川魔 - 龍門一番 (已結業)

烤魚係不知不覺間悄悄興起，一大班朋友相聚又可以食魚又可以打邊爐🍲 滿足到大家唔同嘅需要😚✨酸菜烤魚-江團魚($328)大大盤嘅烤魚，上枱嘅時候就聞到陣陣嘅酸菜味，好香！湯底飲到淡淡嘅酸味，中間又夾雜住少少辣味，好過癮。湯底有除咗有好多酸菜之外，仲有萵筍、蓮藕、豆卜等配料。江團魚好嫩滑，好多魚肉，唔會好多魚骨，配埋啲湯汁一齊食，好鮮甜！飽到捧住個肚走🤰🏻🫃🏻✨川燒生蠔 (優惠價 $10/1隻；原價$28/1隻)生蠔每隻都好飽滿多汁，燒到好香之餘又唔會腥。面頭鋪咗滿滿嘅蒜頭同蔥，一齊食真係好滿足🤩✨涼拌蔥油雞 ($88)雞嘅份量都幾多，而且每舊都好滑，雞皮爽口！蔥油又好香，撈埋一齊食係好好嘅前菜🤤🥤荔枝多多冰 ($32)荔枝同益力多配搭好夾！兩者比例啱啱好，夏天飲沙冰真係透心涼❄️🥤芒之戀人-Mocktails ($38)濃濃嘅芒果味，飲落好似奶昔，面頭仲有球芒果雪糕，真係消暑解渴☺️————————————————————————💰加一：✔️⏰限時：90分鐘

朋友推介時代廣場有間川菜幾抵食，見到有特價燒生蠔，即刻入去試下川味活燒生蠔限時優惠$10隻，原價$28抵食，仲可以任叫添，蠔肉新鮮肥美，蒜蓉燒夠惹味酸菜烤江團魚 $328江團魚即是長吻鮠，多肉少骨口感味道好，而且重有成1kg重好大條，選了微辣所以唔會太辣，岩曬唔食得辣既朋友，配料多有木耳，豆腐干，芹菜，好夠食，仲可以自行加配菜，用湯底做火鍋黑木耳伴溫室蓮藕苗 $58溫室蓮藕苗未食過，所以專登點黎試下，酸酸辣辣夠開胃，爽脆好味道白桃多多冰 $32芝士奶蓋白桃四季春 $32

記得好耐之前同屋企人嚟過呢間前身主打紫砂燉湯既龍門一番，印象中還好😅今日再經過見到佢轉左主打辣野，仲要做緊推廣燒生蠔$28減到$10隻，勁抵食😯 決定試多次！❤️川燒生蠔呢個咁抵當然要嗌啦！😁生蠔絕對唔細粒👍 新鮮唔腥，呢個煮法夠晒惹味😋❤️黑木耳拌溫室蓮藕苗呢個木耳比平時食嘅更加爽口😯第一次食蓮藕苗，以為會勁爽脆，原來食落有啲外脆內軟嘅感覺，少少似京蔥，幾特別😂蒜味加啲醋，非常開胃👍❤️午市二人青花椒麻香烤江團魚（小辣中麻）超級香！😍魚肉煎到好香，肉質實淨而嫩滑，我哋叫咗中麻，嘴唇好刺激好正😆❤️黑糖珍珠奶茶飲品超大杯👍珍珠幾煙靭，有奶要黎解辣都唔錯😁❤️鮮果伯爵紅茶轉型後感覺有進步，keep it up!💪🏻#屯門市廣場 #川魔 #龍門一番 #屯門烤魚 #麻辣烤魚 #烤魚推介 #青花椒烤魚 #溫室蓮藕苗 #黑木耳 #黑糖珍珠奶茶 #珍珠奶茶 #鮮果茶 #鮮果紅茶

屯門愈開愈多餐廳🍴燒肉，火鍋，川菜等等，想食咩都有今日特別想食烤魚特登來食呢間川魔餐廳環境寬敞舒適，多卡位依家佢地做緊推廣，川燒生蠔🦪做緊$10 隻超級抵食，即刻order兩隻試試鮮嫩肥美既生蠔混合爆香左既蒜蓉，鮮甜可口，加少少辣椒，更加香食川菜不能少的口水雞，麻辣夠鮮香、雞肉爽嫩，同樣美味，送飯一流主食叫左酸菜烤魚（江團魚）酸菜烤魚配料有 芽菜、雲耳、豆腐卜和蓮藕江團魚勁大條，肉質緊實，少骨啖啖肉，岩晒我，湯底惹味香濃飲品：芝士奶蓋白桃四季春和菠蘿沙冰🍧推薦菠蘿沙冰，香甜清涼 、解辣一流

