幸匠燒 (新城市廣場一期) (已結業)

又嚟啦！今次帶埋媽子品嚐新鮮日本菜難得生日每年得一次，生日飯就一定食豪啲啲啦所以選擇咗呢間其實食日本菜也是媽子嘅至愛之一總括嚟講鏗魚今次唔夠上次咁鮮甜其餘嘅卷物都冇退步特上刺身拼盤嘅鮮蝦真係黏到一個點有啲唔捨得吞入肚烏冬超彈牙而鰻魚飯嘅日本飯真係好煙銀啊媽子全程讃不絕口我見到佢老人家🧓吃得咁開心我哋都覺得好感恩有「幸」到此一遊🥳感恩🙏

食物新鮮， 環境舒適，員工服務很專業，亦為顧客介紹新鮮運到的海產，絕對到位！剌身/壽司好新鮮， 海膽及笠子魚超新鮮！本人推介燒三文魚松葉蟹卷，雞泡魚干送酒一流！芫茜豚肉卷，雞皮必然要試！另外欣賞這間店沒有限時，可以慢慢食！員工的服務不只是工作，亦有和顧客寒暄一番，帶來一下互動不失為一個推廣業務的機會！ 我覺得這樣是理所的事，當然食物質素一定係重要，食物和氣氛及服務超水準，必然會再來！有好食嘅地方，我不介意遠近！下次試下坐Bar檯，可以和廚師暢談一番！

食過兩次 之前沙田分店食左個early dinner，唔係好肚餓，所以都只係叫左4樣野。食物係幾好食，不過呢個價錢好似唔係幾抵食。我見人哋share lunch set好似抵食啲，平過海港城分店，下次lunch可以再黎試下🤣刺身好新鮮，都算厚身；另外芝士鰻魚反卷又幾好食喎，中間粒芝士好夾😋🔸清酒煮蜆$98🔸福岡豚肉露筍卷$48🔸芝士鰻魚反卷$78🔸刺身拼盤(8款) $358Lunch set 就係海港城既分店食，同之前京都一の傳一樣用左coupon減左$300，味道都唔錯，不過份量少左啲！個人鍾意京都一の傳多啲🤣🔸燒和牛小排$298🔸刺身五品$328📍#幸匠燒 (#尖沙咀美食) (#沙田美食)尖沙咀廣東道3-27號海港城海運大廈4樓沙田沙田正街18號新城市廣場1期6樓632號舖

小妹今次介紹的是位於新城市廣場的居酒屋🏮主打食串燒、壽司、飲下酒chill下🍺入到餐廳裏面環境比較昏暗 而且有部份枱更可以放下捲簾 形成一個屏風 非常之有私隱度‼️食物方面質素唔錯 而且款式特別 有別於其他串燒店飲品方面有酒精及非酒精飲品 Sake選擇亦非常之多🥰🍄芫茜福岡豚肉野菜卷（$38）鍾意食芫茜既小妹當然唔可以錯過豚肉好腍滑🐷 裏面捲着既芫茜亦都非常juicy火候燒得啱啱好 完全唔會乾🔥🔥🔥🍄雞泡魚干（$68）另一個當然唔少得既佐酒小食就係雞泡魚乾🐡煙韌而且帶有鹹香味 配酒飲真係絕配😍🍄明太子芝士蛋卷（$78）明太子同芝士既玉子燒係一定唔會錯！好夠熱 味道不過不失👍🏻🍄壽司拼盤12貫（$258）整體壽司都係好新鮮 完全沒有魚腥味魚生與醋飯既比例都係恰到好處🍣尤其最鍾意三文魚籽軍艦 粒粒晶凝通透 脆卜卜🍄芝士鰻魚反卷（$78）醋飯夾住忌廉芝士 外面係灸燒過既鰻魚👍🏻👍🏻都唔錯幾好食😋

疫情下無乜人 又唔洗等位 又坐得舒服 所以就入去試下😋叫咗兩個定食前菜：因為無蒸蛋 所以換咗溫泉蛋 勁開心🥰🥰因為我好鍾意食溫泉蛋 個溫泉蛋嘅汁唔會好咸 沙律又幾好刺身 $268 ：刺身高質 肉質好新鮮 鮮甜😍🤤🤤🤤🤤薑豚肉 $138 ：薑味唔會好重好辣 同個汁調得好夾 甜甜地 好好味😋總結就係價錢合理 食物質素高 不過我就食完唔太飽🤣🤫

