川婆婆 (觀塘廣場)

营业中

休息中

食評：川婆婆自選麵今日我光顧了川婆婆，點了一碗自選麵，總體體驗頗為不錯。這碗麵的選材相當豐富，我選擇了豬肚、豬紅和鮮豬肉，並搭配了胡椒豬肚湯，還點了薯粉。首先，湯底的味道讓我印象深刻。胡椒湯的香氣撲鼻而來，湯汁濃郁，帶有一絲微辣感，令我每一口都感受到溫暖和滿足。尤其在這個稍寒冷的天氣裡，喝上一口熱湯，感覺非常舒適。然而，豬紅的表現稍顯平凡，幾乎沒有調味，口感上顯得有些單調，建議可以加入一些香料或醬油來提升風味。至於豬肚，雖然新鮮，但煮的時間似乎稍微不足，咬下去時有些偏硬，希望下次能改善。鮮豬肉的質量則讓我感到滿意，肉質鮮嫩，搭配湯底相得益彰，讓整碗麵更加美味。另外，我還點了一杯凍檸蜜，份量特別大，清新的檸檬香氣和甜蜜的口感，為這餐增添了不少清爽感，特別適合在進食辛辣食物後解渴。總的來說，川婆婆的自選麵是一個不錯的選擇，湯底頗具特色，搭配的材料雖有些小瑕疵，但整體來說仍然值得一試。如果能在食材的處理上再加把勁，相信會吸引更多食客光臨。

川婆婆 川婆婆主打惹味川菜！店內裝修光猛、光線充足食物款式選擇多！酸菜魚、水煮牛肉、車仔系列等等都有得食！五餸粉麵餐⭐️自選湯底揀咗酸菜湯！醒胃清新叫左響鈴卷、豆皮、豆腐卜、鮮腐竹同自家嘅韭菜餃！配料新鮮，粗麵彈牙！招牌三拼牛肉粉⭐️自選湯底辣度+配料雪花牛頸脊、吊龍牛肉、牛爽腩～牛味濃郁配埋彈牙細薯粉！好味😋小食我哋叫咗一個涼拌皮蛋，清爽解膩！川婆跟醒婆味道地道，價錢親民，真係物超所值！下次再去觀塘，要再黎呢度食番！📍觀塘成業街7號東廣場1樓109號舖

呢間川婆婆的炸醬肥腸豬扒飯真係唔錯。豬扒煮得唔錯，外皮金黃，裡面又嫩滑，肥腸煮得岩岩好，口感好好。特製的炸醬味道濃郁，真係好入味，飯粒吸收咗醬汁另外，佢哋的細薯粉配牛丸都幾特別。薯粉滑滑的，牛丸彈牙，搭配埋一齊食，味道都唔錯。如果你鍾意辣味，可以加啲辣椒，會令整碗更加有層次。呢兩樣菜份量都足，無論係午餐定係晚餐，都可以食得飽。整體來講，川婆婆的菜色簡單實惠，適合想食正宗川菜但唔想花太多時間排隊的人

東廣場的川婆婆專注於川味粉麵，無論是飲品還是主菜，都展現出川菜的獨特魅力。這裡的每一道菜品都值得一試，特別適合喜愛川味的朋友們！這款豆漿不添加糖，讓豆香得以充分展現。口感滑順，豆味濃厚，適合喜好純粹風味的食客。無論是早晨的清新一杯，還是午後的解渴選擇，這杯豆漿都能帶來滿足感，健康又自然，讓人感受到豆類的純粹魅力。酸菜羊肉烏冬，羊肉鮮嫩，與酸菜的酸爽相得益彰，形成了獨特的風味。小辣的調味讓整碗烏冬更加誘人，適中的辣度不會掩蓋羊肉的鮮美。自家的雲吞更是為這道菜增添了豐富的口感，讓每一口都充滿驚喜，無疑是寒冷天氣中的暖心之選。水煮魚湯粉皮，魚片鮮嫩，辣味十足。粉皮吸收了湯汁的香辣，口感滑順，讓人一試成主顧。小辣的選擇讓這道菜在保持魚鮮美的同時，增添了一絲刺激感，十分適合喜歡重口味的食客。每一口都讓人感受到川菜的熱情與風味。

