幸匠燒 (海運大廈)

营业中

休息中

下午同媽咪在尖沙咀逛街，到了旁晚時分來到了海港城就覺得肚餓了。在海港城食肆林立，揾嘢食很容易，但做面對這裡所提供各國不同美食佳餚，做決定去食咩野就有些難了，特別是行了幾個小時的街我和媽咪都累了，想揾間好些的餐廳既能欣賞維港景色，又能歎下美食的餐廳。行到來海運大廈4樓見到幸匠燒日式料理，只見餐廳裝修設計以日本鳥居和神社為概念，猶如置身日本旅行。食客還可以邊享受精緻日本菜，邊飽覽絕美維港海景，這十分適合我們的要求。餐牌上有各色各樣的日式刺身、串燒、天婦羅、以及各種不同搭配的日式小食，真係琳瑯滿目，應有盡有，讓人目不暇接。店員殷勤專業，招呼客人有禮，做嘢動作麻利。我們點了個“幸の晚宴” 二人套餐，套餐包括：1) 餐前小食：脆炸白蝦和味醂魚幹，其中味醂魚幹食起來的口感像豬肉幹，咬落煙煙韌韌，魚鮮與味醂的甜和清酒味混合，用來飲啤酒絕對一流；2)幸廚師沙律，萵苣拌著蟹肉食落口感爽脆味道鮮美，相當醒胃；3）刺身三品盛，拼盤裡的北海道帶子肥大肉厚鮮甜美味有嚼勁，甜蝦吃起來軟嫩鮮甜，拖羅肉身呈粉紅色，肉質油潤而軟滑，天然魚油脂味道濃郁甘香，入口即溶，食完唇齒留香。4）串燒六品裡有極品牛舌芯、黑豚肉、雞翅

食品質素幾好，第二個餐還有買一送一，但是牛肉就太Un,反而鱈魚就好食，五品壽司都好食，另外再叫咗個鰻魚飯都非常好。服務一流，又體貼，茶都好飲，價錢可以買埋啤酒，值得再去因為當天本身不是去這間，但是這間很多位，於是就入咗去，雖然佢好多位，但係嘢食質素都非常好。還有景觀非常優美，可以望到維港，一覽無遺，對面的摩天輪和灣仔會展都能夠看到，環境同埋食物家上嚟就一流，食物價格都很相宜，比起其他店一個人最低消費都要過千，呢度只係要200

正門參考日本古代神社嘅設計，竪立咗幾個日式鳥居⛩️，營造出一條通往神殿慶典嘅隧道。而且坐窗邊位可以飽覽維港景色🤭打卡一流📸📌31/5前 經OpenRice訂座，Lunch set 第二位半價大家快啲把握機會啦❕❕❕✍🏻Lunch set包括: 豆腐麻醬沙律、溫泉蛋🥚、御飯&味噌湯最驚喜係豆腐麻醬沙律嘅豆腐真係勁嫩滑，而且溫泉蛋🥚有好濃蛋香🤤🔸雜錦刺身沙律 💲128榮升為我哋最愛❤️‍🔥沙律，入面嘅三文魚、吞拿魚、帶子、三文魚子、沙律菜全部都好新鮮，而且份量十足，完全高性價比 🔸幸福串燒七盛合 💲288 嚟到居酒屋一定要試吓佢哋嘅串燒，七盛合包括極上牛舌芯、雞翼、雞腿肉、免治雞肉棒、豚肉串、冬菇&秋葵，樣樣都好出色，口感鮮嫩多汁，完全唔會dry❣️🔸鱈魚西京燒 💲188鱈魚係用西京漬醃製，味道甜甜地，魚肉好滑缺點: 得2舊真係唔夠喉🥺

