席前

营业中

休息中

那天我和媽媽坐在餐廳準備叫嘢食 老闆娘走過來說你們只有40分鐘吃食吃完就要走我有學生來 之之後我和媽媽話唔食喇要走 佢就開口鬧人 很可怕 以後都唔會去那間餐廳*""':大家以後都唔好要去哪間餐廳

其實餐廳味道係唔錯，keep住都有幫襯，算回頭客👌🏻但係侍應態度差，尤其係男侍應（帶眼鏡、矮個位）😀一入到去，問佢野又聽唔到，佢又唔分配坐位，我地見到差唔多last order冇乜人，就求其坐窗邊位四人枱點知個侍應即刻話：兩位唔該坐另一張枱。ok嘅我地明白嘅，咁轉枱啦轉頭就有架波子泊咗係鋪頭出面，又係兩位，佢又比兩位坐窗口張枱喎，然後態度勁差話：人地有泊車～所以可以坐窗邊睇車囉～你地又有冇渣車呀😃擺到明見高拜，見低踩，依家係睇唔起我地？但係其實我地都有車泊咗係出面，我地就友善地表達我地都有泊車，都想坐近啲睇車個男侍應就即刻勁串嘴咁講：林寶堅尼？定法拉利呀？警世！原來呢間野唔渣靚車唔食得😂唔泊得車，唔坐得窗口位😂你下次貼門口呀嘛🙂‍↕️我地咪唔食囉

今日叫咗個金菇肥牛烏冬🍜，同一個滑蛋雞扒飯個烏冬比我想像中吸引，以往食依一類烏冬都好dry，依個材料多又大碗，好抵食另外個滑蛋雞扒飯🍛舊蛋係好動L，用既係珍珠米🍚，加埋d味粉，食落好豐富好入味，撈飯食一流個奶茶唔同一般奶茶，係用伯爵打底溝出黎，係另一個風味至於員工，服務非常好，非常客氣有禮貌，依間小店整既食物係會有心思地擺放得好靚，係疫情底下仲有咁親民既小店好難得，食過一次係會想再幫襯，大家都可以去幫襯下喔

我自己本來係好中意食呢間小店小朋友都都非常中意距哋嘅食物所以間中都會一家幾口幫襯平時呀姐待應點樣講嘢唔太客氣都唔太理，覺得你要客人搭枱食嘢早啲食完，唔好霸主張枱呢啲我都明解你開心時我亦都開心但係最近一次用餐真係非常之唔愉快！！！！令我感覺有呢個侍應阿姐喺度我都唔會想再去呢一間餐廳食嘢！所以奉勸大家如果係有小朋友嘅千祈唔好去嗰度用餐🙄侍應阿姐非常之唔鍾意小朋友PS:眼鏡哥哥仔同老闆其實都非常之好嘅

見有人話態度唔好，但我完全無尼個情況，眼鏡哥哥好nice，其他店員態度都好好滑蛋飯 黑椒粟米飯好好食，外賣都好快有得攞，價錢都算平黑松露炒丁好香，配雞扒一流～～～

吉列豬扒炒丁（$57）賣相：🐧🐧🐧🐧味道：🐧🐧🐧賣相方面，吉列豬扒大大塊，整塊足足佔半個飯盒大，外表金黃香脆，配以特製醬料裝飾，非常吸引。味道方面，吉列豬扒炸粉多肉少，內裡肉質偏韌有點乾，不太理想。炒公仔麵乾身不會過油，調味合適惹味可口，唯獨略嫌麵質偏淋不夠彈性。鰻魚炒飯（$61）賣相：🐧🐧🐧味道：🐧🐧🐧🐧🐧賣相方面，中規中舉。炒飯色澤尚算平均，驟眼看炒蛋、鰻魚量不少，十分足料。味道方面，炒飯由於採用珍珠米，所以口感偏向粘身，調味均勻不會過鹹過膩。鰻魚味道特出入味，炒蛋乾身香口。個人私心推介必食之選。香煎豬扒炒丁（$51）賣相：🐧🐧🐧味道：🐧🐧🐧🐧賣相方面，香煎豬扒碎上，外表焦香吸引。味道方面，香煎豬扒口感軟嫩可口，肉質不會過乾，入味不會過鹹，令人吃不停口。炒公仔麵跟吉列豬扒炒丁一樣，夠味但略嫌麵質偏淋。吉烈魚柳炒丁（$53）賣相：🐧🐧🐧味道：🐧🐧🐧賣相方面，吉列魚柳有2塊，外表香脆金黃，可惜有裂縫爛開了，扣分。味道方面，吉列魚柳外皮偏淋，內裡魚肉香滑嫩口，由於是冰鮮急凍魚柳，魚淡然無味，靠調味料搭救。炒公仔麵跟之前兩款一樣，夠味但略嫌麵質偏淋。外賣等候時間：🐧在星期六下午一時下單，由

