幸福單品咖啡

营业中

休息中

網路上見很多人都推介這間隱世cafe小店,於是趁平日放假去chill一下。藏身於角落的一間小店,地方小小,但卻展現了店主悉心的佈置,輕輕的滲透出點點jungle的感覺。見大部分人都推介超.幸福三文治,雖然已經有心理準備知道份量十足,但當老闆娘端上三文治的時候,真是情不自禁地「嘩!」了出來,因為份量真的是十分驚人,絕對要兩個人share。真心推介這款三文治,味道一流,份量十足,熱辣辣香噴噴地滿足味蕾!店舖有提供多款不同種類的咖啡,而且提供預訂咖啡豆服務,絕對是咖啡迷的福音! 今次品嚐了紅櫻桃咖啡,帶花果酒香,香氣頗為特別。最後,值得一提的是老闆娘超nice,令已經滿足了的味蕾再添一絲絲幸福。

幸福單品咖啡 (西環) 被譽為隱世咖啡店 巨型三文治🥪佢嘅三文治係非常之足料 層次亦都非常之豐富 有三層厚嘅麵包塗上牛油後烘至黃金微脆 建議一份可以兩個人share！▫️芝士蛋三文治 HKD35同上面形容嘅三文治一樣 自己覺得比較特別 佢仲有好多其他嘅選擇 例如牛油果煙肉午餐肉 等等配搭都幾多 麵包到鬆軟有質感！好吃 出邊好難食到😋▫️阿田真情咖啡 HKD50佢呢度有好多好多唔同種類嘅咖啡選擇 但係唔覺得有咩大特別既分別🙂▫️Ice latte HKD50好普通 如果有下次都會想試吓其他總括而言 呢一間其實最主要都係食佢個三文治！性價比算幾高！不過呢間係完全冇service的 落單要自己寫紙仔 老闆娘忙起上嚟甚至乎要自己拎order😂 係我幾surprise嘅😂不過個老闆娘都好熱情好好人的👏🏻📍 幸福單品咖啡 (西環)西環西營盤英華臺1-6號華輝閣地下1號舖🚦地鐵站C1出口 行兩三分鐘左右就會到

幸福單品咖啡店 西環西營盤英華臺1-6號華輝閣地下1號舖超幸福三文治  ★★★★★  $60這份巨型三文治果真足料非常，層次豐富，三層厚的麵包塗上牛油烘至黃金微脆，中間夾著芝士、餐肉、炒蛋、青瓜、火腿和海苔，當中蛋味濃香幼滑，而海苔的味道更是一絕，所有配料與調味混合得十分融和，整個份量大得可以二至三人分享，吃起來真的有滿滿的幸福感！東帝汶阿拉比  ★★★★★  $45這家咖啡店主打製作虹吸咖啡，店主選用了不同超過30種產地的單品咖啡豆，經浸泡後咖啡熬煮出來的味道和口感都比一般咖啡醇厚濃郁。這次來到店主便推介了東帝汶阿拉比這款咖啡，它的風味較厚實，帶有濃郁果香和焦糖巧克力香，甘苦味屬居中，喝起起來十分細膩，個人好喜歡！

超幸福三文治， 沙律及飲品。 選擇多 用料足 大大份 一份差唔多可以兩人食。用料調味一流， 味道啱啱好唔會過份咸。 超足料。 多士toast得好, 夠色但 唔會 太脆 太硬。 個炒蛋炒得好fluffy。 司華力腸 好好味 唔會太鹹。 沙律菜非常新鮮 沙律調味清新 用料足。 大推焦糖奶茶， 超好飲， 超大杯, 茶味好香 唔會過甜。 打電話叫外賣 快捷 又方便， 包得好有心機。 店員友善又 helpful。 可以每個weekend來當brunch takeout, 好味又唔會怕肥。 因為太好味唔記得影相添

