常滿百家菜 (已結業)

08年2月2日星期六晚, 有個朋友話呢度抵食, 於是四個人走上來試下。初頭以為係d菜擺晒出黎任你夾那種, 誰知原來是要點菜。又試下啦...我地早到, 頭一輪的單無漏單, 一開始上來的蘿蔔絲酥不錯, 冷盤不錯, 炒飯也不錯, 以為無揀錯地方啦。問佢果汁先生是否任飲, 佢話係, 但埋單發現原來要另加$10, 不過d果汁先生係原汁原味, 無溝水, 都算ok。但有d菜真係離晒譜, 例如沙爹粉絲牛肉煲, 完全無沙爹。點知後來人越黎越多, 坐的地方越來越逼, 因為佢不斷開新台。而且漏單情況非常嚴重! 一個菜可以order第三次先上到黎!最激氣地方是: 開始時問佢有否限時, 佢話無; 但食左2個鐘後, 再order時, 有個waiter行埋黎話「不如一次過order你想食的東西, 咁會...(聽唔清佢話咩, 鬼食泥咁)」, 咁就一次過order多d啦。但剛order的才上了一半, 那個waiter行埋黎, 對張單俾你叫你找左數先。咁找數囉, 反正仲有一半未上, 食埋先走。點知唔夠一陣, 又有個waiter行埋黎, 一二三收晒我地d筷子碗碟! 我同佢講「喂, 仲有d野未黎喎!」, 但佢無理我就走左!哇

唔好理人點寫，都係一個參考啫，自己試過最實際，每個人口味不同，門口宣傳單張寫明茶茗每位5元，明碼實價，坐低經理已取出2款點心紙，表示$38任食下午茶是可以叫這2款點心紙，最欣賞的地方是點心可以遂件叫，例如2隻蝦餃、1隻小籠包、1件蘿蔔絲等，又可以試多幾款又可以唔浪費食物！蝦餃、南瓜露、紫羗雞好食，小籠包及蘿蔔絲就好普通，極力推介--大澳蝦醬炒飯，很乾身，服務普通，但侍應唔夠，個個做唔停，很耐都無清枱面的點心籠，有個叫呀妹的妹妹仔好好笑容，很有禮貌，食到好飽！連茶錢加一每人$47.5。

上星期三點幾想去飲茶, 而其他茶樓又多人, 咁啱經過見到所以一試, 點知一上到去, 佢地話Last order 係四點三, 所以就唔食任點任食下午茶, 散叫點心, 大中小點同價, 不過我地等咗幾耐, 有d唔耐煩。食物質素一般, 點心種類較少, 蒙古流沙飽真係好熱....但係太過'流'質。我諗下次都係去番普通茶樓比較好。

整體....普普通通...檯好多...好"big"的感覺...廣告話有花茶啊...之類的...但伙計只會問"要飲咩茶?"..無介紹自己有花茶...可能係無...(叫咗茶,先想起個廣告有花茶)小籠包/蘿蔔絲卷..見有人話好食...但覺得小籠包普通...蘿蔔絲卷唔好食...叫咗鯪魚球...嚟咗山竹牛肉...小菜都還可以...細細碟...可以試好多款...最差的...蓮子桂圓茶,超甜...豬肚,好"蘇"味...不過...下次可以試下火鍋...可能幾好...

星期四既下午黎呢度食下午茶,本來見到價錢,諗住唔會好高期望,但原來都唔錯~~我地兩個人叫左都好多野,有小籠包,燒賣,蝦餃,馬拉糕,豆花,南瓜露,楊枝金露,上海粗年糕,旦旦面,奶黃包,菜肉包同蘿蔔絲酥餅。雖然唔係樣樣野都好好食,都當中以小籠包同蘿蔔絲酥餅好好食~~我地仲食左好多round小籠包!

