巴辣仔烤魚雞煲 (康景花園)

营业中

休息中

好耐無同朋友食飯，見近排天氣凍凍地就想食下雞煲，講起雞煲大家會諗起邊間？有朋友就推介咗一間喺屯門嘅平民街坊雞煲，試過之後確係無介紹錯！！講緊嘅就係位於屯門嘅巴辣仔，今日我同3位朋友大約喺晚上7點半就去到，人流唔算好多，一坐低就嗌咗一個雞煲、手切安格斯肥牛、羊肉卷、黑柏葉同鵝腸。雞煲嗌咗BB辣，一啲唔太食得辣嘅朋友亦都啱食，而且唔會太鹹，雞肉肉質鮮嫩彈牙，非常有驚喜。肥牛正常水準，有牛味，但係唔會話太過出色。羊肉卷鮮嫩多汁，個羶味啱啱好，比肥牛出色！黑柏葉一個字，爽！鵝腸味道較為普通，亦冇太多肥膏，個人認為我想要夠肥先至夠香好食。最後呢碟鴨血係今晚最失色嘅一個餸，一啲味道都冇，最終只係食咗半碟就投降。整體而言，巴辣仔未必係全港最好嘅雞煲，但絕對值得我再返黎食！

今晚嘅食評，帶大家去海底尋寶！🐟 首先，原條烤魚吖，真係一大亮點！沙巴龍躉焗到個皮金黃香脆，掂晒！煎完嘅魚放進番茄湯裡頭，個味啊！酸酸甜甜，清新過癮！再嚟講下配菜，萵筍片、金菇吸曬湯汁，鮮甜得滯，實在太夾！黑豚肉卷就真係輕輕鬆鬆一彈嘴，豚肉味道鮮，而且唔會太肥膩。自家製紫菜響鈴卷就有另一番風味，面頭脆卜卜，咬落去爽口得嚟又唔會黐牙。豆腐皮就似食緊條麵，可口卡滋！飲品方面，大家都知啦，港人愛個大大杯！龍鳳檸樂同鳳凰水果茶冰冰涼，大杯得滯，飲得超滿足！🍹總括嚟講，食完今晚嘅海鮮饗宴，真正係飽到彈開隻褲扣咁勁！店家嘅服務同環境都算過得去，面面俱到。以後諗唔到食咩，呢度會係我嘅頂選之一！總之，跟住我嘅食步，你都可以變做美食探險家！👍🏻

同3個狗朋友拉隊去試咗家講緊嘅烤魚店，心諗「今晚必須有嘢好話」。老實講，成晚都嗌得好嗌飽！沙巴龍躉選酸菜bb辣，第一啖極度滿足🤤，魚皮炸到啱啱好嘅脆，沾上邊嘅辣醬簡直惹味到爆燈！肉味新鮮得滯，飽滿得黎無任何生腥味。烤魚底下嘅配菜都一絕——豆卜真係個中之寶，軟滑而又吸晒美味湯汁，香口得嚟又唔膩‍♂️✨。而家講下特飲，Cup大過臉型，飲咗幾口，稱得上清新解渴。至於加料部分，肥牛同肥腸加进去繼續炆，每樣都唔失禮，肥腸滑溜溜毫無怪味，肥牛適中肉感亦係嗰星鮮甜。總括來講，呢度烤魚食落有家鄉嘅味道，加料価更加平，三兩好友嚟食呢度啱晒。嘿，下次要試下佢哋嘅爆辣箇款，挑戰下味蕾極限🌶️😏！

店舖環境：從來冇去過一間地舖食野，係咁凍❄️，成家人食住雞煲都凍🥶到震晒，媽媽仲比🌪️風吹到頭痛🤢，我仔仔要著住羽絨帶住冷帽食野，平時仔仔最怕熱，都話好🥶凍，真係唔建議好冬既天氣去食，可能食完餐飯你會吹到病左🤕在電話落單後，冇果樣餸又唔出聲，會自動❌取消張單，到我地再check 單時，先發現取消左，我地又重新落單，之後先有員工黎話已經賣晒，所以我覺得服務有待改善食物味道，不過不失，沒有好食到要再去食既感覺，但係果度大風到吹到媽媽頭痛，就肯定唔會想再去食野，始終做冬係想開心，唔係想吹病既