我已經搵到幸福😋超 幸福三文治，材料豐富，有青瓜，餐肉，雞蛋，芝士，火腿同海苔，炒蛋加入海苔，口感新鮮特別，味道濃香，麵包用上麥包，經店家烘烤後入口鬆化麥味滿滿，而杯咖啡就交比老板介紹，佢介紹左一隻雲南咖啡豆，味道濃而不苦，略帶果香，口感幼滑。老板亦好喜歡跟客人傾計，會主動問客人食物意見，亦會細心講解各種咖啡豆特性，感覺舒服有人情味，加上小店環境布置舒適，客人可以放鬆心情享受一杯幸福咖啡同美味食物。

在西環的一家溫馨小店, 看menu主打咖啡和三文治, 成間小店帶💡輕工業風但又色彩繽紛, 入到去仲播住有迪士尼樂園音感既音樂都幾歡樂( ⸝⸝•ᴗ•⸝⸝ )੭⁾⁾----*🥪超·幸福三文治 $60⭐️(9/10)----*🌹玫瑰少女咖啡 $50⭐️(6/10)----*🍳英式All day breakfast $68⭐️(6/10)三文治好大份！勁多唔同既餡料令口感變得豐富, 想唔到青瓜同海苔係咁夾咁好味🥒又可以中和芝士同餐肉既咸香, 就好似一份超高質既公司三文治 食完真係有種幸福感💕玫瑰少女咖啡的咖啡味同玫瑰味都比我想像中淡, 但男朋友就覺得好好飲. 英式All day breakfast 正常產出 不過不失簡單總結: 為左三文治去食都值得 ✿︎

兩三年前有人介紹我呢間小店，終於醒起要試試佢😗最出名就係佢嘅足料三文治‼️同埋佢哋有好多唔同嘅咖啡豆選擇☕️❃ 超。幸福三文治 $60份量真係好多💕已經切開咗四份，好方便同朋友share🥪有三層麵包，夾住餐肉炒蛋同埋下層嘅芝士火腿、青瓜海苔✨啖啖都係滿足感，炒蛋好滑，最特別係海苔好出色好香呀～麵包係偏厚有烘過，鬆軟有質感，麵包邊亦不會硬🍞❃ 法國墨紅玫瑰茶 $30🫖因為我唔飲咖啡，所以叫咗一杯玫瑰茶，用上原顆玫瑰花沖泡，聞上去幾香，但浸落會有少少苦澀～但勝在夠大杯😛

近排嚟到西營盤食三文治 佢嘅三文治幾出名 睇落好吸引 唔知好唔好食呢😚👅真·幸福三文治 $60佢嘅三文治真係超級大份🤩超級足料 有芝士 餐肉 炒蛋 生菜同吞拿魚 佢嘅炒蛋加咗黑芝麻 令到佢更加香😋同埋食落幾滑 餐肉都幾厚切 吞拿魚嘅份量都幾多 加埋所有嘢一齊食幾好食🤤👅超·幸福三文治 $60呢個仲大份過上面嗰份三文治😱佢有三塊厚切嘅麵包 麵包烘到外皮微微香脆 入面好軟熟🍞上枱嘅時候熱辣辣 呢個三文治都好豐富 都有芝士 餐肉 炒蛋 仲加咗青瓜海苔同火腿😛男女小編都覺得呢個好食過上面嗰個 好推介大家一試‼️青瓜令到三文治更加清新 就算好大份都唔會覺得好漏 海苔令到口感更加豐富 真係好正😋不過如果兩個女仔嚟應該叫一份三文治就夠晒總括嚟講 呢間餐廳嘅三文治幾高質🤤鍾意食三文治嘅人要嚟西營盤一試😚😋 好味：8.00/10🤑 價錢：7.93/10🤗 服務：7.56/10😝 環境：7.32/10😚 衞生：7.28/10🤩 整體：7.89/10

之前經過發現到西營盤有間精品咖啡小店，決定嚟開呢頭就過嚟試吓！！☺️☺️小店不論收錢、煮野食、沖野飲都係由老闆娘親自打理，應該主要做街坊鄰居生意，上次過嚟既時候，老闆娘雖然好忙碌煮緊野食，但佢都好好客咁叫我自己寫低想食咩再話俾佢知😝😝感覺到佢雖然好忙，但都好有心咁煮好每一樣食物俾客人。小店食物都係以三文治/粉麵為主，係一間令人感到好寫意嘅舖頭～😌自己本身係麵包控🥖🥯🍞個次就叫咗佢個 「幸福三文治🥪」呢個 幸福 三文治（餐肉 芝士 炒蛋）真係超大份🤣🤣🤣可以當brunch咁食，麵包用咗厚身麥麵包、加上牛油一齊烘，表面得十分靚，外邊脆內軟，炒蛋落咗黑胡椒～味道更特出，好多料，食得非常滿足！😋

