巴希雅海灣重慶燒烤

营业中

休息中

📍巴希雅海灣重慶燒烤 (大埔)大埔汀角路龍尾村103A號地舖💰價錢 每位$198,3小時任燒任食, 另加$50開一個爐 （如要任飲加$20）如揸車就free 4小時停泊🚘🍴食物 - 唔太多選擇其他BBQ店通常每種肉都有幾種口味，但呢到就每款得一隻味提供🥹另附有香蕉🍌、菠蘿🍍、青口、蝦🦐、金針菇等都是限量人頭計整體食物就質量一般，正正常常，但食物係冰柜都幾冰下，感覺好似雪左好耐咁😅😅基本款式都有， 而個人覺得烤牛肉串和羊肉都好食👍🏻，烤菠蘿和香蕉都ok另枱面會有孜然粉同辣粉🍶，不過反而無提供蜜糖🍯，要自己買，因為一般都會免費提供蜜糖🥲場地都大又寬敞，枱同枱之間的距離都有分開，拎野食就行到最入，入口睇落而為係職員專用🤣，而望一望先睇到係野食區

琴晚去咗吧，希雅重慶燒烤，大概8:30到場，入到去拎嘢食嘅時候，冰櫃已經所剩無己，但原來啲肉類已經被收埋咗，你要問佢先攞幾串比你。佢會問你要唔要羊肉，要唔要牛肉，要就喺佢入邊拎俾你。然後雞翼得一個味，其他賣晒雞扒得一個味，其他賣晒茄子賣晒蒜蓉包冇晒丸類好吉香蕉冇晒，因為個雪櫃已經太吉我都唔知仲有幾多種係冇晒因為入場到完場都冇fill過但係我哋已經俾咗原價嘅價錢，入到去先知道咩都冇晒，真係好想話唔燒，但錢又俾咗，好尷尬。但係只係夜晚8:30 ，已經咁多冇晒，我真係唔知佢預星期六嘅貨係咁少。包嘢飲，又有啲要加$3 ，蒜蓉又要加錢，蜜糖又要加錢，感覺呢度嘅老細唔係好大方，嘢食又收收埋埋，咁你不如唔好做任食場。雖然佢啲牛肉，同埋羊架，係好食嘅，但係因為呢樣嘅原因令到我唔會再上嚟幫襯。🥲

職員態度極差食物質素唔如太和全是凍肉 选择好少 排烟系统差 非常呛人職員一直在訓人 味道很一般 失望至極👋失望失望話任飲任食 實則處處限制 只有一盤海鮮 飲料也要取票 唔会再帮衬

巴希雅位於沙灘對面，位置不錯，雖然價錢偏貴，每位$199，開爐費$50，還要+20先任飲，限時3小時，這都不重要，好味的話也無所謂。地方延大，食物放在雪櫃自己拿，每枱只提供一只碟去載食物，食物種類不多，但味道算不錯，滿以為可以盡興而歸，怎料臨尾一次去拿食物，那些老職員當自己是做懲教署，當我地是犯人的態度，高声廣播話我哋唔夠時間唔好拎咁多食物，又call飛電揾人嚟攔截我哋，之前看食評都是半信半疑，现在才發现全是真的，今次真的是贴錢買難受。

本來訂左3個人，去到坐低冇指示要拎盤拎夾攞野食，去到拎野食職員呼喝要拎盤…好啦，返去拎，又話我地冇拎夾，死口都話一早有同我哋講…態度好差，跟住拎飲品，個職員仲要講返話一定有同我哋講過呢度規矩喎⋯⋯咁好啦，退錢走人。隔離阿信人又多過佢，又平過佢，態度好過佢，環境好過佢，飲品任飲，點解要貼錢買難受？

一直叫人比個燒烤爐都話等陣 d野好垃圾 全部汽水都唔凍 唔係岩岩放落去 係10分鐘都係咁樣咩都要比錢 最好笑係蜜糖 又要收但係得超少 冇味😂😂 真係o左個嘴咯 真係下次都唔會再去😂