11月頭去開屯門就走左去食烤魚，因為午餐的一人烤魚最抵食🤭。有幾款可揀，但我覺得江團魚較少骨，就點左佢嚟食。還可以加配特飲，超抵啦！條魚食落幾香口，一個人食完條魚已食唔到碗薯粉🙈，安全起見就叫左柑桔檸檬來飲。

巴辣仔烤魚雞煲今晚想搵魚食，就去左巴辣仔烤魚雞煲試試佢晚烤魚，每次經過呢間餐廳都聞到陣陣香味，而且店內都會有一定客量，相信應該唔會太難食😂今次因爲家人想食酸菜魚，所以就選左魚食，餐廳原本有3隻魚選擇，但今晚只係淨返價錢最貴既沙巴龍躉，價錢$418，可以選4種配料。而我今次就選左枝竹、蘿蔔、薯仔同菜，各樣配料係濃濃既湯汁煮完味都好入味，都好好味。不過，當個魚食到最後時，D湯煮濃左就會偏咸同濃。沙巴龍躉烤魚 $418條魚有炸過先，所以食既時候比較有香味，而且條魚大大的，三個人都夠晒食霸氣葡萄特飲 $38大大杯，但味就一般，如果有大大杯檸檬茶會更理想

試過咁多間雞煲，呢間算係抵食最正係杯飲品大大杯今日兩個人嚟食，叫咗半隻雞，份量都算好多，可能我哋兩個女仔，都算啱啱好。入邊有好多洋蔥蒜頭芫荽配料，今次叫咗小辣，個馬都算陣陣香味，啲雞件算係好劉華，食到咁上下先再加湯打邊爐，叫咗蟹柳都算多，不過大家記得睇返個辣到啱唔啱自己，因為我覺得小辣都已經係好辣食啦一定要配杯大大杯嘅飲品叫咗個雜果水蜜桃茶真係大滿足個服務都算唔差有求必應不過個環境如果再乾淨啲就好啦因為嗰日落雨個地有少少滑

行過見到有川冒菜，正呀，諗都唔諗就入左去食，我叫左佢既川冒菜，因為唔係好想食肉，所以叫左無肉個個餐，一碗材料豐富，叫中辣都幾辣（下次都係叫返BB辣就好了），但薯粉煮得比教淋身，食既時候要慢慢夾，唔係好容易斷，但味道搭夠，所以都會再幫襯，另外因為錯手叫左中辣，所以都加左$12叫左杯菠蘿特飲，仲可以要少甜少冰（但都依然好甜），但係解辣黎講，有杯凍野飲下都算好好，呢餐我覺得算係好好，價錢唔貴，連飲品都係$60，仲要大大碗，值得推介👍👍

實在太耐冇食過烤魚喇，今次同太太經過呢間位於屯門嘅「巴辣仔烤魚雞煲」望入去非常之吸引，咁就買個外賣返屋企同屋企人開心Share一下啦😬超值實惠套餐(2-3人)凌波魚 + $518(7折後）美國肥牛招牌肥腸雜餃混丸拼盤(6粒)精選時菜雜錦拼盤(包括：白柏葉、水魷、鵝腸、松葉蟹棒、萵筍、蘿蔔、凍豆腐、豆卜、鮮枝竹、時菜）呢個餐真係名副其名非常之超值實惠！因為呢個餐份量十分足夠，其實可以三至四個人食都可能冇問題！😋😝烤魚嘅肉質相當嫩滑，而且厚肉少骨，如果鍾意食辣嘅朋友，可以按照自己承受的程度來選擇，真係有辣有唔辣任君選擇，每款鮮魚都足兩斤！😂

