幸福密語 (非門市) 新店位置

去年11月見網購熱帶風情蛋糕 - 連免費生日牌，網購價 1磅只售$138(標準價 $208)，於是買了一張留待今年1月使用，計算好時間放學後可以在旺角或觀塘取蛋糕我都很方便，怎料用WhatsApp訂蛋糕的時候兩個取餅地方都不能使用，（網購價不設送貨）只好專程去到佐敦取蛋糕。到達蛋糕店鋪看見售貨員一直忙於電話訂單的應對，等待片刻有位可能是內部員工幫我取蛋糕，竟然取錯別的客人已包裝好蛋糕，幸好我即時更正，原來我的蛋糕尚在飾櫃。這位員工幫我綁蛋糕盒上的蝴蝶結，讓我看儍了眼，不過，不是送給朋友，自家人享用就算了吧。熱帶風情蛋糕一次兩種口味，舖滿白朱古力，內涵有少許榴蓮味，幸好是少許，因為家人不愛榴蓮，而我訂購時也看漏了，但大家都接受到這許榴蓮味蛋糕，另一款是芒果蛋糕，是大家都喜愛的味道。值得一讚是無蠋淚生日蠟蠋和五隻實實淨淨的小方形紙碟，好使好用！到今天團購依然做緊，但取蛋糕地點未改，是店鋪待客不足之處，店鋪是否可應該做得更好呢？！

11月中時幫公司party訂蛋糕，本身想買食過幾次既kazuXX bakery，但佢咁岩休業幾日，搵下搵下揀左Bliss Bakery - 完 全 錯 誤 既 決 定!!!! 訂嗰日有優惠，凡購買兩磅以上蛋糕送一磅四重奏。我先訂左三磅栗子蛋糕，四重奏可以後攞。整個訂購過程一波三折，店舖內部溝通極混亂😡1. Bakery喺觀塘，大部分市區都會送貨。我要求送蛋糕到九龍灣某商業大廈，咁近諗住一定ok啦，點知staff打比我話「司機唔知喺邊所以唔送」。下，佢唔識search下？好，唔緊要，幫佢google map埋whatsapp個地圖比佢睇。然後staff仍然話司機唔知可以喺邊停車，要求我喺另一個位置交收。事實係大廈門口已有停車位，我真係唔明佢唔明啲乜。幾經交涉，佢地終於同意喺我寫既地址交收🌚2. 同該男職員喺電話討論交收問題其間，佢竟然話佢地夠鐘收工，請我第二日再打黎😑 係我打去，唔係佢地聯絡番我！好似我求佢比個cake比我咁，厲害👏🏻👏🏻3. Payment只可經中銀或南洋過數，confirm order後唔係成日經過依兩間bank既我，打左兩次電話send埋whatsapp三催四請下先

(我奶哂野希望大家要小心)我喺Google search到呢間蛋糕店，見到佢做緊特價又聲稱免費送貨 所以就諗住買個一磅蛋糕試吓。點知落左訂之後第2日有個蛋糕店嘅女人打俾我，話我個地區要收$150運費佢哋個官網只列明某D地區要比運費我好清楚我唔係屬於嗰啲地區，個女人話我個地區係屬於半山😕???要比$150運費,    我住嗰度係大學站係屬於沙田區，喺火車站隔離咋喎，咁都當係半山？我話一係我落火車站攞個蛋糕，但個女人就明顯態度差左同好寸咁解釋 個蛋糕做緊優惠唔做免費送貨 一輪嘴話點都要收運費就收左線。之後更收到whatsapp話1磅蛋糕唔會免費送貨，要補返個差價$150, 另外再加$100送貨費。 我真係呆左，頭先電話上只提及過$150運費又無提及過個差價，我問詳細啲已經唔耐煩 原本諗住打返去講 但佢又好寸 所以只好msg覆(我已經好亂，1時因地區問題話收我$100運費，1時又話收$150, 咁究竟我地區係屬於邊到) 依加啲額外收費加加埋埋咪貴過原價好多倍?!😦當我傻架？個官網完全冇提過特價蛋糕唔做免費送貨，而且我都睇過呢度嘅評論見到人哋都係訂一磅蛋糕免費送貨我先落訂。我覺得過份左，個女人

