巴辣仔烤魚雞煲 (康景花園)

营业中

休息中

餐廳：巴辣仔烤魚雞煲 地區：屯門地址：屯門青善街14-18號康景花園地下5-7號舖日期：18/9/2021時間：12:30人數：2人 等位：0mins 價錢： ＄152上星期同朋友仔喺尖沙咀食完烤魚之後回味無窮，今日放假見到原來屯門都有分店即刻起行😝上次同朋友係食晚市，嗌左原條江團魚加配菜大概六百幾，晚市三個人食尼個價錢都幾平價，估唔到午市嚟食更抵🤩我哋嗌一人烤魚飯揀選花鱸魚（$98）香辣味小辣配薯粉，及少量配菜，而額外加花茶特飲先（$12）我地嗌左霸氣葡萄🍇特飲黎試，嗌多左個小食手拍青瓜（$32），總共$152，原來午市仲免加一👍一人烤魚份量雖然只係提供一人享用，但佢哋既份量絕對足夠兩個食😆佢地選取新鮮的魚，魚肉緊實，肉質鮮嫩細滑，魚味鮮得來毫無腥味，隨著烤魚汁中的香料慢慢滲入魚肉中，味道越吃越麻，越辣越香，味道層層遞進，瞬間將魚清空，滴汁不留，包你一食上癮🤤🤤🤤🤤手拍青瓜清甜爽脆，味道酸酸辣辣，相當醒胃，不規則形較易入味及掛汁，而且口感亦較有咬口，正👍👍👍霸氣葡萄特飲甜酸果香剛剛好，清爽不甜膩，食烤魚配搭解辣又fresh😋平時係飲品舖買都三十幾蚊，依家$12就已經飲到簡直超值🥳

識食一定係放假起身去食酸菜魚😋點解咁講？因為中午去巴辣仔食酸菜魚非常抵食。仲要午市套餐星期六日都有只需要$99就可以食到一人份量嘅酸菜魚我哋兩個人每人食一條魚嘅選擇有沙巴龍躉/鱸魚。沙巴龍躉要百幾蚊，所以每次我都會叫最抵食嘅鱸魚$99。至於湯底，有酸辣味/香辣味/蕃茄味。鍾意食酸菜既我每次都只會叫酸辣味，大辣多麻講就講一人份量，如果細食少少根本都食唔晒，因為套餐有埋飯/薯粉，加$8有飲品除咗食酸菜魚之外，每次必會再加萵筍同豆腐皮。雖然上碟嘅時候已經熟咗，但我都會照放萵筍入去煮耐少少。煮到林晒非常入味唔經唔覺已經食咗好幾次，每次食完都會想再去食！提提大家要成為佢哋嘅會員，可以有幾張優惠卷，最多有$60折扣。上次食減咗$30，兩個人食$200都唔使

前幾日游完水跟住去屯門搵食，見間舖頭都坐得幾多人，應該唔會中伏就去試吓。我哋叫咗個小辣嘅雞堡半隻份量，食落去呢個汁係正常嘅一般雞煲味，但係呢我哋食落去咬落去件件雞呢都係好多骨好少肉。雖然話係半隻雞嘅份量，但係我食嘅過程中係完全冇雞髀，雞胸肉，完全食唔到，但雞冠，雞頸，呢d部位有比足你（請看附圖）佢依做生意太唔老實，其實我都預咗呢啲唔會係啲新鮮雞，只係冰鮮雞，係咁低成本之下都要得呃咁盡係咪真係有咁嘅必要呢？雞件得好少肉，全部都係啲多骨位俾你啜下味，就算食完都係得個五成飽㗎咋。我平時都好少俾劣評，但呢間真係忍唔住太過分啦，烤魚我就冇試到嘅，但係大家黎呢間食千祈唔好嗌雞煲，怕你哋食完會有一肚氣。

第一次去諗住晚巿堂食，去到冇位，唯有外賣。第二日下午就再去，試吓午巿的一人烤魚餐，抵食，好飽，細食嘅女士就未必食得曬，不過味道太咸，如果可以減咸就會好好多，希望有待改善。😊

