巴辣仔烤魚雞煲 (順年閣)

营业中

休息中

趁住太陽伯伯未落山，深入深水埗食正宗四川烤魚🐟依度既烤魚無得頂，大條又美味，我一食烤魚就食兩三個鐘，慢慢享受，因為我真係好仲意食魚🐟依度既醬油每位$6，出面有多種醬油選擇，任你配搭😉~原條烤魚沙巴龍躉🐟 $418超大條既沙巴龍躉上枱，分開兩邊，成盆滿滿，超吸引🤩沙巴龍躉好新鮮，肉質又實又香，外皮烤得香香地又脆脆地，好仲意食魚皮😋魚尾好滑啊😋總之成條魚都perfect😋味道我就揀左酸菜味，配菜就可以揀4樣，咁我就揀左萵荀片、豆卜、鮮腐竹、雞脾菇，酸菜好開胃，而辣度都可以揀不辣至大辣，萵荀片好清甜，豆卜浸左湯底正，鮮腐竹好香滑，雞脾菇夠曬有口感😋~涼拌皮蛋🥚 $32我至愛既金黃色靚皮蛋，味道夠香，加埋微辣醬油，正😋~鮮滑牛肉🥩 $88牛肉好滑又有彈性，口感好好，肉味香濃😋~豬肚🥓 $52豬肚好爽好香😍~鵝腸🥓 $78鵝腸成堆一齊食好爽又彈牙😋~白飯🍚 $12~青島啤酒🍺 $24/枝

🐟🐟超大份抵食烤魚！🐠🐠（深水埗）前排去咗呢間巴辣仔食烤魚～環境都算大，而且重點係條魚🐟真係好大條！🤩🤩🤩整體評分：7/10味道：7/10環境：6.8/10服務：6.5/10人均消費：$100-200地址：巴辣仔烤魚雞煲 (順年閣) (深水埗)深水埗順寧道55-61號順年閣地下2號舖原條烤魚：一共有三種魚包括：沙巴龍躉，江團魚同埋凌波魚～我就揀咗沙巴龍躉（香辣味），條魚好大條！冇咩細骨，唔洗成日驚比魚骨插到，魚肉肉質嫩滑，湯底惹味另外叫咗肥牛、鳳城水餃、蟹籽蟹滑同埋炸紫菜響鈴,質素都好高🤤🤤🤤肥牛雪花幾靚有牛味，鳳城水餃內餡滿滿，蟹籽蟹滑好多蝦好新鮮！炸紫菜響鈴都好特別～鳳梨水果茶：超級大一杯！2個人一齊飲都完全冇問題！

近日天氣又驟降，行過見到呢一間熱辣辣嘅烤魚即刻俾佢吸引住！👍🏻沙巴龍躉烤魚餐廳總共有三種魚比你揀 ：沙巴龍躉、江團魚或者凌波魚。同時間地又有多種口味可以選擇，包括番茄、酸菜、麻辣、泡椒、蒜香。另外仲可以自選四款配菜，小編就揀左萵筍、蘿蔔、蓮藕、娃娃菜。一上台已經比個烤盤吸引住，魚肉係湯底裏滾下滾下，長過手臂嘅龍躉已經預先煎香過，容易拆開，可以啖啖肉咁食，重要無咩細骨，食起上黎都非常方便，魚肉肉質嫩滑，不過鮮味就有少少被辣度蓋過咗。👍🏻配料既然有個鐵盤，當然要物盡其用打埋個邊爐。叫左鮮滑牛、雙拼餃、牛柏葉、薯粉。滑牛每片厚薄均一，易咬有牛味；牛柏葉爽口索汁；薯粉煙靭有口感，直頭昇華咗整盤烤魚。最後不得不讚就係佢個雙拼水餃，鳳城水餃同鮮蝦雲吞嘅內餡都係滿滿的，餃皮好薄。👍🏻飲品食辣嘢必備一杯涼浸浸冰凍嘅飲品，呢度嘅飲品超級大杯，兩個人share都綽綽有餘！當晚叫咗杯鳳梨水果茶（小冰），雖然用嘅係罐頭雜果，不過飲落去都相當解辣而且透心涼。💡 店舖嘅醬料費都只係$6咋，仲要冇加一！

