滿滿的雞皮而雞皮下沒有多餘的脂肪生熟度剛剛好雞肉又是如此的幼嫩！(不錯) $46

本人好少寫食評，不過發現好多好食小店因無人問津，以至一年後就消失了，非常惋惜～所以希望寫食評介紹冇乜人排隊但確實值得幫襯的小店。雖然有時太多人去食亦會令小店的業主加租至小鋪結業今次推介是川味坊，我已去了3次，口水鷄令人回味，好味的撈米缐亦在港很少遇到，撈米缐的酸菜亦酸辣適中，balance得好。腩肉不是雪藏腩片，夠誠意。希望大家有耐心排「紅茶」的長隊時，也可以考慮一下這間小店。（利申：我也會去吃紅茶的）

呢間以小店形式經營嘅川菜都唔錯，特別係佢嘅口水雞，加埋個飯餐都只係$44口水雞就食得多，不過好似佢呢個咁惹嘅又真係第一次食次次都見到好多人嗌佢嘅豬扒撈米線，但係我食咗一次口水雞，之後忍唔住次次都要帶返口水雞佢唔係好辣，但係麻味都夠，再加上佢有少少酸酸地，食落真係好正！佢個汁撈嚟食飯都係一個唔錯嘅選擇不過佢啲雞係有骨嘅，同埋有時會係雞胸，如果你唔鍾意食雞胸嘅話，就要睇彩數所以如果佢啲雞係冇骨嘅話就會更加正囉加埋凍飲都係兩蚊咋。留意番星期日係唔開架！

今日得閒留係觀塘食LUNCH, 捉左個FD 帶我去食好野~佢就帶左我去呢間新野!正呀! 辣野呀..我中意呀!!!呢間店仔細細, 唔係太多位.. 我地兩個..點半去到, D人差唔多走就GOOD FIT!LUNCH $42-$44我見好多人食口水雞, 不過我唔想食飯, 所以揀左A 餐-- 豬扒酸辣撈米線.2:15 後好抵食.. $35 就食到..不過唔知會唔會賣哂...除左LUNCH SET 外, 重有呢D 自選車仔麵!重有其他唔辣既野食揀選豬扒酸辣撈米線$42+2 凍檸茶.難得係撈米線, 又幾吸引!!米線咁樣食又唔會浸到發脹~ 同埋唔驚係湯入面愈食愈辣~不過對食辣既黎講, 可能覺得唔夠辣, 唔緊要, 台面有辣油加..加左之後就岩岩好喇..朋友唔係太食辣既話, 呢個辣度就岩岩好.夠哂味!!!呢餐我都幾滿意, 可以ENCORE 既餐廳!同埋平時去食川菜既餐廳, 我成日覺得好有濃厚既大陸咪, 好似自己進入左大陸領域咁~不過呢度就冇呢個感覺, 所以我形容為" 入屋" 川菜~而且唔會全店都清一式只得辣野揀, 因為想食辣野既人好慘既, 要搵到志同道合既朋友先可一齊去, 咁呢度有辣有唔辣, 真係方便好

觀塘至牛頭角工廠區太多選擇，午飯時間通常都患了選擇恐懼症。就這樣，到處走走，目的是要尋一家未吃過的食店。最後，登陸在中海日升中心地下 - 《川味坊》！店子雖小，繁忙時間須搭枱，坐得較迫，大家打工仔互相配合。餐牌都頗清晰，顯示ABCDEF餐有什麼菜式。最後，小弟選擇了《台式肉燥雞扒飯》配熱華田等餐時間不算久，可以接受。講番個飯，肉燥不像台灣地道那麼鹹，較配合港人口味出奇地好食！而且雞扒煎到金黃剛剛好，入口鬆軟食完這碗飯，非常飽肚，相信能擁有充足的氣力繼續下午的工作

本來怕口水雞會辣，撈米線亦系第一次系呢度聽到。但呢度個口水雞幾好味，每次再返黎呢度都系忍唔住叫返口水雞，或者因為想食口水雞先黎呢度。口水雞個麻辣~ 麻味系累積但食到最後個嘴都無乜野，麻味總括唔重，反而系有種香~香油既香~有辣味~ 加上距有"現茜"，有人唔鐘意食，但我覺得幾香，反而加添了多重口味~ 如果淨麻辣就會好DRY。餸同飯都好夠份量~如果系無骨就更好啦~XD另外，朋友食左個好多人叫既酸辣豬扒撈米線，呢個餐真系好多人嗌，我試左一塊。覺得距身為招排菜，我比較支持口水雞~同普通豬扒差唔多而已。下次想試雞扒菜飯A_A嗯。

一個星期下雨，真係唔想行太遠，呢間都算係我地嘅飯堂。當佢剛剛開鋪個陣，我地話終於有間唔錯，一落去即攞位。我地叫親都係午餐嘅A或C，豬扒酸辣撈米線或者口水雞，呢兩個真係好好味。酸辣兩者都配合得好好，無搶大家，唔夠汁可以再叫。每啖都好味，有小小麻，但又唔會好過份。豬扒又夠，再加上配菜嘅香，真係好開胃，同事次次都清得哂。今次我突破肓腸，叫咗台式肉燥雞扒飯。佢嘅台燥唔會好咸，對我黎講剛剛好。雞扒煎得幾好，有時我想食得淡口啲但又好餓，而酸辣米線個個會比較濃味，睇下你個陣個mood想食咩啦。服務仲差小小，上飲品仍有漏單，但比起剛開業，已經有進步。

其實我都好鍾意食麻辣，雖然又唔係食得辣過人，不過酸辣粉係我至愛之一見到公司附近開咗間食川菜餐廳, 真係好興奮!當然第一次時就走去試下係試嘅同時, 我都試咗平時唔會叫嘅"豬扒酸辣撈米線"午餐, 加個熱飲 外賣 $43. 價錢都算OK米線撈個感覺唔係咁好, 可能因為用米線, 米線表面比較滑身, 所以個撈麵汁唔係咁入味, 好似麵同汁撈唔埋, 所以個感覺怪怪地. 不過個扒炸得幾好食, 花生又香口, 炸菜絲令個撈米線無咁單調. 熱奶茶奶多咗啲, 所以茶味唔濃. 

日昇中心地下食肆一間接一間咁開，呢間開左兩個月左右，因為呢頭都比較少川菜，所以為我的午餐表加多一個選擇。食物不定期更換，但要留意最低個行，2:15pm 開始，午餐全部減到$35！但佢另外仲有個下午茶餐牌要2:30pm先有。因為我平時都係兩點先食，梗係等多15分鐘啦～下午茶份量同午餐係一樣架，好多豬扒，好多酸菜，好多米線。仲有餐飲～我揀左小辣，個汁係帶小小麻～I'm loving it~米線爽，汁好味，只係豬扒重味左啲。不過餐廳面積細，一大班同事就要等下位勒～