今年母親節唔想同人迫，所以冇揀中餐，二度嚟啲間係LCX既海景日本餐廳慶祝。雖然係星期日同母親節，但係個lunch menu同平日一樣（價錢）。Lunch menu選擇都幾多，丼飯、串燒、刺身魚生飯都有。刺身五品定食：中吞拿魚腩•赤身•油甘魚•北海道帶子•牡丹蝦。刺身都幾新鮮。定食附前菜、溫泉蛋、飯、麵豉湯。另外加嘢飲同甜品都有優惠。燒頂級谷飼牛：鮮味多肉汁，牛肉嫩口。日本生🦪：生蠔中size, 大概有大半隻手掌咁大，新鮮肥味。原隻海膽：👎🏻 冇海膽味，水稀稀咁

燒豬皮 ，以豬皮烤製而成。外層烤至金黃酥脆，內裡柔軟，美味可口。日式炸雞 ， 雞肉嫩滑 ，外皮炸至金黃酥脆，內裡保持著濕潤的口感。池魚刺身 ，以新鮮的池魚製作 ，色澤鮮豔，口感清爽 。 雞翼串燒外層 酥脆 ，內裡嫩滑 。日式大蔥串燒 ， 外皮焦香脆 ，內裡則保持著脆嫩的口感。日式香辣豚肉炒雜菜 ， 豚肉和蔬菜為主要材料， 營養豐富，口感香辣可口 。和風鰻魚飯 ，  口感柔軟香甜，鰻魚經過炭火烤製，肉質鮮嫩多汁，熱騰騰的飯粒飽滿，並淋上經特別調製的鰻魚醬汁 ，美味可口 。日式咖喱肉碎烏冬，烏冬滑嫩 ， 咖喱中的肉碎 口感細嫩多汁， 味道濃郁香辣，但同時又不失清爽口感 。抹茶紅豆蕨餅 ，  蕨餅口感軟嫩，帶有微微的彈性，和紅豆的香甜相得益彰， 而抹茶粉的香氣和苦味，則能夠平衡整個甜點的甜度，讓口感更加豐富。牛奶抹茶雪糕 ，口感柔滑綿密，香氣濃郁。 牛奶的甜香和滑順口感 完美融合在一起。 雪糕 味道不僅清新怡人，同時也帶有淡淡的抹茶苦味，非常 美味 。

好耐冇同媽咪兩個撐枱腳，因為知佢鍾意打卡📸 ，今次揀咗一間有靚景嘅餐廳，係超靚海景！仲要坐到角位270度望到維港夜景！兩個人第一次食，簡簡單單叫咗個 #幸之最 二人套餐，唔使煩/諗食咩前茶兩品有海蜇同車厘茄，兩樣都係凍食，前者爽口，後者酸酸甜甜，兩樣味道都幾胃小食拼盤分別係炸雞塊點沙律醬，同埋炸魚仔，雖然唔知咩魚，但成條魚連骨都炸得好透，幾好食薄切白魚刺身，真係好薄身，冇乜魚味一般時令野菜串（京蔥、秋葵），正常水準串燒5款雞翼牛脷串沖繩黑豚肉卷免治雞肉棒雞腿肉配秘製醬汁主食2款分別係鰻魚飯同豆乳咖哩烏冬，兩樣都有驚喜，尤其係個烏冬，咖哩味唔算濃，但個豆乳湯底好鮮甜最後甜品係紅豆抹茶蕨餅，每人一份，開心果味雪糕好好味，蕨餅煙韌，唔錯食串燒必定要飲返杯🍶🍷🍻🍸加上室內外環境都一樣咁靚，好啱傾計打卡飲嘢，大量酒精飲品選擇～走之前唔好錯過門口打卡位呀

