影片
港铁坚尼地城站 B 出口, 步行约3分钟
继续阅读
电话号码
28189686
营业时间
今日营业
08:00 - 20:00
星期一至日
08:00 - 20:00
以上资料只供参考，请与餐厅确认详情
屋企不嬲有拜開神，每逢初二、十六老豆就要我搵隻雞嚟「做牙」🌟搵咗好多間燒味舖，唔係啲雞太老太韌，就係鹹到阿媽都唔認得😞今次終於俾我搵到呢間📍平福燒臘飯店😍😍舖面唔算特別大，未入到去，門口已經有一堆人排緊隊👥一張木凳，幾盞豬肉檔feel嘅射燈💡比起嗰啲新派風格嘅集團式燒味店，我反而幾鍾意呢種，有傳統老香港嘅格調。一隻雞🐔收我120蚊💰聽講係最近加咗價🥲不過返到屋企打開個發泡膠盒，咦又真係唔錯wo😍大大隻，淺黃色，「令」身，老豆話睇落都唔錯，幾新鮮👀呢間係我個friend介紹嘅，佢話通常買開半隻雞加餸，即日食〰️佢仲同我講，話啲雞好有鮮味，唔會醃得太耐，口感適中，唔韌，但又唔會白雪雪冇味咁😛雞脾大大隻，又多肉，食得過咁話wo🤣我半信半疑。可能因為我唔係即日食，其實都少驚擺過雪櫃，隔咗晚會無味。點知加少少胡椒粉一蒸♨️攞出嚟一睇，啲雞仲咁令身😍🧡咬落去，雞味竟然仲冇走到！！！雞脾又真係大大隻，唔鹹唔韌😍一路食，我合埋眼，慢慢咁咀嚼，雞皮入面好似仲有啲雞汁，唔乾身，雞胸肉超大舊！有啲燒味舖骨多過肉架麻🥹呢間竟然調返轉😍入口即融，用嚟送飯真係啱哂👍🏻👍🏻👍🏻120蚊，雖然真係貴過隔離少少🥺🤌🏻但總括嚟講，我好肯定，呢120蚊係值嘅！做牙搵雞終於可以搵到啱到我哋成家人食嘅😋😋😋有時原來真係，齊齊整整，一齊坐低食餐飯，唔一定話要九大簋咁豐盛〰️一隻靚雞，加碟菜，舀碗飯，咁就一餐🧡#小橙Tinyan又去邊度食#原來係平福燒臘店😋𝙁𝙤𝙡𝙡𝙤𝙬 𝙢𝙮 𝙥𝙖𝙜𝙚🌟〰️𝙛𝙤𝙧 𝙢𝙤𝙧𝙚 𝙛𝙤𝙤𝙙 𝙧𝙚𝙫𝙞𝙚𝙬🍊🧡
继续阅读