川味美食

营业中

休息中

食物差差差😡服務態度差差差差差😡😡😡昨天與屋企人兩人去食，我落完單忘記要什麼辣，數秒後同番亞姐講，亞姐回應：「枱上有唔夠辣自己落辣」。為免薯粉及自己的肚子著想，唯有「忍」。湯薯粉及撈拉麵到，有兩位客人要搭枱，亞姐完全不加嘢阻隔，我即刻同亞姐講要加嘢阻開，亞姐一開始「耍我」話加唔到，我話咁唔得喎！亞姐鬼殺咁嘈、怒火沖天，最後「求奇」加塊左右搖擺的膠，夾在筷子筒、醬油中間，我們一路食一個按住塊膠，食個薯粉，隻手都好唔得閒！唔該晒！同枱客人叫的是有酸菜作配菜，她發覺得沒有還是只得少少，唔夠酸，亞姐回應：「枱上有醋，自己加醋」。果然發現枱上有枝「白醋」，白醋😨。唔夠酸自己加白醋！新食法，係我孤陋寡聞。食物方面：腩肉硬、唔入味，牛柏葉未煮淋，硬到呢、拉麵唔得！食有湯的薯粉及撈麵最緊要d調味及湯，勉強可以彌補，可惜都唔得，我們要求不高，但真唔多掂！但有樣得，d薯粉大大碗及撈大大碗，驚你餓親！嘩！多謝晒喎！我都未試過未食到一半已放棄！同枱客人全程一路食一路話這間食物唔得、d味唔得。我都十分十分極之同意！川味係好食的，我和我屋企人都成日在不同區有食過，但這個差到「爆」😡店舖亞姐三五成群只顧開心吹水，食

Terrible noodle shop. Bad hygiene, greasy table and chairs. No shields to separate strange customers. The attitude of the waitress were also bad which made you think that you were not very much welcomed. The spicy pork was dry and hard. I dare not eat at this shop again

琴日同朋友去食，落單嘅時候態度已經極差，語氣極寸，最後都照叫冇嘢啦。本身我哋叫撈米線，好肯定講咗個撈字，點知最後嚟咗湯米線，就同個侍應反映，到最後佢唔認數，最後半推半就終於肯幫我換過個。點知原來淨係到咗半碗湯加咗啲醬就當係，本身已經好嬲，梗係再同佢講，佢堅持話不嬲都係咁整，係多番堅持下佢終於再拎入去倒咗多少少湯。去到呢個時候，其實個面已經淋晒，叫撈米線就係唔想啲米線淋晒，嬲都我震。最後又唔好食，返到去仲要肚屙咗成晚，都唔知佢係咪加咗啲咩料。呢個故事教訓大家，係嘢食嚟之前唔好同事影鬧交，一係就威啲直接走人唔好食，好後悔。題外話：間鋪不停播TVB。

📍川味美食📍深水埗福榮街60號#深水埗美食 #川味 #四川 #米線 #薯粉——川味米線🍜跟隨自己當日心情咁去叫配料，我嗰日叫咗豬頸肉同腩肉，最尾成碗都係肉。好開心！好滿足！川味薯粉🥘朋友叫咗個薯粉，其實薯粉好好食，但係如果未足夠肚餓，食薯粉真係會好飽，就好似飲咗杯珍珠奶茶咁。——人均消費：40 HKD（LUNCH）｜好味指數：🍔🍔🍔🍔🫓環境舒適：🍔🍔 🍔🫓 🫓考慮再吃：🍔🍔🍔🍔🫓

本來好好地一個薯粉，我叫佢走青，佢比芫荽我，我冇話要辣，佢幫我加辣，咁都未算過份，我叫咗腩肉，金姑同蘿蔔，佢剩係俾咗啲齋我，個個好似我咁正嘅豬腩肉可能自己食咗，而當時只有我一個人在等，咁都可以錯完再錯真係吹漲🤦🏼‍♀️🤦🏼‍♀️🤦🏼‍♀️

食完忍唔住開個post 因為真心太好食 要左個9號 《秘制醬汁撈手工拉麵》記住係要麻中辣！太重要所以講多一次 係麻中辣！！餸我要左肥腸 總共$28+$5=$33📊好 咁到底味道係點既呢 我同大家一一分析：首先佢既秘制醬汁因為落左麻辣油 所以係好辣既 唔食得辣未必岩食 但係麻椒味係升華左個汁 啲拉麵唔知係咪因為日日手工制做 口感好之外 仲容易索到汁 掛住啲醬/油 係好辣好辣更好食 連埋啲肥豬肉碎...正🤙🏻🤙🏻🤙🏻豬大腸冇特別 6蚊用黎加底仲好

去完黃金買game, 又熱辣辣，咁岩又餓，就求其入一間米線食，當然，目標係冰凍嘅可樂。一間明顯做街坊生意嘅面舖，無特別用心，以綠色為主嘅裝修。枱就唔係係好多張，應該係限聚令所以收埋左。坐低叫左碗麻辣米線加三個餸加可樂，上菜速度普通。米線都幾彈牙，份量都夠食。麻辣十足，都幾辣下，炸醬嘅肉碎都幾野味，整體都幾好食。叫左三個餸，分別係魚皮餃，墨魚丸同爆醬丸。魚皮餃皮薄，內涵又夠晒唔錯。墨丸就最好食，食到墨魚粒，十分足料。 最差嘅係爆醬丸，食落無咩味，又無爆醬，未試過食爆醬丸入面無汁，咬落又硬。而三個餸，每個餸得兩粒，形成多米少餸，啲餸要就住食。