疫情下叫外賣.餐牌最吸引的地方，居然有黑松露款式嘅食物! 點知明明叫黑松露雞扒炒麵變咗黑椒雞扒炒麵. 味道都幾重口味無諗果完全轉哂都唔出聲無的味道就不要刊登出來反感

午市入去佢地會用好奇異既眼神望住你！好似淨係會做學生或者熟客生意咁，又會問有冇book位，冇就好唔想做你生意咁既樣，呢個經歷試過好多次！每一次都係咁樣嘅態度！店員又冇禮貌，明明黎錯野，同佢講返，佢好似好不爽嘅樣！簡單嘅道歉都唔講句，食品一般質素，性價比唔係太高，如果係學生會有折扣相對地會抵啲.飲品偏甜...睇嚟淨係想做學生既生意.其他人唔係好想做佢生意咁.雖然會喺筲箕灣返工.但都唔會再選擇幫襯既餐廳！

11/10一家五口，三大兩少，六點去到，已經馬上點菜，由於小朋友未放學，所以先有三人去攞位，但不夠15分鐘，店員已經即刻問我地，你哋到底幾時齊人，於是我們便回答，你啲嘢食都未嚟到，而且我們是一路食一路等，你們不需要那麼緊張啦，但店員不停地說，我們今天收八點。店員態度10分差趕客。最終食物來了，食物質素也不用多說「差」我們急急地食完便離開了，下次不會再幫襯這店。

尋日突然想食炒烏冬 諗唔起邊到好食 記得席前有 而且近屋企 所以明知味道一般都去買7點幾鐘到 要炸豬烏冬 收銀姐好心提我話即場炸 要等 ok 見有d位吉出嚟出面又熱 有禮貌問聲可唔可以坐住等 佢話唔比 有人留枱 要等出去等 即刻黑左面 我外賣已經加左錢 點解唔可以坐係度等? 算我忍 之後係出面喪等 等到遲過我order既人都走埋我忍唔住入去問個外賣搞成點 有個4眼男服務員幫手跟 好快我見到原來一早做好 我火都嚟話佢地又要我企出去等但整好又唔出聲 個男仔道歉無句話唔知原來係我叫大佬你整好唔拎出嚟你梗乜春都唔知啦 係咪要我每5分鐘入嚟問你一次? 返到家 已經唔熱 味道一般 份量略少

早前已經幫襯過幾次 開店時間唔定 店內職員態度極差😒今日去幫襯 隔離有四個客人食嘢 食相極差 將餐具、用過嘅紙巾全部掉哂喺我地張枱度 我同朋友就拉開啲張枱 點知店內女老闆推返埋我地張枱不凸只 仲同我地講：「我唔鍾意啲枱推到咁開」請問邊個係客人🙄？過多陣有一枱人去咗 佢叫我地坐過去果張枱 態度極衰 極唔客氣 黑面同我地講：「我就係咁冇禮貌㗎喇，你唔鍾意就可以走」「我唔鍾意啲枱推咁出，你唔鍾意都冇辦法」即刻走啦 食都慳返 無謂畀錢買難受😌

