康城酒樓

营业中

休息中

同家人去茶樓飲茶 啲枱又唔執 又唔幫人開位沖茶 不知所謂 最離譜就係 落咗點餐紙冇人理會 個個好似返學咁 舉手答問題 啲夥記先理會 加上佢哋啲態度真係非常好禮貌 好似得罪咗佢哋咁 去其他茶樓仲舒服 有一次同家人去飲茶 家人好客氣地叫佢幫我哋沖茶 佢竟然可以叫我哋自己沖啦唔得閒招呼呀 呢啲呢間茶樓啲夥記咁係呢啲叫 叫做禮貌 如果唔係家人鍾意嚟呢度飲茶畀我有 人八人帶抬橋我都唔會嚟呢間咁嘅僕街茶樓 簡直離曬大譜嘢食又貴 我尋晚食咗個 如果有得畀我咁我真係想去其他茶樓唔再嚟呢一間嘢

呢間康城酒樓食物同服務都差到極點，因為有家中嘅長者嘅原因，所以焗住要喺呢度食。腸粉好似啲爛泥咁樣，擺到入口根本吞唔落，啜住喺喉嚨嗰度，鯪魚球硬到好似哥爾夫球咁，煎釀三寶翻煎翻煎再翻煎，牛肚鹹到腎衰竭，山竹牛肉嗰啲牛肉好似畀狗偷食過咁樣，鴨腳扎好似啲二手回收點心咁樣，隻鴨腳畀人咬咗半隻？總之啲點心樣又唔得味道又唔掂！服務態度仲搞笑，全部夥記都好似阿崩叫狗咁越叫越走，喺你面前行過都唔幫你開 點心卡同沖茶，全部都時運高咁，各位夥記門最熱充嘅就係同啲熟客師奶打牙骹。環境又係好得意㗎，遇著落雨就會天花板漏水，最好就擔住把遮嚟食嘢啦。

昨晚揸車路過博康邨 , 一時興起,走入去試試這間街坊酒樓。兩個人叫了一個例湯 , 兩個小菜 , 味道普普通通啦 ! 埋單差不多400蚊! 但有個白色恤衫黑色褲的40歲女人伙計 ,態度就十分十分差劣, 十叫九不應 , 又用力掟放碗碟 , 我地埋完單未起身 , 佢就收嘢換枱布, 分明要趕客! 今次食飯,貼錢買難受, 下次搵鬼去啦!

今日下午同同事到沙田圍康城酒樓食午餐，可能早去，好易揾到位。我地叫左咸菜豬肚湯跟飯、鲜蝦菜苗餃、蝦餃皇、四寶滑雞扎、金蒜灼芥蘭、红油抄手等。咸菜豬肚湯好飲，有好重的胡椒豬肚味，可以用來撈飯。鲜蝦菜苗餃和蝦餃皇的蝦都好大隻，很不錯。四寶滑雞扎只是一般，麻麻地。我地要食多D菜，灼芥蘭就好啱我地。红油抄手不夠辣，味道不夠，只是普通。這間酒樓的服務只是一般，我地要自己動手取公筷公匙，如果叫佢地拎，要等好耐先會有。

在大圍行完山，落到博康，見到有間酒樓，水滾茶靚，阿姐阿叔好熱情，我們要了很多點心，有灌湯餃, 迷你糯米雞, 蘿蔔絲春卷等， 灌湯餃配上醋，滿滿都是肉汁的鮮香味，糯米雞小小的，幾口就吃完，味道幾好，蘿蔔絲春捲，炸得很香脆，裡面的蘿蔔絲包的滿滿的。可能因為運動了的關係吧！覺得這酒樓的東西特別好吃。

阿爸話一日新冠肺炎疫苗未發明得到都盡量留喺屋企食嘢，今朝去咗呢度買外賣點心食，叫了四個點心兩個人食👇1. 鮮蝦腸粉 $25- 用的蝦跟各大超市買的急凍蝦仁一樣沒有蝦味而一味好爽口彈牙，早排食都唔係咁，嗰陣時係用嗰啲蝦熟咗依然有少少凹凹凸凸唔會形狀咁完美，鮮美很多的。2. 四寶雞紥 $22- 依舊咁好味3. 蝦子燒賣 $22- 依舊咁好味4. 時菜鯪魚球 $19- 其實係用腐皮代替蔬菜，不過都好好味埋單$88， 每位消費$44不過由於新冠肺炎疫情影響晚市生意不夠，酒樓暫停晚市直至另行通知，好在酒樓跟平時一樣開很早及營業至下午4:30，方便人間隨時想食點心、炒粉麵飯和小菜的客人。