同事帶去食呢間巴辣仔目標係酸菜魚😍自己睇完掃code落單好方便👍坐低有人幫你用滾水洗埋碗碟😉小菜我地無叫....🤣🤣我地一行6人叫天地壹號飲我睇過低糖good呀👏👏我仲到隔離枱叫大大杯特飲真係好鬼大杯🙈飲左唔知仲食唔食得落🤣🤣餐牌簡潔應該唔會引發選擇困難症🤭可以叫啲配菜十十下添架酸菜魚黎喇喂📢📢📢😍😍我地叫龍躉呀😋骨唔多啖啖肉魚炸過連皮都特別好食👍👍👍仲好大條添❣加1隻三黃雞肉夠滑一啲都唔鞋😋當然你咪煮到佢天荒地老啦😆😆我地淨係叫左呢兩樣加3支天地壹號飽到呢🤣呢張單未計野飲架我唔記得影最新嗰張呀掛住食😆

本人係非常食得辣，好鍾意食川菜，所以見到呢間餐廳好似幾吸引就去試，我同屋企人叫左麻辣雞煲，不過味道真係一般，啲雞又唔滑，而且肉質好‘鞋’，同埋最重要係食完之後我同屋企人返到屋企即刻個肚就唔舒服🥲🥲🥲但一定唔關唔食得辣事，因為我哋平時食得再辣啲都無事🥲🥲。本身見佢午餐牌都好似幾吸引，想下次黎試午餐，但食完今餐對呢間鋪真係無咩信心。個肚唔舒服係同一晚屙左幾次爛屎🥲🥲屙水咁，第二日朝早仲屙緊。真係未食過一間川菜食完會咁🥲（我食之前同屋企人都係完全無事！個肚無任何唔舒服）不過都有可能係味精太重導致唔舒服，休息返一日已經無事，但就無下次了，少少失望。

第二次幫襯了，第一次食酸菜寧波烤魚（BB辣），金菇、娃娃菜、蓮藕、海帶，而第二次都是酸菜寧波魚，酸菜好好食，唔太好酸又唔咸，魚肉質唔鞋口。第一次唔識叫大杯凍飲，第二次見到人叫我叫，大家可以支持吓，服務員又有禮貌。。讚讚讚。

今日行去兆麟苑嘅時候，咁啱經過一間食川菜雞煲酸菜魚嘅地方，叫巴辣仔烤魚雞煲，午市發現佢有啊川辣口水雞叫，而且價錢好親民，都只係$48，飲品就另外加$8口水雞嚟到嘅時候賣相都好吸引，而且用嚟裝白飯嘅碗，都係用返巴辣仔既公仔口水雞可以選擇辣度，我個人唔太食得辣野，所以就叫咗小辣，唯一美中不足嘅係，佢嘅醬汁比較少，但你有需要可以叫佢多川辣口水汁，用嚟送哂成碗白飯非常開胃另外我Order左杯凍奶茶，奶茶夠茶味，而且奶同茶比例合格

今日嚟到屯門食烤魚😉😉😉因為自己喺屋企整食唔到呢件味道😆😆😆所以烤魚係一定要出街食😋😋😋今日去到等咗陣就已經有位啦☺️☺️☺️而呢間舖頭都有幾間分店嘅我自己第一次食 感覺個氣氛都幾好坐低就睇餐牌啦我就叫左土豆 海帶 豆卜 萵筍配 蒜香味沙巴龍躉嚟到條魚都好大條 加埋我叫D配菜 成個配合得好好😄😄😄😄啲魚都好新鮮 唔會有陣腥味👍🏻👍🏻👍🏻👍🏻👍🏻總括嚟講佢成個配合都好好同埋食完呢一碟都好飽唔需要叫其他野👍🏻👍🏻👍🏻