平時好少見細佬，今日想請佢食飯，諗住請間貴少少，喺沙田新城市見到呢間，諗住會唔差。點知係伏。。不過講真沙田新城市係算多嘢食但冇嘢好食都係真！！平日星期五2pm下午去，餐廳都有人不過唔多。問職員海鮮丼入邊有啲咩，佢好似咩都唔知咁，淨係照返張圖指住有呢個啦有呢個啦，重點都係冇講即係有啲咩。仲要佢係着西裝，不像其他員工一樣着制服，我懷疑是經理。。。但問佢嘢又唔係好答唔出。。最後叫咗滑蛋豚肉飯，海鮮丼，壽司十貫全部都係伏，細佬平時咩都食，佢竟然都話大伏，真心我諗住錫下細佬點知佢都話難食搞到我都唔好意思。唉！1) 滑蛋豚肉飯，細佬話係有腥，岀到黎係暖唔係熱，豚肉勁鞋，又硬。2）海鮮丼，係最貴328，佢話冇海膽，轉左野比我，我問轉左咩佢又答唔出。。我話如果係大拖羅我唔要了。點知真係有大拖羅，睇相都睇到好撚肥。整體質素好一般3）刺身，刺身質素真係好一般，仲要有腥，我有嘔返岀黎。舊飯好散。4)茶碗蒸係餐送嘅，我諗成餐最好食係佢，茶碗蒸咁簡單嘅嘢如果都難食，成間野可以執。細佬仲笑話應該得杯茶係算最好飲。唉細佬真係唔想浪費全部野食晒。。佢呢間野價錢算貴，點知出嚟嘅嘢係難食，完全唔成比例。所以我先想寫評論出

【沙田 ⋄全新高質Omakase】 🍽 Shiawase 幸・匠燒📍沙田正街18號新城市廣場1期6樓632號舖人氣「幸匠燒」爐端燒居酒屋最近進駐沙田新城市廣場新店依舊用上日本鳥居的裝潢設計風格 充滿日本風情⛩️重點係沙田店除左串燒 仲有得食Omakase 性價比好高！Shiawase午市同晚市都只供應同一款嘅「幸 ·廚師發辦」分別有前菜、刺身、壽司、湯同埋甜品 總共16道菜🍣每一道刺身、壽司都以楓葉同食用花作點綴 十分精緻🍁私心最喜歡首圖嘅卷物 秋天當造嘅秋刀魚肉質肥美甘香另外好有驚喜嘅係鮟鱇魚肝 presentation好靚好有心思💕第一次食魚肝 覺得同鵝肝口感好似 充滿油香 好creamy而且最後仲有鮑魚+ 鮑魚肝醬拌飯 食完感覺好滿足🥰整體來講好高質 而且師傅都好用心為我地介紹 會有下次～⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ⋄ ✄ ⋄ ⋄ ⋄ ⋄ ✄ ❝我地食咗咩? ت ❞ ☞ Shiawase Omakase $1288 p.p.🔻前菜🔻⋄前菜三點盛：和牛春卷、梅酒啫喱、醋浸水雲*先由濃味的和牛春卷開始進食，最後以醋浸水雲清味蕾⋄ 汁煮鮟鱇魚肝🔻刺身🔻⋄ 昆

二訪沙田幸匠燒今次就黎食佢地既Lunch Omakase $1288包括前菜、3件刺身、壽司8貫、湯、甜品，會員優惠只需$1088呢！前菜有水雲菜、梅啫喱、和牛春卷，先開開胃3件刺身有北海道生水八爪魚 配上柚子，食落爽口 靜岡金目鯛 屬左口魚科，微微燒過🔥配上芽蔥 北海道胺鱇魚肝 夾住脆餅，加左醃蘿蔔，食落無咁膩8件壽司有石垣貝、深海池魚、秋刀魚、大拖羅、醋鯖魚、筋子、海膽白蝦、鮑魚肝最後仲有金目鯛魚湯同甜品作結呢ʕ •́؈•̀ ₎

原本12月頭想訂位一家四口食Omakase ，因為得返2個位，唯有改聖誕節boxing day 食，更加有節日氣氛。去到星師傅好細心，會問定我哋有冇咩嘢唔食，然後開始預備前菜，除了特定嘅款式會加入一啲季節限定嘅食材，師傅好似藝術家咁，將每款食材都整得好靚好好食😋有齊前菜、刺身、壽司、湯及甜品。拖羅刺身及深海池魚，海膽壽司超級好味，厚切肥美的拖羅，海膽鮮味，食完真的幸福滿瀉！餐廳服務非常貼心，整晚都幫我哋換熱茶，廚師到樓面服務員態度非常親切友善👍🏻令客人食得舒服😌特別鳴謝Caris 介紹幾款靚酒俾我哋，專業服務值得讚揚👍🏻仲有多謝店長Francis嘅款待🥰

