川婆婆 (旺角中心第一座)

营业中

休息中

再黎行旺中，其實係又未到食晚飲，但又有d餓。 黎旺中都係想食小食。😍係川婆婆食左涼拌萵荀。(one of my Favorite Food) 見到即刻叫。通常食e d辣ge涼拌野，食完都會口臭(d香料味)，所以已經準備好飲品! 不過，今次川婆婆ge萵荀食完竟然! 個口唔會有好大陣味! 真係大愛，太令人意外。❤❤仲要佢個辣好好食，我叫左少辣，但比想象中要辣，唔係普通辣油ge辣。。好難形容，總之就好頂癮，好味，有越食越想食ge衝動!😂😍😍加上落左芝麻，芝麻味好出好香! 正!

窮遊香港-旺中麻辣燙小店👍🏻即刻like @hkfunfoodrecord 同follow先啦.呢日中午1200路過旺中見到有間麻辣燙小店 勁忙係到準備緊d外賣即刻同大家試下（餐牌價錢睇圖）.見到麻辣湯既圖 勁紅 好似好辣 所以叫左酸辣⭐️叫左3餸 酸辣$37 bb辣👍🏻味道夠酸 開胃 比like👍🏻鴨血 👍🏻魚腐 有大2舊係底 唔錯👍🏻娃娃菜 冇咩特別 但食極都有.小食 全部叫左小辣（最鐘意食d爽口既野 私人加分）⭐️辣汁牛柏葉$18 爽口 明顯唔係小辣主要係辣味 比其他野食紅好多 辣死寶寶（‼️愛辣人仕可叫菊花辣🔥🔥）.⭐️麻辣豬皮$18吸汁野 爽口 小辣.⭐️口水雞$32呢個 個汁多層次d👍🏻甜甜地 酸酸地 辣辣地 開胃👍🏻雞肉算滑 冇痴牙（店員提醒記住攪勻先食）（比汁浸死係好食d既 爽）.⭐️皮蛋$28 同口水雞 同汁好食 但皮蛋唔夠彈.⭐️總結立食小店 算唔錯如果我住旺角 呢間叫外賣係唔錯選擇如果可以有位坐坐慢慢食 就好啦.#川婆婆 (旺角)地址：旺角彌敦道688號旺角中心1期2樓SB04號舖.⭐️評分味道：4/5環境：-/5 立食服務：-/5衛生：-/5抵食：4/5

心血來潮去旺中行下，突然有陣好香好吸引既麻辣味傳黎，沿香味搵到原來系川婆婆友人大讚好味成日系尖沙咀食，我就即場叫左個淨餸試下。小辣岩岩好，夠香夠味重點系食完吾口渴見到餐牌仲有好多野都好似好好食，又見到隔離有人叫左水煮魚飯都好香，而且好大份下次要再番轉頭試下其他野先

以前係尖沙咀返工，成日都會食川婆婆的麻辣燙，水煮魚同涼伴小食。至從轉左係旺角返工，就好少再食到🙈點知早幾日係旺角中心行街，發現佢開左係2樓，二話不說問佢拎外賣紙。琴日就叫左來食。水煮魚，麻辣牛丸風味不變🤤🤤

係旺角返工 周不時都要係附近覓食旺角中心更加係常去前一陣子朋友推介一間吃麻辣燙麵的店舖而且更好的是有外賣送上公司的服務只需$60就可以叫外送到公司非常適合在公司lunch時間不多又怕外出多人的人仕今入與同事叫了一人一碗2餸麵分別為 牛肉白羅白粉絲 及 鴨血薯粉薯粉唔需要特別加錢一讚份量係係比出面米線店係細D女仕岩岩好 男仕可能有點不夠了另外 鴨血非常推薦! 唔散口的辣度可以選到bb辣 咩人都岩食另外加$6有可樂都算抵經過可以一試

今日我叫左旺角中心的麻辣燙外賣，身邊好多同事都有食，介紹比我，之前係尖沙嘴都有聽過，依家都想試下，同埋價格都便，所以同同事一起叫左外賣，oh,外賣擺到台面，已經聞到勁濃的香味，我點的中辣，紅薯粉，打開以後，確實名不虛傳，紅薯粉很有韌性，菜品很入味，果然係排名第一的麻辣燙，以後還會繼續點外賣，也會介紹比身邊的朋友！我看到同事有叫水煮魚，看到魚好新鮮，同事話超級好吃！有心的店舖

今日懶得行 唔想郁 就留係公司同同事叫外賣 本身想叫熟食中心 但同事話呢間既辣野仲好食 咁就聽佢講揀左呢間 我叫左牛柏葉 羊肉 煙腩肉 萵笋 紅薯寬粉中辣 料都ok多 麵就正常份量 男仔應該大部分都唔飽 好在今日唔係好餓 中辣都唔算好辣 但好香 唔嗆喉 薯粉好滑好彈牙 又夠入味 下次可以試下大辣

比錯碗野我我嗌5餸比4餸我我嗌木耳蓮藕豆卜山根芋絲就比腸仔豬紅牛栢業同玉子豆腐我😑😑😑但係單同單號岩食過尖沙咀個間以為五錯點知旺角明明無人又等得耐又比錯野人麻煩下次睇清楚先比人五會再幫襯！請各位以後食之前當面檢查碗野岩五岩先好走以免浪費錢拎左個完全五合自己心意嘅野！有圖有真相堅決不再光顧食都只食尖沙咀個間！😑😑😑😑😑😑😑😑😑😑😑😑😑😑😑😑😑😑😑😑😑😑😑😑😑

川婆婆之前有分店係廣華街果頭近住肥師奶公司附近因為價錢平既關係我地成日都會叫外賣味道係唔錯但因為接單/送外賣同事態度唔太好成日執錯/執漏既關係 我地每次都好忐忑今次見佢係旺中開左分店咁反正都係要食飯就嗌黎試下Whatsapp落單 減少電話聽錯講錯配料機會👍🏿繁忙時間落order 3分鐘有人覆接到單👍🏿繁忙時間預先通知有機會送得慢啲👍🏿大家都知等食lunch時間永遠最漫長預先通知大概幾時送到 45分鐘都算合理呢個位大大加分👍🏿👍🏿👍🏿今次叫左4餸麵賣相方面都係一般車仔麵 加上外賣就冇乜所謂啦黑椒牛丸大大粒 好重黑椒味 永遠係我地同事既favourite 魚皮餃就普通啲 但係都有4粒蓮藕同萵筍唔會話浸得太耐就淋pat pat而且份量好多 唔會得1,2塊湯底方面冇以前咁多選擇今次叫左清湯 但都有啲蒜蓉係底 唔會話真係太清薯粉冇乜味 但都幾彈牙 40蚊外賣呢個質素真係唔錯好味抵食服務好 當然要繼續支持啦