放工就嚟試吓呢間四川烤魚店，但呢間店嘅員工超唔禮貌同應有嘅服務態度。首先上第一道菜嘅時候，魚煲嘅汁倒到我成身都係、張枱都有，但該女店員連唔好意思都冇講一句。推介老實講，菜式方面都比較一般嘅川菜，不過生蠔🦪同紅糖糍粑幾好食，而且多汁夠熱。希望可以改善下啲服務態度！

第二次嚟到，今次終於記得影相📸上次掛住食都冇影相！川風泡椒烤魚（另加烤魚蔬菜組合）$328+$58✏️泡椒醬汁滲哂入條魚，愈煮愈入味。香辣鮑魚干鍋（另加貢丸及萵筍）$168+$64✏️有約10粒鮑魚，干鍋有川菜香辣味道，鹹度適中，略嫌另加的貢丸及萵筍份量較少。川燒生蠔🦪每隻$10✏️生蠔新鮮、嫩滑，絕對對得住呢個價錢，🧄蒜蓉鋪滿哂，味道好足夠，性價比較高，建議可以加啲粉絲喺上面，咁就perfect啦😋四季春🍵$26，茉莉綠茶🍵$26✏️入口清新，非常適合配住烤魚食，當你食到熱辣辣嗰陣，再嚟一啖凍冰冰嘅茶🧊，簡直舒暢。

之前係荃灣食過一次川魔 整體食物質素都吾錯 見屯門都開左間 一於過黎食☺️🍀麻辣魚皮麻辣味道恰到好處 唔會過麻過辣👍🏽 魚皮好爽口 好開胃🤤🍀 川燒生蠔 川味活燒生蠔🦪 原價講梗$28/隻 依家做梗限時優惠 每隻只係$10咋🤩 好香嘅蒜蓉味 配燒生蠔真係唔錯 咁平都吾點返一兩隻黎食 真係會對吾住自己🤣🍀香辣孜然烤江團魚孜然味道好香濃 好惹味🤤 江團魚都吾細條 大約有1kg左右😛 兩個人食好足夠😉 烤過嘅魚口感有嚼勁之外 味道亦都更加突出😋 吸埋啲湯底同孜然味 更加入味👅🍀芝士奶蓋白桃四季春口味相對較清淡 白桃味清香 芝士奶蓋偏清淡 如果可以濃味啲或者鹹鹹地會更加好飲😗

「川菜烤魚、合適三五知己暢飲的好地方🐠🌶️😎」📍川魔 @ 屯門✨川燒生蠔（7/10）- 特價時段，係$10 一隻，係$10 一隻🤩 - 剛燒起上菜時有好強烈既蠔味，入口鮮味濃郁，加上蒜蓉，十分搭配又抵食 !✨酸菜烤江團魚（微辣）（8/10）- 今餐的主角，江團魚啖啖肉，最岩想食魚但又唔鐘意吐魚骨的朋友🤪- 加左兩份配菜，但配菜性價比略低，價錢高份量少🥲✨紅糖糍粑（8/10）- 外脆內軟，紅糖甜度&黏稠度恰到好處，配上黃豆粉與糍粑本身的糯米香味，簡單但滿足的中式甜點成為今餐晚飯的壓軸嘉賓😌人均消費：$270*值得留意係座位空間非常舒適，合適三五知己談天說地，暢飲一番🍺🍻抵食程度 - 正常 3.5/5美味程度 - 川菜黎講算幾有特色，唔係得一味辣 4/5衛生整潔 - 很整潔 4.5/5服務態度 - 正常 3.5/5