同同事預祝聖誕，當然要揀間有質素嘅餐廳啦！大家話想食日本菜，沙田比較高質素有新嘅餐廳應該就係呢間由於要訂大枱所以留Booking已經要俾訂金買單嘅時候會扣減午餐我揀左松露魚籽雙色飯由於本身唔食生蝦所以改咗魚要讚下餐廳好細心可以改set lunch入邊嘅食材個魚生飯好新鮮，松露入口好香同帶子好夾仲有蟹肉雙色魚籽，口感好豐富，整個飯好鮮甜味道剛剛好😋。另外未上魚生飯之前，跟餐都有幾碟小食最鍾意係佢個蒸蛋非常滑好好味😋

同另一半慶祝結婚週年紀念日，諗極都唔知食咩，但好想食啲日本野又唔係放題果隻… 新開呢間日本野環境好得，我最鐘意試新野家啦！魚生你好厚切，勁鮮，但如果薄啲會好啲，之後來個番茄涼盤好醒神，沙律都唔錯，煮蜆真心一般… 整體係幾好會再encore

民先食為天智在營養先美食齊分享金目鯛愈大條魚脂愈甘香，肉質細膩，清鮮甜美，吃時滿足感會更加的強烈，特別是魚頭顱腔內含有豐富的脂肪和鈣質，營養價值很高。沙田幸匠燒製作了分類，是刺身和其魚鮫位做熱食，前者刺身油脂香味，後者燒魚鮫和清酒魚眼湯，造型發揮烹調的哲學，吸睛有噱頭，融合了講究的食材，帶來給我們驚喜，想起那些年的日本旅行⋯⋯清酒配魚湯好喝～金目鯛的眼睛好大粒，至於口味，飲落有淡淡香味嘅感覺，能析出高雅清甜的清酒湯是絕品。

一個滿足的廚師發板晚餐，最重要有新鮮的食材？計我話一個健談風趣仲會協助做手模的廚師更加重要😆我們一行4人平時去飲飲食食其實已經好嘈好癲，今次將我哋深處的歡樂都發埋出嚟食到超開心🤣呢一餐廚師發板真係非一般的發🥳 special thanks 星師傅幸。廚師發板 Shiawase Omakase $1288 ($1088 for members) 前菜三點盛Appetizer日山和牛春卷，梅酒啫喱，醋浸水雲刺身三點盛Seasonal Sashimi汁煮鮟康魚肝、昆布漬北海道赤牡丹蝦、金目鯛包炙燒左口魚群邊壽司八點盛 Seasonal Nigiri筋子壽司、秋刀魚磯邊卷、水八爪魚熟吸管、醋鯖魚壽司、北海道海膽深海池魚壽司、石垣貝、大拖羅、鮑魚肝醬飯湯、甜點鯛魚湯、抹茶卷蛋 紅豆雪糕

😋👍🏻👍🏻👍🏻一早預約左呢間餐廳同好姊妹慶祝生日，座位安排好好，私隱度好好，我哋4個閨蜜可以任講任笑都唔怕嘈親人🤣😝餐廳侍應服務非常專業同細心，詳細介紹時令海鮮同酒，尋晚介紹嘅梅酒好好飲，整晚幫我哋換咗幾次碟和加添熱茶，服務細心一流👍🏻👍🏻👍🏻我哋4個女人仔都叫咗好多嘢食，石垣貝好鮮甜、刺身拼盤、山葵日山和牛卷，牛油果軟殼蟹卷，豚肉野菜卷有包秋葵、西班牙青椒仔，蘆筍，我哋都叫咗串燒白鱔同和牛，好味爆燈，😋😋最後幫我哋安排送上蛋糕🎂俾兩位壽星女，佢哋仲有神秘禮物😝😝我哋4個閨蜜今晚好開心，兩位壽星女有一個開心嘅生日飯，多謝Man嘅專業服務，同Chiu 代安排訂位😊

男人嘅浪漫～～筋子與海膽混搭配白飯，加點山葵泥，鮮甜爽彈，入口鮮味直衝舌尖，豐富口感驚艷，真的難以形容！雙丼飯料多味美也超新鮮，筋子就不多説了，海膽入口即化，滋味著實難以抵擋，令人為之瘋狂，實在一吃過癮，絕對是一大享受！不可思議的吉列黑豚豬扒～～沙田幸匠燒唔屬高級餐廳，不可思議係廚師做到一流，唔係掛係真，佢嘅烹調手法帶出食材原有嘅鮮味，炸到酥脆，每一口充滿肉味，咬上去口感更佳。吃時「好好味呀」的融化樣子 ，帶給我們驚喜非一般嘅美食喎！廚師掌控炸物油溫等技巧方式十分厲害呀！整體來說，「筋子海膽丼飯」及「吉列黑豚豬扒」絕對能滿足食客的味蕾，念念不忘的美味。