川味美食

营业中

休息中

Randomly went here because I was in the area and the place that serves lovely instant noodles with liver was closed.The noodles here are either served in broth or mixed with sauce but the choices are not that flexible because you can’t mix and match the broths with different noodles or I must have misinterpreted the menu.Anyway, it was fairly cheap costing $20/$21 so it didn’t matter if it wasn’t good.The one with ramen noodles with too spicy.The flat noodles fared better. When it arrived, it wa

回想起近來忙到只幫襯快餐店，真的要改變一下，加上突然好想食簡單的辣野刺激一下，所以到了深水埗覓食而遇上這店。//這類食紅薯粉或酸辣粉的店在港其實不少，但這間除了地點和當時不用等位外，最重要的是價錢相宜，我點了撈紅薯粉，加上腩肉和生菜，配上飲品都是33元，尚算合理。//味道份量方面：份量十足，有點怕食唔哂，但辛辣度沒有好勁，早知叫中辣，腩肉煮得軟腍，加上用辣汁煮過，夠哂入味，挺不錯。//而由於佢係撈薯粉，沒有湯，但佢既汁又夠撈勻個薯粉，加上薯粉都算已掛汁，所以成碗都幾好味。//不過我個人食得辣，下次還是點中辣好了。

openrice見到咁多好評就同fd試下係咪真係咁好味點知..係一個伏黎牛栢葉 - 只係白烚腩肉 - 入味薯粉 - 可能食唔慣咁粗.好難夾秘制醬汁 - 撈完成個粉都無味咁.可能少味精喇碗野真係大碗抵食但我唔識欣賞

原本打算一心去食前少少的維記既，但我細妹經過呢間鋪（川味小食）過陣就話想食酸辣粉，又見佢咁平，咪入左去食。二十一蚊一個湯粉，加四元有個配料，真係抵到爛！有分好多種辣，最勁好似係大麻辣，我本身都食得辣，但又驚太辣，會浪費左碗野，所以叫左中辣，黎到真係吾夠辣，平時譚仔食開小辣，不過碗野係好味既，我叫左碗湯河加麻辣腩肉，好多腩肉，又好食，但個粉太多啦，我本身大食，都食吾晒！雖然好食，但個店員好衰，因為我們第一次食，吾知下午茶送飲品，仲諗住加五蚊飲個可樂，個人直頭無話送，跟著我睇張單仲以為寫漏左，好彩隔離個啊姐話下午茶送飲品，我地先無蝕到咋

只有米線和紅薯粉選擇，但沒有其他小吃，想必有他的過人之處。店鋪設有撈粉與湯粉選擇，當然選擇少有的撈薯粉。 因爲撈混了，所以見不到，其實有一大堆芽菜的，薯粉份量也比其他店鋪多。要了中小辣，夠辣的，若平時譚仔吃5-3小辣，來這裡要小辣就足夠了。它的辣應該是秘製的，不會見到辣椒油or 辣椒片等等的東西浮面，辣得過癮。還有它的花生，吃到底還是脆的，正，加2蚊還有一小碗，我見有客人叫。本想渴它的豆漿的，誰知已經買完，下次定要叫。還有有點可惜的是它的配料選擇不多，雞翼入味但有點兒鞋，魚腐並非真的魚腐la。

吃厭了一般的粉麵或米線，不妨來這裡試試秘制醬汁撈薯粉。薯粉有分粗幼，相對幼的那種扭扭薯粉，個人更喜歡粗薯粉的煙韌口感。這次點的是腩肉牛百葉撈粗薯粉(小辣)，腩肉偏瘦，還好不會很"鞋"，帶點微辣，牛百葉是白灼的沒有味道，用來拌醬汁剛好。味道好之餘價錢亦不貴，值得回頭。

今日入左一間食川味粉既店鋪, 估吾到甘好食, 環境一般都係圓枱圓櫈甘, 同茶餐廳類似, 食物就好似車仔麵甘點, 首先選左乜野麵先, 再店餸菜, 我就叫左川式紅薯粉，　除左叫淨麵之外仲叫左醃豬肉，　牛柏葉，　豬肉碎等等，　而佢亦會有葱花同花生薑等調味，　真係好正，　辣醬可以加，　好辣但好好味好味既原因係個汁, 爽口彈牙既薯粉再配以佢個充滿不同川味香料既湯底(與其話湯底, 不如話係淋落去既汁)味道一絕..!!呢間推介!!

