師父飯堂

营业中

休息中

師父飯堂與我之前兩次擦身而過, 第一次因為大廈電梯問題, 第二次則是因為飯堂冷氣問題休息, 今次午餐終於能到這裡. 工廈飯堂裝橫光亮舒適, 菜式走日西結合風, 但不是輕食份量.像是香辣海鮮意粉, 無論是意粉和海鮮份量, 都是多得驚奇, 基本上是兩人份, 海鮮有蝦, 蜆, 魷魚及青口, 囗感爽彈帶鮮味, 也沒帶沙, 合格有餘. 意粉口感也算彈牙, 只是香辣汁料還是以蕃茄為主軸, 酸甜比辣度重之餘, 也讓整碟意粉稍為多湯了一點, 幸好沒影響意粉的口感, 如果汁料再乾身一點, 辣度再重一點就更合我口味.單點的煎豬扒則相當不錯, 外表頗薄但煎得兩面香臉之餘, 肉質並不鞋口, 脂肉分佈平均, 少少黑椒加上去已經夠味, 這兩項菜式連飲品也不用一百元, 相當有善心, 好人一生平安.

以前還在鰂魚涌工作時都常聽到東達中心雖然是工業大廈，但有不少餐廳其中 師父飯堂 是我比較有興趣想去的一間 聽名字感覺像是茶餐廳那類，但看Menu和來到發現完全是另一回事呢和朋友星期六大約下午2點半左右來到剛好有位不用等。坐下後店員就放低Menu，另外說黑板上寫的也可以點想好吃什麼後就可以去收銀處下單和付款，之後就可回到座位等上餐囉跟餐可以選餐湯或者某一些飲品都是免費的 ... 本來選了餐湯，但怎知道沒有～就轉了 熱檸茶，有3片檸檬。朋友選的則是 - 山楂水，不算很濃的山楂味道，但也不算太淡就是。我點的是 - 香蒜辣椒蟹肉闊蛋麵 ($70)份量都幾多～這闊蛋麵跟平時吃開的闊條麵口感不同，這個會較薄身且彈牙。味道來說，香蒜味好濃和微辣 蟹肉幾鮮甜，但就吃到少許蟹殼，另外還有車厘茄和蘑菇！朋友點的則是 - 芝士蕃茄辣意粉 ($54) & 鮮茄海鮮泡飯 ($65)前者的辣應該是加了tabasco；後者的湯底都幾濃。

師父飯堂，聽就聽得多，呢日出左黎港島搵老公食飯，又唔想食咁貴，所以就去左佢平時嘅飯堂食晚飯；全日餐牌都係介乎5-60幾蚊就有個飯，夜晚黎食呢個價錢真係覺得好抵；而且份量十分之足料豬扒沙律菜飯，豬扒大件又厚、沙律菜又多另一個角度可以見到沙律菜真係好多👍🏻蝦醬炸雞翼，蝦醬味都出，雞翼唔會炸到好乾身，大大隻又juicy我就叫左海鮮焗飯，等待時間耐d,因為都係即叫即焗；海鮮都好足料，青口、魷魚圈、蝦、等等，芝士又多，好香，好食👍🏻

地方闊落，桌椅都分得好開，唔會有種壓迫感，✨味道70分，份量夠多，價格相宜，$50-60消費。.🔸紅青蘿蔔湯 (餐湯)飲落好清甜，足料，好夠味，望落以為好清淡，因為係素湯，冇落肉去煲。.🔸香蒜蜆肉意粉 ($56)份量夠多，不過賣相就唔係咁好睇。蒜味好香，所以意粉都沾上適量既蒜蓉，意粉軟硬適中，蜆肉多，有車厘茄伴碟。.🔸忌廉野菌蘆筍焗飯 ($58) 白飯底，上面鋪左野菌，蘆筍，白汁，芝士去焗。上面醬汁濃味，芝士都算多，配白飯底，味道剛好。.

本來我同外子都想叫上次食過嘅西冷沙律配飯，但係今晚無曬西冷，所以我試咗煎豬扒沙律配飯，而外子就試咗日式炸雞沙律配飯。香煎厚切豬扒沙律配飯($62)：今次啲野菜沙律還可，無上次噉新鮮，而且我比較喜歡上次西冷果隻沙律醬。豬扒唔係真係好厚，應該只係用來分別吉列還是香煎嘅名。豬扒都幾大塊，無平價豬肉果陣嗅味，同西冷醃味非常似，肉質唔韌亦無揦到爛坺坺。日式炸雞沙律配飯($62)：食咗外子半舊試味，皮算脆而不硬，味道都唔差，唔覺乾爭爭。原來餐飲可以轉湯，飲完無口渴，應該無味精。

