川味美食

营业中

休息中

絕對是個美麗的誤會🥹🥹川味平時我食開撈紅薯粉/米線今日一個美麗嘅誤會等我試到呢個湯紅薯粉又幾surprising鍾意佢個湯有好多肉碎配料 每一啖都好full 可能我習慣咗一啖粉連埋啖湯一齊食一菜一肉扮健康先 好正既腩肉金菇 佢個餐牌仲可以有唔同餸嘅選擇 嗌咩都得如果喺下午茶黎食佢仲送嘢飲添can try try

好似好耐無來食, 今日過來試一下, 見到menu, 佢有酸菜魚🐟, 就不如試一下, 配幼薯粉再加羅白, 另外要凍奶茶走甜, 等左一陣凍奶茶先到, 飲一口先, 其實真係不加甜, 味道係出唔到🤣, 下次都係叫少少甜, 再之後送來酸菜魚🐟, 賣相唔錯, 大大碗, 亦有好多魚🐟, 食啖薯粉先, 煮得都剛剛好, 浸左湯又更加好食👍, 飲一啖湯, 味道也不錯👍, 唔會太油太肥太辣同太酸, 也夾舊魚🐟食, 爽彈無骨亦唔腥👍😄, 入面亦有d酸菜同芽菜芫茜😘🤪👍, 不過羅白, 就一般, 雖然夠淋, 但唔夠甜的味道😝, 但都叫可以😆, 如果想食酸菜魚🐟, 又唔想去食一大盆, 依度都係一個不錯的選擇😀👍

去完佐敦永安百貨，近近地行到佐敦，川味美食。第一次嚟，叫咗個酸辣湯紅薯粉，店員有特別提醒可以走酸👍加大腸，豬肚，牛柏葉，豬紅薯粉有紅油浮面，但可接受份量太多足夠兩個人食，食完晒啲餸都已經飽咗究竟係好事定唔好事😂個人覺得豬腸同豬肚幾入味同埋淋身，薯粉冇特別要求煮耐啲，所以偏煙靭。凍檸茶冇叫走甜，略甜。有機會經過會encore 。

🍜酸辣炸醬紅薯粉配水餃 $42作為紅薯粉愛好者，見到有專食薯粉一定要去試吓！餐廳薯粉有得揀粗幼度，多數出面餐廳都係幼薯粉為主。薯粉份量好多，湯底好濃，水餃似自家製包，味道不錯，性價比不錯👍🍜秘製醬汁雞翼大腸撈紅薯粉 $53建議食之前一定要撈一撈，咁先可以吸收哂秘製醬汁，令到薯粉更加入味，食落味道層次豐富。配料都非常足料，食完成碗撈粉會超滿足😘😘😘

去到佐敦又食下佢, 揀左小麻辣肉醬粗薯粉另外加羅白, 豬紅, 腐竹和豬軟骨, 加熱奶茶, 等左一陣飲品送到, 有茶味無乜奶味, 之後送來薯粉, 飲啖湯唔係好麻, d湯飲落唔係好肥好油都ok👍, 之後食粗薯粉, 食落唔會好淋好硬😸, 出面多是幼薯粉, 粗薯粉較少地方有, 再食豬紅, 味道一般, 唔太入味, 再食豬軟骨, 炆得唔係好淋, 都唔係太入味, 但味道也可以, 腐竹都比幾多, 不過食落唔係太滑太有豆味, 羅白都有少少淋, 唔係太過入味, 如果再淋d會更加好食😅😋

佐敦嘅川味美食，我最近試咗佢哋嘅秘製醬汁拌米線，拼豬大腸，再加上一杯凍檸茶，整個午餐體驗都令人印象深刻。秘製醬汁拌米線，真係一個味道豐富嘅選擇。米線本身滑嫩而且吸收咗秘製醬汁嘅精華，每一條米線都包裹住濃郁嘅醬汁，味道層次豐富。醬汁既有麻香又有微辣，喺口中留下一種持久而令人愉悅嘅味道。拼上嘅豬大腸處理得非常好，煮得既腍滑又唔失去咬勁，同米線嘅搭配簡直係絕配。豬大腸嘅肉質鮮美，加上秘製醬汁嘅滋味，令整個菜式更加提升到另一個層次。川味美食嘅環境舒適，裝潢簡潔而有格調，令人喺用餐時感覺放鬆同愉悅。服務人員態度友善，對於食客嘅需要都好留意，確保每位客人都有一個愉快嘅用餐體驗。

我叫咗碗「酸辣炸醬大腸雞翼粗薯粉」，湯底沒有酸辣味，要撈勻炸醬才有味道，但不是太有味道，好過冇，要加佢哋啲辣椒油先感覺到辣辣地，酸辣湯冇酸辣味，仲諗住天氣凍凍嚟食一碗酸辣粉，早知過對面麥文記食雲吞麵啦，有一刻諗過，但係最後我想食，十分後悔，樓面同廚房啲阿姐大聲傾偈，其實都冇問題，最有問題係點解會大叫呢？嚇死人咩….之前疫情嗰陣時嚟食都唔係咁差，完咗疫情嚟食嗰陣時，都唔係咁差，唔夠半年，點解變成咁……..短期內都未必會再真係太浪費碗麵，我都食剩唔止半碗。

