師妹甜品

营业中

休息中

星期六，和家人去長洲玩，吃完晚餐後，甜品時間到，找了網上紅店，‘師妹甜品’。叫了出名的火熖雪山蛋糕，嘩，不得了，關燈點火，小孩子們，開心到嘩嘩大叫。跟著是即焗疏乎厘，又是真心推介，美味。還有小孩至愛，香蕉船雪糕，為長洲之旅，畫上完美句號。長洲普遍店舖細小，座位不多，師妹甜品店設有每位最低消費，但真係值得一試。

路經見到雪櫃有蜂蜜豆腐千層蛋糕心想味道特別又是豆腐甜品控的我二話不說就入左去點知入到去一大股油煙味不是甜品店嗎？ 唔知佢係入面炒緊咩 一定唔係烘焙味豆腐千層蛋糕送到 味道一般豆腐Cream味道不濃厚 也不足千層皮又乾又一般朋友點左一杯西柚特飲 盛惠$24同超級市場賣嘅西柚汁差唔多仲要咩都冇 連果肉/啫哩/椰果都冇超級市場賣嘅都有果肉坐左5分鐘都冇同我地講要一人點一樣野心諗你間舖得我地一枱客仲要甜品/特飲都咁冇質素而且一入去嗰陣油煙味已經好fail都要焗我地點多樣b__s_it??No way囉 10秒食完即刻賣單走唔會再黎

多年前很受遊客歡迎的店，反而我一直都懶得試。反正我想食甜品一定會揀芒果糯米糍。今次是街坊的朋友覺得這店不錯，所以帶我食。 現在這店雖然不再擠迫到排隊，不過一直都有一兩席顧客來。朋友最推介的是千層蛋糕，果然沒有介紹錯。綠茶粉、綠茶忌廉和每一層的戟配合得恰到好處，並不會太甜亦有綠茶香。配綠茶牛奶感覺有啲重覆左。另外叫了杯玫瑰花茶清一清口裡濃郁的綠茶味。豆腐千層糕真的非常淡。幸好這店配了一些蜜糖啫喱，有返啲甜蜜味。但沒有啫喱不行。食火焰雪山都係為咗個噱頭啫😂眾所周知都係會關燈、拉窗簾、點火。我本身都鍾意食朱古力雪糕，所以都很滿意。價錢...嗯噱頭貴少少都正常既。這個不是難食。但真的好普通🙈，就只是一舊棉花糖、香蕉和巧克力慕絲。這個檸檬味梳乎厘，我除了人造色素的甜外，我沒有什麼特別之處可以形容。 個人而然最喜歡的都是千層糕。至於大家說的態度差我並沒有這麼認為，可能有點認得朋友是街坊🤔（？）店員既會幫我們幾個影相，又俾我們任意影店裡的擺設。而且都沒催我們賣單（雖然沒人排隊是主因之一🙈）。總之大家都食得舒服。我的評分大概是好評到okay 之間。未去到我覺得是必食，但偶爾食下都不錯。

喺長洲一路行一路掃街, 又行咗上長貴邨果邊, 行返落嚟又係時候食甜品. 但今日真係好奇怪,  上OPENRICE睇地址, 明明寫有開門嘅, 去到竟然摸門釘. 本來想去嘅長洲冰廳, 天然甜品, 全部都無開.  咁反正嚟開, 就過埋師妹甜品望下啦, 竟然有開喎 (OPENRICE寫星期二/三休息架, 今日星期三, 竟然有開喎) 叫咗焗火焰雪山 $40.00--出面好少食得到, 叫嚟俾百厭仔見識一下. 上面係落咗冧酒嘅蛋白, 下層係朱古力雪糕.  百厭仔對新事物非常好奇, 見墊底隻碟有冧酒, 未阻止得切, 佢已伸脷去品酒, 見到佢個苦樣真攪笑.心太軟 $40.00--好香濃嘅朱古力味, 又唔太甜, 非常正!焗梳乎厘配朱古力醬 $28.00--好香好滑, 入口即溶, 掂!埋單 $108.00