八點幾路經深水埗見到呢間有得食久違既薯粉急不及待就入左去著粉有粗幼之份以往冇食過粗薯粉所以叫左個中小酸辣既大腸粗紅薯粉 可能少d人既關係唔駛五分鐘就整好送黎好大碗完全比平時食既米線大碗得多先講粗薯粉啦比我想像中粗得多似係海帶咁既粗度食落都幾煙韌 一個大讚大腸呢又有好多舊味道就不過不失啦冇咩調味過偏淡口酸辣湯底都唔算太酸辣我自己鍾意食辣就再加左d辣椒油 味道就正番d 哈哈大大碗味道唔差都係廿四蚊(每款配料都係加四至五蚊)實在係幾抵食應該都會再食哈哈不過深水埗咁多野食都未試哂唔知下次又試邊間呢

忘了從何時開始，麵食除了粗麵、幼麵、河粉、米粉和米線外，還多了紅薯粉這個選擇。 紅薯粉的營養價值比其他麵食高，亦是健康食品，加上QQ的口感，一直深得我心。 「川味美食」以紅薯粉作為主打，來到這裡方知道紅薯粉也有粗幼之分。一碗小辣的撈紅薯粗粉另加海帶，份量之多連很多大男人都吃不完。 鋪在面的肉醬一點都沒有偷工減料，曾經很愛吃的「星林居」如今僅已凌碎的肥膏作為肉醬的材料，看到這裡已濃郁的肉醬作為配料頓有眼前一亮的感覺。 紅薯粗粉真的很粗，有兩隻手指般闊，非常Q而且彈牙，和我預期一樣。 每條海帶中間都打了個結，據說會令食材更爽脆，眼見不少食客也有點海帶，相信是這裡的招牌菜，果然不錯。雖然本身不是太嗜辣，但卻常常心思思要小辣刺激一下，不過「川味」的出品偏辣，即使是走辣也有點微辣口感，所以不能吃辣的人要注意。 還好這裡提供解辣一流的豆漿，一口豆漿喝下後就由從地獄折返人間的感覺，比汽水更有效呢。

平吾係大哂最緊要好食，但呢間野真係平靚正之選，又平又好味。今次食秘制醬撈拉麵加腩肉22蚊，麵質ok，醬料都好味道，腩肉又吾肥。白豆漿有豆味而又不太甜仲要係支裝5蚊。份量十足。比出面米線店大碗

陪朋友入貨，肚餓之時，她帶了我去川味。食飯時間，福榮街一帶間間食店都好多人，呢間亦唔例外，前面有十多個人排隊，等左廿分鐘度就有位。一坐低，袋都未放低，個員工即問我地食乜，心諗洗唔洗咁趕，講左俾佢知兩次我地未睇，佢先唔騷擾我地，我叫左酸辣炸醬紅薯幼粉﹔餸就叫左大腸、豬耳同紫菜。我朋友叫左秘制醬汁撈米線，配料就叫腩肉同通菜。唔知係咪我食慣重口味，我覺得呢碗麵有少少唔夠味，係就係唔夠味，但醬汁係好味，香而帶點肉汁味，豬耳爽口，咸度適中，而豬腸切得太幼身，每條約0.5cm左右，沒有咬口，而肥膏又多，去除肥膏，食左好似冇食咁。而薯粉煮得幾好，軟硬適中。朋友幾滿意佢嗰度，不過佢話如果係涼拌米線，佢會仲開心！ 