呢排真係唔知食咩，出親街都諗唔到食啲咩，朋友介紹酒樓做推廣咁就入去試吓啦。酒樓其實來來去去晚飯都係食嗰啲嘢對我來講，不過見到天氣熱飲過冬瓜盅都唔錯嘅選擇叫做開胃啲囉。個冬瓜盅一想到枱都覺得幾吸引。基本上其實我哋兩個人帶三個餸都已經好夠，仲要不起個湯見到佢都唔係揸流攤。基本上$98元1個盅你計佢算係唔錯，飲落去都唔算太多味精，最主要係想食啲冬瓜消下暑。呢個雞食落去都算唔錯，個皮又夠脆又夠薄，個雞肉正正常常。至於我仲叫咗個白灼蝦，因為就冇乜太大特別，不過佢都尚算新鮮，所以我依度都唔多介紹啦食完飯有甜品送。兩個人食過晚飯二百零蚊都可以接受嘅倚呢個質素來講。

平時都會過嚟飲下茶，今次食呢個套餐就感覺有啲出咗事，其他點心唔多講，我今日想講下呢個套餐。我平時夜晚都會叫小菜食下豆豉鯪魚炒油麥菜，不過呢個豆豉鯪魚炒油麥菜食落就啲菜比較老，同埋個豆豉鯪魚唔係好入味，真係好一般般。至於呢個雪菜火鴨絲炆米，個火鴨食落去只係好似得少少火鴨皮，食唔到有火鴨肉。食落去冇乜鑊氣，不過不失，不過如果比我再嗌就唔會叫呢個。個砂礓雞腳一上枱，我見到好似隔咗野咁嘅樣，直情食都冇食。我朋友食過完全好硬骨骨。至於個蝦餃就同平時一樣不過不失，不過因為之前食咗個幾樣小菜，印象都唔係咁好，所以影響咗我食呢個蝦餃既心情。至於個灌湯餃，燒賣，同埋牛肉，都同平時點三一樣正正常常，咁我就唔多介紹啦。不過博康酒樓佢嘅牛肉球就真係冇得輸嘅。

唔好睇小呢間喺老牌屋邨入面嘅街坊酒樓，其實佢哋成日都客滿。本邨嘅人其實都知道佢地禾桿蓋珍珠，雖然環境就係一般，但食物質素有驚喜，用料紮實、新鮮，味道好，但價錢平實，所以過時過節屋企人都會考慮喺度聚餐。今晚在下請食飯，承蒙大家賞面赴宴。要個全包宴，預先訂咗有優惠。最正嘅係炸海皇卷，仲有瑤柱扒生菜。碟碟份量都好大，大家都食得好開心，我哋未食到尾二三味嘅菜式已經開始食唔晒，最後都要打包。包酒水，咁多嘢都係3000幾蚊，非常抵食。所以，難怪佢地成日都座無虛席。

今日下午2:15要出發去一個酒會，嚟咗呢度買咗點心午餐返屋企同爸爸撐枱腳：1. 雞絲粉包 - 總共兩大件，其實是大件的雞絲粉卷，味道很好，餡料足夠，粉皮再滑啲仲好。2. 鮮蝦腸粉 - 阿爸不嬲鍾意食呢間酒樓嘅鮮蝦腸粉3. 白灼通菜加腐乳汁 - 喺博康邨嘅粉面檔同埋茶餐廳都冇通菜食，唯有喺呢度食啦！爸爸話通菜係抽筋菜所以佢唔食，出街偷食先有得食，灼通菜的油很少，反而腐乳汁有啲油浸住要泌走。全部加埋$63！每人$31.5，抵！而且好飽！