招牌牛肉粉牛肉粉可以選擇配搭牛既唔同部位，例如牛胸爽、雪花牛頸脊、吊龍牛肉、牛肚、牛小腸等。小編叫左雙拼雪花牛頸脊同牛肚。牛肉有嚼勁，牛肚幾爽口。寬薯粉口感非常煙韌。水煮豬肉片 $68就食到水煮豬肉片。配料非常豐富，入面有大量豬肉片、豆皮、寬粉、娃娃菜、海帶絲。水煮辣湯撈飯一流。

話說好耐之前已經一路幫襯開川婆婆，最經常係去旺中食勁辣魚蛋同麻辣燙，依家佢喺觀塘東廣場開咗新舖頭，除咗川菜麻辣燙、酸菜水煮系列之外，仲有豬雜粉同牛肉粉呢類少有嘅菜式，另外仲加埋養生嘅雞米線，好多款式，而且價錢抵食！招牌牛肉粉湯底唔錯，係好濃嘅牛骨湯，仲有黑椒嘅微辣，配菜可以自選，我地揀咗吊龍牛肉、牛肚、牛筋丸～藥膳黃酒雞米線亦係我嘅最愛，湯底飲得出幾足料，藥材味夠重，甜甜地的黃酒，同樣喜歡藥膳嘅朋友應該會好鍾意！酸菜魚大份足料，真係食極都仲有😂除咗魚肉片，裏面仲有寬粉、海帶條、芽菜、酸菜、豆腐皮等等～餐牌：

招牌麻辣米線🌶️佢哋嘅招牌麻辣米線可以揀唔同嘅辣度、麵底 同埋唔同嘅配料，貪心嘅我就梗係咩都想嗌啦！揀完一輪最後就決定要黃金蟹粉包🍢、牛柏葉、美國肥牛🥓、娃娃菜🥬、風琴豆腐、芝士腸，整體湯底麻辣味都幾足夠，每個餸菜嘅份量就唔算好多，所以大家點餐嗰陣不妨貪心啲～酸菜魚 🐟水煮魚價錢唔貴，但係份量就非常多，好抵食！同麻辣燙一樣，另外加錢配搭唔同嘅餸，我就揀咗炸豬扒 同埋 萵筍～凍豆漿🥛食辣嘢當然就唔少得配返個冰凍嘅豆漿啦～聽店員講最近觀塘仲有另外一間川婆婆新開張，大家都可以去棒場呀：新店地址: 觀塘成業街7號東廣場1樓109號舖🙌🏻🙌🏻

係觀塘廣場地下 唔算好多位有得自選餸同麵 唔算好貴唔使加一 不過冇包野飲同個fd各叫左個粉麵餐三餸 share 就可以大家試六個餸😆紅薯寛粉 （$20）有得揀淋d或爽d 揀左正常不過淋d都唔算好大分別好有咬口 要咬耐d先呑如果唔係好難消化 但好味我個碗揀左酸辣超少辣我唔係好食得辣都覺得有點辣食到流鼻水😂 另一碗係麻辣小辣食得辣人士覺得可接受餸叫左海帶絲、雞肉、雲吞連埋寛粉Total $50海帶絲勁多 食落幾爽雞肉唔算好多 味道正常雲吞有2粒 都係正常 唔難食😂另一碗餸叫左韭菜餃、牛丸同墨魚味春卷連粉total $54 全部各2粒韭菜餃幾香 正常size牛丸幾彈牙扎實 春卷好似南記個條不過佢冇咁香脆同埋係墨魚肉 都好食

最近瘋狂吃川菜 已經愛上了酸菜魚 麻辣牛肉我兩個星期里吃了三間不同的酸菜魚 這間是三間裡面性價比最高的 味道也非常不錯❤️缺點就是吃完之後衣服全部都是酸菜魚的味道 哈哈❤️酸菜魚 推薦👍🏻他一送上來的時候我有嚇到 真的超級大碗 魚也超級無敵嫩 裡面除了酸菜和魚 還有很多不同的配菜：海帶絲，豆芽，寬粉….口感非常豐富🥰可惜我叫了小辣 不是特別辣❤️水煮魚 推薦👍🏻水煮魚比酸菜魚更有驚喜 夠辣夠香 輕輕鬆松就能幹完一碗米飯 同樣也有酸菜魚的配菜：海帶絲，豆芽，娃娃菜，寬粉 不過水煮魚的湯有點太油了 不建議喝*可以加飯/米線/寬粉…

