師妹甜品

营业中

休息中

星期一晚八點左右同友人入去堂食, 我點了一客心太軟及什莓茶, 友人要apple crumble及叫了杯滾水, 心太軟比平常一般的矮了一段縮了水, 內裡沒有朱古力流心, 只有像金莎朱古力內餡的軟朱古力, 旁邊的雪糕亦給得非常孤寒, 由一般其他甜品店的網球大小變成這裡的比 golf 還要再小！！值得強調是飲品及服務： 由於本人吃了心太軟極封喉口渴, 一杯熱什莓茶不能解封喉, 見友人在點食時叫了杯滾水, 就跟著叫了一杯滾水, 突然侍應發難說什莓茶包不能加水, 我答為何你可以給我朋友一杯滾水, 卻不可以給我？ 她突然從我手中搶了我未喝完的什莓茶, 立刻在我面前倒掉, 再用另一個杯裝了杯滾水給我！！阿姐寧願倒俾垃圾桶飲寧願洗多一個杯都唔可以有少少機會益你呀！！巧合地在進食期間上網看新聞, 英國多區的超市也有把將近到期的食物捐出給慈善團體烹煮成午餐在市區通街派！！感慨！！ 從未遇過這樣服務的店家…不叫飲品比叫飲品更受優待！！一定叫身邊朋友不要來！！永遠也不會再來了！！

有心甜品個個去長洲食糯米糍我就係新野呢個雪山同出面唔係好同佢可以自選雪糕口味仲有pancake皮係埋入面不過酒精落得唔均暈有幾啖超重酒精唔好酒既朋友就要林林喇整體ok la 行過都可以試下

師妹甜品火焰雪山出名好耐今晚攞佢黎食飯後甜品我一直唔知點解著火原來是將rum 點燃 然後淋在雪糕蛋糕上面仲點了一個心太軟整體來說呢間甜品店幾好另我呢個唔係太好甜品既人都食指大動good！

我地睇完櫻花之後就行去食甜品，由於大家唔熟路，搵左好耐先到，果時好彩仲有好多位，首先叫左杯野飲先:1 檸雜: 朋友覺得凍同埋酸2 英式伯爵茶: 好好飲，又解渴之後見到出名火焰雪山朋友即興奮都要，lee 個時候全間鋪熄燈落廉，店員揸住個甜品放左枱後就點火，嘩，個火藍色ga 好impress ar, 影完後火自動熄，就開返燈，但上面食落cream 好甜，朋友就負責食下面雪糕，都好硬身，佢越食越覺得凍，但佢好開心

山長水遠入嚟長洲聽聞師妹甜品好出名叫左佢個招牌 同tiramisu個店員超好人關哂燈 關哂門 俾我影相沒可否定果刻真係好有feel係暗黑既環境望住d火係到燒但食落去第一口唔知係咪d雪糕太硬D火又未夠大上面果幾淡就好重酒味之後果d就好似淨係食雪糕咁tiramisu中上水準酒味唔會太多Cream都唔會太多算係唔甜不過 值得嘉許既係 佢整左好多層所以食落去都係特別多層次 

來到長洲，誤打誤撞黎到有名的師妹甜品於是點了極有名的焗火焰雪山open kitchen能夠見到甜品師傅準備甜品的情況當焗火焰雪山奉上是，餐廳會關燈，之後點火，好玩度十足。味道方面，則是平平無奇的雪糕配上熱辣辣的焗蛋白。蛋白打得十分細滑，只是沒有太大的亮點。

記得第1次去食師妹甜品0既心太軟覺得超正，美味到令人難忘。但之後幾次去長洲都次次食閉門羹，今次黎到長洲終於可以食到心太軟啦。但一上碟我覺得份量細左咁多，雪糕球都唔知有冇一球，心太軟仲矮身左咁多，仲有pat求鬼其0既芒果汁伴碟。食落都只係一般般，唔太甜0既，但已食唔番以前個種味道了。。。可能出邊甜品鋪仲好食過佢。仲嗌左個芒果千層蛋糕，真係中曬蕉，冇咩芒果肉，冇咩cream, d蛋皮仲要好薄冇曬口感，成件cake都好難食。下次真係唔使再心思思想去試師妹甜品

話說今日朋友生日，老遠咁入左長洲玩，去完BEACH之後，有啲想食甜品....咁事前當然做足資料搜集，要去『師妹甜品』。 一入去坐，感範幾好，環境都幾舒服！我哋ORDER左焗火焰雪山及薑汁梳乎厘： 焗火焰雪山上枱，熄燈關門簾點火，短短十幾秒的時間，感覺好浪漫，又好睇又好食，蛋白有蛋味，外熱內冰，好正，食到底層的朱古力雪糕，(由於本人比較中意食CHOCLATE，甜甜哋，正。 薑汁梳乎厘 薑汁味都幾濃，口感幾滑， 趁熱食就一流啦，想再叫多個食。

