川味美食

营业中

休息中

做完瑜珈緊係要係附近搵野食啦，上次食飽飽行過呢間米線就打算下次試呢間，好在今日記得去試者。呢碗我叫嘅，本來叫豬手+大腸，可惜無曬豬手，唯有改食腩肉，不過佢d 腩肉麻麻，唔係淋滑果d 質地。但佢個湯底係一流，好香，唔多味精，忍唔住飲左幾啖湯。我叫左小辣，台面仲有黃色的辣椒醬，都幾辣，咸咸地好野味，我都加左一匙羹咖。我妹叫左豬軟骨唔辣，豬軟骨夠曬淋，無尿味，合格另外要讚下佢個手工麵，好彈牙，似烏冬質感，個人覺得比米線吸引。朋友仔叫左牛柏葉同炸醬，d 牛柏葉都夠淋，粗幼剛剛好，唔會啃死人3碗之中我覺得自己果碗係最吸引嘅呢個皮蛋就唔符合商品說明條例啦，明明圖片係黃皮蛋，上台變左黑皮蛋，雖然我無乜所謂，落單時同客人講清楚會比較好。另外有一個落單阿姐d態度麻麻，講野又要客人比佢講先，又話自己未寫完，其實同客人講句等等已經ok, 希望改善下d 服務態度🙏最後要讚下杯凍檸茶，冷熱都係加6蚊，唔好以為咁平實唔好飲啦，絕對有驚喜，d 茶無反，唔會苦，如果多一片檸檬更完美❤️下次我都會繼續幫襯嘅希望阿姐唔好怪我話佢態度唔夠好，下次加料過我嘆啦

嘩——突然去左街市咁，（街市都比佢地冇咁嘈）。話說有一阿姨入嚟後直入廚房，一直係用叫破喉嚨既高音調來講野，再加上廚房丶樓面成10位以上的女人....OMG.....分貝都爆機⋯完全想唔食即走⋯⋯人都癲😤😡

同男朋友行左一日街夜晚想食平dd,係尖沙咀行咗去佐敦，結果發現九龍區都有川味，唔講咁多入去醫肚先我叫咗腩肉酸辣米線$35，結果佢比多左粒魚皮餃我😂米線冇新界區嗰啲咁好食，太滑潺潺啦，好似煮得太耐咁，雖然佢價錢平，但係同新界區食嗰啲真係差好遠，唔知同佢新裝修有冇關係男朋友叫咗雞翼上湯米線$36，因為去到戈時賣晒河粉，佢都覺得冇新界區嘅川味咁好食，但咁嘅價錢食得一餐算一餐啦$6 有黑/白豆漿，2個share一支岩岩好

我去開尖沙咀 我特登行路過去食我就咩住好多野 一入到去個員工就幫我拎 真係好感動我去到第一時間就叫左個撈拉麵 其實佢個麵樣樣都出色好耐之前係佐敦上堂都試曬所有麵 但我個人就獨愛拉麵 / 米線佢個撈麵最出色既地方 係夠簡單 佢個麵底本身吸汁能力強佢個醬汁又調味出色 唔太咸  佢又會係入面有肉碎同花生咁配搭上 食落就好好味撈得平均  啖啖都係享受! 配料反而唔係重點 重點都係個麵上面每次經過都真係必需要入去食一碗!

Spicy food is always one of my favourite food of all time . If you know how to use the spice correctly then it will be one of the best food you would ever had.Today I had the thin potato noodle in spicy and sour soup with slice pork , the noodle is seasoned perfectly , the slice pork is spicy as well, The potion of the noodle is just fit as well, and the price is super reasonable . Recommend people to eat as well

如果平時要食湯米線撈粉麵類通常我地都會選擇大家食或者星林居🌟無計啦～生活艱難！阿張同阿梁長時間都係靠食平野靠食米線粉麵過生活🍜川味呢間野成日聽人提起💬不過就從來都無真正食過睇過原來都有幾間分店（荃灣、佐敦、元朗、深水埗同埋長沙灣）嗌左個$40樓下既肥牛撈紅薯寬粉簡直係窮人恩物～色水睇落好重口味🤔食落又唔係揀左小辣😂但我就覺得好似無乜辣味但阿張話呢種辣味好食過大家食果隻我自己就堅持覺得大家食係好味少少既🤣不過呢個清清地都唔錯！碗麵一啲都唔細兜～肥牛量都唔會話太少隔離枱話大腸好食🤔但我地無試🤣因為已經太飽！平時阿張都會幫我執手尾但佢果日都話食得好飽😄唔幫喇咼又要返去打patpat了