因為有幾張海港城coupon揀咗呢間試試，平時都唔捨得去食🤭午餐時間有Lunch set，附前菜、御飯同味噌湯可以+$10御飯升級至：稻庭烏冬或溫泉蛋飯前菜係蟹子沙律，菜新鮮，分量適中味噌湯好多腐皮圈圈，濃郁夠味今日叫咗兩個set，都會附送埋一碟小小漬物👉🏾極上牛舌丼👅牛舌鋪滿飯嘅表面，上面再灑咗啲木魚絲，賣相100分下面淹沒咗隻溫泉蛋，影佢唔到🥚牛舌係薄切嘅，食落會無咁漏又爽口而且燒得香口，唔乾身，唔錯👍🏻👉🏾幸の刺身丼🍱三文魚籽•油甘魚•赤海蝦係必有嘅另外有時令直送兩品，今日係赤身&吞拿魚蓉油甘魚，赤身，赤海蝦都好新鮮尤其赤海蝦，肉厚爽口，蝦頭嘅蝦膏都好鮮甜三文魚籽應該有兩匙羹咁多，入口之後爆開嘅感覺好治癒☺️☺️☺️食到最後仲有咖啡蛋糕仔做甜品但無咩特別，可以skip咗佢🤪總結💭💭成個lunch set食晒都好飽計埋佢嘅環境同海景，午餐都值得去試吓

黎到海港城食飯 要揀靚景餐廳 係海運大廈有唔少選擇～今晚揀左間食日式串燒主打既餐廳用膳🥢我地揀左$888 二人前套餐 套餐有前菜、小食、刺身、蔬菜、串燒、主食、甜品～淨係主食要二揀一 其他都跟menu set好晒😋好幸運book到窗邊位 係望全維港景 好正 去到8pm仲可以一邊食野一邊觀賞幻彩詠香江🌃薄切白魚🐟清甜口感略帶微甜😋食入口既時候有少少回甘 令到口腔圍繞住清香清甜既氛圍 非常適合作為前菜的刺身👍🏼牛舌👅熟成度剛剛好 外表燒得十分香口🤤咬落去熟度同堅韌度把握得剛剛好 👍🏼唔會太硬又唔會太淋 而且牛肉的香味濃度高 咬落去既時候 即刻散發住濃濃牛香味道😆鰻魚飯🍱食完串燒同前菜都已經有六成飽 再食埋鰻魚飯就岩岩好 鰻魚有兩件 配埋蛋絲同紫菜再加日本米飯一齊食 簡直係一個完美既配搭👏🏼鰻魚都燒得好香 如果鰻魚汁可以再多少少就更加好啦～整體黎講食物質素 服務質素同埋環境都好好👍🏼仲有露台可以出去欣賞維港景觀～唯獨可以改善係上菜既速度😇幸匠燒 (尖沙咀)尖沙咀廣東道3-27號海港城海運大廈4樓OTE402號舖

星期六約左朋友去海港城行街，之前仲有幾張卷，揀咗一間吃日式串燒好出名的居酒屋幸匠燒第一次去比個無敵海景吸引，服務員帶我地去了卡位，風景真系好正！整間店的裝修模仿日本的鳥居，坐低點了一個二人套餐再加幾樣燒物，一邊傾計一邊望住海景，人生一大樂事❤️沙律丼飯都唔錯，燒物即叫即做，啱啱燒出黎熱辣辣吃好好味，我和朋友都讚不絕口，推薦招牌福岡豚肉草莓卷，牛舌和雞軟骨，好似置身於日本🇯🇵下次有機會再試一試其他燒物

刺生質素好一般，拖羅及油甘魚刺生都有筋，帆立貝欠鮮甜！所謂的嚴選牛排都只係正常，完全稱不上”正”! 總括而言有失所望！幸好環境氣氛可以幫手爭取一點分數，否則全軍覆沒