今日有嘢做就去咗太古，順便同個喺附近返工嘅朋友一齊食飯，唔想食太貴就揀咗喺工業中心入面嘅呢間「師父食堂」😆嗌咗「黑松露雜菌意粉」，午飯時間等咗1x分鐘先上菜，一上菜嘅時候聞到好香嘅黑松露味，但係食落去就非常之淡，淡到好似係落咗cream但係唔記得咗落鹽嘅感覺😟 最後食咗幾啖就食唔到落去...朋友嗌咗「厚切豬扒野菜沙律配飯」，豬扒大大塊，味道正常，亦有大量沙律，算係幾抵食👍🏻 如果下次要再食嘅話，我都會揀返沙律配飯嘅組合，希望佢哋嘅意粉可以改進啦🙂

我諗好多女仔都會好似我咁，怕肥唔食飯，但中醫說中午食飯可以帶營養去卵巢到。呢到既沙律飯就prefect😋多多菜🥗多多肉🥩同少少飯🍚佢比好多牛舌，而且好好味，不過飯既軟硬到差左少少。另外加HKD 12叫左個Latte😂 咖啡一般，但都會再來食沙律飯。

太古呢頭真係無乜野食揀一係要入返太古城食貴野 一係就去Aeon入面啲餐廳呢間師父飯堂係樓上鋪唔係熟呢頭都好難搵到呢間野環境舒適 都好坐 店員態度不錯👍🏻餐廳主要食日式西餐 飯類或者意粉都有嘅有個手寫餐牌日日換點了幾次意粉 水準穩定 對得住價錢自己就鍾意闊意粉多啲更多啲醬汁可以掛係麵條上不過飲品就差啲以為Cafe格局 咖啡應該不錯可惜咖啡 奶茶都沖得麻麻咖啡飲落唔似咖啡店機即沖而奶茶就奶味同茶底唔太夾會suggest叫其他飲品

如題, 食物味道係好嘅, 肉無雪藏味, 沙律菜新鮮, 白飯有飯香軟硬適中, 整體調味不錯, 菜多係健康嘅, 所以接著以下就想詳情講下點解要負評1. 飯量很少只有大約拳頭大小, 肉炸粉有少許厚, 朋友的厚切豬扒好薄下, 唔夠飽, 明白價錢只係60幾但食完一碟都唔飽令人感覺好差, 叫多碟又一定過多, 其實只要加多啲飯就得, 其實白飯都係貴價食材點解唔比足d?? 2. 餐湯只有中湯同餐牌野食唔夾, 而且唔好飲, 令人失望, 建議大家叫番凍飲3. 我坐左張好唔舒服嘅枱, 枱係摺枱嗰種會頂腳, 櫈係間條木櫈, 好硬4. 無服務, 要自己行去落單, 雖然無加一總括來說, 同價位相近嘅食肆比較, 個人認為只有味道屬中上, 其他方面都未如理想.

喺太古地鐵站附近的一間工業大廈樓上店，雖然叫做飯堂不過食物都相當高質走西餐路線，同時價錢唔算話特別平因為冇餐湯餐包等，但人流非常之多，由於附近多工廠大廈所以午飯時間爆人要攞飛等位約15分鐘，有位之後要自己排隊買飯又約約15分鐘 ，點餐後等食物亦最少要20分鐘。食物質素係好不過等候時間實在太長了，如果返工趕時間就要三思啦🤨有時間食lunch吾介意慢慢等就可一試，但如果唔想等位又想食嘅話就建議11:30開門/2點打後先好去🤣.其實有好多個餐牌食物款式好多。👓吉列豬扒野菜沙律配飯 $65豬扒好大厚，重點係炸得超香脆👍🏻炸漿薄，炸到果種接近燶邊但實質剛好嘅感覺，好香口，叫飯堂但完全唔係hea貨求其炸豬扒。沙律菜亦一大兜，有沙律醬所以好容易入口食晒，白飯亦好大舊，唔會因為有沙律而份量縮水。🤨不過時間真係等得太耐，落完單個飯等左20分鐘🤨評分：8/10👓黑松露蟹肉闊蛋麵 $75闊蛋麵幾有蛋味，而且麵質幾煙韌(小編好鍾意食闊麵類型！)淡淡黑松露味，蟹肉份量正常吾會慳皮睇唔到。麵底只有少少忌廉汁底所以唔係好creamy好多汁果種。當中仲有蘆筍同蘑菇！🤨麵類係等得比飯耐，無論意粉定闊麵，落完單個麵得左3

