川熙樓 (已結業)

朋友生日，四個人就去咗尖沙咀打邊爐，幫佢慶祝生日。朋友介紹之下，君怡酒店嘅火鍋好正，我哋就入去試吓。餐廳入面環境以紅色為主，而且裝修格局華麗，好有中國化嘅裝飾。餐紙有好多食物選擇，而且係任點任食兩小時，首先叫咗一個湯底就係鴛鴦湯底，麻辣清油鍋同埋當歸紅棗羊肉湯，飲一啖羊肉湯非常清甜，而且味道一啲都唔騷，好正。啤酒汽水都係任飲，有可樂、甘蔗水同埋加多寶等選擇，一個$298價錢任飲任食，真係好抵。當中有我最鍾意食嘅花雕雞件同埋安格斯肥牛片。雞肉嘅肉質好滑嫩，所以之後都一次過encore左幾份。除此之外，蟹柳棒、手打蝦滑、粉絲、冬瓜片、豬紅、炸響鈴同樣出色美味。埋單都只係1200，平均消費＄400有找，酒店級高級食材，加上價錢超值，食物質素一流，必定會再幫襯。

去tst搵朋友食lunch朋友話呢間佢食開唔錯帶我來試下好闊落$58起可叫麵食或者小火鍋另配小食同飲品我地一人叫一個餐小食叫左木耳同口水雞d木耳勁爽醋味令人超開胃好好食lunch有多款小火鍋定食另一款小食係口水雞唔太辣調味超香D雞肉好滑**番茄酸湯魚鍋**我叫左個小火鍋定食超多料有金菇、粟米、番茄、薯仔、雞髀菇同冬菇等個湯底酸酸甜甜帶微辣相當醒胃一個人食曬原來都幾飽下朋友叫左滷肉麵估唔到好好食麵質好彈牙滷肉整得好入味d野食好好食呢度坐得幾舒服整體感覺唔錯

我同老婆放工約左剪頭髪順便去附近睇下有咩食，之前夜晚都黎食過川熙樓，不過未試過D間既午餐，原來都有lunch set，每一個餐都包一個主食+小食+飲品，所以我地叫左每人一個餐來試下。口水雞比我相像中麻同辣都配合得岩岩好，加埋雞脾肉嘅嫩滑，幾開胃，餸飯或麵都一絕。蒜泥白肉對比口水雞清淡點，因為D辣不算太辣同埋白肉包住青瓜絲，所以清得來帶點爽口，但味道都十分美味。蹺腳牛肉鍋有牛肉、牛柏葉、牛筋、冬菇、粟米、秀珍菇、金菇、蘿白，上菜時見擺放得非常之靚！飲一飲湯先，牛肉味超濃郁，對唔食得辣既人同細食既人黎講一絕。麻油雞湯麵我地今日兩口子都唔想食太辣，所以叫咗個湯麵食，湯底清甜麻油味非常香燶，雞件仲幫我們去左哂D骨，非常細心，盡吸湯底精華，好好味。

老公同我鍾意食辣 ，但是一般嘅川菜館都比較污糟擠迫，有同事介紹位置便利， 位於尖沙咀美麗華附近嘅呢一間川熙樓 話坐得舒寬敞舒適所以今日就即刻去試。雖然我哋兩個人，但 侍應生 安排四人枱畀我哋，無論係枱或者櫈都非常大， 而且抽風系統整得好好，食完都唔會一大陣油煙味。供應嘅茶水係我最鍾意嘅玄米茶，涼菜方面我哋點 川椒雞。 因為之前有睇食評推介，川椒雞唔係個個地方都有，味道唔會太辣，雞肉爽口，作為頭盤，打開味蕾最好不過。主菜叫見咗辣子雞丁，水煮牛肉。辣子雞丁，一見到面層都咁多辣椒， 口水都流埋。 雞肉本身帶鹹香，再加上辣椒乾嘅味道， 佐酒一流。水煮牛肉, 叫咗個例牌但份量十足, 面有芽菜,瓜,底有紅薯粉而且係扁身嗰隻,最為入味。 牛肉都 頗 多。蔬菜方面，我哋本身想揀四季豆，但餐牌上見唔到，於是選擇了泡椒娃娃菜。娃娃菜 煮得剛剛好， 鮮嫩美味， 而且有啖湯飲， 有酸辣味。埋單六百四十蚊， 雖然有啲小貴，但係食物質素好，而且食完唔會一陣油煙味，坐得舒服最緊要。

