川味美食

营业中

休息中

隱世正宗四川紅薯粉個人超喜愛幼薯粉粗薯粉實在太飽肚🤣呢間川味特調醬汁🧂一試難忘☀️酸辣炸醬紅薯幼粉 $30已有配料花生 炸醬 生菜 蔥花 芫荽豬大腸 肥牛 墨魚丸 豆卜 還帶個人喜愛的五種配搭 還帶是海帶來的🙌🏻清爽口感必叫豆卜🥰醬汁超級入味 外賣五餸也只需要$60👏🏻非常之抵而且女生一個人應該食不完通常個人會分兩餐食😋糧尾也不會虧待自己簡直是性價比之王者👑美味度:💗💗💗💗推薦度: 💗💗💗💗📍 川味美食 (長沙灣)長沙灣青山道272號地下營業時間：星期一至日 11:00-22:00人均消費：約$50-100

係附近放lunch 一諗唔到食咩就會諗到依間麵店。最鐘意食佢嘅拉麵 +雞絲👍🏻👍🏻👍🏻份量真係好足🤤🤤🤤成日都食唔哂🤣🤣🤣仲有粗薯粉幾特別👍🏻

川味 平民麵店今次食1號酸辣炸醬紅薯幼粉 揀左小辣 加肥牛今次湯底唔夠酸 肥牛份量適中 有配肉碎 一片生菜紅薯幼粉煮得偏冧 一咬就斷開價錢醫肚 算好抵食地址：長沙灣青山道272號地下

長沙灣一條青山道，就至少有5間唔同嘅米線鋪頭，對於鐘意食米線嘅我黎講，真係勁方便！之前試過川味撈米線，今次就揀咗湯米線。平日夜晚7、8點去食，鋪頭大約一半滿，都有唔少空位，坐得都舒服。店員執完枱就坐低嗌餸，叫咗個肥牛、海帶肉醬酸辣湯米線，比我想像中足料，份量正常，特別中意食呢款海帶，有咬口，而肥牛都唔太差，無煮得太熟，否則好驚老得濟。湯底嗌咗小辣，但話就話酸辣，竟然無乜酸味，有啲失望，辣都係因為面頭個浸辣油同炸醬浮出黎，整體湯底比較淡而無味，最差係米線竟然有幾條好硬，唔通係煮定再碌返熱上菜？整評唔會話差，始終佢價錢都係街坊價，但質素有改善空間，希望下次食會好啲。

【平民美食 - 中學回憶🤩招集川菜/薯粉愛好者】川味美食係好多人嘅中學回憶！ 其實同米線差唔多但有薯粉/拉麵簡，酸辣湯/乾撈都好食😋 宜家仲有酸菜魚米線 推薦大家食撈冇咁熱🌝同冇甘易腍晒___ ___ ___ ___ ___ ___ ___✨通菜腩肉 撈薯粉 ✨通菜豬軟骨 撈手工拉麵🍜有2幾種選擇，私心推薦腩肉，腌過片狀小麻辣好食😋 之前嘅拉麵係幼身啲，似關廟麵，呢款手工拉面就粗身啲，好咬口薯粉有得簡幼同粗， 粗=麻辣火鍋川粉🥹⚠️不是水晶粉3款撈面底都好易入味，幾索汁，好好食🥹🥹配嘅炸醬同花生👍🏻記得撈均唔係底會好咸🥵

平時都食開川味但呢間明顯冇其他分店咁好食😵$41 撈紅薯幼粉+豬軟骨+芝心丸 雖然叫咗撈但下面仲有好多湯味道唔係好夠肉碎 花生嘅配料都唔係好多豬軟骨好似溶溶爛爛咁唔靚芝心丸仲有啲凍凍地

Food craving 來臨嘅時候係好難抗拒。從來對一樣食物無渴求，但就可能係啲關注群組見到一個post或一張相就無法控制地好想食。去到餐廳大約八點半，好多想叫嘅餸都無，咩菜都賣晒，想叫豬紅都無，但餐廳好sweet，淨返一粒豬紅送埋俾我。我叫左秘製醬汁撈紅薯粗粉，叫左小辣，但都唔係太辣。係惹味嘅，即使粗粉唔算太掛汁都夠味。配料係雞絲，比眼見嘅多汁。另一半點左酸辣紅薯粗粉。配料嘅白蘿蔔好入味，雲耳爽口，佢點嘅配料好似比我嘅好食。埋單2個加埋唔洗$90 ，填肚但又唔難食就可以。

其實我都算係呢間舖嘅常客，每次諗唔到食咩，就會揀佢。舖頭都有提供幾款麵食，平時主要都係食開薯粉同手工拉麵。酸辣炸醬紅薯幼粉 $27湯麵都配有炸醬、酸菜及生菜。紅薯粉份量都多，今次嘅湯底只係有好少嘅酸味，味道偏淡。配料揀咗豬頸肉 (+$7) 同魚皮餃 (+$5)，豬頸肉係屬薄身，口感唔會韌。魚皮餃就同平時食開嘅一樣，但就只有兩粒。秘制醬汁撈手工拉麵 $28撈麵就配有炸醬、芽菜及花生。由於係外賣返屋企先食，特別嗌咗要多汁，以免拎到返去乾哂。辣度方面都係可以自由選擇，我就要咗小辣。至於配料，就揀咗腩肉 (+$5) 同配豬耳 (+$7) 。配料份量都多，豬耳都係比較爽脆。個人好欣賞佢個腩肉，肥肉嘅部分好少但食落又唔會柴，而且仲帶有辣味。總括嚟講，都推薦大家試食秘制醬汁撈手工拉麵，夏天唔使食到熱辣辣，而且都好抵食。