今次巴辣烤魚性價比極高，魚方便有沙巴龍躉、江團魚同凌波魚。口味方面有香辣、酸菜、泡椒同鮮青椒選擇，唔食得辣既朋友都一樣照顧到，有蒜香同蕃茄。，配料選擇都有好多，食物質素高，份量足，而且烤魚價錢包埋四款配料，非常抵食 香辣沙巴龍躉一係唔食，食就要食最好既，我地專登揀左沙巴龍躉，因為食過甘多間烤魚唯一嚟度有沙巴龍躉，一定要試下。龍躉表皮炸得香脆，內裏肉厚而且結實嫩滑，雖然揀左香辣味，但都食到湯頭好有魚湯既鮮甜。配搭左豆卜、腐竹、蒿筍同金針，吸晒d麻辣汁好入味 紫菜響鈴嗌左個唔係度度都有得食既紫菜響鈴，紫菜加添左響鈴既香味 鴨血食麻辣湯又點可以少得鴨血 麻吉燒麻吉煙煙韌韌，吸晒辣辣湯頭，愈食愈過癮 大大杯龍鳳檸樂平時火鍋炸魚最怕就係唔夠野飲又怕唔夠凍，大大杯裝就岩晒，龍鳳檸樂用左檸檬同柑桔，酸酸甜甜解辣

冬天最適合除左打邊爐之外，仲有烤魚！！！深水埗🐟巴辣仔烤魚雞煲🐟揀左原條沙巴龍躉，配搭酸菜味湯底，再有4款自選配料，好正！🤩 大大條，肉質彈牙鮮甜，湯底仲有好多料，配娃娃菜、白蘿蔔、豆卜同金菇，超惹味！..食完烤魚，仲可以點火鍋配料倒落酸菜湯底繼續滾呀滾🤪 叫左紫菜響鈴、雲吞、鵝腸，不過，淨係個烤魚都夠飽😌..驚喜的是飲品，本身menu已經寫住大大杯xxxx，叫左大大杯龍鳳檸樂同大大杯鹹柑桔雪碧，真係勁！大！杯！😵 拎上手勁重！食完烤魚再飲啖冰爽汽水，超爽皮🤣 呢度真係全場爆滿，勁人氣！遲來就要等位啦！

-#巴辣仔烤魚雞煲專門食四川正宗烤魚，跟手打埋個邊爐，入秋就係要圍爐！.三種魚可以揀，沙巴龍躉、江團魚、寧波魚。六種口味，香辣、酸菜、蒜香、泡椒、蕃茄、鮮青椒。.揀左沙巴龍躉泡椒味😁 沙巴龍躉比幻想中大條得多，夠四個人食，🐟魚有炸過即刻食的話表皮會食到香脆感覺。魚肉厚實🤓湯底濃味，但魚未可以吸收到啲味，⏱上枱再煮10分幾鐘，魚就吸晒味啦！泡椒幾香唔會好辣，適合大部份嘅人。.魚食得7788就叫配料打邊爐啦。.見到有紫菜響玲就叫左🤓響玲加紫菜好夾同香，比較少地方見到。.水餃同雲吞都飽滿，😻餡料好多。雲吞食到都有幾多鮮蝦。.滑牛肉份量都幾多，😽無筋，幾滑又有牛肉香。.必定要叫杯大大杯飲品，夠哂兩個人飲，飲品一上，大杯到我覺得自己去左大人國😂。甜度可以揀，🍍揀左少甜菠蘿水果茶，唔錯呀！.人均消費：$300.

巴辣仔係長沙灣開分店，一如既往有烤魚、雞煲同小龍蝦。今次我地就叫左久違既烤魚 係介紹烤魚之前，不得不提巴辣仔既特飲，大大杯特飲真係巨無霸size，“橙心柚惑”酸酸甜甜夠晒解渴，“鳳梨水果茶”好多生果夠晒清新 配味料都有足足12款，可見餐廳誠意十足 今日既重頭戲，原條烤魚有3種魚可以揀，口味都有6款甘多。我地就試左鮮青椒味凌波魚，附送4款自選配菜。首先鋪上滿滿芫荽，身為芫荽控既我表示好滿意。青椒口味用左麻椒青椒紅椒食落微微辣帶有麻麻辣辣既後勁。魚就揀左凌波魚，中龍佢少魚而且肉質夠結實 其實一條魚加埋4個配材都已經好肥，但青椒味既湯底真係好吸引，眼闊肚窄既我地癮唔住叫左鮮滑牛肉同珊瑚蚌。牛肉好新鮮嫩滑，珊瑚蚌鮮甜，配料好高質 😋整體食物質素：4.5 / 5💰性價比：4.5 / 5👍推薦指數：4.5 / 5

