巴西燒烤餐廳 (已結業)

平時都係100左右, 都可以接受,點知一到大節日,成168一位,大佬你係巴西燒烤,唔係巴西燒<<錢>>,服務又唔好,黑口黑面,大家黎一次就算,黎多次都唔好!!

我記得上次同d 朋友去賀生日，去左這間食夜晚自助餐，佢地d 燒牛肉、羊肉、香腸都充滿烤肉既特色，令人覺得這裡食可以得到串燒的真正風味！值得推介。而且，仲要有兩個巴西人唱民歌助慶，令氣氛更加正！

經理服務態度極差。客人要求唔坐厠所門口，佢就黑面，用警告的語氣話「得返呢張」(唔知係唔係即係唔坐就罷的意思)！

尖東分店又大d,雖然都係食燒烤,味道唔會差太遠,但坐得舒服d, 自然食得開心d

D Buffet 食物有好多種. 剌身都算新鮮. 特別的是燒烤的食品是輪流出. 味道幾好. 如果是一大型朋友攪生日會就會幾好氣氛, 因為有live band 唱歌.

呢個月都去過幾次,覺得幾扺食呀,有燒腸呀有燒羊脾咁囉雞翼呀燒菠蘿呀好正次次都食到我鬼死飽

我都試過食過呢間巴西燒烤幾次，我覺得服務態度、食物水準、環境氣氛、收費都只是一般啦。但是9月尾有一次試過係尖東廣場既巴西燒烤食到變壞左既薯仔沙律。唔單止係我食到薯仔沙律有陣變壞左既酸餿味，而且連同行既三位朋友都食到和聞到陣怪味。於是，我同個女經理講沙律變左怪味唔食得，叫佢唔好再放係度等人舀黎食。點知佢睇又冇睇過，聞又冇聞過，唔駛講就更加冇食過啦，就已經死口否認話食物係冇問題，可能只係我唔習慣佢地薯仔沙律既味道喎。(我之前都食過佢地既著仔沙律，都冇食到呢種酸餿味。)結果個盆沙律就繼續放係度，到我差不多走既時候(九點半再到佢開第二場時)，我都仲見到變壞左沙律係度。好彩我時運高，食左少少都冇肚痛。但是唔知其他既顧客會唔會有問題呢？如果有客人投訴食物有問題，個經理係唔係應該立即去睇睇和試下，而不是馬上將問題否認，並且將之歸咎於客人的問題呢？

上兩個星期老友生日,我地一行23人去食一早訂左檯,但去到d位又差根本坐唔落,d朋友企晒係到都冇人理,攪左好耐先有人理,個經理黑口黑面咁,d野食又差侍應又冇禮貌,我第一次黎俾我既感覺係.....不知所謂..永遠唔會再去>.<"

上星期五和二個朋友去食，入到去，個waiter問要唔要汽水，我朋友問：要唔要加錢？個waiter答：任飲！我對他說：咁好，唔駛錢任飲？他回答：係呀，任飲！飲品來了之後，我發現餐牌上寫明汽水+$16任飲，當時感到‘比人坤’的感覺，如果不是我朋友生日，我立刻同佢當面對質，所以服務質數係0。食物方面，我只是覺得雞全翼好食，其他又普通又小選擇，而燒春雞、燒菠蘿難吃，好難吃。埋單：3個人$276。總括來說：食物沒有特別又‘比人坤’，下次一定不來吃！！！！

我覺得都ok.. 不過我覺得9:30後等位好好耐!另外食物方面冇咩菜食,全部都係肉,真係會好飽,同埋好少選擇,甜品唔係咁好味.仲有服務態度一般,好似冇咩反應咁不過當然唔好把酒店比較囉.唔好太大期望,其實60幾蚊,又唔可以要求太高..我覺得最好的都係唱歌果2個人.會攪下氣氛.果次我個fd生日.佢都係唱左幾首生日歌!不錯我覺得間唔中去一2次都可以接受,但如果成日一定肥死囉!

同朋友慶祝生日去由於一早訂左位,都唔使等好耐食物選擇不多,但味道過得去最離譜係個出黎切肉俾你個waiter頭一兩round 都ok,係個樣有d唔耐煩之後我地問佢那些是什麼來的佢答完見我地話唔要就嘴睨睨走去下一台到下一round我地覺得飽就同佢講'唔要啦,唔該'佢竟然講粗口,聲量不大,但足以聽到就咁俾佢掃晒興最後,去toilet,又見到幾個waiter煲煙...

記得幾年前去過一次今次係第二次，先講下有乜唔同首先今次無人唱歌(我係夜晚七點幾食到九點幾)同埋無o左綠紅食果個牛仔牌食物方面先講自助餐果d我朋友就話薯仔幾好食我就幾鍾意佢果d椰汁雞湯三文魚刺身水準一般，我覺得有d鞋口焗生蠔就相當聲，又細隻，我好鍾意食蠔但都只係食o左兩隻咁大把另外我朋友食o左一塊有雞蛋煮既魚柳，入面有雞蛋殼.... 扣晒分....燒物，我同我朋友都鍾意食芝腸另外雞全翼都唔錯，但係燒半隻雞就唔係太好食，最好食既燒物我就首推豬頸肉，汁好味而且唔太淋唔太lum，其次就係燒菠羅，好多汁比較差既我覺得係雞比姑，好似普通姑咁無乜特別，最最最差係燒雞腎，硬到牙都咬甩....另外飲品任飲要段人計咁收錢，最後都係叫o左一渣泰式青檸蜜，太淡，清熱酷仲好飲過佢服務方面比我想像中好，起碼都無發生其他人講既衰野，算係ok的一餐，兩個人埋單$260

我同d fd 去食, 但就唔係咁好囉,最差係服務質素,好無禮貌呢d人, 野食就開頭無人既時候勁多肉係度穿梭，但係當多人黎食野既時候，就只係得番d素食同埋腸囉，咩都無得食咁~~~ 但係有人係度唱歌搞氣氛就真係唔錯既，下次去既去尖東果間應該好d

6月尾某日第1次去巴西燒烤，果日係平日。我同個fd去到下晝一點幾，但係果度唔多人，冇乜人揀buffet，多數揀set lunch。我地輪住出去拎野食，選擇唔算多，間中有人埋黎問我地要唔要d烤嘅野，我比較鍾意烤雞脾菇。至於甜品方面，我覺得質素麻麻地。凍飲要加錢，埋單每位$68，都差唔多啦！不過唔好去咁多，咁多肉食，好唔健康。

難食~~~~~~~~~唔好味buffet 少選擇~d經理態度差得很!!!!幫襯1次過~以後都唔會再去!!!!