太平清醮入長洲，朋友帶我們來食呢間，話火焰雪糕係招牌，於是叫佢，因爲知好大個，所以冇叫其他野 每次有火焰ge產品店員都會熄燈，等客人可以欣賞火焰一刻加入酒再點火，就有此火焰出現拉，燒到差5多店員就會開燈再淋上朱古力漿就可以食拉一切開有cream，蛋糕，雲呢拿雪糕，朱古力雪糕，層次豐富朱古力雪糕略苦雲呢拿雪糕正常食到側邊燒過ge酒，好苦整體講好普通，冇乜特色，招牌？

山長水遠入長洲玩，事前已做足資料搜集，plan定要去的著名食店，『師妹甜品』是其中一站。一入去坐，店員便催促落單......阿師妹呀！我哋連餐牌都未睇清楚點了焗火焰雪山及薑汁梳乎厘：焗火焰雪山循例在上枱前，關燈關門簾點火，那短短十數秒的時間，感覺係好正，但好睇唔好食，蛋白很稀，不冷不熱，無味可言，食到底層的朱古力雪糕，甜甜哋，但已溶溶哋。薑汁梳乎厘薑汁味是有的，但不太濃，口感幼滑，要趁熱食，否則好快散晒。

本身好期待既一店甜品店因為有好多人推薦佢既火焰雪山所以我叫左火焰雪山同芒果班戟首先係火焰雪山依個等待時間會比較長貼心既地方係點火既時候 員工會關燈同關門廉係黑暗中更突出火燒甜品既效果賣相都好好睇但係味道方面 上面白色嗰層唔太好食我同朋友食完第一啖都互相望住對方講'唔....'到下面嗰層 有啲苦 但都幾好食全個甜品就食剩上面嗰層 到芒果班戟 好乾好濟同朋友都係食到一半就食唔落了如果要去試食既朋友記得依間店係3點先開門做生意

山長水遠地來到長洲，聽聞師妹甜品十分有名，便叫了他的招牌 - 火焰雪山和tiramisu。火焰雪山店員很貼心地把窗簾和燈光關起，務求令到環境是全黑.沒可否定在暗黑的環境，看着雪糕燒着真的很有情調。但...吃了一口後上面的確很重酒精味道,之後好像吃普通雪糕差不多所以食下去時很有層次。Tiramisu中上水準，酒味不會過重,Cream都剛剛好，不會太甜,值得嘉許的是師傅弄了好多層。 

今日成班人走左入黎長洲玩,當然要食下依到既野食,佢地去買野,我地就偷懶去食甜品,依個真出名既名作,每食一啖,火焰雪山都有冰同火既感覺,首先有火既熱,暖暖地幾得意,另外就仲雪榚既個種凍,真係一個岶享受,食落有少少酒精味,不過唔會太濃既,幾正,香香地既酒,仲有個蛋白真係好抵讚,做得好好,唔會好似一層氣咁,一野就無左,食落好飽滿,而個底就係一個朱古力雪榚,雪榚幾好味,好濃既朱古力味,淡淡地再濃濃地,一絕。之後仲有多個心太軟,賣相已經殺死人,見個頂已經知一定有流心,因為唔係硬硬地,有D者布甸既面咁,一篤落去就已經有流心既朱古力,果然係心太軟,份量唔算太多,幾岩飯後食,本身心太軟會好甜,不過依到好似做法有D特別,會有有咸味,令佢唔會太膩,朱古力漿反而就做得香,甜味岩岩好 

佛誕睇完飄色就坐低食左個甜品。我叫左心太軟，我個friend叫左火焰雪山。 叫火焰雪山好好玩架，店員會熄,左燈同拉廉。然後會幫你個火焰雪山點火。不過creamy左少少，係個較heavy ge dessert.yeah!而且幾平，心太軟都係$34,又不會太甜。不過幾重朱古力味。正

周日入長洲，慕名試下師妹甜品。之前見到食評想試豆腐蜂蜜蛋糕，不過當日冇呢款。咁我地就試左特濃朱古力榛子蛋糕同香蕉船。榛子蛋糕我冇記錯之前幾個食評係話有榛子粒係裡面。不過呢個係冇既！個蛋糕層次係做得非常差，一d都唔平均，新手既水平。個glaze又厚到呢，連抆餅都懶。榛子味淡到幾乎食唔出。呢個餅分咁多層，但只係得兩樣野，完全食唔到個蛋糕應該有既質感，食唔到蛋糕既鬆軟同ganache ge smooth，剩係一pat mixture係個口。呢個蛋糕唔難食，但絕對唔好食！！伴碟個caramel source又係Hea.. 另外個香蕉船。。三色雪糕都冇，得vanilla n chocolate..d 雪糕衰到呢。。有冰既！出去買三杯雀巢加隻蕉好過，如果想加錢要haagen dazs雪糕要３５一球。。唔好去搶？ 之前見到有食評好mean ..話師妹真係師妹，做唔到師傅。不過。。。原來。。。佢真係。。冇講錯架！！！！！