席前

营业中

休息中

上星期日去左席前食lunch，点左咖哩吉列猪扒饭，热古力，热朱古力黎到，我饮左2啖，无味，好似饮水一样，但颜色好深色，我同侍应讲杯朱古力无味，侍应答我加糖，我话加糖未得甜味，之后侍应拎左我杯朱古入厨房，唔够5秒，有个女人拎住杯朱古力由厨房行出黎我身边，好大声咁讲，我既朱古力系靓朱古力，系纯朱古力，你睇下杯朱古力既颜色好深色，我仲重手左添，呢d朱古力系要加糖先会吊到个味，唔系出面用开个d 3合1，我话加糖未只有甜味啰，佢听完就拎住杯朱古力，一路行入厨房，一路话咁你转其他野啦，之后我食到一半，隔离枱黎左一家3口既客人，帮佢地落单既人就系话我既女人，个爸爸同个仔点左冻朱古力，之后个女人好大声话你好中意饮我地既朱古力嫁，个爸爸话系呀，朱古力够浓味，个女人就话好啰，你识欣赏，有D人唔识欣赏，我个下嬲到震，之黎有侍应拎左杯热柠茶比我，我话唔要啦，就买单走人。或者我真系唔识得饮靓既朱古力，但系你做服务行业，都唔应该当面比说话个客听，我自问由头到尾，我无讲过一句无礼貌既说话，亦无大声同你讲野，我唔明白点解做生意做到咁，真系比钱买难受。