帝樂 - 德國餐廳 (美利樓) (已結業)

前兩日老公放假，所以我哋去咗赤柱兜咗一轉同食咗個休閑lunch。我哋揀咗間位於美利樓二樓嘅德國餐廳食半自助午餐，環境好歐陸風，我們選擇咗戶外座，一邊吹吹涼風，一邊食嘢，感覺休閑自在。半自助午餐尚算抵食，百幾元一位就有交易。齋食沙律吧要$145，加多$10就已經可以有埋主菜啦！沙律有我最鍾意食嘅蘋果沙律和橄欖，而麵包亦有我鍾意食嘅香草包，正！餐湯係忌廉湯，很濃郁美味。主菜揀了燴菠菜蘆筍意大利飯，感覺應該是用正宗意大利米烹調，軟硬度正式意大利飯風味，硬得來有口感但又冇生米，雖然睇落清清地，但味道都唔錯。另一主菜是厚切美國西冷牛肉，用慢煮烹調使中心肉質鮮嫩且能保住肉汁。最後仲有兩款甜品及咖啡或茶，食得認真滿足😋Weekday 人少少咁樣食個休閑午餐，真係好relax！👍

上星期五揸車去咗赤柱自駕遊😎🚙。 本身諗住喺赤柱大街嗰排D餐廳飲杯嘢chill 下 。後來覺得美利樓始終居高臨下，就揀咗間喺2樓嘅德國餐廳坐outdoor 飲杯嘢。首先餐廳嘅服務係0 ，同茶餐廳差唔多🤣大家唔好幻想太多。嗰日好好彩，位置景色好好，有個無敵大海景。叫咗個精選香腸拼盤（$165）加德國白啤（$80），happy hour 啤酒有八五折🈹Nice。食物正正常常冇咩特別，其實主要都係享受個環境同氣氛。之後喺附近睇日落，周圍打下卡，開開心心又一日😌

午餐 隻 德國 猪手是有 臭 味.肉質很乾 雖然皮是脆.但 真的令人大失所望.收費也不便宜.是大型連鎖食府.竟然管理一隻豬手食物質素也做不到. 以向店員投訴也沒有給我跟進 以後不會再來光顧.

假日想去離島，寧靜一下赤柱係一個好去處這裏環境很好地方很清靜而且還可以打卡影吓相拍拖嘅好去處蒜蓉包脆卜卜好好味生蠔🦪羊架，好味一啲都唔腥最出色係燒鱸魚師傅係我哋面前燒鱸魚肉質鮮甜，而且好滑下次你會再嗌

King ludwig beerhall✖️難得入赤柱，點知呢度仲慘淡過山頂多多聲。雖然落大雨係會影響生意，但都未至於未夠7點，成個赤柱廣場只淨低美利樓兩間餐廳，一間冰室、麥當勞、KFC仲係營業中之外，其他全部閂晒門。其實都有幾多嘢食嘅不過好似冇乜吸引！唔知點解啲碟要放喺地下嘅？德國生啤環境一般般啦雖然我唔識煮飯，但一見到隻德國豬手放上枱嗰下，我都已經講『咁乾』嘅？等個靚女慢慢切真係唔好講笑！肉質唔嫩、有啲部份仲係『鞋』到食唔到，皮又硬，連伴碟嘅酸菜都係冇味而且乾爭爭。跟住去返個德國腸拼盤，由於二人份量所以只得兩款腸。其實都有啲失望，因為喺其他地方食德國腸拼盤嘅話多數都有好幾款，就算簡簡單單可能都有幾條唔同款可以試下嘛呢個拼盤即係擺到明呃錢，得條好似熱狗腸嘅香腸，都係冇乜咬勁。但係另外嗰條真係離晒譜啲肉係『霉』嘅。仲話係拍拖勝地美利樓必到打卡嘅餐廳，點解食物啲質素比起普通嘅餐廳做得仲差。。。

係香港已經唔多食到傳統德國豬手突然諗下不如去赤柱兜一兜有位,仲俾埋happy hour discount買一送一叫左1. 德國豬手個皮幾脆,肉質唔錯,簡簡單單,唔太肥膩2. Pork back ribs喜歡上面啲seasoning, 有別於其他地方嘅barbecue sauce3. Fried Seafood Platter basket材料新鮮,特別一提,幾喜歡炸蝦味道有少少椰絲味,味道出奇地幾夾4. Mango mocktail有半邊新鮮芒果！