想試呢間好耐，一早WhatsApp book定，唔使等位，不過就算無book 應該都唔會無位，因為個場都幾大，而且6點幾去到都得好少人。價錢成人每位$198， 3小時任燒任食， $50一個爐 ， 要任飲加$20 ，任飲價值$10飲品同指定罐裝啤酒， 4小時免費泊車食物方面- 好少選擇，平時其他燒烤場通常一種肉類都會有幾隻味，例如雞翼會有蒜蓉，燒汁，黑椒，香草等等，但呢到得一隻仲要係原味- 特別食物例如香蕉，菠蘿，青口，蝦，金菇都係有限額， 並非任食（菠蘿每人一嚿仔，香蕉一枱五人得兩條）- 整體食物質素都係一般，無驚喜，基本款式都會有，燒牛肉串同蒜蓉包叫最好味（但蒜蓉包唔係每塊都搽得夠蒜蓉牛油）， 燒菠蘿香蕉幾得意設施方面- 場地算幾大， 空曠， 枱與枱之間唔算好迫 - 自取食物位於一間自取食物屋，入面唔大，同埋離大部分燒烤枱位置頗遠， 要行一陣先度- 調味料有孜然粉，辣粉，燒烤汁，但重點係冇免費蜜糖提供，要客人自己去買，蜜糖有兩款，一款大，一款細， 呢方面唔係好滿意，因為一般都會有免費蜜糖提供，從來未試過去任食燒烤場係冇蜜糖（蜜糖質素唔好或者較稀就有試過）- 洗手間正正常常， 但係女廁

幾年前踩單車去大尾篤經過，當晚揀左做晚餐，當時係第1次食，一試難忘！後來一直想再去食，出面又好少炭爐燒烤，奈何對於住九龍既我尼講真係偏遠，而且又無朋友願意陪我去🥲個人認為燒烤吾適合lunch去食，所以一直晚市禁堂食未有機會去食，最近終於開番晚市堂食，大家太耐無晚市堂食既關係，好易約到一班朋友出尼一齊食😀食物款式豐富，多款肉類蔬果類，不過我記得以前一個爐有一煲蜆，依家就變左一兜蝦，飲品送每人2罐，如果係任飲就好啦🤔

屈屈手指，自己最少都有十年無嚟過大美督了，適逢近排疫情有所下降，做運動又不用戴口罩，今天中午就嚟個踩單車 + BBQ 啦 ! 😊亦因為太耐無嚟燒野食，所以特意問吓朋友大美督嘅 [ 美食近況 ] 先？🤔之前上 openrice 查看，原來依家大美督有咁多個自助燒烤場，真係唔知點揀好？🤪但係識食嘅我又點可以求其呢？於是我喺 whatsapp 群組問下啲老友，6 個回覆，5 個揀呢間，仲講到咁好味？咁我梗係要信啦 ! 🤣[ 巴希雅海灣 ]，一個好特別嘅名字。呢度無論 食物質量，燒烤環境，服務實況，我都給予極高評價，錢亦屬大衆化，下次嚟到大美督必定再試。😎每位價錢 $198，另加 $50 開爐費就可以任食 3 小時 (海鲜盤除外) 🥲呢個價錢已包含每人 2 罐 $9 或以下嘅飲品。如果你認為自己會飲好多野 (包括啤酒)，你更可以比多 $20 轉為任飲 plan，係咪好抵呢？👍付款後會有專人帶領埋枱，以及隨即附上炭爐及講解取食物的位置及流程，服務迅速細心，所以我亦可以即時同朋友出去自取食物及飲品。🥳呢度嘅食物款式真係包羅萬有，雞，牛，羊，豬，菜，海鮮一應俱全。💯熟食亦有咖哩魚蛋及燒賣任取。😚[

我比較喜歡重慶燒烤多過港式燒烤🍢。一串串比較乾淨方便，不用自己費儘力氣用燒烤义整實😅。而且放在枱上又可以方便一邊燒一邊傾計🉐️。大埔巴希雅更是每季例訪，食物美味👍，價錢便宜👍。週未最佳節目之選🥳。芝士腸厨師腸燒牛柳燒蒜頭羊架雞中翼芫荽貢丸牛丸鴨胸冬菇雞脾菇墨魚牛仔骨雞軟骨雞腎龍蝦丸魷魚翠肉瓜茄子燒海鮮燒金菇人均消費💰 ： ＄ 223總結✍ ： 收費便宜。NatNat評分💎💎💎💎(5💎為最高)🏠 巴希雅海灣重慶燒烤🌐 大埔汀角路龍尾村103A號地舖

呢間嘢真係好唔掂啲員工九唔搭八1.我哋10個人去俾咗2個爐但坐位安排唔好我其餘嗰兩個人好似比人無視左咁😀😀2.燒烤最重要係蜜糖連蜜糖都要加錢買「我哋淨係提供豉油。。Wtf.3.圖中嗰個兜同樣10個人淨係比得嗰2個？黑人問號？？拎嘢食上好麻煩😡4.啲員工服務態度唔好特別行去拎嘢食嗰度問佢「xxxxx ，你問樓面啦！5.餐具紙兜又miss1 份