個個系ssp食飯都系想搵d平靚正既餐廳 呢間的確系首選 所有譚仔、裕一品、雲南米線都要行開。有分開湯面同撈面 個人泥講比較中意食撈面 吾單止分量特多 仲要包埋大量炸醬 抵拉！我次次都會叫豬頸肉 因為有好多塊 而且全部都系好有味 吾系求求其擺落去就算。

酸辣粉食店愈開愈多，已經到了有點泛濫嘅地步。見到呢間川味美食，因見其裝修簡陋，餐牌上嘅食物價錢又極便宜，整體感覺又有點「大陸」，本來興趣不大。不過見到係食紅薯粉，仲有寬粉同幼粉選擇，好似幾特別，所以就入去試下。有湯粉同撈粉選擇，紅薯粉有分粗粉同幼粉，粗粉係好似粉皮咁寬寬的但比粉皮厚，而幼粉就同米線差唔多粗幼，但係就孿孿曲曲嘅。除咗薯粉，仲有米線、河粉同拉麵可以選擇，配料方面，都係同普通粉麵店嘅選擇差唔多，冇乜特別。我要咗碗酸辣炸醬紅薯粗粉（小辣），配紫菜同腩肉。唔使等好耐就已經有得食，而且係大大碗。如果唔加配料，唔洗廿蚊就已經可以飽肚，抵食呢點絕對係無庸置疑。配料有炸醬、芫茜、蔥花、酸菜同生菜，都幾豐富。炸醬就鹹左少少。先試一啖湯，有D嘅芫茜香味，酸辣度適中。薯粉係透明同滑滑的，咬落去都幾煙韌，口感幾特別。紫菜份量好多，腩肉就較少，切到薄薄地。炸醬都係鹹左少少。紅薯粗粉好快就令人食得好飽，兩款餸埋單都只係廿幾蚊，加埋支豆漿解辣都只係加五蚊，但真係比我想像之中好味好多，哈哈！

上星期食過一次，味道令人上癮。 於是今個星期又去食兩次。 一次要撈米線，一次係酸辣炸醬湯米線。 雖然兩次都係要小辣，但撈嗰隻就好辣，真係小辣都好辣。。。我要不停莞白醋中和番。 撈米線有花生，芫茜同秘製汁。不過汁較少，所以有少少乾。 配料我要咗魚皮餃同蘿蔔，兩者都不錯。至於湯米線，雖然都係小辣，但就無咁辣，可能有啲湯沖淡咗。 湯嘅有酸菜同炸醬，酸菜偏甜唔夠酸。 米線質地好，唔會太煙韌，又唔會太淋，剛剛好。 今次揀腩肉。。鍾意食肥腩嘅朋友就唔啱喇，因為佢係全瘦，似鹵豬肉多啲，不過我就係鍾意佢唔肥。。。味道又酸又辣，令人上癮！！！

在這個除夕下午, 能夠與你一起, 就算溫度只得七度, 亦能令我慶合合；感激你, 在這種時間, 亦對我的不離不棄。雖然二十蚊還有找, 但肯定會飽肚 碗底滿是芽菜, 芽菜上就是一層厚厚的幼薯粉, 廚師在薯粉面舖上肉燥、花生及芫荽, 再淋上秘製麻辣汁 撈起來吃, 煙韌的幼薯粉嗦了麻辣汁, 就由原本灰灰白白的顏色改為紅啡色, 頓時引人食慾 幼薯粉煙韌到要咬多兩咬才能把它們分段；在口內咀嚼時, 真是有幾分嚼橡根的口感, 先麻後辣隨即擁上前來...... 麻得來香, 辣亦得透澈, 身體立刻血脈僨張, 成身暖晒花生當造, 顆粒飽滿, 肉身很甜, 它們能令麻與辣中增加甜度, 可以當作我的安慰劑肉燥帶著濃濃黑椒香味, 肉質屬半肥廋, 也能為這碗撈幼薯粉帶來甘香食物令人飽足, 根本就不必付上天價, $16的秘製醬汁撈幼薯粉已道明一切。貪婪 (無語!)