度小月 (V Walk) (已結業)

首先見到係台灣菜幾吸引 而且朋友話聽講都幾好味所以走入去試 一行8人連小朋友 一共叫了16碟菜 預計到應該都唔大份因為價錢不算是很貴 但沒有想到真的係超細一份！食到一半朋友已經商量到另一間餐廳食多次晚餐！入座時被告知有一個半小時用餐時間 但食了未夠一小時 店員已經攞張單埋黎叫埋單 當時仲心唸咁快一個半小時 埋單後才發現只坐了40分鐘！！我們仲有很多小食未食完 但店員不斷在你面前行黎行去執走我們的碗碟 連隻杯都不留低給你飲啖水！後來發現他們不斷去其他檯叫客人埋單 但其他客人有拒絕因為根本未食完！非常反感這樣趕客的行為！講返味道 三杯雞不是正宗的三杯雞味 可以說不夠味 重點是沒有多少雞肉可以食到 因為青椒紅椒多過雞！其他菜式亦沒有任何特色！不會推介亦不會再去第二次 因為不想食個飯都被人趕

南昌站上蓋開咗新商場，去襯熱鬧之餘順便食埋飯，老公見到度小月就話一定要食，反正又未試過，咁就去啦簡單嘅裝修，一啲都唔花巧，到食物喇，我地叫咗擔仔麵，魯肉飯，特滷大腸，蚵仔酥吅三杯雞煲擔仔麵我老公一啖就食晒，不過，唔食芫茜嘅佢都話個麵嘅芫茜味都ok，魯肉飯個份量都算正常，味道都唔錯小食方面，特滷大腸無乜特別，但係都入味蚵仔酥就真係有啲失色喇，雖然係新鮮炸起，但係無味嘅最好色就係個三杯雞煲，麻香同少少嘅辣味加埋好好味，睇佢煲偉細細，份量都唔少㗎

度小月係每次去台灣必去既地方，最鍾意食滷肉飯、炸大腸同埋炸蝦 之前已經知尖沙咀銅鑼灣都開左，但聽朋友既意見話偏咸；再加上懶惰既我住葵芳，變相無乜推動力支持我去 🤪知道南昌有開，只係搭兩個站就到既話，所以琴日就動身去試試同台灣有咩唔同 🥳一坐低，見到地下有點dirty (有些食物殘渣、飲管膠袋).... anyway, 我地叫左：1/ 兩個滷肉飯 （我一個、babe一個）2/ 一粒貢丸3/ 滷豆腐4/ 炸大腸5/ 炸蝦價錢當然唔可以同台灣相比，始終香港租金咁貴。或者係原材料都唔同既關係，味道都還是差一點點點... 😵😵1/ 兩個滷肉飯 = 飯太多；雖然滷肉的份量仍何沾滿整碗飯，但就帶不出每啖飯應有的滷肉重味2/ 一粒貢丸 = 比起台灣size細了，亦沒那麼入味juicy 3/ 滷豆腐 = 尚可4/ 炸大腸 = 不是很脆口5/ 炸蝦 = 很油，不是很脆口之餘肉質亦有點鬆散埋單二百鬆啲其實還可接受，我很喜歡滷肉飯，所以還會去幫襯；只係未必會再食炸蝦 🧐🧐

週末日，同三五知己去咗南昌新開嘅V Walk行街食嘢。V Walk起碼超過有30間美食，喺2樓中庭嘅位置轉過彎，見到度小月，梗係一定要入去試吓啦！我哋點咗酥脆的鹽酥雞、蚵仔酥、芙蓉炸豆腐、祖傳肉操飯，仲有台灣先有得食嘅櫻花蝦炒高麗菜，這個傳統嘅做法，真係好好味，能夠保持高麗菜甜甜的味道，配上櫻花蝦淡淡的香味，真係絕配。見到隔離枱食擔仔米粉都好想叫，不過實在是太飽啦，下次先。商場好多嘢買，仲有戲院，真係一個不錯嘅選擇。

位於南昌站上蓋的 V Walk 商場 7月26日開幕正在我的屋苑附近，我又多一個搵食新地方啦～～～ Yeah!!!打頭炮，今日就先試試台灣的過江龍「度小月擔仔麵」先！！主要原因係佢地在新張期內(26/7/2019 to 10/08/2019 ）有全單八折的優惠。店內座位不多(大約可坐50人左右)，再加上又「新X坑」、今日又係星期日，好多人等位，我們都等了接近40分鐘先有位。睇睇Menu，食物價錢都不算貴（但飲品相對較貴)～～～～食物來了，第一樣當然要試這兒的首本名菜「擔仔麵」「擔仔麵」價錢唔貴 HK$28, 但份量係非常細，5啖之內就食可整碗食完。雖然蝦是凍的，但味道真的相當不錯，湯有輕輕的煙薰味，同台式湯底的木魚味，麵亦彈牙，好味！！來碗台式「祖傳肉燥飯」同樣是細細碗，味道都唔錯的但我覺得肉同飯的比例配合失色，飯太較多了；把肉燥撈佐入飯之後，肉燥的味唔多出。口㾗㾗，試D高膽固醇食物「炸脆皮大腸」份量不少，味道都OK只是食完好有「罪疚感」「滷紹興香腸」這個有少少驚喜，想不到生蒜片跟台式香腸食，味道郤那麼夾，好味！！最後中伏點了這個V Walk 獨家的「沙茶魷魚羹」因為之前在台灣喝過的魷

我地一家大小都鐘意食香口野!所以台灣野真係好岩我地胃口!新開呢間有樣好, 就係可以用佢地商場既手機app黎拎定位先!所以黎到睇左一陣好快就有位喇~~因為家中有大有細, 所以拎定位先可以方便我地預好d時間出門口好, 都係講返餐dinner先今次只係得4個人食~叫左6樣野!坐底叫左個 羹暖下個胃先!咸咸地好台灣FEEL好唔錯~~為左食香口野, 所以我地都點左兩道健康D既野~1. 和風秋葵2. 櫻花蝦高麗菜近年香港愈黎愈多人食秋葵貪佢夠健康~~櫻花蝦高麗菜又係特別既配搭~其實睇名都已經知道會好食!食台灣野又點少得 <肉燥飯> 呢!每次食飯都一定要有少少飯/麵落肚先滿足家嘛~一開始已經講緊香口野, 又點少得炸野呢!!柯仔酥 - 每次食台灣野都係必點之一唔知點解, 可能係對台灣既情義結啦\鹽酥雞 - 其實呢味都係台灣野必點之二真係太signature了!新開, 上菜都我地想像中順暢唔錯!遲d再encore~~