天氣凍左💟除左諗起熱辣辣煲仔飯之外 就諗起烤魚😍呢間烤魚雞煲專門店喺香港居然有7間分店架地方不算大 但空間感不錯 比佢吸引左⭐️枱與枱之間 餐廳用QR code自助落單幾方便當日爆左場 氣氛好好 冷氣又夠💦沙巴龍躉$418🐟原條江團魚$378 🐟凌波魚 $348 🐟我地叫咗條游水魚來食～😬😬沙巴龍躉$418 酸菜味 不辣（大豆芽、蓮藕、萵筍片、腐竹）被其份量眼前一亮 有一個前臂那麽大條 價格合理好香花椒味 勁多芫荽放面頭 鮮味十足🥰魚鮮味勁濃郁 冇太大腥味 味道好鮮同惹味趁熱食就最好食 魚頭膠質重 愛魚人士必試！食完條烤魚之後就可以加湯打邊爐蜂巢凍豆腐$28 打邊爐必備 吸晒啲湯 軟綿綿滿佈魚湯的凍豆腐 滾熟後豆腐變番軟身養顏花膠$118花膠份量好足 索左D夠哂香口😋食落口漿漿地 軟滑可口 骨膠原爆燈 滋潤養生💟嫩鴨血$58爐點可以無鴨血 鴨血都算嫩滑 仲要係厚切🥢帶煙煙韌韌的口感 索湯正無糖可樂$12 & 大大杯橙心柚惑$38大大杯真係值得一讚 可以清一清肉食味蕾醬料費每位$6 而火鍋食材新鮮 碟碟都大大碟 今餐食到好飽 CP值超高☺️呢個天氣食真係冇得彈! 

味道：⭐️⭐️⭐️⭐️天氣開始轉涼🥶又係食打邊爐、雞煲、烤魚嘅季節啦❄️今次介紹嘅就係呢間正宗嘅四川烤魚專門店🐟魚嘅選擇有龍躉、凌波魚同江團魚🐠而味道就有六款，有辣有唔辣 實有一款啱你心水👅❶蕃茄味沙巴龍躉 $418沙巴龍躉魚味濃郁 🎣肉質細嫩 尤其係頭腩位置🙈而且皮厚膠質豐富 簡直啱晒做烤魚🍗而湯底方面我哋就揀咗蕃茄湯🍅係以新鮮嘅蕃茄熬製成 絕對唔係用茄汁溝🥫識落酸酸甜甜相當惹味☺️❷麻吉燒 $40以炸過的魚漿包裹著黏黏嘅糯米夾心😹不黏牙同時相當煙韌🍴❷薯粉 $24薯粉係必選嘅麵食之一🍜清甜入味又健康🧑🏻‍⚕️❸松葉蟹棒 $45蟹棒充斥着濃郁嘅蟹味🦀就好似食緊真正嘅松葉蟹一樣🐚❹養顏花膠 $118花膠 堪稱養生聖品⭐️估唔到連食烤魚都有呢個選擇作為配料🤩呢度嘅花膠膠質豐富 食落口感黏腻🎖❺炸紫菜響鈴 $38小編都幾推薦炸紫菜響鈴👍🏻有別於一般嘅響鈴 加入左一層薄薄嘅紫菜🔥令到口感upgrade🤤呢度嘅嘢食的確唔錯🙈但略嫌餐枱比較細 想打卡都相當困難～📸

係香港比較少食到正宗四川烤魚🐟朋友就介紹咗我去食「巴辣仔烤魚雞煲」呢道有烤魚，雞煲，乾鍋等等...我地揀咗原條烤魚，沙巴龍躉，配酸菜湯底。每個烤魚都會附送4個配菜，我地揀咗萵荀片、海帶、秀珍菇、娃娃菜。另外再加美國肥牛卷，招牌肥腸，牛柏菜、薯粉。醬料就係外面自取，有好多選擇。沙巴龍躉肉質厚實滑溜。好大條魚，啖啖肉。美國肥牛卷牛味濃郁。肥腸有嚼勁，沾多啲辣醬更惹味。牛柏菜爽口彈牙。配料都毫不吝嗇，份量好多，食埋底薯粉已經非常飽肚😋巴辣仔烤魚雞煲📌順寧道55-61號順年閣地下2號舖