三日連假唔知大家有冇出去玩? 大食妹同朋友就去咗赤柱一日遊打卡呢間人氣嘅帝樂-德國餐廳帝樂假期嘅時候, 兩點半前會做brunch session, 想食午餐嘅朋友可能要晏少少食<法式油鴨髀配鳳梨、薯仔餅、蘋果醬>帝樂嘅德國鹹豬手聽講幾受香港人歡迎, 但我哋得兩個人, 想食更多嘅款式, 於是就嗌咗呢份法式油鴨髀配鳳梨、薯仔餅、蘋果醬法式油鴨髀外皮好脆, 鴨髀肉自帶油脂, 入口係滿滿嘅鴨油香鳳梨稍為煎過, 灑上少少鹽同黑胡椒, 清甜得黎, 更有味道層次薯仔餅就係將薯仔削成絲, 餅壓做餅, 天然好味道<精選香腸盤>另外再嗌多份食德國嘢必食嘅精選香腸盤精選香腸盤包括經典嘅紐倫堡田螺型粗粒豬肉腸、維也納幼滑豬肉腸同脆炸薯仔紐倫堡田螺型粗粒豬肉腸少少煎過, 帶有香草嘅香味皮脆有咬口維也納幼滑豬肉腸相對比較粗身, 味道亦唔差<炸香脆蝦醬魷魚圈配蒜蓉醬>根據大食妹精密嘅計算, 兩個人食仲有少少quota可以食份細分啲嘅小食炸香脆蝦醬魷魚圈份量就啱啱好Deep Fry嘅蝦醬魷魚圈外皮硬脆, 唯一可惜嘅係魷魚圈唔係好彈牙, 但配搭蒜蓉醬都係一個唔錯嘅小食&#

黎到赤柱 就去左食下e間美利樓既德國餐廳😳環境方面我好鐘意😍坐左係露台睇到海景果日食dinner時段 坐係出面唔單止唔熱仲有少少風咁望住出面既海好寫意😚咁岩果日同男朋友慶祝😚覺得個環境好適合野食方面!! 去相!!脆皮燒豬肘配酸棷菜及薯仔 $375個脆皮食落香脆 而且個豬手d肉完全唔un😳仲好淋!! 黎e間餐廳一定要叫😍而且個份量都好大 2個人食一定夠😳椰菜 - 食落比較酸 我就唔識欣賞🤣瑞士芝士麵糰配牛、豬肉丸伴鮮茄汁 $135個麵糰好煙un 個質感好特別😳😚不錯肉丸唔乾 有肉汁 睇得出有落心機整既🤣但芝士味無想像中咁濃同香🤔抄鮮雜菌配素菜沙律 $95個茹有香味 幾好食整體味道中規中矩~價錢方面 我覺得性價比一般但係環境實在太舒適 同靚😍食物質素都唔差 不錯😚E度真係非常適合慶祝🥳 黎到赤柱一定要試下

今日喺南區揸車自駕遊，夜晚就泊左喺赤柱廣場食晚飯，我哋最終選擇咗美利樓3樓嘅King Ludwig Beerhall @kingludwigbeerhall。入到去就俾佢嘅裝橫所吸引，配合美利樓嘅建築特色，恍如置身歐洲一樣🇩🇪，本人甚為喜歡。由於德國菜較為肥膩，份量亦都好大，所以我哋都只係叫咗幾個菜。1️⃣German white Asparagus with Lobster and Spinach Gratin 德國白蘆筍配龍蝦肉鮮菠菜 $198🦞🥬- 季節限定，一坐低侍應就為我哋介紹呢道菜- 白蘆筍由德國空運到港，極力推薦🤔- 有fine dining嘅影子。味道層次好豐富，感覺好細膩😲- 白蘆筍非常新鮮，蛋黃醬亦香味濃郁，配龍蝦肉簡直一流😋- 對我呢個龍蝦愛好者來講，簡直係完全俘虜我嘅心🥰- 可惜放入焗爐時間太長，導致龍蝦肉縮水，而且太過乾身，失去左龍蝦肉本身嘅肉汁🙁2️⃣Pork Spare Ribs 香燒德國排骨配蒜片辣椒 $185🌶🍖- 秉承德國菜嘅一貫風格，就係油膩，飽滯😎- 排骨好溜喉，一來調味好重，二來好肥- 而且加上炸蒜，整體感覺Heavy🤭- 排骨過咗火，令到肉身好老，好