返工前撇甩老公同美容朋友底燒一燒嘢食先好耐都冇嚟過對上一次係同老公兩個人拍拖燒嘢食記憶中啲嘢係幾好食今次有個朋友幫我哋燒埋果然係正我覺得呢啲燒烤，係要有個識得燒嘢食嘅朋友喺度先得，唔會嘥咗啲嘢唔會燒燶重點係好好食😋佢哋呢度啲嘢食都好乾淨仲要有程序規矩，乜嘢盤攞乜嘢食一個價錢任食(除咗啲蝦青口同埋菠蘿香蕉之外)我覺得燒菠蘿同香蕉冇得頂香蕉仲可以過去counter度加朱古力醬😋😋雖然淨係包兩罐嘢飲不過都仲可以加錢買嘅👍🏻唔錯幾抵食仲有燒賣魚蛋任食😂好啱我😂😂

大埔站📍 巴希雅海灣重慶燒烤-好耐都冇去大尾篤Bbq，對上一次去巴希雅都有4-5年前，輕輕鬆鬆舒舒服服咁燒下野食都幾開心🥳每人入埸費$198，另加開爐費$50，任食3個鐘，每人有2罐汽水。揸車黎有free parking 4個鐘🚗係巴希雅食最方便就係野食已經串好晒，拎完唔洗左吉右吉，直接放上炭爐燒就ok，每個爐有杯水、辣醬油、辣粉，重口味如我就最中意加辣粉😋野食方面都岩晒我呢個食肉獸，有羊架、雞翼、魷魚、牛仔骨、雞扒、豬扒、雞腎、多春魚、腸仔、丸類、漢堡扒等等，另外都有好多款蔬菜，好似冬菇、京蔥、翠玉瓜、雞髀菇、茄子、豆角、粟米、青椒、韭菜等等，不過掛住拎肉，唔記得咗影😅🤣熟食方面有魚蛋、燒賣，另外亦都有中華沙律同蒜蓉包😋每人仲有一個海鮮盤（蝦、蜆）、一份牛油蒜蓉金菇、一條香蕉，本來仲有菠蘿，不過嗰日咁岩冇晒貨🥲我今次都燒左條蕉黎食，另外加咗朱古力醬，如果朱古力醬再多啲仲正😋😻以Bbq埸黎講都算坐得舒服，燒得舒服，一班朋友黎傾計燒野食都係一個唔錯嘅選擇👍🏻之前夜晚黎，有埋點點嘅燈飾，夜晚仲有feel😎

大美督好味BBQ自助餐約左一班朋友去大美督踩單車BBQ, 食左呢間巴希拿海灣重慶BBQ,幾好味！食物無論菜類定肉類都有好多種選擇！重點係有個碳爐用竹枝串住放係鐵架燒，有工作人員幫手起炭，唔使自己羅住燒！好嘆！有翠肉瓜，大蒜，大菇，茄子，粟米！有羊架，牛肋骨，雞翼，牛柳粒，雞肉串！芝士腸，廚師腸，貢丸，各種丸類！仲送海鮮包有尤魚，海蝦同青口，海鮮都好新鮮！仲送菠蘿同香蕉，好中意食燒香蕉，好香甜。一串串感燒，好舒服又好味！食完對面仲有個海灘可以行下，水好清，又多人放狗！好好開心的一個周末😊

🧧趁新年假期最後一日，出發去大美督龍尾泳灘打卡，打卡前去巴希雅BBQ🥰$198一位包兩罐飲品可以燒3個鐘，門外仲有消毒搓手液可以拎及有外借充電器，付款後店員俾左幾張換領券我地，然後有個叔叔帶我地埋位，指示取食材飲品處！燒烤爐係枱上面，燒d野好快熟，火力夠🔥🔥燒左3個鐘都冇refill 過炭！種類選擇比想像中多，蔬菜類很多而且材料新鮮，例如白果串、原條茄子、冬菇、韭菜、青椒、翠玉瓜及青豆等！仲有粟米同至愛ge 日式細粒蕃薯仔！要用券換取ge 食物有香蕉、菠蘿、金菇、蜆同蝦🦐金菇放係錫紙盒入面，仲有附上牛油蒜蓉芝士👍🏻記得定時定候撈下佢地！以免燶底 ！燒左15-20mins，牛油既香味好撲鼻，食落都好香蒜蓉香❤️唔錯！😋肉類有幾款推介必食： 叉燒、雞翼、牛柳粒、豬扒、雞扒及雞肉串都醃得唔錯！漢堡扒係拎得最多次ge 其中一款食物😃永遠都唔會出事而又容易燒！好味！牛肉串切得厚薄均勻，幾易燒！燒到差唔多熟既時候，落左好多孜然粉，再燒多半分鐘就可以放入口，肉質同味道都ok！仲有幾款前菜小食如：辣魚蛋、燒賣、中華沙律比人食住先！