冇諗過會有衝動寫食評之後已經聽過師妹甜品 話好好食上幾次黎長洲 都好多人 full晒 又唔想等今次佢一開門就入去坐 過左三個字左右就已經坐滿晒人滿心期待佢既招牌甜品就係心太軟同埋火焰雪山心太軟係好流心 但原材料係好緊要隻朱古力係唔靚 點都唔會好食而上桌既時候 隔離舊雪糕已經溶緊至於火焰雪山 係gimmick野燒一燒有d火咁最底層係朱古力雪糕中間嗰層係雲呢拿雪糕最上面嗰層就係蛋白食得出係雀巢雪糕除左最面嗰幾粒細細粒既士多啤梨完全冇其他配料真心覺得失望 好唔抵食

在長洲住了兩日一夜，在第一晚到店子，吃了一次，發覺有很多款未吃到，到第二日離開長洲前再吃一轉，合共吃了兩次，實在大滿足。第一次因為吃飽飯，叫了一杯飲品、心太軟及杯裝火焰甜品(唔記得叫乜名。杯飲品老公話好飲，最主要店內是賣甜品，特色飲品較少，但這款真的好味！小朋友要吃甜品，心太軟給六歲細女通吃，一點也不留給我！而火焰那款甜品居然有驚喜！到完成上枱時，店主把全店燈關了，配合黑漆漆的環境，小朋友們開心到不得了！因為千里迢迢入到長洲，都唔知幾時到下次，所以臨走前都要試多一次其他的甜品。結果叫了兩個都會着火的甜品，一個比琴晚大的火焰甜品，這個真係好味！要冷的冷，要熱的熱。另外一款火焰心太軟「督」開黑色裏面的朱古力還在動，要吃的則要等一點時間！

這是打了很久沒有POST的一篇食評, 但那個味道還清晰的在我記憶中很久前已聽過長洲的師妹甜品了, 可是每次兩個人走進長洲都吃到吃不下甜品, 一直沒去找師妹。正好今次三人行, 我決心的要食一次!!當行程到尾聲的時候, 我跟同行二人說: 我地去搵甜品食囉~走著走著, 過了長洲街市再一直係海濱向前行, 到了一條小巷, 嘩...都幾唔起眼既一間店~我地坐係出面, 叫左以下4樣野Green Tea Latte - 味道比起出面一D專係賣茶飲既店更好! 比個GOOD佢!抹茶千層蛋糕 - 超級鍾意呢個質感, 食落唔膩, 抹茶味濃特濃朱古力榛子蛋糕 - 頂上面個層朱古力真係幾濃味, 配埋下面榛子蛋糕食夾到爆雲石芝士餅 - 比較實的質感, 質感上我地就係鍾意呢一種~ 味道OK, 不過呢件野就好膩了~總括: 師妹的甜品做得真的不錯, 下次去長洲一定再來!

網上推介師妹甜品 ，有我至愛的綠茶蛋糕 ，今日嚟到長洲 ，就拜會一下先。小店格局， 門口凍櫃已擺咗幾款 蛋糕，好吸引 一入到去， 佢哋畀咗兩把大葵扇我哋 潑涼 ，其實嗰度有冷氣㗎 ，幾貼心 我哋叫咗一個宇治抹茶千層蛋糕 同一杯凍宇冶抹茶。 喺等食嘅時候， 無啦啦店員拉埋窗簾熄曬燈 ，以為有人查牌， 原來佢哋捧上 甜品: 焗火焰雪山。上咗枱佢哋會喺上面點火，攪到咁黑原來為咗方便大家影火焰效果相。我隔離枱都有點呢個甜品，所以我地可以免費欣賞 。抹茶千層糕 ， 真係唔知佢有幾多層， 綠茶味濃郁回甘， 蛋糕軟綿綿 ，好滋味。凍抹茶，很濃的抹茶香，用玻璃杯盛着，冰凍美味。

不得不俾個LIKE你盡量滿足客人需要，為求蛋糕新鮮，提取前先剛剛整好，個皮脆卜卜，味道一流，男朋友同我地d朋友都讚不絕口，個個都話好好食，食得好開心！冇得頂！多謝晒！

每次黎長洲都一定要去師妹甜品度食番餐先至得 招牌菜係焗火焰雪山 上菜嗰陣仲會閂埋窗簾 黑媽媽先至嚟嗰個雪山好靚不過食左幾次都唔想再睇呢個淋火表演 所以淨係要焗雪山其實係同一個食物 純粹冇咗淋火嗰一部份仲可以慳番四蚊 對我啲慳家仔嚟講扺d呀 面頭係打起咗嘅蛋白 中間忌廉底部係雪糕每次雪糕味道都有唔同 今次就係朱古力味 除咗雪山今次仲叫咗個切餅食:綠茶千層蛋糕 可惜呢個餅有啲失望 一來可能我食左雪山先要到千層蛋糕 個味道冇咁出 另一方面佢係一層千層皮一層綠茶粉 不停重複再重複咁樣形式 我覺得過個綠茶粉味道一般般 比起之前食嘅其他切餅相對地冇咁好食 下次應該會是試另一款