山長水遠為左試呢間德國🇩🇪菜，結果非常失望😞！唔好食之餘價錢貴到一個點😡，完全食唔到德國菜風味。德國🇩🇪豬手：豬手皮好厚，似燒肉皮，硬到咬唔到，肉乾到無朋友，配菜既酸菜有青味，絕！做唔到德國豬手既調味香味。豬排配薯條：呢塊豬排已經幫我切開一舊舊，一食真係忍唔住笑左，味道好似中國既羊肉串既味道，唔知係咪用個d調味料去醃，勁，食到雪味，個刻覺得自己去左一間德國餐廳設計既中國餐，配菜既瓜好苦～🤨😔豬肉薯容：呢個最離譜，鹹到一個點，薯容少又淋曬，豬肉片味道似阿媽平時煲瘦肉粥前用鹽醃來煲一大煲粥既味，鹹得好緊要。薯仔湯：偏鹹，好稀，飲唔到薯仔味。芒果配桃汁🥭：呢個芒果甜，個汁就差少少，唔似新鮮水果，買一送一，提提大家送個杯都要加一，無人同我講。❌❌❌總結呢間野裝修唔錯，食物一般，價錢偏貴，質素味道唔合正比，可以食個景。

德國晚餐🇩🇪話說上次山長水遠入到黎食唔到豬手大爺表示非常唔高興☹️所以今次特登訂定檯先包保大爺食到豬手先敢再入黎赤柱🤟🏻話明黎食豬手梗係要講豬手先~但係由於佢上豬手嘅時候我掛住做其他野未影相就俾佢拎左去切啦😭😭呀!!!!!!! 我碟豬手呀!!!!!!!😭😭呢個德國豬手係勁好食😋外脆內軟!! 外面個皮係非常脆卜卜D肉係勁淋又夠JUICY👍🏻唔會好乾好鞋嗰種雖然已經唔係第1次食但每次食都有好滿足嘅感覺😊🍀海鮮蕃茄長通粉🍀呢碟係特登為大少而嗌嘅大少一睇個MENU就指明要嗌呢個雖然唔夠特別不過都幾好食最緊要大少滿意!!!😌🍀為左自己而嗌嘅1L黑啤🍀🍺食德國餐梗係要飲黑啤係我眼闊肚窄低估左1L嘅力量最後飲唔晒因為真係太飽😭突然想食德國餐🇩🇪嘅朋友真係可以入黎試下不過記住要BOOK檯唔係就會好似我地上次咁有得睇冇得食架啦!!☹️☹️🔎King Ludwig Beerhall📍赤柱美利樓2樓202號舖📞28990122#heacookmama @kingludwigbeerhall

星期六下午，三五知己相約到赤柱閒逛，經過這間餐廳裝潢已感覺吸引，我們立即進場一試，食物種類在下午茶自助餐來說真心多款式，食物質素亦非常高，餐廳環境超正，當日天氣非常好，坐室外感受到自然的微風，享受到海邊美景👍還有美食當前，真的寫意。值得推介是德國咸豬手，皮脆肉嫩配酸椰菜，真的美味，甜品亦十分多選擇。

Went with my hubby. The restaurant was a bit old, yet it was well decorated in a German style. We ordered a curry with bread and a pork knuckle.Loved the bread so much. It was crispy and went so well with the curry. The pork knuckle was served in a large portion. We could not finish it. Had a really relaxing night. 

假日去下赤柱行街係個幾唔錯嘅選擇，但係啲細店通常都刪曬，我地就黎左試呢間德國餐廳☺️一入到去就見枱枱都有叫豬手黎食，無一例外，所以我地都叫左黎試下，再加埋個豬扒意粉。呢個豬扒意粉嘅豬扒實在好薄，一啲都唔juicy🤢但係個意粉無論係醬汁定口感都好好食😂 如果塊豬扒再做好啲就完美～呢個豬手冇令我地失望，黎到仲係熱辣辣，員工仲會係你面前幫你切開，方便進食。咬落去外脆內軟，真係值得一試！🥰人均消費：200-250/ head

放假又可以同BB周圍去 上個禮拜好好天所以我哋去咗赤柱 而且仲食咗個打卡lunch我好鍾意佢呢度嘅裝修 因為真係好似我喺慕尼黑食嗰間咁 真係好掛住去旅行嘅日子呀食德國豬手一定要食佢嘅皮 因為佢嘅脆卜卜真係好吸引 而且夾埋隔離啲酸椰菜 真係又要嚟一次假裝去旅行系列。另外再叫咗個油鴨髀伴薯菜 上碟嘅時候係擺喺一個鐵碟度 要小心唔好辣親 鴨肉好嫩 而且好有肉汁 好正 Lunch time 仲有沙律吧任食 如果唔係太熱嘅話可以坐喺露台位 對住無敵大海景食 呢啲先係生活🤣