要出旺角辦點事。經過繁忙的女人街﹑彌敦道，人多的旺角真的很辛苦，幾經辛苦到了常滿(忘了在哪...)，本來想舒舒服服來嘆茶，怎料...一)坐的位子和對上一次來是一樣：出菜處旁的加檯位。點心在我後面出出入入，我要澹前顧後免得受傷<事前叫朋友有位就轉，我上到去都見到有幾張細吉檯，但朋友沒意欲轉，我就算數>二)出菜處的衛生很差，地下濕濕的；正正在我右手旁的廚房位也很油淋淋...論食物，除了蝦餃﹑小籠包和上海炒粗仍是很美味外，其他的點心也很普通。要特別說一說，蒸雞和蒸排骨的油多到是離譜﹗是油浸雞和排骨才對﹗埋單要收茶錢，ok，估不到現在要收十元酸菜費(朋友事先吃了，是酸辣芽菜來)，我覺得你要加價的話不是不可以，但下午茶都要收酸菜錢﹖就真係過份了點囉~與朋友決定了，現在的常滿，少來為妙。

今晚同女朋友上去...預先book左位...仲早少少上去放低左個蛋糕...^^..因為係附近做野..午餐上過黎飲過一兩次茶..第一之黎食晚飯聽佢d員工講有任食...咪試下黎食晚飯..順便同女朋友慶祝..可能我比較苯...一開始都唔太明白點叫..後來有個男人主動走埋黎同我地講點叫....最近我先明..仲比我女朋友笑我...t.t..呢度d點心不嬲都幾好食..所以主力叫左d小菜..醉雞- 入口好香酒味..後來先知原來佢地用d酒同 d雞一齊煮..所以有酒味..(不過不失)京醬斑球- 雖然係一件件..唔似斑球.不過d魚肉好滑.. 又幾野咪..(正)小籠包- 成個都係湯係入邊..(正)奶油扒娃娃菜- 好濃既奶味..都萛ok..(不過不失)仲有幾樣都好好味..不過我唔記得左叫咩..= ="我女朋友見到又有蛋糕..又有燕窩食..開心都踢我一啖..最後同女朋友食埋個蛋糕同個燕窩甜品先走..總括呢度食晚飯都ok..都唔萛好差..^^"

請小心!!!宵夜自助餐$78+ 每位多收茶芥9 蚊*+ 再另收小菜費8 蚊*(* 餐牌上沒有註明)計埋加一,每位100 蚊------------------------------------- 收費含糊, 生意手法有心誤導消費者, 雜誌寫住小菜$78, 並無顯示要多收9 蚊茶芥及8 蚊小食。服務欠佳, 經理的態度奇差, 黑口黑面, 吾似真係做生意既餐廳. 味道沒什麼太大特色, 完全吾值得幫襯, 一d都吾低食.招牌菜: - 怪味蘿蔔絲酥餅- 咸到爆蔥爆牛肉- 咳水味楊枝金露- 塑膠般硬桂花糕- 白灼澆酒冰鮮醉雞...........不能盡錄...........請小心, don't waste your money, go somewhere else !!!

同朋友去過2-3次下午茶好似係30幾蚊任食2:00-5:00, 不過加埋一同茶錢都係要40幾蚊佢款真係唔多, 不過d點心幾好食,好似蝦餃,小龍飽仲有出面比較少有既芝麻卷, 楊支金露都好飲另外佢d茶都幾好, 係馬比屋村酒樓d茶葉好服務似番做真係做生意既餐廳. 我真係試過2:00坐到5:00幾,個場都爆爆地,我地幾個人打左成2個鐘頭機都無話口黑面黑咁對我地.總結下午茶點心不及同價的小肥羊多, 不過佢係馬有2份1既點心都真係食得下, 我會選e間多過小肥羊因佢坐得舒服,茶夠濃,味道岩我,因我可能鐘意食小龍飽及芝麻卷

星期6下午和屋企人食個下午茶上網見評語不錯又抵食2-4:15 $38...茶介5蚊3人再另收小菜費6蚊$149三人行味道一般沒什麼太大特色想平平地飲個茶食個飽坐低傾下計都算抵食選擇

下午茶$38,任點兩款紙流沙包- 一口咬落去,流沙流晒出來,味道算ok蒸排骨- 味道ok ! 但太多肥膏燒賣- 無咩特別馬拉糕- 好味,但不夠鬆軟炸雲吞- 即叫即炸,好脆!好新鮮!蘿蔔絲酥餅- 好鬆脆!炒年糕- 好好味翠玉瓜- 咸死人,翠玉瓜蒸到淋淋淋..........花素餃- 無咩特別楊枝金露- 味道怪怪地,都唔知飲緊咩雖然只是$38蚊我的下午茶,最值得贊賞食物是即叫即蒸,夠新鮮,夠熱計埋加一,每人四十幾蚊