我本身好鐘意食薯粉，因以前荃灣工作，差不多日日都在荃灣店食。但最近搬到佐敦工作，所以便去佐敦店食！食了兩次，兩次都十分不愉快！第一次我叫幼薯粉，最後才了粗薯粉，我問一問姐姐是不是攪錯，姐姐態度超差話我係要粗薯。我便算吧，換都無叫換。第二次是昨天，我帶我朋友去食。佢叫一碗普通酸辣粗薯，但擔心辣，問姐姐可否盡量最少辣。到左之後，越食越辣，好奇怪，仲辣過我嗰個好多？咁我地無講什麼，只係叫姐姐比碗清湯我們。姐姐見我們咁就開始話我地，加辣就係咁！我地話我地無要加辣，想盡量少辣，佢話你話要少少辣就係咁。我地都費事講，都無話佢攪錯定咩，但佢仲不停話我地，又同其他員工講話我地要加辣又話辣！真係嬲，以後唔會再去佐敦店！啲員工態度離晒譜！

呢間川味美食喺度開咗好多年，以前一直有幫襯開，但最近一年都冇，咁啱今日經過就諗住重拾舊味道，但係實在令我太失望！我叫咗芝士腸腩肉紫菜撈米線，以前嘅紫菜份量係會對到好似山咁高，而家已經冇咁多，另外腩肉嘅水準亦都下降，冇以前咁好味，撈米線本身會有少少肉醬，佢而家個肉醬都整得好鹹好難食！唔知呢間野係咪轉左手，餐牌改咗，食物嘅味道都改咗，成間野嘅水準下降哂

平時鍾意食酸辣紅薯粉，諗住路過呢間野試下，落單話送野飲，我嗌凍檸水，個呀姐覆我熱檸水，我重申話要凍，跟住佢落完就走左啦。點知黎左杯熱檸水，另外個呀姐問係咪錯左，我話係，不過由佢啦都ok 。點知佢拎走左話check 多次單，check 完之後話佢地冇落錯到喎，比返杯野我，ok咁我都照要囉廢事煩。點知聽到幫我落單個呀姐話：我冇落錯架，問佢幾次係咪要熱檸水佢話係架，覆單都話係架。（係咁重覆係我背後loop)我完全勁嬲，心諗你係咪撞聾失憶呀，硬夾老屈，唔洗係d客面前講呀？食左幾啖，杯野都冇飲過就走左，完全唔想留係呢度，都唔知咩態度黎，以後唔會再幫襯！D野食質素又唔係好。

同事見food panda 10點前order 就free delivery 便看看有什麼好吃的， 發現這間有粗薯粉便試試看。其實我也是近期才愛上薯粉，已經連續3天都吃薯粉了！根本是熱愛者吧！Food panda order 可以寫remark 分湯。這次我點的是酸辣小辣魚腐響鈴粗薯粉吃湯麵類的，記得點分湯，真的太重要了！這家的湯麵每玩連都會送很多炸醬！很多很多肉肉！真好！這就代表了店家的誠意啊！但是！我點了小辣但沒有太大的感覺，湯底也沒有辣的感覺，一點紅紅的都沒有！真的不辣！雖然湯底不如我所期待的，但是粗薯粉的的非常棒，份量很多，想不到外賣也能有如此的水啊！學台灣人說一句：真的很Q彈耶～～～～

第一次食佢哋嘅特色撈米線，平日中午時分坐滿晒人。我見到佢個米線係撈嘅好似幾得意咁，我就叫一份，佢啲肉碎粒唔係好肥，相比其他鋪頭。佢好麵醬好香，上面啲花生仲好香脆。夾起嚟食好好食， 不過略為有啲太乾，我自己倒咗少少水落去。同場加映，佢有個黃色辣醬..好好食..好特別..但真係幾辣...🤤🤤但係真係難得好過癮本人就比較鍾意食酸辣野，加咗啲白醋同埋佢啲辣椒醬。我碗撈米線就變得好好食。今時今日食過米線都唔平，好多地方要都去到成$40，但是佢都只是$34，咁嘅價錢都幾抵食

