川味美食

营业中

休息中

本來想去食潭仔，點知坐滿哂，迫到飛起，所以過左對面食薯粉，叫左個腩肉麵，個湯底本身已經好咸下，個腩肉仲要係硬到咬唔開，痴哂牙，D肉老過我阿婆，以前試過都唔係咁，而家越做越差，無下次。

平時食薯粉食得多，今次試下佢話自家手製拉麵，碗粉的份量都算多，而且有點肉碎，而拉麵味道一般，唔夠爽口彈牙，有點糊口，腩肉鞋到無朋友，而且湯底好咸，價錢又唔算特別平，以後都係食返撈薯粉好過。

典型深水埗食店- 環境迫, 嘈- 阿姐冇禮貌是日點餐:墨丸紫菜薯粉 (bb辣)份量足，男生都夠飽墨丸超鹹, 湯底有少少味精食完少少口渴, 但可接受紫菜正常, 冇特別配料充足: 有芫茜、蔥、肉碎等番食指數: ✽✽

酸辣粗薯粉+貢丸+醬爆丸醬爆丸係入面有餡個啲 都幾好食貢丸就似南記個隻👍🏻酸辣味都幾好食 夠酸😚辣就可以自己落 黃色個督落多真係會辣架👍🏻粗薯粉幾煙韌 夠大條可以逐條食 好like😘會再食😛

以前我好鐘意食川味撈米線，由中學食到出來做嘢。不過d味真係變左，腩肉唔知點解變左橙色，d辣冇以前咁香，米線未煮軟仲有一舊舊硬痴住…俾d誠意啦唔好退步啦，我真心覺得以前好好食架。

酸辣炸醬紅薯寬粉（$23）豬大腸（+$6）👅我對米線既好感一般般，反而中意食比較有口感既紅薯粉🤗呢間有少啲見到既紅薯寬粉😋😋之前食過一次之後成日都想再食🤓🤓🤓呢間唯一吸引我只係啲粉，啲寬粉會sir黎sir去😂😂勝在好有咬口👍🏻👍🏻酸菜都係好重要～而啲豬大腸就正常，唔會好多肥膏夾住哂😎😎但呢到啲湯就真係唔洗有咩期望🤔🤔酸辣味唔出，連我唔係食慣重口味既都厭佢爭啲👎🏼如果有人知道邊到有好味既寬粉可以話我知喎🙆🏼🙆🏼🙆🏼

話說琴晚半夜好想食酸辣粉～ 所以見今日出開長沙灣，就順便落深水步食個酸辣粉止一止癮先～ 我決定試呢間川味美食！入面坐滿人，證明一定有啲水準啦！叫左個 酸辣紅薯粗粉 大辣。有少量炸醬、芫茜、酸菜跟埋既！湯頭唔酸唔辣！比盡個味至多係中小辣！亦唔夠酸我加左兩三圈醋至夠味！粗紅薯粉第一次食，滑嘟嘟，好彈牙煙韌，掛湯力食十足！大腸偏少，亦少肥，味道都可以！不過，大腸膽固醇高，所以少食多滋味，對我黎講呢個份量我可以接受。好開心佢地既腩肉係唔肥果隻～ 入味～且有口感～ 呢個好食！

同同事係深水埗做完嘢已經3:00，行經呢間重慶酸辣粉見到好似幾吸引就入去食個Lunch。睇睇個餐牌，阿姐話下午茶時段送凍飲，好抵吖！我們都點了豆漿 （下午茶送飲品）同事的腩肉米線 $24我叫左腩肉紅薯粉麻辣（小辣) $24本身我叫中辣，但落單的姨姨怕我食唔到甘辣所以建議我叫小辣，唔夠辣再架辣椒。個湯底唔會太辣幾好飲，食完個紅薯粉之後唔會口渴。