你也是多士控嗎？😋那麼你一定要來嚐嚐這家小店店舖麻雀雖小 但食物咖啡都是精心出品推薦大家周末來這裡放鬆一下🌟▪️超。幸福三文治🥪 $𝟔𝟎看到圖片都感受到幸福了吧！❤️三層麥包夾著海量材料 超級厚身每塊麵包都充滿牛油香 烘得非常脆👍裡面有芝士、餐肉、青瓜、火腿、海苔和炒蛋炒蛋可以加一款調味 選了黑芝麻但不濃味😯反而海苔的香氣很突出 非常喜歡！⁡▪️牛油果芝士炒蛋三文治 🧀 $𝟓𝟎材料同樣非常豐富 牛油果夠新鮮🥑這份炒蛋選配了薑汁 配搭意外地好吃裡面還有些薑粒增添口感👍薑味不會過分搶戲 微微辛辣 味道很特別 如果不太餓的話 兩個人可以先點一份share不夠的話才加 因為份量都頗多～還有很多特色咖啡 下次再試試臨走之前 女店主在廚房忙碌當中但她仍會特意向客人們說謝謝 問意見☺️有時候就是這樣簡單的一句話便會令人感到很窩心 很喜歡這種人情味💛

幸福單品咖啡 幸福單品咖啡位於西營盤正街入面嘅屋苑平台。老闆娘阿田(唔係Edan )曾經喺台灣開過咖啡店，覺得香港人生活太快，黎到香港之後決定又開間咖啡店，打造一個幽靜嘅環境，受附近居民歡迎。餐廳主打多款爆饀三文治，同多款來至世界各地嘅精品咖啡。 當日去到，見到店舖環境真係好細。得一個台灣人一手包辦。客人都好似同老闆都好熟咁，feel 都好溫馨嘅感覺，好似嗰D街坊餐廳咁。 真幸福三文治$60 份量真係非常幸福，非常之巨大。入面嘅配料其實好簡單，有餐肉，炒蛋，芝士，生菜，吞拿魚沙律。 點解個包旁邊有張廚房紙呢?是關老闆同我互相誤會咗我叫咗外賣，所以用咗兩張廚房紙包著，同埋本身應該係切成三角形嘅，但是但啦。 麵包原來係麥包黎嘅。兩片嘅size 都非常之厚，兩塊加埋仲厚過西多士。多士並有再牛油烘過。麵包好重麥香，牛油味亦都突出。口感偏實，但可惜皮有少少硬，有D難咬，建議可以切薄D。 炒蛋炒得幾好，仲少少蛋汁，調味亦都調中。入面有D黑芝麻，黑芝麻嘅香氣非常突出，添加咗層口感，估唔到黑芝麻同蛋係咁搭嘅。 午餐肉，味道大家都知啦唔多講啦，有輕微烘過。芝士應該係mozzarella 黎嘅，不過就未夠

武漢肺炎爆咗咁耐, 我都冇乜出過去食早餐.... 今次有街坊FRIEND 話食早餐, 我梗係OK啦~ 即刻起身出去食嘢～ 俾咗幾間佢揀, 佢揀咗幸福單品, 我地之前都食過, 但係都有一排冇嚟喇, 所以一提到呢間, 大家都二話不說, 就呢間~我地響MENU 睇嚟睇去, 響真。幸福三文治 & 超。幸福三文治 兩款度揀， 究竟要真幸福定超幸福好呢?! 真係好難揀..... 我地最後都係要咗超幸福, 哈哈~ 一如以往, 佢既三文治大大份, 一定要SHARE, 自己一個真係唔會食得晒, 其實佢D 料我地平時都食, 但係唔知點解響呢度食, 真係有幸福既感覺, 可能好多好平凡既嘢, 加加埋埋就已經好幸福, 唔駛要D 乜特別嘢, 平凡是福, 知足常樂~ 估唔到呢個早餐可以帶出呢個人生大道理.... 哈哈哈~仲有佢既大大杯柚子蜜, 仲有冰滴咖啡, 真係一個好愉快, 舒服既早餐....仲好飽添... 呢間小店真係好有誠意去用心經營, 經過真係要多D 幫襯呀~