響鈴+通菜+紅薯幼粉呢個店的紅薯幼粉出名好評，我估可能係因為佢好足料，每份都送花生、肉碎個秘制醬係甜甜咸咸，有少少似肉燥個汁，撈咩都好食。個紅薯粉有都幾彈牙，有時我會覺得有啲難咬，下次會揀返米線，佢勝左多選出呢間鋪頭我食過好多次，貪佢可以好似車仔面咁叫自己想食嘅餸，但每次都會有一刻失望!!就係佢會吸湯嘅餸，例如金菇、響鈴係原完無味，因為佢地係用清湯滾熟。其實佢地整個秘制醬汁湯黎滾野督可以解決呢個問題，令到所有野更完美。

呢間川味美食都開咗好耐，但係由細住到大都無試過，因為個門面唔算好吸引，隔離又已經有兩間譚仔。直至搬離娘家，呢一年返親嚟都無得出街食要買外賣，先至發現佢咁好食。最鐘意叫 酸辣炸醬紅薯幼粉+麻少辣+腩肉 外賣($32)返娘家食。雖然個辣有時重手啲，又有時無乜辣，不過都係好正。食咁多次，佢啲腩肉都有返咁上下多，唔會食完好似無食過咁。最正係，有時外賣拎到返屋企整埋嘢要隔一陣先食，但係啲粉都仲好彈牙，唔會淋咗。

朋友推介我嚟食呢間川味美食，如果我自己行過應該唔會入囉...🤭😂普普通通一間米線舖... 但原來價錢同味道都充滿驚喜架🥰價錢好平民化，不過可能關地區事😁朋友推薦我叫咗個豬腸撈幼薯食食下先醒起要影相不過真係好好味個辣汁好香都夠辣，但又唔會太嗆鼻豬腸入味又淋，我掛住食都唔記得影相🤣

夏天炎熱但又想食辣 點算好？行過川味見到有得食撈薯粉就外賣試一試兩個餸 叫了一個豬大腸+小辣腩肉叫了小辣撈紅薯粉回家打開見到放得唔錯漿料放左係底 面上有花生 芫荽 芽菜仲有少少肉碎 配料多薯粉係暖暖的 是透明又幼 食落口口感彈牙唔會軟淋淋 剛剛好食之前要把醬撈勻 否則底會越食越辣醬汁唔會太多 啱啱好 薯粉有浸住少少醬汁食入口味道更加香 辣辣的豬腸洗得好乾淨 有少少肥膏食一口好有罪惡咁腩肉都唔會太過薄身 咁你本身有少少辣味加上薯粉 十分夾 好好食

收工男友提議食川味美食，向來愛食麵嘅我舉腳贊成！入到去姐姐招呼周到，嗌咗兩碗麵：蘿蔔金菇撈手工麵、雞翼豬大腸撈薯粉。薯粉略嫌韌、蘿蔔冇乜味，不過勝在大大碗，一個女仔真係食唔晒！撈麵同薯粉撈汁好夠味❤️❤️

自問都係呢間店既常客，一星期都食1-2次經過今日唔會再食事源今日收工夜晚9點幾想食川味，打算叫外賣打去問仲送唔送外賣，有位姐姐接電話就話唔送，叫我自己黎拎。咁好啦，我就打算問下屋企人得唔得閒去拎先，就好聲好氣話：咁唔該你先呀。問左有屋企人幫手拎，我就9點半打返去落order我：唔該，我想叫外賣先取呀姐姐：你幾點黎羅先？我：答9-10左右呀姐姐：唔得喎，答10我埋左數啦喎，唔會做俾你嫁。咁我就打算問下屋企人可唔可以依家去拎（9點7就可以去到），問完再叫。我：咁呀，我轉頭再打返黎呀，唔該你。姐姐：下轉頭打黎？你轉頭打黎我收左爐啦喎，係咁啦拜拜。跟住就一野cut左我線。好，急住想準時收工，我明白，咁我都係想確定趕到答9前拎到先叫外賣，自問好聲好氣叫，唔該前唔該後。你地9點半last order，可以好好地講聲要收爐，我絕對會明白，聽日先再食。絕對唔係咁鬼串，仲要同我講係咁先啦拜拜，就cut我線囉。不過相信貴店都唔愁無生意做，啲服務態度仲咁好，自問真係食唔起貴店啦。講真同街仲有3-4間米線鋪，我寧願以後去其他個幾間食啦，反正你地咁好生意都唔差在一個客啦，以後唔會再幫襯，拜拜！

呢間川味美食喺長沙灣同深水埗有幾間分店，每逢午飯時間就好多人，一定坐滿晒。麵嚟講佢分別有紅薯粗粉、紅薯幼粉、拉麵、河粉同米線，可以揀酸辣湯、上湯同埋秘制醬汁撈，餸都多選擇，都係5蚊/6蚊，好抵食，叫多幾款都唔肉赤～腩肉紫菜撈紅薯幼粉（麻小辣） $34佢啲腩肉一啲都唔肥，但又好淋好入味喎，而且有少少辣好正，紫菜用嚟撈埋啲薯粉一齊食，又可以索晒啲汁，我幾鍾意食呢隻波浪型嘅幼薯粉，掛汁力一流，但佢份量真係好多，食到好飽肚！要左麻小辣，佢啲麻辣好惹味，小辣對我嚟講已經足夠了～仲有2款辣醬可以落，個人幾鍾意黃色果隻，夠香夠辣！