以前經常食川味，覺得味道夠晒濃郁，配料多，口味偏重，而且有粗紅薯粉，煙煙韌韌，非常有咬口，個人非常喜愛粗紅薯粉煙靭口感，已經好耐無食過。今日特地同朋友再次嚟食lunch，覺得味道已不同，口味較淡，配料少咗，原有嘅配料都少咗，以前炸醬份量較多，而家味道完全不同！同朋友都好失望，食完覺得無滿足感，米線同紅薯粉份量雖多，都一定飽，但味道已變🥺而且紅薯粉今日偏軟，失去煙靭口感酸辣炸醬紅薯籽粉 $33附送配料：炸醬、生菜、酸菜、蔥花、芫荽+蘿蔔 $8 +牛柏葉 $10酸辣炸醬米線 $33附送配料：炸醬、芽菜、酸菜、蔥花、芫荽+腩肉 $8

《佐敦美食 川味美食🌶️》.🔹酸菜魚米線🐟 - 小辣（$70）小辣冇咩feel的🤣譚仔10小左右食得辣嘅朋友可以食中辣🌶️🌶️ 酸菜魚係酸多過辣，越食越開胃😋魚亦都夠多舊，魚骨都剔得好乾淨，食唔到碎骨🔹秘制醬汁撈紅薯粗粉 （$33）［+腩肉$8🐷］薯粉就差啲🤏🏻 整體口感不一致，有啲偏硬，有啲就偏軟，食落唔得夠爽有人話睇一間米線鋪正唔正宗就係睇佢腩肉，因為腩肉要自己腌👅腩肉係辣嘅，睇得出係自己整，仲腌得好耐👍🏻咬落去連啲肉汁都係辣，唔係浮於表面👀評分♡👅味道：7.5/10👀回頭率：7/10🤙🏻性價比：8.5/10

同朋友嗌咗碗酸辣炸醬粉，已經嗌大辣啲湯完全唔辣唔酸，要係咁加枱頭嘅辣椒油同醋，啲辣椒油完全唔啱味，係潮州辣椒油多個四川紅油。啲服務員態度極之惡劣，聽到扮聽唔到，又唔應人💀同價錢其實有好多更好嘅選擇，唔推薦。My friend and I ordered No. 2 Wide Sweet potato noodles in sour and spicy broth in "Big Spicy"/ Very Spicy and a  milk tea. Our experience was horrendous. The noodles were not spicy nor sour, as we had to continuously add        more tableside vinegar and chilli oil, which also didn't match with the flavours, being from Teochew cuisines                 instead. The noodles were also cooked to a

一個人諗緊食乜？經過川味突然好想食啲重口味嘅嘢🔥見吾係太多人,即入去食,,之前都食過撈薯粉,,口感好滑唔錯！今次就揀咗秘製醬汁撈手工拉麵,仲有極多配料(炸醬、生菜、酸菜、蔥花、芫茜）加咗餸有腩肉,大腸,通菜,,腩肉不是全部肥膏,而是半肥瘦,大腸肉比肥膏多咬落亦彈牙,菜索曬汁好入味,而且可以選小辣、中、大辣,麻辣。我揀秘製醬汁味道亦非常濃郁,越食越刺激🔥而且大大碗非常飽肚😋

😎佐敦 川味美食😎喺尖沙咀嗰頭上堂，放飯想搵間平平哋嘅餐廳食晏，就揀咗呢一間川式粉麵。叫咗個上湯炸醬河粉$32，加雞絲$9 & 牛柏葉 $9。勁大碗，好抵食，湯底味道層次幾豐富，有酸菜、炸醬、芫荽等等。牛柏葉整得好爽脆，好食。另外加咗$7有一支凍豆漿！

價錢唔貴，餐廳環境裝修簡單中午時間都滿座好多人食酸辣米線幼紅薯粉紅薯粉煮得剛剛好，吸收湯底味道湯入面已有炸醬、酸菜、芽菜較重口味餸方面就比較普通，腩肉不過不失不過湯底夠味，整體都好食嘅

話說我真係好鍾意食酸菜魚，要搵一間性價比高一啲都唔易，當然呢間你唔好用幾百蚊一份嘅酸菜魚去比較，但食呢間真係頂到癮，食過一次喺荃灣店已經覺好味，今次經開佐敦原來又有分店喺呢到，餐廳都算大但坐位比較迫，同樣哋叫咗碗酸菜魚米線，如果來再食豪啲仲有金湯酸菜魚㗎，侍應一攞上嚟就覺得好澎湃，好大碗又足料，滿滿魚肉，雖然係普通魚肉但都幾嫩滑，而湯底好濃厚又惹味，酸中帶香辣，我點咗中辣辣度都夠，食食下髮邊都冒汗，而米線都夠彈牙又吸到湯，我仲加咗好吸湯嘅豆卜，會成日想心思思去食

自己一個人，所以嚟咗食酸辣薯粉，薯粉可以選粗或者幼，另外都有拉麵、米線同埋河粉可選擇。湯同撈都有得揀，選擇都算多。配料唔貴，$7起，我叫左通菜同腩肉，都係$7@，估唔到$7嘅通菜佢都俾咗好多，我食完d菜已經飽左一半，腩肉份量都唔少。叫咗酸辣湯配幼薯粉，薯粉好多，唔記得咗叫少啲薯粉，我一個女仔食唔晒🙈酸辣湯本身配有芫荽、炸醬、生菜、酸菜、蔥花。辣都可以選微、小、中、大。我叫咗微辣就真係吾辣😂所以湯底冇咩味，建議大家叫小辣以上。