今日朝頭早想食紅薯粉於是又再去咗川味啦今次叫咗撈紅薯粉好耐冇食撈薯粉，發現依家啲花生好似比以前林左好多！冇咗嗰個香脆嘅感覺！撈嘅紅薯粉比湯嘅重口味少少~啦~佢入面有啲秘制嘅醬汁同埋啲炸醬，比湯嘅惹味d~Rating:7/10

今次叫豬耳豬腸紅薯粉（小辣）以前嚟食好多炸醬而家得好少T_T 配菜都少左好多！想要多d炸醬就要自己加一個餸不過餸依然入味，d 粉都係一樣 咁彈牙，條條質感都係uniform 嘅，唔會有d 硬有d 淋湯底味道依然濃郁Rating：7/10

晚上饿得不行想吃点热乎的 红薯幼粉是我的最爱啊 暂时还没尝试过其它的 里面的酸菜味道偏甜有些接受不了… 这个价钱这一大碗是相当实惠啦 听边上说加了紫菜味道很好 下次再去吃吃吃

今日係嘉頓山影完日落就要搵野食醫肚～這間店是朋友推介的第一次是去紅磡的分店一試難忘撈米線曾經下班後專程到紅磡吃距離那時已經過了很長一段時間差點遺忘了這間店今天又是朋友推介去到餐廳坐底看看餐牌 才想起來但今次我試試紅薯湯粉這間店最出名份量多 價錢平 味道好今次點了豬頸肉和金菇紅薯粉很滑身 豬頸肉和金菇煮得剛好夠腍身 而且很入味但始終撈米線更得我歡心湯底味道剛剛好 不會太咸但一定辣今次點不辣 沒有了吃辣的刺激感像欠缺了什麼似的～下次我會再來不用專程到紅磡去～因為不近火車站

每次下午茶時間去到深水埗，都一定要嚟呢度食tea。經濟又實惠，即使味道唔係一流，性價比已經贏晒。今日又再次嚟到深水埗，心中有無數既掙扎。因為唔係好肚餓，但行過門口，又忍唔住入左去食。秘製醬汁撈拉麵+1餸 $24$24仲送野飲，其實都真係幾抵食，而且並唔係好似出面既餐廳計縮數，下午茶變迷你版。呢度既麵即使下午茶都大大碗，秘製醬汁有肉碎同花生，變相腩肉以外又多左個餸。味道揀左小辣，但已經唔小，十分刺激。食完呢個tea，真係會飽到夜晚，今晚又可以慳番餐。

是日經過深水埗，睇完冰天血地8惡人，就走咗黎呢度……食碗紅薯粉先走……磨碎蛻花椒八角、麻辣香料灑響紅薯粉上，熱辣辣的花椒香與麻香混成一體，聞到也為之精神一振，加上本身的酸辣湯底、撒滿炸醬肉粒，既酸且麻，湯底酸中帶辣。唔講唔知，google一下……紅薯即係蕃薯，味甘、淡、性平是一種粗纖維的綠色食品，製成寬條狀，故紅薯粉又名紅薯寬條，入口掛湯，爽口彈牙。紅薯含豐富粗纖維穀氨酸，多種維他命，特別是膳食纖維含量是大米麵粉的6至8倍，可有效阻止糖份轉化成脂肪。常食紅薯能有效抑製膽固醇和脂肪的沉積，而紅薯粉是由紅薯經過多程工序，粗糧細作，久煮不爛，美味清香，是百份百的天然食品。

 店名：川味美食地址：深水埗福榮街60號好味指數：8／10價錢：$27酸辣炸醬紅薯幼粉配腐竹紫菜川味美食有很多間分店，最好食個間係深水埗福華街，其次係荃灣總店。喜歡川味的原因除了自己喜愛酸辣美食外，其份量非常大且價錢不貴，實在是價廉物美！最初食川味叫一碗粉連兩個餸$20仲有錢找兼食到飽飽。百物騰貴，即使現在加了價亦覺得非常抵食。