最新發現原來屯門都開咗間原條烤魚，當然要試一試冷氣夠凍地方夠闊，仲有獨立VIP位🐟原條烤魚(沙巴龍躉）$418-足「2斤」大大條沙巴 煎香兩邊再灑上燒烤調味粉 極之惹味 啖啖魚肉 放入番茄濃湯入面再煲滾 令到魚肉更入味 茄湯酸酸甜甜 開胃之選 如果鍾意食辣 仲可以揀麻辣湯底/酸辣味-Order烤魚仲可以自選4款配菜萵筍片、金菇、雞肶菇、娃娃菜呢類型吸湯吸味嘅食材 就最適合不過 吸收哂湯嘅精華更加濃甜🐖黑豚肉卷 $118-豚肉入口有豚香味 油脂感唔太重🔔自家製紫菜響鈴卷 $38 -響鈴脆得嚟唔會好乾好硬 加入紫菜更多層次 推薦👍🏻◻️豆腐皮 $38-豆腐皮好似食緊寬條麵咁 幾過癮🍸大大杯龍鳳檸樂 $35🍹大大杯鳳凰水果茶 $38-大大杯系列份量真係唔講得笑 拎起隻杯都需要好大力氣😂總括嚟講，兩個人食條魚已經飽咗9成9😂，抵食👍🏻味道唔錯

太冇人情味既一間店！我地一家下午5點幾去到餐廳 裡面冇咩人 只有幾個員工 落單係要掃code 咁正常有問題唔明肯定叫人過黎請教下 幾個員工係前台吹水 叫極都冇反應 終於望夫石等到有人黎 已經係幾分鐘之後既事 5：31分落單話落唔到 話系統只可以530前落單 因為我小朋友只可以食佢地下午茶既米線 其他都係辣既野係食唔到 跟跟住又再一次望夫石叫人過黎問下過咗1分鐘可唔可以人手落單因為小朋友只可以食到佢地個米粉 佢話只可以系統落 唔可以人手落 咁咪唯有走囉 其實你地唔優做我知 咁我下次唔會再去！態度極差 真係趕客！

今日上朋友到開party。佢地想食酸菜魚而咁岩我又想打邊爐。朋友提議不如叫酸菜魚咁就可以滿足晒大家嘅願望。外賣嘅話，條魚同湯係分開上。咁就唔怕浸到條魚爛晒。打開條魚勁大條。我地三個人都不約而同地講：一定食唔晒😂而且配料勁多。加上我地預先買左嘅火鍋配料。呢餐真係勁豐富。湯底辣辣地酸酸地，勁開胃。而且條魚又唔腥而且非常多肉。最抵死嘅係，佢魚骨唔多。食落啖啖肉。大家都食到好滿手最後真係如我地所料。食唔晒😂

同朋友聚會嚟咗呢間巴辣仔度食雞煲，環境都算寬敞，但係就略嫌枱同枱之間太窄，有時行出去都驚撞親隔離枱😢▪️雞煲（小辣）(一隻）👍🏻調味料好足夠，啲雞件唔算柴👎🏻連雞頭都擺埋落去😢雞件數量少，而且每件雞影啲肉都好少，雞腳仲要乜肉同皮都食唔到咁滯，不推介。⭐️建議如果四個人嚟食可以嗌1.5隻雞，一隻雞份量實在唔夠❌而且侍應喺冇問過我哋嘅情況之下加咗我哋醬料嘅價錢，但係我哋食雞煲根本冇用過醬料🥵▪️薯粉正正常常冇乜特別，彈牙飽肚▪️特大雜果茶係真係好大杯，但冇話特別好飲，下面就有啲罐頭嘅雜果粒。

一向都鐘意食魚，尤其烤魚😋見到巴辣仔屯門有分店，一定朝聖下啦😄附近多車位，好方便下原檢午市有一人餐，下次可黎試試叫左個鱸魚，都好ok, 又唔多骨，味道水準都保持到😃

朋友聚餐提議附近有間幾唔錯嘅烤魚，平時兩個人食份量好似太多，今日4個人就應該啱啱好。坐低無耐店員就獻上殷勤服務，自動波滾水洗乾淨碗碟做好衛生👍🏻-🐟沙巴龍躉 $418我地簡左酸菜bb辣，唔係好酸不過辣度都唔低，重口味人士一定鍾意～烤魚皮脆肉嫩，浸過湯都一樣好味😋每盤烤魚都跟4款配菜，大推豆卜索曬湯超正🤤除左烤魚，食到咁上下仲可以加料打邊爐，而且大大杯特飲都係三十幾蚊，抵飲👍🏻-總結：適合三五知己聚餐享用，人多一齊食更滋味😋