某天胡亂地在看yahoo團購，突然雙眼發亮的發現好西~~~這店有多款的蛋糕，心思混亂下看見有四重奏蛋糕(團購價$138)，簡直就是一次過滿足了四個願望，煩惱去去走！四重奏是包括了: 鮮忌廉榴蓮、芒果慕斯、黑森林 和 Tiramisu，每種口味都是不偏不倚的方形大小，一個人至少能吃掉每款一半吧~鮮忌廉榴蓮 – 榴蓮味十分濃，但不會被忌廉蓋過，而且榴蓮味會都久久不散，絕對是榴蓮愛好者不得不試，另外會建議這款放到最後才食，否則就不能細味其他款式芒果慕斯 – 雖然11月份不是芒果當做的季節，但芒果粒還是甜的，慕斯很滑可是有點滯膩的感覺，很容易就提肚皮撐滿喔~黑森林 – 個人認為4款中較失色的，是很經典的款式，但過失突出了當中的酸櫻桃(或是紅莓?) ，若是給小朋友的話可能就沒有那麼受歡迎了Tiramisu - 另一款經典蛋糕，海綿蛋糕的部分把咖啡酒吸收得很充足，不會吸收過多導致塌下來，頂層裝飾的可可粉也沒有放過多以致很多苦澀味，相對是較出色是次團購所以要親自到店內自取(有觀塘或尖沙嘴)，當然有需要的話是可以加錢要求送貨啦~ 不過要注意自取時間，那天店鋪很不幸要等我這隻遲到的羔羊，幸好店員都很好人

朋友買來的生日蛋糕，可以要求送上門，但為安全有蛋糕食，辛苦少少佢地自己去拎😉今次試下芒果拼榴連，2磅，2百幾蚊，都算抵食打開包裝盒，淡淡榴連味搶先攻鼻！而且整個包裝、蛋糕外貌都見有心思，讚👍🏻👍🏻好啦，食落口...個人比較喜歡榴連蛋糕，因為有香味之餘，雖然唔多榴連肉，而且榴連味唔重，但食嘅同時又聞到淡淡榴連味，幾特別。蛋糕軟綿綿，d cream幼滑，唔甜膩，正。反之，芒果蛋糕不似預期😓可能季節問題，芒果肉完全無香味、無甜味。蛋糕底唯一可讚係唔甜，但整個芒果蛋糕好一般。

見朋友推介，醒起買生日蛋糕就搵幸福密語😬😬芒果+榴連，兩者各有捧場客，於是揀它啦☺️包裝很周到，挽手帶很長，而且是黏著蛋糕盒的，貼心設計！一開盒就「飄來榴連之香」，陣陣榴連味，好勁。榴連味蛋糕👍🏻👍🏻👍🏻👍🏻榴連蛋糕出色，淡淡的榴連味道，做蛋糕很match👍🏻👍🏻唔會太甜、或漏，食下食下會不自覺食一大件。芒果味蛋糕🙅🏼🙅🏼🙅🏼🙅🏼芒果蛋糕就相對失色，一：現在不是芒果當造季節，蛋糕沒丁點芒果香味：二：不是芒果旺季，芒果蛋糕的芒果睇就很深色、好像好熟好甜的樣子，食卻一點味道也沒有，不甜不酸，奇奇怪怪的。總結：芒果蛋糕可以不試。