好耐未試過喺酒店裏面嘅餐廳食嚕~~食咗咁多次西餐，今次決定試下君悅酒店嘅四川菜!呢間餐廳非常闊落，環境清靜幽雅，絕對可以俾客人慢慢享受佢嘅四川菜。我地叫咗口水雞同白肉，兩度菜嘅辣味都十足! 口水雞煮得好滑，香料唔會過多，味度同咬口啱啱好。白肉配埋青瓜簡直係絕配，可以中和到小小辣味，個醬汁好辣但係好香，個白肉都切到好薄好好味!最後我地叫咗個鴨，香料十足，d糊椒味道好重好香好好味，個鴨煮到好嫩滑，食完真係好飽好滿足😋服務方面，待應好有禮貌，應付客人嘅人手相當足夠。所以一定會考慮再幫襯!

之前來過呢間酒店做姊妹送個朋友出門，都冇留意到原來有間中餐館，今日同事帶我來食我先留意到。酒店餐廳係唔同啲，裝修得幾有中國風。位置坐得好舒適。口水雞口水雞真係一種好抽象嘅菜式，可以喺辣汁之中，淺嚐到到一種青瓜輕輕的嘅清新，配合雞肉嘅嫩滑，幾開胃。麻婆豆腐雖然係大家都係麻婆豆腐，食得多上海嘅麻婆豆腐，低估左川菜中嘅麻婆豆腐的辣度， 另一種風味！但係都係十分之香辣！好刺激味蕾。鹽燒虎蝦又真係幾大隻喎！燃燒令到虎蝦食落更加帶出佢嘅海鮮味，高溫笑過，但係蝦肉依然幾彈牙。串燒牛肉份量都唔少喎，有三吋咁多，好香牛味，仲有啲黑椒吊下味。手作擔擔面面都幾淋身，有少少彈牙，湯汁好濃郁，好夠花生味。

呢幾日天氣沾寒沾凍咁，同事就提議食個麻辣鍋驅下寒。於是就同佢黎左川熙樓呢度見識下正宗川菜嘅火鍋比起我地平時食嘅打邊爐有咩唔同。火鍋配料選擇都夠多，不過都係湯底吸引啲，有幾個平時少見嘅川菜湯底。苗家酸湯魚＋鴨血粉絲鍋，一辣一淡啱啱好。其實係同事為左遷就唔係咁食得辣嘅我，唔係佢就一早點左麻辣清油鍋了。湯鍋嘅鴨血嫩得黎唔會一夾就散，口感比豬紅更結實。配上粉絲做湯底真係幾惹味。而酸湯魚鍋一開始以為係腌酸白菜嗰種，但酸辣味都足同唔會太嗆口。湯底魚肉又滑，所以話打邊爐除左個爐之外，最重要都係湯底。第一都係柯打左啲大路野，肥牛／響玲／蟹柳同蔬菜等。可惜係肥牛解凍得耐左啲，有啲失望。不過個麻辣牛肉令人眼前一亮，麻香味辣又嫩口。雖然自已唔算食得好辣但呢個程度都接受到，即時柯打多碟。蟹柳都唔錯，尤其係吸左鴨血鍋嘅味道之後，濃郁左好多。第二，三輪嘅肥牛有返雪花，雖然係偏瘦嗰款但咁樣更吸湯底個味，突出本身嘅肉味。手打雞滑都係成日見到，所以都柯打左碟。食落比起食雞件更吸引因為啖啖肉之餘，又吸湯底個味。所以我地都即時點多碟墨魚滑黎食，唔好嘥左個湯嘛。額外加錢嘅海蝦雖然只得兩隻，但肉質爽口彈牙配上酸湯魚嘅味道都幾正