食盡屯門之川菜 — 川魔 - 龍門一番————————————————已經好耐冇去屯門街街食飯啦，成日覺得屯門好食既鋪頭都一定會好偏僻，但原來唔係嫁！🤩係屯市就有一間咁正既川菜烤魚店🥹🔸 江團魚 $328烤魚黎得好快，好大一條，魚肉食落都滑，個皮烤得幾好，因為唔係好食得辣所以要左bb辣，完全食到仲好好惹味！😼所以話唔食得辣既朋友都唔洗怕嫁！而鍾意食辣既當然可以叫大辣啦🤪🔸澳洲和牛牛胸爽 $78牛胸爽唔知大家有冇食過，我平時打邊爐就真係冇見過，身邊好多人都話未食過，牛胸爽即位於心臟旁邊的一塊脂肪膜，呈白色，含豐富的骨膠原，又稱「牛白肉」，食落好爽口仲好有牛味架！😆🔸 川燒生蠔 $10隻呢個真係抵食到爆，估唔到熟既生蠔都可以咁大隻size，調味亦都好好唔會話過咸或辣，見到隔離枱2條友食左十幾隻🤣限時優惠大家一定要試呀！🔸 四川口水雞 $88呢個前菜黎講份量都好多，佢係麻辣個種，食得好過穩，雞肉都滑，唔錯！💭Overall comment:生蠔真心抵食，有suprise，大隻又新鮮，會再encore呢間😆，服務都唔錯有禮貌

🌟港鐵屯門站C1出口7分鐘路程🌟#屯門分店🌟#特色川菜 #川菜 咁啱今日早咗放工 又好肚餓咁啱經過屯門市中心 呢間川魔 見到二人烤魚客飯套餐 $158 又幾抵喎- 揀咗🌼#青花椒麻香烤江團魚 - 江團魚有半條 先煎香條魚 有好多配料 芫荽 蔥 大豆芽 蓮藕 撈埋個汁 又辣 又麻 好惹味！ - 套餐包白飯 同飲品🍹#薄荷青檸荔枝梳打 +$12- 啖啖薄荷青檸 好解辣！🍹#鮮果伯爵紅茶 +$12- 冇諗到，鮮果同伯爵茶都可以咁夾！- 2杯都大大杯 🌼#麻辣魚皮 $68- 呢個最令我驚喜 每一塊魚皮又爽又滑 加埋啲麻辣汁 停唔到口🌼#川辣生蠔 $10/隻- 生蠔 原價$28 而家限時優惠 $10呢個價錢真係幾抵！勁多蒜 又有辣椒🌶️ 正呀！原來上網留言訂座 即刻有八八折優惠 仲可以免費成為會員（原價要$350 㗎）😀😀#香港美食 #屯門美食 #川魔 #川菜 #hkfoodie #foodiehk #foodielife

估唔到屯門市廣場都開咗間食烤魚嘅專門店，搵日肥嘅夜晚去同屋企人試。肥雞嗌咗蒜香味嘅江團魚，佢嘅孜然味非常之出眾，江團魚出名，冇刺同埋多肉，食落好非常之安心，唔使驚哽親，仲有去底下有好多配菜，有肥雞最鍾意嘅粉條蓮藕，吸晒啲湯汁非常之惹味。除咗食烤魚之外，肥雞仲嗌咗蔥油雞，估唔到肯食川菜嘅地方可以食到咁正宗嘅蔥油雞，佢嘅豉油汁肥雞攞埋嚟撈飯，蔥油味非常之出眾，啲雞又滑，仲嗌咗杯非常之消暑解渴嘅士多啤梨沙冰同埋奶蓋綠茶。

屯門優惠飲食情報🤣 鐘意食川菜嘅屯門友要留意，午市時段除咗有客飯套餐，仲有干鍋、烤魚套餐優惠川味活燒生蠔 💰1️⃣0️⃣/隻📣限時優惠 $10/隻，原價$28/隻！現在只要$10/隻，就可以品嚐到即叫即燒鮮美嘅活燒生蠔涼拌蔥油雞💰8️⃣8️⃣🐔雞皮爽滑，雞件配上香氣四溢嘅蔥油，讓人食指大動二人香辣烤魚午餐客飯套餐 💰1️⃣5️⃣8️⃣包括有江團魚(半條)+ 絲苗白飯+ 飲品有四款烤魚選擇，揀咗🌶️青花椒麻香烤魚，魚肉煎香過，口感結實，青花椒味好香，搭配超多芹菜同芫茜添加配轉特飲黑糖鮮奶珍珠 💰1️⃣0️⃣薄荷青檸檬荔枝梳打 💰1️⃣2️⃣超抵飲咁大杯，兩杯都好解辣記得有限時優惠喔！只要留言或訂座，還能即時獲得88折優惠，更可獲免費成為會員（會員價值$350）🎈川魔 - 龍門一番🎈屯門屯隆街2號屯門時代廣場南翼2樓26-27號舖