叫左碗酸辣湯米線，首先佢唔洗一分鐘已經送到個米線上枱 ，的確好有效率，但真係慢工先岀細貨，唔怪得咁難食。首先個湯唔夠酸，佢枱面就有支黑醋既，要自己加。咁就已經唔係果回事。。d米線一早煮好，淋到呢，口感好差，辣我就揀左微辣，係一pat 肉碎辣醬，d肉仲霉霉地咁款，肥牛就韌到橡筋咁，豬大腸就唔差既，起碼唔臭算洗得乾淨，肥膏較少，岩我，墨魚丸彈牙又甜又滑，係最衰個米線口感真係好差，同埋個湯跟住係普通豬骨湯，酸同辣都係自己加

這間食了好幾次了，味道幾合口味，地方不算大，但都幾舒適。麵方面有河粉，米線，手工拉麵，粗/幼紅薯粉，湯頭有上湯，酸辣，炸醬，秘制醬汁，可湯可撈，大中小辣麻辣又得，總有一款配搭啱胃口，三十多種配料，自由配搭，5至6元一款，麵底26元起。麪底本身都會有小配料，我和老彿爺各自點了三樣餸，分別魚鮫，酸菜，肥牛，豬頸肉，生菜和海帶。湯頭好濃郁，紅薯粉煙韌有咬口，炸醬酸菜開胃，米麵份量足，夠飽肚。飲品有自家黑豆漿，豆味濃。總數96元，人均48元，ok吖。

偶然腦海入面都想食下川味貪佢快靚正又幾好食每次食親都只係會嗌撈麵食慣左就只會嗌一款以往麵嗌撈米線 今次轉下嗌撈薯粉肉醬係會跟埋個撈麵 所以唔洗另外再嗌肉醬加埋個汁唔會太咸 我嗌左小辣醬汁 肉醬配埋芽菜 花生 莞茜 相當惹味餸方面我揀左腩肉同肥牛腩肉我每次黎都會嗌佢唔會好肥 冇左果層脂肪 但係又唔會好鞋 而且煮得好入味薯粉同以往食開嘅都一樣 有種未咬爛就吞左嘅感覺 係薯粉俾我嘅獨特口感 所以我個人都係鍾意食米線多d份量方面 餸菜同麵都俾好多 絕對夠飽

今日去到深水埗又唔想食咁多野就去找麵食，去到見到有間川味美食食麵就入去食晚餐，有米線，粗幼薯粉和手工麵選擇都不錯，餸五元六元有都有交易，飲品選擇就比較少。最後叫了腩肉酸辣炸醬紅薯幼粉，共三十一元，好快食物就來到，炸醬比心目中多，不過就不太辣，肉味不錯。薯粉份量都不少，口感都可以不會太難咬，腩肉份量以六元來講差不多，但好鞋身，又沒有味道就有點失望，湯底的味道太酸但又不辣，似下了不少醋感覺，食一次就夠了。

唔知點解對紅薯粉有一個情意結，點解鍾意食呢一間，因為我鍾意佢嘅橙色剁椒，唔太辣，但係好香！總之落咗碗粉個感覺好得意，所以深水埗咁多選擇我都會選擇呢一間！其實粗粉我係比較鍾意，因為唔係度度有，下午茶時間都好抵，不過價錢我唔係好記得啦，同埋佢嘅豆漿亦都唔錯

以前返工起身荔枝角成日都叫川味外賣，轉咗工就好耐都冇食過了。今日心血來潮專登揸車去深水埗食川味，店舖細細當然坐滿晒客人，他們有一定嘅粉絲支持！我就叫咗碗酸辣紅薯粉配豬腸豆卜雞翼，但係唔知點解同我之前食嘅有啲分別，唔知係咪同一間，因為我覺得我啲碗冇以前咁好味了！紅薯粉夠彈牙，滷水雞翼也很入味，豬腸夠林，豆卜爽，但係唯一缺點就係個湯底唔夠味，感覺好似冇乜味，又唔酸又唔辣，失去左我食川味嘅感覺同味道！可能下次要叫辣多少少可能會唔同啲，我下次會再試多次！

🔅🔅🔅深水埗出名美食多特別各式各樣既麵食要數至愛之一就係呢間專門主打紅薯粉同埋米線今日放工心血來潮走左去食～😆😆😆🔸從中學到現在多年來一直光顧價錢也沒大變加送都係$5起呢個價錢真係買少見少了～🔹<酸辣炸醬紅薯幼粉> 一直以來只鍾情於紅薯幼粉當中以包炸醬酸菜和生菜湯頭少辣帶點酸好開胃炸醬煮得十分之入味紅薯幼粉爽口彈牙😍鹵水雞中翼很香肉很滑😋腩肉半肥瘦肉質爽不柴口🤤蘿蔔新鮮清甜完全沒有老筋👍🏻🔸<總結>食物性價比超高🤩必食餸款推介👅👉🏻腩肉👉🏻鹵水雞中翼👉🏻紅薯幼粉 (上湯或撈各有各滋味)🔹🔅🔅🔅

《中學回憶》中學時代已經經常食呢間店鋪，以前既味道會比依家好🥺但間中想食薯粉都會諗起呢間👍—————————————————————餸菜選擇都幾多，價錢算比較便宜，加$5/$6就會有一餸。只且有涼伴同湯米線選擇。🍜#腩肉墨九幼薯粉 💰35腩肉切得好似肉片，份量算中規中矩，但食落比較「鞋」。兩餸墨丸有兩粒。幼薯粉口感好彈牙，比粗薯粉好食。但湯底比較淡味，雖然碗有少量酸菜同埋肉碎，下次可以試下中辣👍下午茶仲會送一罐飲品。