爸爸order了我去博康邨商場的康城酒樓買鹹魚肉餅煲仔飯做今日冬至的午餐，我原先覺得乸西左啲，點知今日整得特別好食（平時都好食），有兩件鹹魚（一件是腩、一件是尾，一睇就知條魚係細的，但係由於是鹹的，呢個size夠晒！），嗰塊有馬蹄嘅肉餅大到不得了！啲飯粒粒分明，軟硬適中！總共有兩大碗飯，居然是港幣$28！即是每人花了$14就可以食到這個好味的午餐！希望老闆會保持以後的水準！後邊果條車路入咗閘半小時之內出來的話不收費，真係啱晒啲要買外賣去好遠嘅人。

今早同阿媽去試下屋村的酒樓，飲個早茶，但我覺得對於屋村酒樓黎講，早茶價錢都算貴，環境就麻麻地（冷氣不夠凍），但食物質素都尚算ok。早茶好彩有孖寶套餐選擇，但我哋食左3碟野都要$80，較其實酒樓貴。

作為屋邨酒樓食物質素算係咁，不過每次黎既經驗都覺得酒樓唔夠人手幫你執台、點菜、湛茶。今朝實在極唔滿意，前後叫兩個伙記幫手執張台，一個推搪話要派手上午市特價紙，另一個明明係我地叫先，點知跟住話走去同人落點心，根本唔想執台，懶到死。成間酒樓就得呢兩個人，其他有啲係間茶房搞好耐都唔出黎。嬲嬲地走了，唔再黎！

今日午飯費事煮，聽人講隔離邨酒樓幾好，一於過隔離邨酒樓尋食一睇餐牌見到有個午市特惠自選餐，包括有：自選4款點心、粉麵飯自選1款、小食1款和炒時菜1款，都係$188，三個人夠食，唔使再選，就叫呢個另外見到大酬賓，花膠灌湯餃每盎$8.8，一於每人一盎燒腩仔，皮脆可口，半肥瘦適中流沙奶皇包，包皮鬆軟，奶皇唔太甜，味道得而醬汁蒸鳳爪，鳳爪肉厚，味道嘢味時菜鯪魚球，鯪魚肉唔好可以話好滑，但咬落都彈牙蟹籽燒賣王，啖啖肉，肥瘦均匀豆豉鯪魚油麥菜，好大碟，豆豉鯪魚唔夠多，不過碟菜好嘢味瑤柱蛋白炒飯，味道鹹甜適中，需然瑤柱唔多，但蛋白和菜心粒好多，而且飯炒得好乾身花膠灌湯餃，真係有一片花膠咬落都幾淋滑，其他餡料就係普通灌湯餃既料，食落味道幾清幾好味今餐既食物需然唔算係最好食，但二佰幾蚊食到飽飽，已經好滿足

逢星期日所有外賣點心每款加$2/客, 以下是原價:-(1) 义燒腸 - very good, 好有鮮肉味的义燒, 腸粉唔錯(雖然冇麗豪酒店富豪軒咁頂級) $10/3大條(2) 雞扎 - very good, 用腐皮包, 有火腿 + 粟米仔 + 滑雞件(好大件) + 魚肚(好大件) $15(3) 鹹蔣礃 - very good, 食完個口好有莞茜香味, 剪成角上 $10(4) 蝦餃 - 好味, 一客有5粒 $17(5) 煎腸粉 - 好大碟, 好夠熱, 要自已混醬調味, 好 $10(6) 馬啼牛肉腸 - good, 冇义燒腸咁好味 $10(7) 羅漢齋腸 - 唔好味, 不如改賣羅漢齋粉包啦 $10(8) 鴨腳扎 - 冇雞扎咁好味, 隻鴨腳細左d $15(9) 時菜鯪魚球 - 嘩! 正! $10(10) 雞包仔 - no good! 個皮痴牙, 個餡肉唔係用刀剢, 唔夠趙口, 薑汁味要多少少 $10(11) 灌湯餃 - 好一般$17(12) 炒米炒 - 一時好好, 一時ok, 因為有時會好多料, 不過夠熱及少油$10(13) 珍珠雞 - 唔錯, 一客2件, 包裝整潔 $10 整體來說, 我喜