今日約左朋友小聚 !! 上人地屋企梗係唔可以兩手 fing fing 啦 !! 有小朋友 買 cake 就最岩喇 !! 本來想話係 MTR 買個美心算 !! 咁岩係面書睇到佢可以訂蛋糕送貨 !! 一於訂佢啦 (本來一磅係 $208 但有優惠減 $50 仲送貨 !! 唔係唔訂呀嘛 !! 其實係我驚自己收工冇蛋糕買 !! 哈哈哈 ~~)佢地個 SERVICES 都幾好 !! 我付 PAYPAL 既 !! 真係冇時間去銀行 !! 仲可以即刻付到款 ~~ 正呀 !! 我地送個地點難搵 !! 佢地都幾好 !! 真係送到係樓下架 !!收到蛋糕其實都幾驚喜 !! 入面有紙碟 / 叉 / 刀 / 生日卡 / 濕紙巾 !! 都真係好貼心 !!個蛋糕好足料下 !! 芒果勁多 !! 中間 Mousse 應該係新鮮芒果打 !! 好重味同見到芒果既纖維 !! 個朱古力牌仲可以寫字 ~~ 唔錯 !! 下次要 Encore ~~ 試下榴槤 !! 哈哈哈 ~~

早於中秋節假期前2天透過網上訂四層奏蛋糕, 本諗住安安樂樂在家中等蛋糕來便開始生日PARTY.....點知, 運輸司機電來話唔熟悉路, 又講不能停泊車, 不能送上門, 要我到附近自己提貨,還要我立即取...因家中有BB和小朋友, 家人要急急幫手....那麼相比我自行買蛋糕服務還要差!!! 不想和運輸爭辨, 假期後, 致電該公司查詢當天沒有提供送上門服務一事, 一位姓余女職員, 態度不禮貌, 表示要客人提出, 他們才知實況, 也沒有誠懇致歉, 本人表示這和我當初決定訂該公司的意願有違, 該公司沒有屐行服務, 但女職員不停:吓...吓.... 最後話向公司查詢才回覆, 但收聲連基本禮貌BYE BYE也沒有講....坦白蛋糕味道普通, 但特色在於4款不同蛋糕可一次享受和分量合宜, 且提供紙碟, 刀叉及生日咭較方便...但態度和沒有屐行送貨服務...本人極失望...如果要受這樣服務態度, 不會有下次了, 怕怕!    

簡單黎講,遲到一粒鐘,打去客服話免費,司機到左唔肯放低,我話你客服叫你聽電話,佢拎埋蛋糕掉頭走,轉頭又打返黎鬧我,話我唔撈架喇,蛋糕一定唔會送; 打去客服又話搵唔到司機遲D再覆@@唔知想點..唉!

簡單啲講，訂咗無送嚟!過咗送貨時間，千方百計又電話又whatsapp又facebook messager，半個鐘先覆。推卸責任，聲稱當天下午曾經打電話俾我但我無接所以無送嚟，提供唔到來電話記錄作為証據，話一日打四十幾個電話唔會record咁話，又唔識留言又唔whatsapp，好似活喺50年代咁。網頁所講嘅遲到一分鐘減一蚊遲到半個鐘免費係會兌現嘅，等你開完生日會先話送嚟。但送貨司機又話免費嘅單係唔會送! 小小公司架構異常複雜，又司機又生產又客戶服務，搞咗我兩粒鐘仲打嚟要我由頭到尾交代一次，人哋講明開緊生日會搞咗兩粒鐘都仲唔放過我，好似欠咗佢哋咁，明明一切對話已經喺哂facebook messager仲要我講？!唔係話送返個免費嚟就彌補到，開完生日會個生日蛋糕仲有咩用？做生意誠信好緊要。

繼續分享本年妹妹第一個生日蛋糕：多謝啟明媽咪的甜蜜心意，在妹妹的（幼適班）開學日送來 Bliss Bakery 的蛋糕，非常驚喜！ 蛋糕十分有趣，由芒果慕絲、黑森林、意大利芝士餅及榴槤蛋糕組成，大家可以各取所愛，媽媽就最喜歡黑森林及榴槤蛋糕，兩款都夠濕潤又足料！又附上蠟燭、刀、碟及叉很方便。 嫲嫲翌日一早就要回鄉，不能在正日與妹妹慶祝；收到蛋糕後，媽媽就急call她與爺爺過來一起預慶妹妹生日，留下甜蜜回憶了～妹妹真的大個女、乖巧了不少，自己吹完蠟燭又讓哥哥吹；可知除了身體健康，媽媽最希望就是兩兄妹要繼續相親相愛，互相照顧～