呢排疫症反覆係咁升，攪到冇乜想話約人出街。聖誕期間，一約就一大班總有幾個唔識，出去都冇所謂，一齊食飯就免得過都唔會了。如是者成個假期屋企休息同埋只探屋企人。我哋相約在尖沙嘴行陣街買下野，再去食串燒。由於有小朋友，所以都會選擇好坐而洗手間又企理嘅餐廳，所以選咗嚟呢度。訂左6點早啲食怕人多。前菜～太咸雞心同腎串燒～第一次食心係切到薄片，份量少亦少左口感，但雞腎唔錯。雞膝軟骨～叫四串但只嚟兩串，不過燒得幾好。香港冇乜地方有雞胸軟骨，有就更正。炸豬扒黑松露蛋飯～要求佢蛋要熟啲因為俾小朋友食，alter左佢所以comment唔到佢蛋滑唔滑，但黑松露就好香。燒雞翼～燒得好好，所以encore多兩串青椒仔～比平時食嘅大隻，唔係平時食開嗰種，不過都好食。天婦羅～我試左蠔同唔記得乜菜，正常。佢係每人有一個汁，幾好唔洗用同一個。草莓豚肉卷～第一次試，學得荔枝豚肉好食啲。酒盗芝士～成份係買返嚟放在同一個盤上，所以唔係餐廳煮，送酒一流，不過好細份。鴨肝鰻魚丼～好食嘅燒多春魚～得兩條我冇試。難得出去食緊係要飲返杯啦。

因為coupon仲有兩日就過期了，所以就快手用埋佢。我哋揀咗幸.匠燒來試吓。平時見呢間餐廳口碑都唔錯，我哋見午餐性價比什高。我哋係食午餐的，大約中午1點到餐廳，好快職員就安排我哋入座。餐廳環境以和式風格設計，好似去日本的感覺我哋叫咗2個定食，套餐包括一個沙律前菜。嚟得幸.匠燒梗係要試吓出名嘅串燒，所以我叫咗份幸之盛，裡面包括雞翼，和牛，月豕肉，雞肉，雞軟骨，香菇，翠玉瓜。我覺得雞翼和和牛係最好味的，香脆可口之餘而且保留肉汁鮮甜。其他都燒得唔錯，全部都好評。鹽燒牛扒肉味香濃入口即溶，令人難忘。最後仲有個小甜品，咖啡味蛋糕，味道就一般

因為有優惠，我姊提前為我慶祝生日，網上訂座及預付了２人前廚師發辦，包括以下的：#前菜兩品：蕃茄、海藻，都是開胃菜，不錯。#刺身三品：帶子、油甘魚、赤身，３樣都新鮮，yummy！#小食併盤：南蠻炸雞、南蠻炸池魚，雞塊juicy；炸池魚香囗，兩樣都好味！#燒時令海鮮兩品：生蠔和大蝦，生蠔有鮮味，大蝦淡而無味(忘了調味！？)#串燒兩品：牛舌和紫蘇雞肉串，牛舌有點韌，失望！雞肉串juicy，好味！#天婦羅三品：大蝦、蕃薯、南瓜，葷素搭配，不錯。#香脆豬脾伴焦糖菠蘿：本餐亮點，豬脾皮脆肉嫩，不油膩；焦糖菠蘿好好味！#鰻魚飯：鰻魚不夠肥美。#豆乳咖哩烏冬：烏冬有勁度，挺好吃的。#甜品：開心果雪糕併紅豆抹茶蕨餅，好好味，滿足！餐廳送上朱古力慕絲蛋糕１塊，甜而不膩，已經好飽，但也吃得下。總體滿意的用餐體驗。

一直都認為，買呢啲Package 都唔會有好多嘢食同埋抱住一半一半的心態，但居然有意外驚喜，服務態度友善，質量唔錯，仲要好飽，忘記了仲有個維多利亞夜景陪住你，我很少留言，但覺得要鼓勵一下，加油！P.s 駕駛人士，車駛到最後一落車就到，好近唔駛行😂

終於等到秋天，一心唸住嚟食秋刀魚剌身，點知坐低侍應話賣晒，心情即時跌落谷底；多謝經理幫手問多次，原來啱啱到貨，即時點咗一條，好新鮮！另外，又叫咗二人剌身拼盤，全部厚切。呢度串燒同其他專門串燒店比未必第一，不過，呢度有刺身同和食選擇，種類比較多元化，啱貪心嘅人。最緊要係枱椅唔會細細張，又唔嘈，十分舒適，今晚六點多D到，天色慢慢黑，中環夜景真係冇得彈！感覺價錢比一般居酒屋略高，但食物質素、環境同服務俾返足。