朋友話上次去咗間咖啡店都唔錯，仲有少女咖啡㖭！我好奇問佢少女咖啡店？佢話跟佢嚟就知㗎喇！心諗唔通係成間舖都粉色調嘅少女咖啡店？去到門口發現，其實只係一間好平實嘅咖啡小店，座位唔多好彩有枱。一坐低店主叫我哋自己寫單交比佢。 睇完menu 無論揀咩，都好似提醒你，現在已經好幸福了！因為好多食物嘅名字都係xx幸福，既然係咁就叫返個真幸福三文治。一上枱，忍唔住嘩一聲！咁大件嘅！即叫即整，真係好幸福凍海鹽焦糖拿鐵，朋友叫咗杯少女咖啡，佢話ok! 其實整體都唔錯，只係上菜速度比較慢，唔通幸福係要慢慢等待嘅？！不過店舖氣氛悠閑，你可以慢慢享受幸福

西營盤小店，去過好多次，亦都會繼續幫襯：）入面好細，大約只得5、6張枱，週末去都需要等一陣位，食物以輕食為主，有三文治同公仔麵等..鋪頭主打精品咖啡！！小店咖啡選擇比一般cafe多好多，唔同產地嘅咖啡豆都有，而且都會清楚寫明咖啡嘅風味，俾客人可以揀到自己鍾意飲嘅咖啡！小店嘅落單方法比較特別，係將自己想食嘅嘢寫低喺紙仔到，再交俾老闆娘！老闆娘都好nice: ) !!每次去都會試下唔同地方嘅咖啡豆，既使去咗好多次，但仲未試曬鋪頭入面嘅豆，因為實在太多選擇👍🏼🍴三文治好岀色🥪每次去都會叫牛油果炒蛋芝士三文治三文治好太份，烘底 食落超級香脆，炒蛋炒得好滑加埋牛油果同埋芝士真係好好食，食一份三文治加杯手沖咖啡，真係又飽又滿足！🍴餐肉太陽蛋公仔麵往往最簡單嘅嘢亦都係最難做得好，太陽蛋燶邊、餐肉都煎得啱啱啱，好香口，真係要試下！🍴瑞士雞翼亦都好入味！整體性價比好高，食物同咖啡都好岀色，再加上人情味，呢啲小店真係要支持！

新界人去港島區，要睇定地圖搵食。由於去西營盤睇花展，於是搵下附近有咩咖啡小店。小店在港鐵站C1出口，熟路兩三分鐘就到，但吾熟既要開google Map都算易搵到。小店老闆娘好友善，好多推介。先問我食吾食三文治，比左個餐牌我，睇到個三文治個名，超幸福三文治，幸福三文治，真幸福三文治，個名未食都幸福落單既時候只要講我地幸福幾治療。點左幸福三文治（$40）同雲南咖啡（$35），三文治超大份量，用上厚身麵包🥯，烘左底，超香脆又有咬口，幸福餡料係炒蛋，午餐肉及芝士，材料看似普通，但絕不絕不馬虎，首先炒蛋炒得香滑，老闆娘加左黑芝麻去炒，吾喜酒黑芝麻可以加香草，薑蓉等選擇。至於餐肉就抵食夾大件咁厚切比你，最緊要又係煎到香脆。上枱時所用材料仍熱辣辣咁。至於雲南豆仍是小店十大之一，咖啡好香，我沒要要求加奶（可要求）或甚至自選豆去沖latte或cappuccino 。但即要試豆味，當然用最簡單既方法，齋啡。咖啡非常之香，未飲聞到都好精神，第一口時有微微苦味，之後再飲就有點點酸味，整體咖啡味係適中易入口，正如介紹一樣濃而不苦，香而不烈！想找幸福既朋友可以黎呢度