巴希雅海灣重慶燒烤

营业中

休息中

巴希雅海灣重慶燒烤，我黎過都好多次，保守估計都做左10年以上🤔，越做越大範圍，質素依然保持到。今日我又黎BBQ 啦。呢度肉類同蔬菜一樣好多選擇，唔怕淨係食肉覺得唔徤康。另外仲有咖喱魚蛋同燒賣，最啱太肚餓既我打打底。我都試左好多肉類，牛肉串、雞肉串、牛肋骨、雞翼、雞軟骨、羊架等。啲肉已經腌得夠唒入味，唔加調味都掂，加埋孜然粉/辣粉就更惹味。食完肉後食番蔬菜徤康下先，燒韭菜、冬菇、青椒、南瓜、脆肉瓜、娃娃菜，真係好多選擇。每枱都會有一份菠蘿、香蕉、金菇、蝦、青口。金菇、蝦、青口我用錫紙兜裝黎煮，落埋提供埋既牛油、芝士、蒜蓉，好香好正。我再落啲菜落去煮，簡直索哂啲精華。我最愛既燒菠蘿，微微燒熱就可以，好鬼甜，大滿足。

天氣轉冷，今晚唔食火鍋，轉左去户外燒烤，當為露營前熱身😬大美督汀角路龍尾村附近，有好多間燒烤場，今晚揀咗喺巴士站旁，標榜重慶燒烤的巴希雅。燒烤場地方都幾大，分左幾個燒烤區域，樹蔭、帳篷和露天位置。每張枱面都預先放咗幾塊磚，用嚟承起長型燒烤爐，用上備長炭，可以連續燃燒幾個小時，都不用加炭，好方便👍調味料：孜然粉、辣椒粉和豉油食品區有多個電櫃放置肉類，除咗常見的豬扒雞扒丸類和蔬菜 ⋯⋯外，還提供羊扒和牛仔骨😍多春魚、魷魚、墨魚鬚，大部份食物都預先用長竹籤串起，燒和食都好方便👌另一邊枱放咗2個鍋，係熱辣辣的小食～咖哩魚蛋、燒賣，方便肚餓的客人👍菠蘿、尖椒（辣🔥）、洋蔥、青椒、青豆墨魚鬚、豬扒、雞扒、多春魚、魷魚牛仔骨雞腎、雞軟骨脆卜卜好似食薯片咁牛油法包而海鮮就有蝦和青口，質素唔錯👏第一次燒香蕉，香蕉連皮燒後，職員會幫忙起皮，再淋上朱古力醬，美味甜品就完成啦😋不過可惜唔記得影相🤣

我知佢以前好出名，但我都係第一次食😂原來又幾開心！食物種類都幾多，蔬果類同肉類都好多款式👍🏻可以睇下究竟一次放到幾多串上碟😆一串串咁放上網燒好方便，我本身仲諗住個火唔猛要燒好耐，點知係好快熟🤩覺得自己隻雞翼燒得幾靚好有成功感，其實係因為佢有醃過所以會上色啲😂羊架都幾有驚喜，鍾意佢有小小羶味，仲痴住啲肥膏燒到半溶咁好正😋牛肉串好好味，有肉汁架！金沙骨係BBQ必食⭐️雞軟骨好好食，瘋狂食左好多串😂特別一提限量得一客既金菇好出色，有哂牛油、蒜蓉同芝士，有心機之作🥰臨尾食埋個燒菠蘿，好滿足啊！好滿意，食物質素幾高，包左兩枝飲品都好夠飲，再凍啲可以再食過🥳

秋高氣爽嘅天氣最啱約埋班friend去BBQ一齊去聚下。依間燒烤場嘅食物選擇大多數都係丸類。丸類包括有燒賣、魚蛋、龍蝦丸、黑椒豬肉腸、芝士丸、雞肉腸、紅腸、芝士腸。黑椒豬肉腸幾有驚喜，黑椒味道濃香，腸衣薄脆，食落就好似台灣夜市食到嗰D味道。依度仲有墨魚食，食落都幾新鮮，爽口、彈牙。最特別係依度除左有菠蘿燒之外，仲有香蕉，兩款水果燒完之後，個果甜味迫曬出尼，特別好食。依度嘅環境幾乾淨，而且天氣涼爽，好啱一家大細一齊尼BBQ。

