師父飯堂

营业中

休息中

今日既午餐選擇小店，香港既小店好需要支持星期日唔算多人，等執完枱就入得，環境舒服都乾淨。座位距離唔算近有位大年級既店員，唔知係咪就係師父本人呢haha我地點左咖哩雞球飯(多汁)，跟熱檸水。雞球熱身，麵粉都唔硬，應該係新鮮炸起，不錯咖哩味道偏日式偏甜，岩我口味另一道係香蒜辣椒蟹肉闊蛋麵，跟凍檸茶呢個就唔夠汁太乾身，味道都可以再重D蟹肉太少，要好努力咁搵先有蛋就正正常常 無特別建議其他朋友可以點其他食有待改善

雖然我唔係白領人士，但以價錢，份量嚟講，真係好適合打工仔，寫字樓去食，唔會好貴，又唔會話非常飽，但食左唔會餓，同埋配搭都幾健康，有肉，多菜，小量澱粉質，味道都唔錯，不過我就第一次幫襯，可能又係繁忙時段啦，人手又好似唔係好多，諗住餐單就係眼前嗰個，就無問店員攞餐牌，點知原來喺餐廳寫既黑板，啲餐都係有啲唔同，第一次嚟就真係盲摸摸左啲，然後排隊買餐既時候又有另一個餐牌係焗飯，咖哩⋯⋯下次會醒啲，睇晒先再點餐營業時間門外餐牌，因為我哋到達既時候唔洗等，無留意到有咩食，走嗰時係門口等𨋢先見到有西冷牛扒，友人比較想食牛，就感到可惜左小小🤭我地坐位後面既餐牌排隊買餐時候扭轉身見到嘅餐牌行到去收銀機度先見到嘅餐牌鹹牛脷野菜沙律配飯（走飯）如果沙律醬可以多啲會好啲，好彩問到店員比多小小，因為佢哋真係好忙，都唔好意思麻煩到佢😅吉列豬扒野菜沙律配飯

去過兩次師父飯堂要中午時間去到、唔係都大排長龍選擇都算多、價錢大約六十蚊今次試左煎素鴨沙律及飯個煎素鴨面脆脆地、樂清新、樂多沙律菜、配飯個瓜都好食加兩蚊試埋紅菜頭蘋果汁、雖然唔係鮮搾、但都好飲友人個焗芝士豬扒飯樣子也很不錯值得支持的小店

無花巧的烹調方法; 無花多眼亂的菜單; 無嘩眾取寵的潮流打卡必食啅頭。吃的就是食物的原味，優質食材加上恰到好處的調味，麵條上都掛著一絲絲的蟹肉，你不會看見大塊的肉或油膩的麵條，但放進嘴裡你總會感受到鮮香的蟹肉味道，整道菜清而不淡。餐點份量挺多，但不知不覺一口接一口就吃完了。蝦醬雞翼是必點的，生炸的香脆雞皮裹著那種鹹香，估計無人不愛。紅菜頭蘋果汁配搭新鮮，更加畫龍點晴，均衡了整頓飯的健康清新感覺，就算沒有一百幾十種菜品給你選擇，自然也想一吃再吃。

今日同朋友來食午餐，這間之前同好朋友翠翠來食早餐，記得好豐富又美味，所以今日帶了另一朋友來。環境寬敞舒適，設計美麗又有心思，好開陽好明亮的感覺；服務也不錯，入到去有個姐姐幫忙量體溫，有餐牌在counter位置，是日午餐就寫了2個黑板上，更有自助餐具及飲用水，醬汁也放在小矮凳仔中讓客人自行加食物選擇都幾多，喜歡這裡的食物健康唔會太油膩1. 紅酒牛腩飯牛腩好腍好入味，紅酒汁好特別，配有西芹點、洋蔥粒及紅蘿蔔，好惹味，飯的份量唔少2. 黑松露蟹肉闊蛋麵份量多、彈牙特別的闊蛋麵、蟹肉甜美又多、配有香口菇菇及黑松露忌廉汁好好味飲品：蘋果汁及自家製山楂汁

鰂魚涌返工一族食飯時間幾乎度度都勁多人，食來食去都係果幾間😑, 今次又搵啲未食過既食店試下🤔搵到黎東達中心。 呢間店喺工廈裡面，地方幾大座位其實都幾多，但中午食飯時間真係好多人🙈, 好好彩去到無耐就有位。要先排隊買飛落單，之後伙計就會送餐到你檯。餐牌選擇好多，有好多款set lunch, 可能中午繁忙時間等左都好一段時間食物先到。揀左鹽燒鯖魚餐，燒鯖魚可以吧，吾會燒燶燒到好乾身，值得一讚係佢有好大份量既沙律菜😍😍😍好新鮮好正！仲有細細份飯，成份食晒其實都好夠飽而且味道都算好好😋 $60中午飯食到呢個質素好好啦！

WFH既關係，今日有幸可以試到師父飯堂，一到門口已經好多人，原來大家都係等外賣。堂食既我就好順利咁坐低睇下食咩。lunch hour既關係，店員都好忙，所以我都好自助，自己行去order、拎埋飲品返埋位等食。今次既飲品我好鍾意❤️係紅菜頭蘋果汁👍🏻，健康補血，好啱女性飲，可惜在細杯d。（相中係比我飲左啖，原本係滿晒，但隻杯真係細😂）主食就揀左 香蒜辣椒蟹肉闊蛋麵🌶🦀，麵既口感有咬口，而且整體唔會好油，但又唔會好干身，蟹肉份量都好足，重點係成個既份量好大，我覺得男人都夠飽囉😆