❀ 巴辣仔烤魚雞煲 #深水埗 ❀❗人氣沙巴龍躉烤魚❗——————————————————呢間烤魚雞煲專門店喺香港居然有成七間分店絕對浪費虛名✨佢哋有多種烤魚味道選擇，而且除咗雞煲之外亦有唔少特色煲，總有一款啱心水，最啱一大班人敘舊慶祝！.✷𝑀𝑒𝓃𝓊✷☞ 原條烤魚 沙巴龍躉 $418 (3.7/5)以烤魚作為主打，又點少得多種烤魚選擇。一場嚟到，我哋挑選左最昂貴嘅沙巴龍躉，另外仲有原條江團魚$378、凌波魚 $348。呢度仲可以選擇多款口味，我哋揀咗小辣嘅酸菜味，另外仲有香辣味、蒜香味、泡椒味、蕃茄味、青椒味😍。最後仲可以揀配四款配菜！當然亦可以額外再揀火鍋料，我哋都加多左個紅薯粉🥰。歸為魚中之王，肉質滑溜就不在話下，表皮亦戲略為香脆。只係稍嫌未夠入味，酸菜佢本身夠酸，但就咁食啲魚就有啲淡。.☞ 花膠魚肚雞鍋 $278 (3.5/5)另外揀咗較為養生鍋，同樣地有多達七款選擇。內裏都有唔少雞件，不過肉質相對鞋好少少。湯底就清甜為主，花膠偏向細塊。比起佢哋嘅主打烤魚相對失色🥲。.☞ 菠蘿水果茶 $38 (3.7/5)另外佢哋仲有極有看頭嘅巨型飲品！今次呢杯菠蘿水果茶都幾清甜，內裏仲有大量菠蘿

👍🏻原條沙巴龍躉烤魚 $418愛魚人士必試！魚鮮味勁濃郁，令辣湯都有陣魚香龍躉厚肉，魚皮先炸過，浸係湯中仍然脆卜卜魚肉嫩滑，肉質結實彈牙，唔會一夾就散，好新鮮有六款味道揀，揀左主打既香辣小辣，比預期中辣啲可以揀四款配料，每樣份量都唔少，好飽🤣味道：7/10性價比：7/10-👍🏻蟹籽墨魚滑 $88墨魚滑超彈牙，咬落仲有粒粒墨魚肉，墨魚味好濃郁！面頭鋪滿蟹籽，增加口感味道：8/10性價比：7/10-👍🏻泡椒雞腳 $34雪得夠凍但無雪味，泡椒入味，唔算超辣個種，但有後勁味道：7/10性價比：8/10-📍#巴辣仔烤魚雞煲深水埗順寧道55-61號順年閣地下2號舖#hkfoodie #foodiehk #hkfood #foodhk #hkeat #hkrestaurant #香港美食 #香港美食指南 #香港美食日記 #香港美食地圖 #香港美食推介 #平食 #窮遊 #打卡 #香港打卡 #情侶好去處 #拍拖好去處 #週末好去處 #深水埗 #深水埗美食 #深水埗好去處 #荃灣美食 #屯門美食 #尖沙咀美食 #粉嶺美食 #大埔美食 #上水美食 #巴辣仔