天氣涼涼地，最適合放風箏、踏單車、BBQ，今日我地去完大尾篤放風箏，我地就去巴希雅BBQ，好彩一早預約，超級多人排隊。價錢只係成人$198，小童$128，開爐費$50，任食3小時，包兩罐飲品，最緊要已經一串串串好，爐上已經有鐵絲網，一放上網就燒得，小朋友都可以幫手轉下食物，好玩又好食。食物種類都好多，有原條茄子、菇類、粟米、蕃茄、菜類、丸類、肉類、海鮮類、蒜蓉包，食物refill 得好快，而且仲有小食，有燒賣、魚蛋可以食住先。肉類醃得好入味，其中金莎骨、叉燒、雞翼、雞扒都好入味，另外丸類都有台灣黑椒腸、芝士丸，墨魚丸、牛丸等等，最有驚喜係牛丸，好多汁，唔會硬淨淨，整體食物質素高質另外餐廳會送上每枱一份青口、蝦、蒜蓉牛油金菇、菠蘿、香蕉。蒜蓉牛油燒完好香，牛油蒜蓉味勁濃、另外燒菠蘿，爆多汁，最正就係燒完香蕉可以叫佢地加朱古力醬，最飯後甜品

天氣真係非常之好 真係好耐冇踩單車入大尾督堤壩玩一轉有好多朋友都推薦呢一間燒嘢食好好味所以都特登過嚟試一試 **記住book位!!** walkin 大排長龍 ಠ_ಠ 收費合理 大人$198 (140cm+) /小童$128(2y-140cm)/ 2y以下free依家冇得去燒烤場燒嘢食 去呢啲地方都係一個好選擇帶住小朋友 衛生都好重要 真心覺得呢度幾好ʕ•ᴥ•ʔ 俾開爐費$50 跟人頭每人♥︎送兩罐罐裝飲品 飲品選擇好多仲有用鐵盤裝住的♥︎青口大蝦 & ♥︎金菇牛油芝士 菠蘿 香蕉🍌 有一隻碟同埋兩個夾俾你可以自己去攞嘢食選擇的種類都好多 本身想食嘢都有♥︎多款急凍凍肉雪藏魚 ♥︎丸類 樣樣都好冰凍♥︎蔬菜亦都目不暇給 每樣野都好新鮮 ♥︎冬菇都勁大 蒜蓉包都有 好多都串好一串串 無論攞返枱 喺爐上燒 甚至食都超方便一個室內屋企好乾淨整齊擺好自取 refill快其實已經好肚餓 見到熱食嘅都有♥︎香辣魚蛋同♥︎燒賣 可以即刻頂住肚先 個炭爐細細個 但係燒嘢食好快趣 穿好一串串嘅食物 擺喺網上面燒好快就食得枱面已經擺放好 ♥︎水 ♥︎醬油 隨時用仲有♥︎孜然粉 ♥︎百里香 調味用 真心覺得呢度食物quality 係

假日約朋友踩單車做運動，去大美篤巴希雅灣重慶燒烤晚餐。 由於一早book咗時間、唔使排隊等有位。 有預約好快入座，相反門口就好多人排緊隊。入座後第一時間去拎食物先，食物區入面有熟食，好似有魚蛋同燒賣，如果太肚餓都可以食少少醫下肚先嘅。 另外，燒烤食物方面有蔬菜類：雞髀菇、一條完整嘅辣尖椒、茄子、粟米、韭菜、蕃茄⋯之類。選擇都算多嘅。 肉類方面見到有雞扒、豬扒、雞全翼、羊架、雞中翼、金沙骨、魚扒⋯之類。 另外，有肉丸、龍蝦丸、魚蛋。 快熟啲嘅食物：雞肉腸、腐皮、紅腸。另外，入場時一人會有兩張換取飲品劵。 場內都有酒精飲品賣，可以加錢買。我就買樽啤酒同朋友一邊燒嘢食一邊飲下酒，吹下水咁都幾chill。 另外，仲有兩錫紙盒裝有蝦、青口同埋金針菇。 會有牛油同埋蒜油喺入邊。 仲有香蕉同菠蘿各一份。 燒完香蕉可以加少少朱古力醬，超好味。 總體黎講呢間燒烤都唔錯，食物選擇又多。 同埋佢服務都細心，每張枱有包紙巾、有裝垃圾嘅紙盒。