川魔係一間係屯門新開嘅餐廳，主打四川菜式包括烤魚~ 今次我地見到佢地餐廳做緊HK$10一隻川燒生蠔，個promotion 太吸引所以我地都決定去試下啦~😋✅生蠔脹卜卜而且爽口彈牙，蒜蓉放咗係上面cover 曬成隻蠔，呢道前菜既美味又開胃，唔錯~😍✅四川口水雞滑嫰多汁，而且醮少少旁邊嘅四川醬，令到成道菜都好美味又唔會太辣~😛✅青花椒麻香烤魚係佢地嘅招牌菜，魚肉滑捋捋而且外層脆卜卜，令到成道菜都好有口感🤩~ 醬汁係用咗青花椒麻嘅醬，椒麻味好出，而佢嘅辣度就啱啱好~😆✅椰子雪葩係一道must order 嘅甜品，食完又麻又辣嘅四川菜之後，食返個椰子雪葩就會即刻覺得好refreshing，好啱用黎作為一餐飯嘅完結~🥰

聽講川魔有個烤魚午餐幾抵食，是日特別同朋友黎試下。差唔多兩點黎到，店內唔少食客喎，估唔到平日晏晝都咁旺😋快快落個烤魚餐先，再睇下加啲咩好呢，餐牌好多野都想食添。🦪川燒生蠔特價$10一隻呀📣咁抵就叫一人一隻試下佢先，蒜蓉燒得勁香，仲有帶少少辣，蠔肉大隻肥美，抵食😋🐓涼拌蔥油雞午市主餐牌有八折，咁加份冷盤前菜先，叫左蔥油雞。雞肉嫩滑，入口係重重的蔥油味，好香口呢。雞皮唔肥，加上雞肉全熟，感覺不錯👍，因為有點怕太生的雞件🤣🐟二人香辣烤魚午餐客飯套餐主菜來啦🤤好期待呀～口味揀左清花椒麻香烤魚，小辣小麻，但上到枱都係一片紅，朋友有點怕太辣，哈哈，烤魚不辣唔好食㗎喎😆魚肉先半煎炸過，皮香肉嫩，小辣小麻個人覺得啱啱好，唔會蓋過魚的鮮味。除左魚，入面仲有少量其他配料，有木耳、蓮藕、萵筍、芽菜、豆卜等，正呀🤤個餐包兩碗白飯，大大碗㗎。🧋黑糖珍珠厚鮮奶 & 芝士奶蓋伯爵紅茶個餐有餐飲送，凍清茶唔使加錢，其他特飲有優惠價，叫左珍奶同芝奶。黑糖香甜鮮奶滑，珍珠有咬口，好飲喎。芝士奶蓋厚實，伯爵茶底香，叫左走甜啱口味，都好好飲。最正係勁大杯，加錢都抵飲。唔錯唔錯，唔怪得咁多人食嘅😋

愛吃烤魚的我，今次搵食入到去屯門🤪👍因為今次想試的餐廳位於屯門時代廣場。餐廳我相信是區內的人氣小店，我們星期五晚八點鐘去到全院滿座，不過等了約15分鐘便安排到座位👍。這裡主打四川烤魚，另外亦有多款川式小食任君選擇。第一樣必點之物並不是烤魚！而是燒生蠔！因為正在做優惠，原價$28現只要$10/隻，仲不設上限，想嗌幾多都可以❤️。我地怕太飽，但都點左2隻試下。雖然只需$10，但生蠔個頭不小，燒得剛剛好不會燒得過乾，生蠔新鮮，入口甘甜，加上蒜蓉蔥花，非常好吃。我們另外點了麻辣魚皮作為開胃小菜。這是一款涼拌菜，魚皮非常爽脆，口感真的很好，香香麻麻的，非常開胃。終於來到主角-烤魚了！魚方面我們選擇了江團魚，肉質較嫩滑，而且少骨。味道方面則選擇了香辣孜然，點了小辣，辣得剛剛好，味道香濃，湯汁惹味，魚皮烤得香口，魚肉肥大肉厚，嗦滿湯汁真的滋味無窮。餐牌亦有標明魚身重平均一公斤+，所以真的很大條🫣，我們2人真的吃不完，我相信3-4人也夠吃。下面有些豆芽，豆卜 & 蓮藕，吸飽了湯汁很好味~吃了那麼多辣的,當然要點些冰涼的甜飲品來解辣🍹~我們2人不約而同點了梳打😛。原枝梳打水在面前立即倒上，真的很有誠意。望