唔記得係fb邊度既關注組睇到既午市一人烤魚套餐，屯門gp/食辣/火鍋？嗰時見到價錢同埋啲相好吸引，去食第一次，真係好正😂第一次食酸菜味大辣，好正，條魚好大條，點講呢......類似新墟街市門口位第一檔有賣呢種魚35蚊條個種😂。個檔有賣20/25/30/35（去開會知我講邊檔😂😂😂）但大辣唔夠辣，我已第一時間撥魚上面既泡椒同乾辣椒落湯滾，可能下次會咬開下啲乾辣椒🥲。薯粉份量都多，但我想食埋白飯配餸甚至係配薯粉。但佢主食只可選擇白飯/薯粉/米線/烏冬之類；加餸無得選薯粉。明既，要賺要一定消費。假如可選薯粉，叫個飯多飯；兩個人一個餐，加個薯粉，女士會飽晒。男士既話加多幾味配菜可能都夠食第二次試香辣，唔鍾意洋蔥😑我係覺得酸菜味唔夠辣試下香辣既大辣，都係唔夠辣。仲係左我鍾意既酸菜，其他都一樣：有切開一半既豆卜四件，幾件海帶結、芽菜咁甚至食頭一啖想唔要另叫返第一次既酸菜味......算，費事嘥🥲今次條魚細少少，但都夠一個人食經過上次經驗，個人唔鍾意條魚炸到香酥既感覺無晒，今次滾起十幾秒就拎落碟，會將要食既位食前浸一浸返落湯第三次食。因為佢剩叫湯粉只係23蚊，叫碗大辣既，想抽出黎浸湯食😂想跟飯所以叫

我真係非常失望，原本幾鐘意喱間餐廳。佢嘅口水雞、魚湯我都幾鐘意。但今日等左五十分鐘都未出到餐。既使多次向職員表示趕時間，依然遲遲未有。如果要用五十分鐘製作食物，不如早啲同我地講冇。而唔係開頭話要等二十分鐘左右，最後變左五十分鐘！期間員工只係不斷話好快有好快有，但就一直都冇！對喱間餐廳好失望！咁遲出餐，食物幾好味都冇用。以後唔會再幫襯！希望老闆好好訓練一下自己嘅員工。 其他客人如果要光顧嘅話，請好好考慮一下喱間店出餐非常非常慢。

今天幫媽媽做速遞拿賀年物品給親戚，送完貨後看到有間餐廳有一人烤魚套餐，那就去試試了，平常比較難找到人吃這些，而且看價錢也不貴，可以解一解口癮！一人烤魚飯—沙巴龍躉（１３８元)本來是打算叫花鱸魚的，但我約２點的時間去到已經賣完了，但來了都來了，就加錢吃貴的吧！魚很快就送到，而且也挺大條的，下面還有爐，會慢慢加熱，保證全程都是熱辣辣的！魚是經過油炸的，炸得焦焦香香的，魚肉外脆內軟，而且因為是炸過的，魚肉比平常更加掛湯，再配上香辣濃香的醬汁，非常惹味！鍋內還配有芽菜和豆卜，份量也不錯的，慢慢在鍋燉煮，味道都完全進入了食材裡面，非常入味和好吃，特別是豆卜！這次我叫的是香辣味，小辣，味道剛剛好，不算太辣，下次可以試試中辣！加料—肥牛和肥腸（８元／份)這個真的很意外，竟然是分開的，我還以為是放了在鍋內一次過來的！８元一份的配料，份量還可以，質素也挺好！肥牛不會太肥，有牛味，配上醬汁配飯一流！肥腸就吃起來非常爽滑，沒有異味，拌上醬汁也非常好吃！

十一月初剛開業時，其中一個星期五初試晚市，晚上6點半到，唔使等。主要試主角烤魚，麻辣，魚滑，正。有限供應。晚上約7點開始滿，要門口等。餐廳座位唔算多，而且烤魚用餐時間較耐，建議早少少去。第二次試午市。午市條魚同晚市唔同，不過不失，試酸辣，麻麻地，麻辣好味好多。但消費比晚市平差不多一半。午市唔使等，我大約中午一點半到，有吉位，到我食完埋單都坐唔滿。Like佢地 社交平台有9折。可以用手機scan QR code點餐。