又到秋天啦!!!  上2年疫情, 之後又到大夏天, 已經好耐冇BBQ過, 今日放假, 特登去踩個單車, 打算直落BBQ!!遠遠見到巴希雅, 2年冇黎, 諗緊對面點解多左座建築咁靚, 近睇原來係新沙灘, 又一個香港笑話, ANYWAY~因為多左個景點, 巴希雅前所未有咁多人, 一早BOOK左位, 行到門口見到排左幾十人, 嚇死, 以為俾錢都要等咁耐, 好在個邊係排WALK IN.有BOOK到就快快入得啦, 雖然人好多, 不過地方都好開揚。野食方面係BBQ, 係諗得到既都有, 肉魚全部都串好晒, 另外每人仲有一份蝦同青口, 同以前唔同左, 不過都好有風味

秋高氣爽除咗郊遊，又點少得BBQ呢？講起BBQ就一定會諗起大尾督，今日就踩單車入大尾督BBQ啦！喺大尾督有好多任燒任食嘅燒烤場，其中一間頗有名氣嘅就係巴希雅海灣重慶燒烤。巴希雅海灣重慶燒烤同平時嘅燒烤場好唔同，佢哋會先將食物用串吉好，形成串燒，大家可以好方便咁利用枱上嘅燒烤爐整熟，食得夠晒方便。嚟巴希雅海灣重慶燒烤記住要預先book枱，因為我哋weekend嚟到，眼見walk-in嘅人好多，排晒長龍，反而有預訂嘅朋友仔就可以優先入場呀！至於嚟巴希雅海灣重慶燒烤場就梗係兩手揈揈，燒烤場已包咗燒烤爐、辣汁、每人2罐指定飲品、一盒海蝦、一盒青口、一盒牛油金菇、香蕉、菠蘿之外，當然仲有任燒任食嘅食物，款式勁多，非常豐富！海蝦、青口海蝦同青口預先放入錫紙盒，所以燒嘅時候唔會燒得太乾。不過，由於餐廳並未有免費提供蜜糖同鹽等調味料，如果你有需要，就要額外購買！但我哋就提醒青口唔洗刻意調味都非常鮮甜！任燒任食選擇食物嘅種類真係好多，有廚師腸、台式香腸、芝士丸、貢丸、紅腸、鴨胸、司華力腸等丸類之外；肉類選擇有羊架、牛仔骨、雞中翼、雞全翼、牛柳粒、雞肉串、雞扒、豬扒、雞腎、雞軟骨等等；菜類選擇就有生菜、娃

我因為呢間野，第一次寫食評！呢間野啲staff個個都好似欠左佢地咁，一黎到，坐低咗有個員工態度好差咁交代去邊度攞嘢食後，就同我地講，個爐好快有人攞嚟。點知等左差唔多半個鐘，個爐仲未到，咪行出去問下個爐幾時會到，因為係限時3個鐘。跟住個職員好大聲咁講：催乜呀催！老人家慢呀！催催催，「我請你好好放低」！唔講我仲以為我係黎乞食，如果唔想招呼人，摺埋唔好做啦！唔好當啲客唔係人！垃圾到爆，你貼番俾我都唔會再黎！

近來天氣轉涼，去郊外燒烤是一個不錯的選擇。一來可親親大自然，二來開車出外兜個圈身心都可擴闊，不用困在商場裡逛來逛去。難得有人提議開車去燒烤，我馬上便想到去大埔的「巴希雅海灣重慶燒烤」，因可有4小時免費泊車，而且每位$198任食3小時燒烤自助餐，並包每人兩杯飲品， 真係好抵！！燒烤完又可以去沙灘散步， 兼且同場亦可欣賞日落，絕對是一個放假休息的好地方。燒烤食物款式選擇多元化，有多款口味的肉丸、牛肉，豬肉、雞肉、魚類及蔬菜等等任君選擇，還有小食魚肉燒賣及咖哩魚蛋，燒烤前也可吃一點小食過口癮。燒雞翼必吃，大大隻雞肉滑溜。牛仔骨啖啖肉，燒香後加強了肉香。芝士丸、墨魚丸、牛丸、貢丸及腸仔，這些邪惡食物，平時少吃，但在燒烤時是不可缺少的，難得來到，也需吃夠本，而且質素也不錯。不得不提，他們的魷魚味道都讚，肉質煙韌彈牙，只要用心燒烤，拿捏準確時間，魷魚一定又香又惹味。蝦、青口、牛油芝士金菇、菠蘿及香蕉，是按人數而分配，不是任吃的，水準質素，的確比較新鮮。