天氣太熱唔想出街食，所以午餐外賣叫了川婆婆的酸菜魚。即使是外賣，賣相也不錯，魚比既份量都唔少，薄薄既魚片好爽口，反而粉條既份量比較少。整體味道剛剛好，唔會太辣或者太咸，配飯都唔錯。

本來每個禮拜都會食一次，但漏餸問題已經忍無可忍啦。之前約二、三次都會漏比餸，因為路途問題都費事追究。但今次真係太過分啦，直接比少左份寬粉，得淨餸。（我order左個粉麵餐）打電話比店舖態度還可以，叫我whatsapp佢，本身都冇咩問題，發埋照片比店家，佢話我下次來比返我，咁我講多兩句，叫佢廚房以後小心d唔好有漏餸問題，唸住完結。點知店家的廚房突然話見到我兜麵有寬粉，又再次激氣我，咁我咪拍埋片比佢睇。我再質問佢，如果你懷疑我貪你兜寬粉，我大可以搭車過來同你當面對質，但唔該比返車錢我。可能收到條片，真係見唔到d寬粉，就話唔好意思下次補返比你，會叫廚房注意漏餸問題，認真工作。當時我已經嬲到不得了，就話你第一句答我下次幫襯比返個薯粉你，咪冇事囉。到宜家尼一刻我對個寬粉已經冇興趣，亦唔會再幫襯。最後叫我得閒落來退返20元比我，我心唸已經唔關20元事。

平日休息 一個人嚟到觀塘搵食 當日好大雨 所以去咗近地鐵站唔使淋雨嘅觀塘廣場 食呢間平時一個人經常去嘅川婆婆下午茶時段無乜人 職員話下午茶免費送一罐可樂同小菜 酸菜魚 $68魚片嫩滑無骨 分量都幾多 湯底夠酸亦夠辣配菜有芽菜 豆皮 金針菇 娃娃菜再加少少芫荽同炸蒜頭碎 下午茶餐送嘅配菜唔敷衍 香辣開胃😌😌😌😌配埋可樂 好滿足______________________________

一盒外賣魚皮，只有四片魚皮，打電話去查詢，仲要發我脾氣，好對唔住，我忍唔住用咗比較難聽嘅說話鬧咗佢sorry，真係太嬲，一間公司完完全全冇投訴機制，佢唔啱嘅事(可能只係我有問題)你只有硬食，佢話下次賠返比我，又問我想點，呢個情況我真係唔知點答，我未試過啲食物有問題係要客人話比佢知我想點？其實我可以點？佢有冇諗過香港就係比呢啲餐廳攪死，服務態度非常差，其實唔想接單可以唔接，我冇迫你接，當然你都冇迫我食，希望佢生意興隆，長做長有4片魚皮

$38外賣涼拌魚皮得4小片，打去問只係話會同返廚房講，問佢會點處理，佢就話會反映返，完全冇打算如何補償客人，而且聽電話嘅姐姐態度非常惡劣，好似好大滿客人反映，仲質問我地：咁你想點？

之前食過川婆婆都覺得啲菜ok今日收工黎食水煮魚飯 啲菜冇問題 68蚊 但問題係個特登夾五蚊比我嘅飯！！超級難食！唔知自己係咪其實食緊飯糰，食兩啖發現仲有一啖係凍嘅，就叫姐姐幫我換一碗飯，我仲問點解全部都一夠夠係咪剩飯。個姐姐幫我換一碗都係咁難食，然後班樓面姐姐就好大聲咁討論話我地啲飯都係即日煲嘎，唔會有剩飯。咁你即日煲都咁難食係咪仲有問題？最後都係食唔落個飯完全唔係一粒粒 係一夠夠嘅 又冇飯味 咬都唔使咬 牙口唔好嘅就試下啦比碗粥我都冇咁嬲第一次係openrice寫差評就獻給你了川婆婆冇下次