周末跟朋友找川菜，其它川菜都订满了，所以就试一试这一家。在这里吃了一个鸳鸯火锅 外加夫妻肺片 这是香港人学做川菜 so... 最令人失望的是食材也不算新鲜，点了一份鹅肠，应该是冷冻的…点了一份竹荪，也是不新鲜的。然后锅底说是红油，麻辣火锅底，但总感觉是超市买来的麻辣锅底的料。至于说酱料吗，我也就不评论了，香港没有正宗的麻酱，也不仅仅是这一家的问题。。最好，一个人还吃了快500块钱，实在很贵。总而言之，现在香港有太多其他更正宗的川菜，千万别来这一家

信錯左啲like, 中伏。叫左以下3個送，可樂，白飯。每人3xx質素同茶記果啲無分別。酸菜魚唔知以為食緊冬陰公啲魚用急凍魚柳，好軟，當然無魚味。*** 個味勁似係酸菜魚湯包*** 水煮牛一大鍋既湯。牛肉份量唔少，其他配料唔多。唔食既辣椒都唔新鮮，黑黑的。完全唔辣，連食10小辣既朋友都覺得完全唔辣。涼拌牛肉有啲驚喜，個味幾特別。個價錢同份量唔多合理。

天氣最近開始轉涼, 連午餐都想食熱辣辣既野, 同事介紹公司附近有間中午有提供小火鍋既食店, 試下先原來係一間食川菜既餐廳, 一般川菜食品外仲會提供火鍋叫左個麻辣雜錦鍋 ($88), 跟餐可以另配小食同飲品講返個鍋先, 可能本身係食川菜, 個麻辣好正宗, 份量午餐黎講都算剛剛好, 鍋有菜有肉都好平均, 仲有麻辣必配既滷大腸, 正呀!下次等我黎晚餐打返個麻辣火鍋先！午餐都幾多選擇, $58起麻辣雜錦鍋 ($88), 白灼青菜 (跟餐送)食飽飽, 一件不留

經過君怡酒店,午見有lunch set $78起有主菜，小食同飲品酒店價錢唔係貴,於是入去試試環境清優 張枱夠大蒜泥白肉卷拌碟精緻 白肉入面夾青瓜 入口更爽脆蒜泥加辣椒 辣得好味過癮口水雞呢個雞最正地方係冇骨，食上黎好方便由紅油包圍上面加辣椒 一上碟已經覺得辣😍入口時唔覺太辣易入口 點知原來有後勁 慢慢辣出黎🔥辣但好好食 食到停唔到口🙈 好彩野飲岩岩到 不斷飲野 我地飲左烏梅汁同乳酸梳打因為太辣趕住飲野冇影相🤣麻辣蝦球麵呢個辣唔同口水雞既辣相比口水雞 呢個辣不外如是😂呢個麵好食 蝦球又多又好爽口 麵質不太林如果有多就更好🙈蕃茄酸湯魚鍋唔食得辣食呢個就岩哂酸菜加蕃茄 個種酸味岩岩好好味到我飲哂個湯🙈魚塊嫩滑 粟米超甜呢個好好好正👍飯後感:誠意推介川熙樓俾食得辣既人👍呢個可以過到辣癮🌶

天氣終於涼了，又係食辣野的時候，同朋友黎係打算拆餐勁嘅，但其實呢度似食緊港式火鍋多佢放火鍋個位係凹落去的，「淥」肉片唔就手，要起身望我地叫左一邊酸辣的一邊菌類做鍋底（唔記得名）岩岩食會覺得辣辣地，但其實兩邊都加同一樣嘅湯，所以加完後係唔辣的佢的選擇都係基本果啲啦，但牛係安格斯，又真係幾好食，又大片勁肉味，羊肉都係好食要留意「9菜餃」無肉的；鴨血=豬紅 （以為係台灣果啲🤦🏻‍♀️）響鈴唔係所講的即炸麻辣牛肉好”un”菜心偏老無咩人都會漏單，仲會夠鐘就要走