- 食物一般，但態度差- 用餐後便會被趕走，如想坐耐點請有受氣的預備首先，我們二人用餐，雖然旁邊有空枱，但卻被安排要撘枱。食物一般，但叫了的熱朱古力淡得像水一樣，很難想像沖一杯熱朱古力會這麼差。用餐過後飲品都未飲完，隨即"被提醒"此店鋪會有其他人光顧、被催促埋單。但其實此時店外沒有人等候，店內亦仍有空枱。本來想待有新的客進鋪時便埋單離開，但仍未有的時候店員先是不斷走過來以目光施加壓力，之後又不耐煩地問飲品可以收未，亦埋怨你"霸住張枱"。(再次重申，此時店外無人等候並店內仍有空位)

下班後，由於買了電影票剩餘的時間較少因此決定看看戲院附近的餐廳。發現這間小店環境舒適，而且價錢得宜便選擇了它。我們點了一個二人套餐 （仼選兩串串燒，一種飯，時菜，奶油豬仔包和熱飲兩杯）$123。我們選擇了豬頸肉，墨魚鬚串，雞扒飯，飲品則點了雪梨水。雪梨水是即沖的，味道不太濃不太淡，我認為味道可以濃多一些。雞扒飯：雞扒另上，雞扒先用香草煎香再淋上燒汁，十分惹味。墨魚鬚串：新鮮，不韌，味道不濃不淡，普通豬勁肉串：蜜汁味濃，不韌，細細粒，容易吃。時菜：為雜菜，不會油油的。奶油豬仔包: 牛油味香，上桌時還熱呼呼的，豬仔包不會太硬，脆脆的，十分可口。

上星期日去左席前食lunch，點左咖哩吉列豬扒飯，熱古力，熱朱古力黎到，我飲左2啖，無味，好似飲水一樣，但顏色好深色，我同侍應講杯朱古力無味，侍應答我加糖，我話加糖未得甜味，之後侍應拎左我杯朱古入廚房，唔夠5秒，有個女人拎住杯朱古力由廚房行出黎我身邊，好大聲咁講，我既朱古力係靚朱古力，係純朱古力，你睇下杯朱古力既顏色好深色，我仲重手左添，呢d朱古力係要加糖先會吊到個味，唔係出面用開個d 3合1，我話加糖未只有甜味囉，佢聽完就拎住杯朱古力，一路行入廚房，一路話咁你轉其他野啦，之後我食到一半，隔離枱黎左一家3口既客人，幫佢地落單既人就係話我既女人，個爸爸同個仔點左凍朱古力，之後個女人好大聲話你好中意飲我地既朱古力嫁，個爸爸話係呀，朱古力夠濃味，個女人就話好囉，你識欣賞，有D人唔識欣賞，我個下嬲到震，之黎有侍應拎左杯熱檸茶比我，我話唔要啦，就買單走人。或者我真係唔識得飲靚既朱古力，但係你做服務行業，都唔應該當面比說話個客聽，我自問由頭到尾，我無講過一句無禮貌既說話，亦無大聲同你講野，我唔明白點解做生意做到咁，真係比錢買難受。

原本係諗住食華星，但之前行過見到尼間野又想試下，朋友尼緊，我就行入去啦，見到張張枱都有留位，就心諗「應該都冇位，冇位就算啦，下次再尼」跟住啲員工話你等等，我諗諗點搞先。咁我就等啦，之後叫我坐尼頭一坐低，個頭有個女員工行過尼同我講話「係見你行左入尼，冇計先諗諗辦法俾你坐」「冇得坐同一邊，要對住坐」我點左點頭啦，佢又話「你朋友到未啊？」我指左指岩岩到門口嘅fd，我fd坐低冇耐就又聽到果位啊姨又開始係度吟吟沉沉，冇耐又話「快啲點野啊，一陣好多人啊、冇位啊、等得耐」之類趕我地走咁....但其實由我入去到我準備點野，5分鐘都冇....我心諗我入尼見到，我先知道訂晒位，咁冇位，我咪走囉，係你地叫我坐低，咁既然係咁，你員工又講野俾我聽，想趕我地走咁，又咩意思呢？後尾嬲嬲地，走左去華星食...雖然無緣嘗試尼間野嘅美食，但啲員工嘅態度我諗我都未必會再去，去食個飯，未食就已經食飽晒🙄