呢間餐廳喺太古 工廠大廈嗰邊， 都唔算 難搵一入到去真係有啲似 飯堂， 自己搵位再去收銀處 畀錢， 有餐就自己拎返埋位價錢都算幾平， 平均都係五六十蚊， 有杯嘢飲，很不錯的黃店我自己就叫咗個忌廉 卡邦尼薯仔意粉忌廉卡邦尼薯仔意粉5.5/10一陣落去個味都係普通卡邦尼味， 唯獨就係油咗啲， 感覺麻麻地。 啲薯粒係焗過嘅， 但因為 碟意粉太油， 所以連啲薯仔 食落都有啲膩。 唔知係自己麻麻地定太大份， 呢碟意粉食唔曬朋友就嗌咗呢碟 海鮮蕃茄意粉， 聽佢講話好好味， 但佢都食唔曬， 個份量其實幾大。 下次我都應該嗌啲冇咁膩嘅嘢

價錢公道，最重要是味道好。第一次幫襯是吃燒牛肉飯，可惜當日牛肉比較乾，反而香辣蟹肉扁意粉很驚喜，幾十蚊，蟹肉份量算多，但對於吃不到辣的朋友則要走辣了。幫襯幾次後，個人認為pasta比飯類更出色。是日order了明太子意粉，大大條明太子，輕輕煎過表面，配蟹籽拌忌廉意粉，咸咸香香，汁不會太多，非常好吃。飲品不是很突出。可以加幾蚊配紅菜頭蘋果汁或山楂，都是買現成的，不太特別但算健康之選。啡茶則普普通通，如果有出色的咖啡就更perfect了！

1⃣ 灸燒明太子意粉 $90 (7/10)Polaf都係第一次食原條明太子😳睇落都好吸引🤤食嘅時候要將明太子整散，同啲意粉先食，如果唔係就太咸了😛除咗明太子仲放咗好多菇，啖啖都好豐富😋2⃣ 黑松露蟹肉闊蛋麵 $75 (7/10)搵左啲蟹肉好耐，原來係啲好碎嘅蟹肉撈撈左落去，食左自己都唔知😂黑松露白汁唔錯，唔好太膩，但黑松露味略嫌不足😗但整體味道唔錯嘅，可以一試👍🏻📌Lunch time去比較多人，建議早少少去或者外賣☺️

師父飯堂，聽落去好似好勁甘，d野食應該都吾錯甘。朋友叫左個鹹牛脷野菜沙律配飯，睇落都吾錯，食落都幾fresh, 牛脷又吾會話好咸，咸到難入口果種，都可以，不過呢個配搭幾得意下，因為我總覺得似沙律撈飯食既感覺。我就叫左個我鐘意既黑松露，黑松露雜菌意粉，賣相麻麻，朋友叫的那個賣相比較好，食落都可以，不過吾算話好有特色甘，一般。不過價錢相對比較便宜，係太古呢邊食既話，算係平。不過不得不提既係份量的確係幾大既，對得住呢個價錢，如果味道再好一點點應該會吸引更多人幫襯。

印象中應該仲有架, 但唔緊要啦 放住呢3餐先XD因為佢近公司/屋企(中間)，又抵食大大份咁，坐得又舒服，所以... 間唔中都會同男人或朋友去食!芝士咖哩海鮮焗飯 $62呢個呢... 我覺得都唔係話出面有既，但又唔覺佢有特別，味係好食既，即.. 正常囉咖哩吉列豬扒飯 $53呢個呢，男人叫過幾次，次次都keep到，豬扒都大大塊，好食啊！鹽燒鯖魚配野沙律菜配飯 $60喂！呢個有驚喜! 鯖魚唔腥，仲幾好食，仲要係一個健康既配搭~ 又菜又魚加少少飯，真係健康之選!煙肉白菌濃芝士汁長通粉(改意粉) $60佢個白汁好食架! 唔會話食到底唔夠汁，又唔會太膩，食得過啊～白菌蘆筍濃芝士汁長通粉 (改闊蛋麵) $60呢個係朋友叫，我望menu估既但第二張就係我另一餐同朋友仔share既蘆筍唔老無咩渣，唔似係俾cheap野你，60蚊抵啦！忌廉鮮茄海鮮意粉 $65都多海鮮種類架，如無記錯青口都有3隻，蝦有超過4隻忌廉鮮茄汁都好好味炙燒明太子意粉 $90呢個真係估佢唔到，成條明太子俾你! 我個人平時唔多食既，但佢成條整碎左，再加埋咁多意粉，撈埋又唔算好咸，唔錯唔錯忌廉野菌芝士焗飯 $58呢個我會想佢多汁少少，食到