這間餐廳一直都有聽朋友講過，今次終於可以黎試試!餐廳座位都幾多而且也有兩張枱係可以坐室外的!他們有提供雞煲和烤魚可以選擇，我們這次就來試試他們的烤魚!原條江團魚(酸菜味) ，這裡的烤魚有三款魚可以選擇，而我們揀選的江團魚有幾多肉而且魚骨不會好多，魚肉鮮嫩!湯底也有六款可以選擇，而我地就揀左酸菜味，而且都可以揀要辣同辣度!湯底我地揀左小辣，辣度剛剛好不會好辣，而湯底的酸味都剛剛好，呂會嗆喉!另外烤魚仲可以配有4款自己選擇既配菜，我地揀左萵筍片、薯仔、蓮藕同埋秀珍菇!蔬菜吸收了呢個湯既味道，十分惹味!食完烤魚就可以呢個湯底打邊爐啦!香烤餐肉，餐肉炸得香味，再稍為浸浸湯，味道好正!美國肥牛卷，肥牛肉質都幾鬆軟，牛肉味都幾濃，而且牛肉既份量都幾多!蟹籽墨魚滑，這裡的墨魚滑有超多的蟹籽，墨魚滑爽口彈牙，再加上大量的蟹籽令口感非常豐富!薯粉，這個湯底再配上薯粉一齊食，薯粉軟硬度剛剛好，酸酸辣辣，開胃又惹味!大大杯凍檸茶，凍檸茶真係超級大杯，叫一杯完全可以滿足哂成餐既時間，而且檸茶帶有茶既澀味，味道拍得住茶餐廳!

前排去咗間烤魚雞煲專門店，店內環境就普通冇特別😂我地就點咗個烤魚🐟，再加咗啲配料咁😀飽到反肚呀🤰🏻·✨沙巴龍躉 $418有六款湯底，我地揀咗唔辣嘅蕃茄味🍅，見有好多蕃茄，味道都好夠蕃茄味👍🏻自選4個配料，我地揀咗娃娃菜、豆卜、金菇、蘿蔔嚟到重點❗️條魚係超級大條，魚肉又好嫩滑，一啲都唔鞋🙅🏻‍♀️🤤係好高質嘅魚😋食得出烤過嘅魚皮，平時唔太食蒸魚嘅魚皮嘅我都食多幾塊🤪仲有係條魚有界開咗，方便我地食👍🏻·✨蟹籽墨魚滑 $88係葉子形狀嘅一碟蟹籽墨魚滑，蟹籽包覆住個墨魚滑，再次confirm咗係墨魚滑(我地以為係黑色🤣)食落好新鮮彈牙，都幾推介😀·✨牛柏葉 $68牛柏葉份量超多好大塊咁😯，不過淥完會縮水咁就唔會好誇張姐😎味道索咗蕃茄湯係唔錯嘅😌·✨油麥菜 $30 ✨薯粉 $24另外兩款配料想叫就叫，個人喜好啦，冇咩特別好講😆·✨大大杯凍檸茶 $35叫咗少甜，真心大大杯，同埋一整個檸檬切片加落去👏🏻·🌟烤魚好高質，味道整體有8分😝鍾意食烤魚嘅請save低😀Tips: 兩個人食一盤烤魚都好夠，本身又跟4個配料，可以唔洗額外加配🌝

人氣巴辣仔烤魚雞煲最近喺長沙灣開第六間分店啦，餐廳主打正宗四川湯底烤魚分別有沙巴龍躉、江團魚、凌波魚🐟，湯底有六款口味【香辣🌶、酸菜、蒜香🧄、泡淑、蕃茄🍅、鮮青椒🫑 】辣度由唔辣至大辣都有，烤魚之外雞煲都幾出名㗎🐥～⇛ ▫️香辣味 沙巴龍躉 $418呢度嘅烤魚係原條送上份量超大條，龍躉肉質嫩滑而且非常嗦湯汁，食落仲好有鮮味🤤魚骨都較大條又無細骨🦴所以對於唔識食魚嘅人都唔驚😆！香辣湯底紅噹噹因為加入咗秘製辣椒醬、四川花椒粉大量辣椒乾等等，入口麻中帶辣，夠晒重口味😛！*每條烤魚都會附送四款配菜🌱，肥仔就揀咗鮮腐竹、金菇、薯仔、蓮藕，嗦曬湯底精華所以喺勁入味😍！⇛ ▫️美國肥牛卷 $118▫️雙拼餃子（鳳城水餃+韭菜豬肉餃）$68▫️炸紫菜響鈴 $38▫️薯粉 $24食烤魚外仲可以加湯打邊爐🍲，配料選擇都幾多元化過五十款以上，質素正常水準唔算太差，水餃每隻都有蝦仁喺入面夠足料🥟，炸紫菜響鈴比較少見到，比平時響鈴多份紫菜香味同更脆😛！⇛ ▫️大大杯龍鳳檸樂 $35打邊爐一定要飲嘢呢杯1.2公升檸樂就啱晒😂，當初仲諗住唔會好大杯最後要兩個人先飲得晒🤭～