上星期做嘢忙到爆，係今個星期得閒啲先有時間寫食評，因為返工係尖沙咀嗰邊，食嚟食去尖沙咀啲嘢 一係就貴，但係貴都唔緊要，貴得黎唔好食嗰下先係重點， 所以我同啲同事都寧願行遠啲，去佐敦附近食嘢，今次就嚟到佐敦呢間叫川味嘅米線舖 由於係食飯時間成間舖都坐到爆，不過都唔緊要，中午得一個鐘食飯都冇咩要求，呢間舖有好多面嘅種類選擇 。我最欣賞嘅地方就係佢每種面都配肉醬，變相就送咗一個餸畀你食，我誠意推介 幼薯粉配大腸大腸好入味 而雞翼就普普通通， 叫就叫鹵水雞翼但係睇個色就知道冇乜鹵水未， 另外都叫咗個雲耳小食陣味好怪，唔知想點。總括嚟講，我寧願食譚仔都好過食呢間嘢，如果真係要食就要大腸好拿，同埋佢個海蜇都可以試下。

今日想食有辣湯嘅野，平時成日都食米線，所以就搵下有冇其他酸辣湯麵粉嘅。今次嚟到「川味美食」。酸辣炸醬紅薯粗粉+白蘿蔔+墨魚丸（$26+$6+6）因為失魂唔記得揀辣度，今次食唔到原有嘅酸辣味，🤦🏻‍♂️成件事錯晒，食落口完全無feel。炸醬係大同粗嘅肉醬版，非常有咬口👍，唔似坊間d真係一pat醬咁完全唔知食緊乜。墨丸同白蘿蔔無咩特別，普通車仔麵水準，不過蘿蔔食落口有渣嘅。紅薯粗粉係第一次食，感覺上比起幼粉好食好多，有咬口感，又可以掛到湯汁，最重要係比較易夾。麻辣豬耳（$22）隻麻辣豬耳好好食，大家值得試下。👍👍👍👍👍👍👍辣醬本身有小小甜味，所以初初食以為係甜而唔辣嘅，但食食下，d辣開始出嚟啦。呢種回頭辣唔算好辣，但咀會有麻嘅感覺，頭頂都開始冒汗（小小唔多）。

食薯粉我一定會諗先川味 唔知點解我好鐘意食佢啲湯嘅薯粉😂每次黎食叫兩個餸都會覺得飲係三個餸另外次次都會跟少量嘅炸醬 但少量都係唔好睇少個量呀麻辣豬耳+蘿蔔 酸辣湯幼薯粉（中小辣）豬耳好爽脆 但食唔到佢係麻辣味蘿蔔大大舊 但有啲係淋啲有啲記冇咁淋身 算係ok喇🤣幼薯粉啲麵質好q彈 可能記係好鐘意佢嘅地方喇🙈佢唔似平時個啲滑身啲薯粉 佢係一節節嘅🤣另外佢枱面會有唔同嘅辣醬（燈龍椒同辣椒醬）同白醋比你加如果覺得唔夠仲可以加辣啲🤤🤤我次次食麵會加哂兩種辣醬落去 愈食愈正😋

星期六既午餐時間餐廳例牌多人，黎到呢間，門口有人排隊，但係都好快有位，可以入到去坐(地方唔算好大，一個人去要搭枱)。入到去等左一陣先有人落到單。叫左兩個餸，撈拉麵(撈拉麵係餐廳推介既👍🏿)，配料方面，有花生，豆芽，芫荽，肉醬……等等碗麵好快就黎到。份量方面都夠多既，(肉醬)味道就重味左啲，但係啲麵係好夠“煙UN ”既值得推介，整體黎講都係唔錯既。餐廳環景衛生情況都唔錯，姐姐態度服務唔錯。食完坐一用下電話都得，唔會好快崔你埋單走👍🏿👍🏿