樓上餐廳有隱世feel，有自己特色的裝飾，似係會文青打卡勝地。食左個白汁意粉，白汁幾濃幾好味。餐飲可以配山渣感覺幾特別。唔洗等，d野都算快上，60零蚊都算係咁。

自小在太古成長，一直覺得不是到太古城中心康怡廣場食連鎖店，便是到Aeon(jusco)買野食，直至最近得知船塢里的工廠大廈竟然有樓上cafe, 二話不說馬上換個街坊裝去食個lunch.餐廳佈局以淺色調及木製裝修為主，給我一種相當休閒舒適的感覺。午市選擇包羅萬有- 除了意粉焗飯，更有不少素食之選，岩哂咁多位vegan朋友。今天點了個香蒜辣椒蟹肉闊蛋麵，辣味十足、蒜味亦相當濃厚，蟹肉是真蟹肉，不似得有些cafe只隨便地用蟹柳充當蟹肉。意粉份量方面亦比正常西餐廳/cafe多，把大食的我餵得飽飽的。跟餐附送凍山渣甘筍汁，另外還有紅菜頭果汁選擇，相當健康有營養。師父飯堂為太古上班族的流行之選，一時許光顧時餐廳內約8成滿座，想食的朋友可能要預早攞位哦

好多款意粉可以揀，我拿不定主意，都係叫個最普通的卡邦尼意粉。$60仲有餐飲，飲品我點了山渣甘筍，看似幾健康。意粉份量係其他餐廳的兩倍，沒什麼信心能吃清。意粉硬度很ok,偏硬但全熟，醬汁份量剛好，全都掛在意粉上，雖然相片看到好似好少汁，但食落沒有太乾，剛好。正常鴨胸都係咸，但意粉醬汁都夠濃，於是夾埋鴨胸就係覺得鴨胸很咸😭😭😭而且鴨胸份量都幾多。吃到一半已經飽了，因為醬汁幾膩，唯有找男朋友同我清埋佢😌😌山渣飲品真的很開胃，飲完就消左卡邦尼汁嘅膩。整體環境很好，最近傳染病幾嚴重，餐廳開了窗，保持空氣流通。座位都寛鬆，冇壓迫感。

成日見到個朋友介紹及獨食曬命，就打完個晨早波就去試下。喜出望外🤗🤗簡簡單單既設計，感覺好舒服，服務態度良好好有禮貌，更有驚喜係食物味道都好好呀！好滿足💪🏻💪🏻，飲品叫左杯即磨咖啡（好滿足到咖啡精既我....）如果要食午飯就早少少來啦！都幾多人來食架!

今日係2020年第一日開工，梗係要食開年飯啦🤣🤣揀左間黃既，我揀呢個好好食我揀左個香蒜辣椒蟹肉意粉，好掂囉佢地用真蟹肉拆肉炒！香蒜味又勁香，辣辣地又惹味正！啱晒我佢杯凍奶茶，黎時有支木棍，仲以為冇飲管，但又唔知做咩俾支棍我搞咩！原來係一支竹做既飲管好環保♻️

2019年12月30日。晴。太古。呢晚人人都有約，唯有食自己上網search咗一陣，決定幫襯呢間黃色小店～門面都四正，外面仲擺咗木凳畀客人等外賣同等位～有每日套餐～餐廳喺吉之島斜對面嘅工廈諗住應該唔多人食嘅～點知入到去差啲一個人都冇位坐之後仲不斷有人嚟等位同買外賣除咗黑板有每日推介之外，仲可以喺日常menu揀其他嘢食～睇落全部嘢食都會跟熱飲或者山楂飲，抵食喎！山楂甘筍因為唔知咩係山楂飲，當然嗌嚟試試喇～又幾好味喎！！有山楂獨特嘅酸甜味，但就唔多覺有甘筍嘅草青味，正！芝士咖哩豬扒焗飯，$60豬扒唔算特別厚，但肥瘦適中，只有邊邊有少少肥，同兩嚿骨，啱晒女仔食～調味唔錯，但焗得有少少乾得滯芝士份量啱啱好，做到煙韌拉絲效果～咖哩就唔算好多，不過就好香濃下次會試下就咁咖哩豬扒飯，唔加芝士，唔焗，試真啲咖哩味同豬扒肉質～晚餐都只需$60，抵食！會再試～

雖然成日都去太古，但次次都係係商場到食連鎖店，好少去食啲小店。今次就去左太古同鰂魚涌中間嘅樓上工廠大廈食晚餐。佢每日都有唔同嘅餐牌，個次望落最吸引就係呢個risotto😆佢食落好重蟹味，本身以為75蚊應該都唔會有太多料，點知上到黎勁足料，啲汁都好多，唔會話有啲飯係無汁，食落口啲飯唔會話好乾身😋😋😚份量黎講我覺得女仔係啱啱好，但男仔食嘅話就可能差少少了。佢呢個dinner set會包一杯嘢食，個日加左2蚊叫左個血橙汁。但其實除左比普通橙紅啲之外我都唔太知有咩分別😂😂😂

終於有機會試呢間師父飯堂，叫左個鯖魚沙律飯。可能當日人多，都等左一段時間先有得食，不過食物質素唔錯，有誠意。條鯖魚煎得剛剛好，食落脆脆地又唔腥，好多沙律菜，正！ 飯份量對女仔黎講啱啱好。見其他人食意粉🍝個買相都好靚，有機會下次黎試會試佢地既意粉。