完全要back list哩間菜館, 收費吾清晰, 服務欠佳, 同陳少君經理理論收費價格吾合理, 竟然當眾發惡, 自己餐館收費含糊, 仲惡人先告狀, 簡直不可理喻, 好冇品既人格, 吾值得再幫襯, 我地食左晚餐自助餐, 一d都吾低食, 四個人食左5百幾, 成餐日本菜仲低食好多.

本人跟3位朋友, 一共四人在2007年8月24日到旺角常滿百家菜晚膳, 該舖是以任吃任食為提, 每位計算, 而點心選擇紙上寫明晚市任點是用六款紙, 而六款紙的收費是$68(#Photo 1).因我們之前已到過上址進食午飯, 午市只有3款點心紙選擇$48, 兩點鐘後下午茶時段只有2款紙選舉$38, 宵夜時段$78, 當我們在晚飯進食到一半時,有位打呔的人兄過來問我們為什麼還未叫頭盤, 我們覺得很奇怪為何任吃也有頭盤呢, 經再雙方討論查詢, 發覺該舖晚市必須要我們選舉A, B, C三款其中一款頭盤套餐(收費各有不同, 最貴的$138, 最平宜的都要$108)才可任吃任食點心紙上的食物.然後他便拿他手上的餐牌給我們看, 說這裡已經註明清楚晚市的收費, 事實上餐牌的確有註明套餐價錢, 但我們認為只是供客人其中的選擇, 如不喜歡吃頭盤可以不選擇, 只選任食便可. 但他們說是必需要的, 就算不喜歡吃頭盤也需付同樣的價錢, 我們便開始質疑為何點心紙上會寫明晚市6款紙及價格, 另一位經理陳少君解釋, 這是供應給午市時用, 不是晚市用的, 更說點心紙上寫錯, 用完這批點心紙後會修過印刷, 另外餐牌上沒有

同屋企人同親戚黎呢度食~因為佢地食過dina話唔錯!去到11:30仲未有好多人!個場真係唔旺有48蚊同68蚊~最後都係試左68蚊,因為有其他小食食~點心食左:流沙包,真係幾好食呀,食左2個!蒸排骨,幾正,同稻香差唔多!蝦餃,好多蝦,不過d皮會甩@@燒賣,一般啦,冇special馬拉高,好一般炸雲吞,好新鮮,即叫即炸,好脆蘿蔔絲so餅,好鬆脆,GOOD!其他:食左炒年糕,如果辣就好食!甜酸排骨,好香好好食,不過好大碟咕嚕肉,好正呀都!娃娃菜,唔好食,好老水主牛肉,好ma辣,幾好食東坡肉,好好食,一定要叫呀!魚頭,我冇食,不過佢地話正呀都!流沙旦,個質感唔錯,o係出面好難食到既!佢地個姐姐好好人^^d點心開頭出得慢左少少!不過後黎好快!可以由11點食到5點倒~真係一個唔錯既choice,同屋企人食佢地實中意~

上星期同爸爸預先慶祝父親節,走左黎呢度食.果晚勁大雨又係平日,所以上到去得幾台客,反而少人我地食得幾開心呢,上菜好快,而且service唔錯!講返佢地既任點任食先...我又覺得ok wor,試左好多款,都唔算太差姐!我好鍾意食炒什菌,佢地d小菜有d都好正!仲有炒蝦仁,擔仔麵,芝麻糕同一個甜甜地既排骨都唔錯wor! d點心就一般吧,九不理and翠玉瓜不試也吧...個炒年糕其實我都好鍾意呢...不過屋企人話太清,無咩味,我反而鍾意清清地,而且主角係年糕嘛,佢夠煙un唔過淋,呢d口感我鍾意呢!個人口感關係,我覺得ok喔,加上有discount所以唔貴...所以我會再黎的!不過如果真係話食正宗上海菜或川菜者,呢度唔係咁適合吧!