最後一晚食甜品，朋友仔話呢間出名，試得過。食心太軟(HKD 38), 朋友仔飲黑牛(HKD 26)心太軟價錢合理，比外間平少少，值得選擇。挖開流芯，唔太甜，熱乎乎，非常吸引。但略嫌外表不夠乾爽和脆口，體積也比較少一點。雪糕食唔出有嘜特別，無評論。街坊生意很多，不斷進場打招夫。氣氛融洽。但是要喝水就收加一服務費，費解.....可以再吃。

這間甜品好出名的, 係有火焰疏乎里食. 我們都去了食下疏乎里. 店子小小的. 佈置都幾精緻. 幾有心思的, 餐牌都好多圖片, 方便選擇.我們叫左一杯雪糕, 兩個球的, 有些忌廉, 上面有些朱古力脆脆, 焦糖係面, 賣相十分之精緻, 味道都OK, 不過唔抵食呀.這個LATTE都好靚, 味道都幾好, 唔會好濃, 有鮮奶的香味. 都幾大杯的, 咖喱面有少少咖啡粉, 同埋有些泡. 原味疏乎里, 即叫即焗, 所以要等一陣先有得食, 都好香, 夠晒熱的, 唔會太甜, 入口即溶的, 好味.整體感覺都幾好的, 不過價錢貴左少少.

去長洲大家都會食芒果糯米慈但師妹甜品呢間小店未必大家知佢最出名既招牌菜就係火焰雪山每次上枱時店員一定會關埋窗簾係你面前淋火 睇頭十足👍👍佢分左幾層 低部係雪糕中間係冰左既雲厘拿cream面頭再有好smooth既打蛋白食完呢個lam lam利 再order左個朱古力心太軟 蛋糕size吾太大 但一切開d朱古力溶即刻湧出黎我覺得中間個心d醬略甜但蛋糕好鬆軟好味道飲品方面叫左玫瑰肉露好香既玫瑰花茶加甜完全吾怕香精花味 有驚喜👏👏👏

🍵抹茶千層蛋糕 $32師妹甜品在長洲名氣頗大，但本身不期望在港式甜品店吃的抹茶crepe cake 會有抹茶味，但意外地抹茶味足夠之餘有少許回甘！cream 口感軟滑，雖然crepe cake 層數不比lady m 多，但以小店來說絕對合格！ Rating:7/10

女友曾經去過說不錯，本人是個無甜品不歡的人，於是抱住不仿一試的心態進店。試新店首選當然一定會試朱古力的甜品，最好有榛子味，因為可以降低出事的機會率。見門口冷凍櫃放著朱古力蛋糕當然不會錯過，就要一件。驚喜位來了，店員問多次確認是否那件榛子朱古力，本人聽到後眼前一亮，因為正正問著一個榛子狂魔！好，當然好！好老實，件蛋糕的外表普通都不得了， 但一試之後，就會明白什麼是不能只睇表面，一放入口，已品嚐到濃郁的榛子味，因為蛋糕中間有一層厚厚的榛子醬，蛋糕部分也十分嫩滑，我珍而重之地細口細口咁食，食到最後一啖也充滿濃濃榛子味，自此愛上師妹甜品的榛子朱古力蛋糕！這蛋糕已無容置異地奪得我心目中榛子甜品第一位！ 普通坊間的所謂蛋糕很多都是虛有其表，由最簡單的朱古力甜品開始，我試過，真的，都可以令人可以倒胃口！師妹的甜品只要食過都知道有其獨特做法，到今天已經持續光顧了幾年，跟老闆娘「師妹」及店內員工都變得熟絡。期間試過其他甜品，一樣有高水準之味道。事實上，本人嚐過好多榛子朱古力蛋糕，師妹的絕對不一樣，不論此蛋糕，其他所有甜品你絕對可以食到其「心思」及「手藝」。充滿人情味的地方，吃到充滿人情味的甜品，跟喜歡的