以前在尖沙咀上樓，中午常為到哪裡吃飯而煩惱，畢竟旅遊區每個餐廳的價錢都不便宜我們經常走到亞士厘道吃飯，那裡的商廈林立，選擇多而且價錢實在。川熙樓是我們竟常去的地方之一，他們的一餸飯餐性價比高，地方舒適不過他們早年已經搬到金巴利道了，難忘他們的飯餐今天我去懷舊一下下班後走了15分鐘到美麗華那邊。進去君悅酒店，上一層電梯，在左手邊就能看到川熙樓的大門。好中國風的裝潢，有個大屏風，鋪地毯和昔日上樓的小餐館，大理石地板，圓枱裝修完全兩個檔次。我不禁想想有到錯地方嗎進去看看，差不多全場爆滿了，我們站門前等帶位。看到現在有做麻辣火鍋呢，有很多看似是附近工作的人下班來聚餐，怪不得那麼熱鬧。我們來的目的為了小菜我一直都懷念的椒麻雞外面經常只吃到口水雞，這個是清清的麻辣味，不辣，帶咸香，很特別，吃不停口必點菜今天喉嚨有點不舒服，不敢點水煮魚，記得他們的酸菜魚也不錯湯喝第一口帶點甜，不過會越吃越辣，因為辣椒籽都藏到裡面。魚肉很滑這是例牌，份量也挺多點了個主食手工擔擔麵麵質軟身，掛湯力強。肉碎很多。必須說他湯底很刺激，很很很麻。能吃十大辣推介挑戰這個。我吃完嘴麻了好一會兒....看左右的火鍋不停加單，下次也

我真係好鍾意打邊爐，鍾意到可以1日3餐都打！今日身痕真係好想lunch打，左搵右搵，終於搵到附近有間，即刻衝過去蹺腳牛肉鍋 ($88)有牛丸、牛舌、牛柏葉、牛筋、冬菇、粟米、秀珍菇、金菇、生菜及娃娃菜，上菜時非常震撼，因為差啲滿到瀉！飲一飲湯先，牛肉味勁濃郁，不過對我呢個完全唔食得辣嘅人，都覺得辣，要加啲茶落去一齊煲先食到。牛肉係鮮牛肉，脂肪少但食落冇渣，肉味超香濃，份量仲好多，好似食極都仲有咁！如果鍾意食牛肉及辣火鍋嘅朋友，呢個啱你喇，不過你要叫加辣咯！唯一問題係爐下面嘅火種好細，其實靠佢嚟滾起個湯底都冇乜可能，都係保吓溫㗎咋，好多肉都係未熟嘅，所以一上菜就要快快趣浸晒入湯裡面了，但配料太多有啲狼狽.....麻油雞湯麵媽咪唔食得辣，所以叫咗個湯麵食，湯底清甜麻油味香燶適中；雞肉超級滑溜，盡吸湯底精華，好好味！鹽酥雞粒口感有啲似KFC嘅炸雞，外層軟綿綿，入面嘅雞肉鮮嫩多汁，炸皮同雞肉好緊貼，就算咬開咗唔會見到中間有任何罅隙，食起上嚟唔覺得油膩熱氣，而且鹹度適中，會忍唔住食晒成碟！凍烏梅汁甜度適中，梅味天然清新，好解暑！味道唔錯吖，而且份量都大，張檯夠晒大坐得又舒服，點解lunch會冇人

中式古色古香的裝潢,，心情安靜下來。座位舒適，桌子很大，可以放好多碟火鍋小菜。　我和朋友點了一人一個午市套餐，包一人一小火鍋。十分推薦以上的酸辣魚火鍋，　酸辣比例很好，　魚塊好滑，而已仲有好多蔬菜在內，十分適合愛健康的我。朋友點的肉類雜錦小火鍋，內有好美味的豬大膠，　一般比較少有，所以算是特色。另外，　我們又跟餐加錢，點了小食。　很好吃的蒜泥白肉，　偏辣。但是味道十分美味，　但怕辣如我可以試一至兩個。　口水雞啖啖肉，　沒有蒜泥白肉那麼辣。比較適合怕辣的朋友。