今日約埋成班朋友去燒嘢食，大家都提議去大埔好出名嘅巴希雅，去到門口地方非常之大，仲有停車位。蒜蓉蝦配青口：大大隻嘅蝦，好鮮甜，好多膏，青囗都一樣鮮甜，每人入場都會送一客。雞全翼：燒到香噴噴，再加上孜然粉，少少辣粉，成件事出晒嚟。牛肉串：淹得好入味，肉質鬆軟，肉汁充分，好味。雞中翼：不嬲好鍾意食跟住我，食完全翼一定要食雞中翼，肉汁爆出黎，好滋味。燒香蕉配朱古力醬：燒到一半到，再加入朱古力醬，大人細路都鍾意。仲有好多其他食物，如果一班人去可以食多啲野。

星期日朋友聚會，正巧10月中秋意初濃，朋友介紹這間新派重慶燒烤場，還是第一次嘗試用炭爐在桌上燒烤的風味，感覺比想像中舒適及方便。燒烤場位於大埔汀九路，有小巴及巴士直達，交通算10分方便，下午六時到達已經人山人海，售票處已有人龍排隊等候入場，幸好朋友預早到場取位，所以可以即時入場位於大埔汀九路戶外環境十分舒適空曠，場內管理整齊清潔👍店內提供燒烤食品，款式比一般BBQ埸多。蔬菜、蒜蓉麵包、豬牛羊肉類及多款丸及腸仔日式串燒👍牛油蒜蓉包

態度極差，不如你哋收檔唔好做，嘢食一般，唔難食亦唔好食。我哋喺嚟消費，唔喺問你乞食。兜入你門口問關於停車場位置，你問個客入嚟做乜，揸住架車入嚟唔喺泊車，仲可以喺乜？仲好意思問我啲位係唔係我買咗，正常人緊喺大門口入啦，鬼知你要繞小路入另一個停車場？你完全冇清晰指示，答我門口轉右，問清楚啲又開始發老脾，喂，你覺得你個停車場好清晰嗎？唔明你哋點做生意，附近咁多BBQ場，你哋咁嘅態度，咁嘅食物質素，唔會再幫襯。

巴希雅海灣重慶燒烤🍖｜大埔 夏日秋日好去處 燒烤任食 方便美味｜🙊平時真係好少入大埔既大尾篤，今次約埋fd一齊黎龍鼓灘既沙灘玩同游水，夏天唔少得既梗係沙灘啦。我見除左去沙灘玩，有d人會去踩單車同燒野食。我地就揀左玩完就去對面個燒烤場抖下，佢地都有位置可以比人免費休息，但後尾我地見到原來尼度燒野食都幾好，唔似平時要攞住支叉慢慢燒，佢直接有個網。🙈所以我地就入左去燒野食，其實選擇都算多，有肉類，海鮮，蔬菜，仲可以慢慢燒3個鐘，成班fd黎去沙灘玩下再燒野食都唔錯。😮丸類唔少得更系芝士丸，融化既芝士真系欲罷不能。😚我最中意就系攞串燒，因為夠方便。最推薦就系牛串，比想象中要高質，肉質唔錯，脂肪同肉既比例都好好，油脂感重，我地都encore左幾次。🤩另外都有d雞軟骨，雞腎，肌肉串。雞肉串都唔錯，肉質好軟。唔少得有豬扒，牛扒，雞扒，雞翼等等常見既肉類，不過竟然有牛仔骨同羊架，兩樣都好唔錯。仲有d蔬菜類，仲有哦日本迷你番薯，真系好甜。佢另外會送一盤海鮮同金菇，配上蒜蓉牛油真系好正。🍌🍍最尾就食埋燒菠蘿，真系甜到出汁。另外一樣好有趣系燒香蕉，我真系第一次試，燒到佢軟之後就加上朱古力醬，比正常香蕉會甜。朱