🎂四重奏蛋糕 $208一磅係屋企Un Un 腳有蛋糕食😋上網訂個蛋糕就可以送到你屋企門口😳（要早5小時order啊)岩晒我尼d懶人，如果想比驚喜人都可以諗下喎，無啦啦開門有蛋糕收，一定估你唔到，夠晒驚喜😂😳而且價錢仲唔貴添，同大牌子既蛋糕差唔多。今次試下尼個四重奏蛋糕先☺️賣點係可以一次過試幾款口味啊😍唔洗獨孤一尾咁try～🍫朱古力蛋糕，傻傻分不清尼個係黑森林蛋糕定朱古力蛋糕，蛋糕非常鬆軟😍朱古力蛋糕上再加左d朱古力碎～蛋糕唔會太甜，中間加左d櫻桃同啫哩，幾唔錯🌝☕️Tiramisu，提拉米蘇蛋糕，cream既比例比蛋糕多啊，蛋糕部分有兩層。食落有啖啖咖啡味，唔算甜😈蛋糕係比較挺身既，同唔係濕果種tiramisu，👦話好食啊🍋芒果蛋糕，面頭有新鮮粒粒芒果肉，而尼一件蛋糕既外層係芒果慕絲包住海綿蛋糕，芒果慕絲食落又幾似布甸，傻傻分不清😂整體芒果唔酸都幾甜，內外都做得幾襯😋🎂成件白雪雪既蛋糕唔講一定估唔到係咩黎😛就係臭臭果蛋糕啦😋平時都小食榴槤既甜品，覺得榴槤係要就咁食🌝尼件蛋糕真係好驚喜啊😍首先佢係唔會有味（唔係個個嗅得佢個味）食落去又真係有榴槤香😍雖然榴槤味唔係超勁，但已經足夠lu，而口感

芒果配榴槤蛋糕 $208(一磅)當我既兩個至愛夾埋一齊，睇見都瘋狂。依排番工忙到癲，真係夜晚得閒都已經9點幾，美心東海堂都閂晒門。估吾到原來可以訂蛋糕送上門，毒女表示好幸福啊個盒仲靚一靚添。可以一個蛋糕有兩種味，甚至四重奏都得，真係選擇困難症人士既我既恩物蛋糕甜度岩岩好，食完吾會甜野野。而我覺得榴槤個邊好味散發既榴槤味吾算勁濃烈，但食落的確幾香。榴槤肉滲透左係中間啲cream到，雖然吾係好多，但足夠止我條癮。芒果個邊係慕絲布甸既feel，qq的，但因為蛋糕晏就送到屋企，我地夜晚先開始食所以芒果個啲就有少少出水，不過吾影響。整體都好滿意，因為依個價錢，係美心東海堂個啲一磅蛋糕都甘上下啦。依家仲附送埋送貨服務，連帶既餐具刀碟濕巾紙全部齊全，岩晒開party用，吾怕無叉用，吾洗去7仔真係懶蟲攻略，party必備！

芒果非常新鮮，慕斯不錯；榴蓮味道很給力，帶給我和家人驚喜，非常滿意的壹款混搭式蛋糕，值得推薦！幸福密語的蛋糕我已經買了幾個送人了，網上定蛋糕5個小時內就可以送到，配送挺快的，而且味道很不錯，服務也不錯，超抵食

老姐過生日買的幸福西餅四重奏蛋糕，蛋糕很美味，很難忘的壹次經歷。四重奏非常好吃！因為榴蓮味道很重，所以，建議先吃芒果的，然後吃黑森林，提拉米蘇，最後吃榴蓮口味的，口味由酸而甜，甜味由淺而深，妙不可言